影片
更多
2010-08-30
222 浏览
近排愛上食壽司, 一個禮拜己經食咗3次, 响OPENRICE無意中發現此店, 我諗應該開咗無幾耐, 見評價都幾高一試也無妨, 但响灣仔壽司店林立既地段開鋪, 實在係冒好大既險, 試食後覺得佢哋會有生存空間, 其他店係賣迴轉賣名氣, 亦有主要做學生哥同街坊生意, 而我覺得”家賀屋”係賣手握珍珠飯, 諴意, 食物多元化, 環境舒服同平民化價錢取勝.<環境>*過幾個鋪就有馳名既臭豆腐, 門一開一關難免會有陣氣味傳入, 但我覺得咁會影響對食物既嚮受*門面好唔起眼, 做足資料蒐集既我, 都竟然行過龍*店鋪需細, 但我覺得坐得都ok舒服.*播放既日本歌聲浪恰到好處, 男友最為欣賞<服務>**我覺得服務好好喎, 加水快收碟快**多次加單店員都無唔耐煩, 反而我覺得唔好意思<窩心發現>***店內既消毒香薰應該係為臭豆腐而設, 但無起到實質作用, 希望下次嚟可以改善到呢個問題***木製menu外殼與別不同***杯碟全用玻璃, 感覺乾淨好多; 而串燒盛載器皿係用木做, 有心思***枱底有個可以擺放訂單板既櫃仔, 方便客人check單***$150就有得送貨,
<環境>
*過幾個鋪就有馳名既臭豆腐, 門一開一關難免會有陣氣味傳入, 但我覺得咁會影響對食物既嚮受
*門面好唔起眼, 做足資料蒐集既我, 都竟然行過龍
*店鋪需細, 但我覺得坐得都ok舒服.
*播放既日本歌聲浪恰到好處, 男友最為欣賞
<服務>
**我覺得服務好好喎, 加水快收碟快
**多次加單店員都無唔耐煩, 反而我覺得唔好意思
<窩心發現>
***店內既消毒香薰應該係為臭豆腐而設, 但無起到實質作用, 希望下次嚟可以改善到呢個問題
***木製menu外殼與別不同
***杯碟全用玻璃, 感覺乾淨好多; 而串燒盛載器皿係用木做, 有心思
***枱底有個可以擺放訂單板既櫃仔, 方便客人check單
***$150就有得送貨, 方便懶人一族既我, 其他壽司店基本上無呢個服務, LIKE !
<食物>
一打開本menu, 就覺得佢哋變咗 ‘元氣+板長+峰’ 既混合版, 基本上諗得出既呢度都有, 而價錢就係元氣價, 質素同新鮮度就係3間之上
****佐賀牛壽司 $16 ~ 有牛味但有少少靱
****火炙鵝肝壽司 $18/1pc ~ 漏晒油好好味, 必食推介
****生海蝦壽司 $13 ~ 蝦好鮮味亦唔會乾
****帆立貝壽司 $18 ~ 同樣鮮度十足, 唔錯既選擇
****活赤貝壽司 $26 ~ 大大件赤貝好鮮甜, 食家果然好介紹, 最 LIKE ! 唔試走寶
****火炙三文魚腩壽司 $16 ~ 要求燒勁d, 果然好食d
****海膽軍艦 $26 ~ 本來想叫北海道特大海膽軍艦, 但可惜無貨, 食呢個細細地既都唔錯
****芝士鰻魚卷 $16 ~ 唔覺好似之前食家所講既芝士太勁, 反而我係食到芝士味還芝士味,鰻魚味還鰻魚味喎, 總之混合一齊就好好味啦, 仲要有好多鰻魚汁响面添
****鹽燒油甘魚鮫 $30 ~ d肉好滑, 雖然份量比魚頭少, 但勝在燒得好味, 唔油唔乾
****燒雞軟骨串燒 $16/2pcs ~ 又好味又抵味, 仲要超熱辣辣, 必食推介
整體嚟講 : 除咗佐賀牛比較遜色咗dd, 其他都真係幾得架喎, 男友同我都勁讚, 一定有下次 ! [不過老細呀…我可唔可以做第一個會員呢 ? 我同屋企人都勁鍾意食壽司架 ;-) ]
张贴
