家賀屋刺身寿司專門店 (已搬遷) 新店位置

日本菜是我們午餐的一個經常性選擇, 酒店的日本菜館跟獨立的日本菜館都會去, 主要都是中環, 灣仔跟銅鑼灣區. 這次選家賀屋主要是很多在這幾區高分的日本餐廳都試過了, 而見到家賀屋大部份review都正面, 所以..... 可惜, "錯晒"......我們並非專業食家, 但身邊位人兄懂日文, 也特別喜歡研究日本食物方面的知識, 所以還是有一定要求...餐廳格局很港式, 開始有點覺得不妙....午餐竟然只得4個選擇(烏冬, 魚生片/碎飯, 和鰻魚飯). 我們各叫了炸豬扒"手打烏冬"及炸蝦"手打烏冬" (各$38).到達時餐廳只坐滿一半, 但食物上得太慢太慢. 前後共半小時才上齊. 後期更是其中一碗烏冬差不多吃完才上炸蝦. 烏冬很少, 也不太彈牙. 湯是我未曾嘗過的淡. 食完了, 還要去找件蛋糕吃來填肚. 如此食物質素, 要加一, 每人$42, 去榮式雞扒好過太太太太多....另外附送後面一大枱男士高聲談話及笑, 走遲一步可能耳膜不保.其實一般日本餐廳的午餐是七八十元起; 壽司set百多到四百多都有 (當然是看地方). 個人來說, 其中一個午餐經常吃日本菜的原因是因為午市永遠比晚

尋日約左位朋友食飯, 想起早幾日行過見到依間餐廳, 所以決定一試.之前打左電話去訂位, 去到先發覺唔係好多人, 可能因為平日啦. 所以一到就可以入座.我們先點了三文魚腩壽司, 日本象拔蚌壽司, 吞拿魚腩壽司同佐賀牛壽司本身唔好食魚生, 不過見到好靚, 用料新鮮, 都忍唔住開始食.三文魚腩壽司: 幾肥美, 可惜薄左d日本象拔蚌壽司: 可以一試吞拿魚腩壽司: 絕對推介, 油份充足, 回味非常佐賀牛壽司: 半生熟, 好食之後叫左小柱軍艦 同火灸鵝肝(一客一件), 炸蝦卷同軟殼蟹手卷2客幾樣都係中上之選, 唯一覺得軟殼蟹手卷可以做好d, 一隻蟹分一半做一客手卷, 點左2客, 點解唔同一隻蟹炸, 而唔係先上一客, 等炸好先再上另一客呢 (係都唔好俾客知呀!).....(題外話, 曾經係油麻地東京迴轉壽司食過軟殼蟹手卷, 規定一叫2客, 原隻即炸, 保証新鮮, 十分回味)食過再回味, 點多次吞拿魚腩刺身(一客三件), 帆立貝壽司同大甘蝦壽司大甘蝦壽司: 有彈性, 新鮮最後再叫左個三文魚頭湯($18), 都夠分2碗, 可惜唔夠魚味, 都可以一試.

本身都好中意食壽司，通常食板長，不過而家愈黎愈貴，做左會員都係得95折，唔會特別平，有朋友話食過家賀屋幾好食，所以就黎試試了！入面座位唔多，不過一黎到都有位，唔駛等～ 雖然舖頭細細，但都算坐得舒服，唔會迫～食左以下壽司（一客兩件）：三文魚腩($16)：比三文魚貴3蚊，都幾新鮮油甘魚($18)：魚比較細舊，味道冇咩特別螺片($18)：抵食，好爽甜！佐賀牛($16)：火炙，燒完熱熱地就咁食最好，唔駛點豉油帆立貝($18)：帶子都好大隻，好厚肉，味道鮮甜火炙三文魚($13)：有d蛋黃醬o係上面，幾香幾特別活赤貝($26)：好大舊，又爽又鮮甜最後一round，叫多次三文魚腩，螺片，另外試埋鵝肝壽司，一件要$18，不過都比板長平10蚊！鵝肝入口即溶，好好味！不過建議唔好食埋上面d蔥，因為食落凍凍地同有d苦！同樣食物，相信如果o係板長食會貴好多！所以家賀屋真係幾抵食，值得推介！

我一向都好喜歡日本菜，是日同事補祝我生日及慶祝平安夜，便帶他到附近的一間壽司店，之前想來食幾次，但來到時已滿坐。到達時亦差不多滿坐，但不用等位，只見三位壽司師傅忙過不停。蒲燒鰻魚鰻魚丼：鰻魚肥美，蛋，飯是新鮮做的。帆立貝壽司：帆立貝鮮甜，好新鮮三文魚刺身：看著師傅將原條三文魚用純熟的技巧起皮，起骨，切好一份份，肉質鮮味一流。活赤貝刺身：必食之選，爽口之餘看得出有活的感覺。軟殼蟹手卷：新鮮即炸，即謏～入口時是熱辣辣的。雞軟骨串燒：味道一般，若果可以多Ｄ款式就更好。雖然我同事不太好日本菜，而且對食物要求也很高，但他們對這裡食物質素都很滿意。同事有會員卡，有折，價錢也很經濟

昨日難得過對面海咁就在灣仔一帶行下啦, 睇下有咩食都好本身我諗住去呢間日本野隔離食串咖哩魷魚竟然見到呢間野唔貴( 原來我睇的平價錢係只for外賣), 所以入去試囉揭開餐牌.....咦.....唔貴喎(初初唔敢祈望好食or大件)但坐低左右就叫左幾樣野試下啦不過食完之後感覺係.......絕對very good等我推介下先1)生海蝦壽司 ($13)呢個價錢竟然食到有咬感, 又新鮮的生海蝦我控制唔到....叫左兩客2)帆立貝壽司($18)基本上可以話入口即溶, 我又控制唔到自己食左兩客3)辣三文魚手卷($16)D三文魚唔可以話好多但係食到最底都仲有D三文魚.....抵讚4)甜蝦刺身($35)呢個價錢有5隻, 大唔大隻就見仁見智但我覺得幾鮮味5)西京燒三文魚鮫($20)唔多骨, 幾好味.....但唔好祈求大舊囉)6)三文魚飯($58)都算大碗.....而且D料又足唯一批評係略嫌貴左DD囉總括黎講.....我諗大家都睇到好平下至於好唔好食.....我諗你要自己試下(因為各人口味有異)P.S 我另外想講係......有個男職員服務態度幾好但地點.....唔係大街囉, 而且又係對面海....地方唔算

連烏冬的午餐星期一至五先有…星期六都有人做野要食午餐架嘛…除左魚生飯、饅魚飯同烏冬外，其他野食都係散叫壽司…我叫了個魚生飯…普通…不過連加一成65淨係得魚生飯…去魚鮮生都大碗d…看在侍應妹妹可愛又有禮貌份上我還是給ok的

見到食評唔錯, 去買啲外賣試試, 入到去感覺到幾舒服, 鋪頭細細, 但都幾骨子, 而且都幾整齊清潔, 叫了約八碟壽司, 碟碟用料都好新鮮, 而且餐牌款式都幾多, 有幾十款選擇, 但可惜無我最愛的芝士蟹籽同燒牛舌, 希望遲啲有得食啦, 而侍應哥哥服務都唔錯, 好有禮貌, 而價錢都不太貴, 以質素來說, 都可算是抵食, 相信呢間都會成日幫趁了,希望佢可以Keep住啲水準啦, 原來小店都可以做得好好架!

有事要到灣仔一趟, 順便約中學好友吃午餐, 於是便在附近搜尋美味的日本菜但見眼前這家的<家賀屋刺身壽司店>不俗, 入了去再嚐~原來這家店開11:30, 我們12:00到, 只有我們這一桌, 也只有一個女員工呢打開餐牌, 看到的都是和元氣差不多款式而有更多的選擇, 我們今次吃豪一點, 沒有點lunch set, 就嘗試散叫吧!價錢和元氣也差不多, 好, 前後分了3次點菜, 2個女仔共點了9樣東西, 吃得我們心滿意足~到點完東西後, 才發覺waitress和廚師是同一個人! 原來一個後生的女主理弄食物時都可以很prof呢~所以都是即制, 全部壽司手握, 新鮮新鮮=]1. 軟殼蟹卷, 好味好味, 就算是遲了也不變稔2. 海膽sushi, 新鮮呀!份量也十足呢!3. 蟹皇棒球&三文魚子sushi, 看圖片都知好味, 不過不太特別好魚子的我就覺得它好腥好大陣三文魚油味4.火灸三文魚, 比元氣多了洋蔥, 是誠意之作~5. 三文魚刺身&大大凡立貝sushi, 好新鮮呀, 想連朋友的一份也吃掉...6. 芝士鰻魚卷&炸蝦卷, 兩個都好味, 不過前者不是太重鰻魚味, 炸蝦卷極脆, 即時制

媽咪呢個禮拜又話去食壽司喇, 今次仲同埋家姐一行4人小試牛刀, 我同男友確實無介紹錯架, 媽咪同家姐食完都叫好, 仲話會有下次添 !<服務>一個禮拜後嚟果然唔同晒, 全店差少少滿座, 而消毒香薰都開得好""行"", 臭豆腐味都可以辟到八八九九, 加水收碟效率依然高, 讚 !<食物>1) 火炙蟹棒壽司 ~ 近期愛上蟹棒壽司, 呢度果d都好鮮味, 可以一試2) 吉列豬扒卷 ~ 外層有紫菜包住, 口感不錯, 仲要切開幾件, 好細心方便食3) 特大海胆軍艦 ~ 今次嚟終於食到, 一片海胆size等於飯既面層咁大, 好鮮味好滿足4) 燒雞軟骨串 ~ 上次食過好味, 今次再 encore5) 煙三文魚壽司 ~ sorry, 無試6) 生海蝦壽司 ~ 好鮮味, 不妨一試7) 蒲燒鰻魚壽司 ~ 一般, 但如果變成火炙鰻魚會吸引好多8) 火炙三文魚腩壽司 ~ 又係 encore 款, 依然好味9) 辛三文魚軍艦 ~ sorry, 無試, 但家姐話好味過元x好多10) 海胆墨魚軍艦 ~ 比元x出色, 下次會再 encore11) 照燒鯖魚 ~ 上枱熱辣辣呀, 連平時唔食鯖魚

近排愛上食壽司, 一個禮拜己經食咗3次, 响OPENRICE無意中發現此店, 我諗應該開咗無幾耐, 見評價都幾高一試也無妨, 但响灣仔壽司店林立既地段開鋪, 實在係冒好大既險, 試食後覺得佢哋會有生存空間, 其他店係賣迴轉賣名氣, 亦有主要做學生哥同街坊生意, 而我覺得”家賀屋”係賣手握珍珠飯, 諴意, 食物多元化, 環境舒服同平民化價錢取勝.<環境>*過幾個鋪就有馳名既臭豆腐, 門一開一關難免會有陣氣味傳入, 但我覺得咁會影響對食物既嚮受*門面好唔起眼, 做足資料蒐集既我, 都竟然行過龍*店鋪需細, 但我覺得坐得都ok舒服.*播放既日本歌聲浪恰到好處, 男友最為欣賞<服務>**我覺得服務好好喎, 加水快收碟快**多次加單店員都無唔耐煩, 反而我覺得唔好意思<窩心發現>***店內既消毒香薰應該係為臭豆腐而設, 但無起到實質作用, 希望下次嚟可以改善到呢個問題***木製menu外殼與別不同***杯碟全用玻璃, 感覺乾淨好多; 而串燒盛載器皿係用木做, 有心思***枱底有個可以擺放訂單板既櫃仔, 方便客人check單***$150就有得送貨,

由於之前食過之後,覺得好好食,而且上gobuya買左$108個send,所以同男朋友去食,去到果時見佢轉左新menu,感覺唔錯試了一個油甘魚刺身同加拿大海膽,油甘魚有四片,都幾厚,口感一流...加拿大海膽,好鮮甜味美~正個send整得唔錯,低食夾大件原本個feel都幾好,但最後聽到個樓面阿姐入左廚房用粗口話我地麻煩難招呼...如果真係想話客人不是,都等客人走左先啦...

中五幾個同學聚一聚 路經灣仔到書展時得知有壽司店新開業,於是一心試試早日預訂了位,3個女孩點了:1.芥辣八爪魚軍艦2.辛三文魚軍艦3.辛吞拿魚軍艦4.蟹棒壽司5.凡立貝壽司6.三文魚壽司7.生海蝦壽司8.燒鯖魚9.炸蝦卷10.芝士鰻魚卷11.枝豆12.蟹籽沙律13.三文魚皮手卷14.稻定烏冬因為我不是每樣有試 所以只能評一部份 多多見諒辛三文魚軍艦&辛吞拿魚軍艦這兩個軍艦是首先和最後點的 希望能清潔試出味道魚生是新鮮的!是即製的,紫菜還是脆!但「辛」方面只是輕輕帶過 不太特出 能辣一些更好!凡立貝壽司&生海蝦壽司前者凡立貝也鮮,沒雪味;後者生海蝦咀嚼時則是充滿海蝦的肉汁!感覺滿足燒鯖魚正當朋友擔心那樣燒物會有許多骨 便點了這個!上枱時配上檸檬,趁熱灑上檸檬汁,小吃一口...果然沒有骨!!而且酸酸的檸檬汁與熱辣辣鯖魚好匹配!!力推大家點芝士鰻魚卷這個好棒呀>.<鰻魚卷配上醬汁剛好一口放在口內...感到芝士半溶掉的,,配上珍珠米,,是棒!愛芝士的朋友一定愛推介!!美中不足是,芝士蓋過了鰻魚的味道,如果後者份量多一點更好!否則便失色了枝豆點了熱的,熱度足夠,不會因加熱而乾巴巴

是日同朋友食lunch大家都喺灣仔返工, 於是就揀間中間位置嘅餐廳食飯, 方便大家最終決定試依間, 朋友負責book 位去到, 估唔倒會比4人位for 我哋兩人坐, 仲唔洗搭檯食到最尾, 講緊1點半咁上下, 成店食剩我哋可能係新開, 加上坐落一條唔多起眼嘅街, 所以生意一般講左一堆開場白, 入正題是日叫左兩個set lunch (芝麻醬吉列豬排配烏冬 + 雜錦魚生飯 + 燒三文魚頭)優：- 吉列豬好脆,又唔會食到成口油, 芝麻醬好味, 整體不俗- 燒三文魚頭好香口, 朋友話好腥, 但我完全唔覺 (佢第一次食, 唔慣掛)- 地方細細所以得一個女仔侍應, 但係服務態度好好, 又勤快缺：- 份量偏少, 如果係男士, 一定唔夠食所以相對價錢偏貴, 53蚊個雜錦魚生飯, 個碗其實好細,亦好淺身, even 配埋麵豉湯, 一個set應該唔夠飽- 選擇少除左刺身壽司基本嘢外, 定食就只有雜錦魚生飯同名揚配烏冬後者更係三樣都係炸嘢唔食炸嘢者真係無set 揀整體嚟講, 雖然份量少, 選擇唔多, 但係味道唔錯, 環境坐得舒服, 服務又好有機會都會再幫襯

見有朋友話呢間壽司舖新開做緊9折優惠,而且外賣刺身仲要做緊$28就去試下啦, 本來朋友想去元氣, 但上次去話d壽司整得好求其, 於是商討過就同朋友仔去左試下呢間新開, 唔知係唔係新開舖關係,唔洗等位wor...店舖氣氛都算唔錯,但坐位比較少...服務員態度良好有禮...好過板前同元氣果d!!餐牌款式都算多,見到有d款式唔係其他壽司舖有...例如:水母刺身,稻庭烏冬,活赤貝...我地兩個人叫左唔算太多野食:水母刺身:口感爽脆~炸蝦卷- 好大件有蝦味~~~~~不過油左d軟殼蟹卷- 18蚊有4件抵食...口感特別~一流活赤貝壽司- 味道濃郁,大件夾抵食炙燒帆立貝壽司- 味道算係ok,但帆立貝size比較細火炙鵝肝壽司-入口即溶...必食之選三文魚刺身&壽司-新鮮貨~即叫即切,入口魚味濃厚,不是急凍貨~正芝士三文魚卷- 芝士味比較濃,搶左三文魚味道總括來講都幾好味既, d 飯又唔硬,醋味剛剛好, 顯出壽司師傅功架十足~如果有返d特色招牌卷物同壽司或者有d甜品就更好啦每個人食左80幾90蚊,仲要有9折...抵食呀~

我住晌果頭附近...見到家賀屋岩岩新開張.....一直心思思想試.....今晚同朋友去左試菜....比我既感覺係ichiban!!!! (比我意料之外仲要好!!)可以值得一試既有:燒玉子壽司: 燒玉子睇得出唔係街外拎貨既, 係自己親自煮既, 好好味!鰻魚壽司: 鰻魚好有魚味, 食得出唔係放左好耐(好新鮮)火炙鵝肝壽司: 上盛之算! 鵝肝用料靚, 入口即溶再加埋大蔥, 呢個combination簡直係不得了!手打稻庭烏冬:稻庭烏冬出名"靚"...爽口彈牙湯底靚!生海蝦壽司: 生海蝦夠新鮮爽口三文魚魚腩刺身: 魚腩肥美, 食到新鮮三文魚魚腩油既味道!我必定會再同朋友再去!! (食得非常開心美味既一餐!)