客家好棧 (已結業)

平日都唔多去飲菜, 但係總有一兩次~ 所謂o既師奶茶聚, 係同阿媽+幾個師奶去飲, 我去找數..... 屋企樓下都有好幾間大集團o既茶樓, 美x, x香, 再加上呢間, 仲有幾間細細地o既, 大大話話都有10幾間~ 不過最鍾意都係去客家好棧d 野食幾好食~ 講真飲茶o既野食點會難食得去邊~ 阿媽鍾意佢o既炸鯪魚球, 話o係屋企整會好煩, 而且好香口~ 我就鍾意o個個乜乜炒手(唔記得全名) 辣得o黎又夠野味~ 有次夜晚o係到食客家菜~ 係ga 喇, 客家菜就難出大場面, 但係一家人食o既都幾好好o既係, 呢到免茶錢免加一, 仲有下午茶時段~ o岩晒我呢d 負責俾錢o既人~ 衰o既係, 因為質素高又平, 所以好鬼多人, 次次都要等位, 冇時間等又要搭枱...近來茶樓都係大集團經營, 去飲茶坐番三五個鐘, 又真係幾抵o既

星期六去寶琳睇戲. 睇到1點去食飯, 但我2點就要去到油塘篤波...朋友建議去飲茶, 但大家都知飲茶係takes time 既活動, 避免掃興所以都答應了.原來伯母已經幫我地霸左位. 真係唔好意思要勞煩到伯母.哩間野幾平呀都, 免茶免加一, 如果唔係咁趕時間既話o係度慢慢嘆都未嘗唔係一件好事拿拿林點左野食, 但係等左10-15min 先來一碟魷魚朋友話哩間野平時黎野食黎得好快, 不過可能咁岩星期六多左人所以慢左咁多.炸魷魚, 非常脆, 炸得幾好, 我欣賞佢放左d 蒜粒o係上面. 好香! 食落口都唔係好油不過要喼汁既話要問佢拎.鯪魚球, 好味, 夠林, 冇乜碎骨, 加埋蜆蚧真係夠晒鮮味.但就炸得唔脆加上外面有d 油牛肉腸, 層粉幾滑, 一野就滑左入口度. 牛肉比較林冇乜趙口.但都唔錯了, 起碼牛肉同粉冇分開!燒賣, 好爽口, 大大舊肉, 因為食得太急都冇食清有咩味囉鳳爪亦一般貨色, 冇咩特別馬拉卷, 還是喜愛馬拉糕多d, 因為馬拉糕係比較鬆化, 而馬拉卷亦比較甜.釀矮瓜, 好油的說, 但反而食到個邊有少少脆, 平時食煎釀除左豆付之外都好少食到會脆金錢肚, 份量比較少, 但就好大朕牛味,

早上 9:00 左右 與老媽、父親大人、兩個小朋友到【客家好棧】 飲茶。可能因為時間尚早，我們不用多等已可內進。 「號碼95、96、37的請內進，有人會係裡會接應架喇！」我們因手持95號碼紙於是先行在前，帶位小姐不但沒展歡顏，反之是黑口黑面地噴出一句﹕「你號碼幾多呀！95？企埋一邊呀，唔該(句『唔該』是超差語氣那種)」見有兩個小朋友、阿媽在場，我也按住性子，沒有【開火】。跟著，他叫手持號碼96的一對老人家﹕「你地去o個張枱啦！」(說的那一張枱是距離我們四、五張以外位置的，可憐一對老者要自己去搜索目的地) 「37！邊個37號呀！唉！你地坐去o個邊張枱啦！」(說的是她身後三、四張枱距離遠的) 能如此指揮若定的一位【帶位小姐】理應被國家安排在軍中參與指揮工作；否則，再差也應站在十字路口指揮交通呢。我們的下場當然也只獲人家的一「指」。乖乖坐低後，我們已馬上畫點心紙，因為我仲要返教會啊！左畫右畫後，我親手把點心紙交予一位圓潤兼黑面的侍應 2號。強調「親手」，乃因廿分鐘後，左右兩桌的食品都到齊了。我們的... ...連雞毛都未見。我再次按住性子客套地向黑面侍應 2號查詢。她說﹕「我同你

= =唉 .. 簡直就 .. 難食到我自己都唔信..因為佢假假地 .. 都係稻香旗下ge 店舖 ..點解會咁ga>口<?!!!!沙薑雞腳 ..賣相可以 .. 但我唔明 ..點樣可以整到好似咸魚咁咸!?!連男朋友媽咪食得好咸 ..佢食左半隻都頂唔順..最後我地一致放棄= =叉燒腸 ..就咁睇都知道皮厚肉少 .. 我只不過食左少少..發現d 肉有d怪味 .. 難得我男朋友仲要食到最後一啖先食得出= =皮蛋瘦肉粥 ..麻麻地 .. 接近無味 .. 皮蛋少得可憐..之後仲有幾樣野 .. 我已經無晒心情去食 ..因為真係太差喇 ..咁樣ge出品都有咁多人食ge?或者係我唔識去欣賞lu-3-

今次黎到將軍澳試一蚊雞,因呢款雞要呢間品牌先可以試到,而呢間亦較近我,所以選擇了這裡約6時到達已經很多人在門口排隊,好在我人少,話咁快就有位喇,呢度地方唔算好舒適,環境比較迫,至於服務同衛生都一般啦,算合格咁啦開好茶就準備點菜,因唔係太肚餓,點了很少菜,菜式如下:1. 花膠雞湯一碗$15 ,是日特價(內有一件雞,一件小小的花膠)雞肉好鞋冇味,花膠有腥味,湯味道亦係淡淡,心想中招了(沒有影相)2.雜錦窩$62(窩內有翠玉瓜,帶子,蝦仁,花枝片,冬菇,肉絲,玉子豆腐)翠玉瓜爽甜,帶子幾鮮味,蝦仁爽口冇梘水味,花枝片爽口但冇味,肉絲就好大浸梳打粉味,玉子豆腐好大浸雪味,應該係炸定放入雪櫃好耐果隻,整窩的感覺都係失望3.主角一蚊霸王雞$1隻雞上檯時是暖暖的,因見到有輕煙飄揚,但放在雞面的薑蔥比起一般既霸王雞就超少,可能薑蔥貴過雞啦雞肉果然是暖既,但好鞋,味道淡,冇雞味,在我左近的食客亦有同類埋怨,呢隻霸王雞真失敗呀4.白飯一碗$10,用砵仔上,幾特別,有幾粒粟米裝飾,不過唔熱,飯好硬,冇咩飯味(題外話)佢地D制服好得意,上身有規定,但下身的褲就各有不同,有人著牛仔褲,有人著布褲,顏色亦個個不同

我都費事每樣形容，Ｄ嘢食真係唔掂，講少少算梅菜扣肉 - 唔夠肥又唔入味，皮又無煎過炸大腸 - 又幼又無味雞 - ok唔記得乜無 - ok，但太少豆腐 - ok萬頭 - 有叔味etc好多人。將軍澳好明顯唔夠食市，

昨日去將軍澳探親。知道這間店子九點後，大餐牌有七折，還有一些特價小菜，價錢吸引。一坐入去便叫了銀盆炒飯、鹽味、黃酒、海味雜菜煲、炸大腸、梅菜蒸肉餅。先來兩味的菜式，鹽味味道很入味，而且很滑，連皮也很好吃。黃酒藥材味重，酒味香，是我喜歡的味道。跟著來的是蒸肉餅，吃下居然是山竹牛肉味道，而且有魚球的味道，肉裏還有馬蹄，色水深，肉質軟滑，完全不似吃豬肉。我們便找侍應問，她還說是豬肉。我們都還是很奇怪，不太敢吃，鄰桌也有叫蒸肉餅的，但他們沒有上，說是售完了，所以使我們更懷疑這不是豬肉，可能沒有足夠豬肉便混了其他的入來，都幾求其。而且侍應都幾沒禮貌，換碟居然很兇，人家還在吃東西，居然說換碟，便搶了過去，呆了，而且叫脆皮奶黃包時，居然話餐廳有這樣的菜式嗎？侍應沒禮貌，又沒熟讀餐牌實是過份，好彩都是那一位，不是過也如是。其他菜式的一般，但鄰桌的芥欄煲，香味四溢，好像很吸引。最後甜品是脆皮奶黃包，外皮像炸銀絲卷，肉裏熱呼呼的，非常滿足。

今晚第一次與家人到這裡晚膳好像什麼都沒有呢....是生意太好!??還是入貨太少!??1.客家靚湯一盅 即是茶餐廳的"老火靚湯".是晚是鮮人參煲雞腳.隨湯還附上一個碟盤盛放湯渣,確有客家人用膳的風格.2.濃湯瑤柱雜菌浸菜苗 湯味不錯,菌類吸收了湯的味道,味道鮮甜.但廚師好似不太了解"菜苗"的定義吧.整碟都是老菜= =3.家鄉什錦煲(煲內的其中一種食材--帶子--售罄完,需改為龍芽蚌) 味道一般~沒有太大驚喜4.清蒸黃立"魚倉"(特價的$38售罄,只有原價$88.媽咪決定不要) ---> 轉為星洲龍脷球 原以為跟星洲炒米會有點相像,誰知原來是甜酸魚柳塊.不過酸酸甜甜,是一個開胃菜.而且經過炸後的魚柳肉質依魚滑溜,但卻欠了魚味....5.牙籤骨(沒有) --- 改為香味骨(也沒有) ---> 椒鹽雞軟骨(不好意思,也售罄了) ---> 金屋藏珍寶"即是炸蟹籽蝦球" 跟沙律醬上,味道不錯~~小朋友一定喜歡另跟了三個砵仔蒸飯,有些粟米粒在面,但味道沒有特別~一家四口用膳完畢,沒有捧腹而

雖大約只是兩三星期前之飯局，但對吃過的，印象已是十分模糊了...一向不喜歡這裏。始於對稻香這一集團品牌的食物質素，已沒有甚麼期望...雖稱之為客家菜，但實際上來自五湖四海、大江南北之菜式也有供應。一向很怕吃一些類似京川滬之菜館，正所謂 : "周身刀冇張利"也...梅菜扣肉當然要叫。五花腩瘦肉部份死實，肥肉不甘香，並無入口即化之感。還是吃墊底的梅菜較為可取....未有叫炸大腸或鹽焗雞，反而叫了一些非客菜如黃金蝦及咕嚕肉等，水準皆很平庸。最好吃的，反而是伴碟的蜜糖杏仁....你話弊唔弊 ?

推:1. 梅梅菜扣肉, 真的超好味 ^^2.金屋藏珍寶 (其實同飲酒的炸蝦球無分別, 因我喜歡脆口野,所以推介)3.壽包 (唔好笑,因試過在這裏擺呀嫲壽酒,講真,那次最印象深的是 "壽包", 因真的估佢唔到,外表平平無奇,但入口超鬆軟, d連蓉又超正,絕對同平時的雪藏貨無得比, 雖然好包,但都食咗2大個, 唔知平時飲茶有冇得食呢.. hee...)4.脆酥炸大腸 (其實一般,但之前有跟 beer 1set的好似只~$30 1 set,所以都幾扺,若有,可試)>>> 千祈唔好試佢地d甜品, 超難食, 椰汁糕 ,楊枝金露, 仲有..唔記得..嗰次擺酒,個waiter問最後要甜品定壽包, 因我地之前試過d甜品,即刻話要壽包, 撘咗幾句話d甜品好唔得,點知個waiter 撘口話佢都知, 其他客都有提過下,都是choose壽包, 你就知佢地d 甜品有幾 "好"...

一行4人去食飯, book位時要求梳化位, 但係佢地話呢D位先到先得, 等我以為間餐廳星期四晚都咁爆, 點知原來8:30去到大把位, 實際係無乜人食晚飯囉~一坐低已經被佢個特價優惠吸引, $138有半隻雞、蒸魽魚頭腩、炒魽魚塊, 不單只3個餸都好味, 份量仲鬼死咁足; 另外叫左雜菌浸菜苗, 其實邊係菜苗, 係白菜仔至真, 同埋好淡口, 好彩同枱都有人鍾意食得清淡; 仲有個客家煎釀豆腐, 呢個就麻麻地, 可能D肉真係好貴, 每件豆腐只分得好少好少肉囉; 最後再要左個合掌瓜湯, 夠清, 湯渣都畀我地食晒。 好飽呀~本來太飽都唔想叫甜品, 但個侍應鬼咁落力推銷, 我地唯有要個椰汁糕啦, 點知呢個係成晚最錯嘅決定, 一D椰汁味都無, 仲要賣$12.....

當在寶琳區想飲茶時, 我們一定選這間, 所以由開業至今都食過好多次, 覺得他們價錢合理, 而且味道真的不錯, 又齊整, 一向印象很好, 由於已有一段時期無暇飲荼,星期六中午一家大細因為黑雨,難得可以唔駛返工, 故此齊齊開開心心來飲荼 但卻發現水準退步得緊要, 首先落單好耐都冇野到, 等到大家都呆了, 想問吓伙記係咪漏單, 等到有伙記埋黎時一碟"煎薄撐"已到, 嘩, 得個油字,完全冇煎的感覺, 又油又淋, 跟住再等一輪, 帶子腸到,冇味, 再等一輪义燒飽到, 飽底濕晒, 跟住鳳尾蝦玉子, 一小塊玉子豆腐上放隻蝦就算, 黑椒牛肚陳村粉, 好似俾人食左半碟咁, 所有點心件頭縮晒水不止,又唔熱, 味道重唔掂, 加上等一輪才來一碟點心, 大家都食得冇晒mood, 終於馬拉榚及燒賣唔等了, 埋單算數, 走時經過廚房門外, 見放滿晒一行行叠到高高已整好的點心,但冇人理, 是否伙記問題, 以致我地要等咁耐及食物上枱時已凍晒呢, 但食物質素退步得好緊要及份量大縮水, 就確係事實. 明白百物都貴, 經營餐飲業真的不易, 但水準保持不到及將貨就價得太緊要,只會令顧客一個個的走,

因為有電影禮卷又遇到想看的新上電影，可惜只有將軍澳及康山分店才有播放，最後選了去將軍澳而放棄了東走港島。在下班前抽空上來OR查看將軍澳有甚麼好食店，在不多選擇之下，最後選了吃客家菜。連鎖店的食物水準很多時候都不會太好，或許今天會是例外吧﹖由中環過去將軍澳比想像中的遠，進店時已花了差不多四十多分鐘了，還好有一段時間才開場，我們可以慢慢選要吃的菜色了。雖然這店標榜的是客家菜，但是正宗的客家菜色並不如想像中的多。最後選了"客家五菜"中的三樣，東江鹽甑雞、梅菜扣肉、 脆酥炸大腸，另外要了金屋藏珍寶(炸蝦肉蟹子丸)。突然間想起那次回鄉時飲到的糯米酒，看看價錢也只不過是$40，便要了一壺。先來的是東江鹽甑雞，其貌不揚的它，實質甚有內涵。味道因為鹽的關係而令到雞肉的鮮味更加提升，加上雞肉嫩滑，比一般的鹽焗雞更加美味~ 梅菜扣肉熱度不足，好像擺放了一段時間才拿上檯般。五花腩大約是五五肥瘦，瘦肉部份煮得並不腍。醬汁略嫌老抽味過多一點，而梅菜則是不錯的貨來的，因為其味道略略帶甜而有菜香~糯米酒米香偏淡，甜度則有點過甜，達不到芳香純厚地步。金屋藏珍寶彈牙有口感，蝦肉有鮮味，炸粉不厚而脆口，味道和水準也不錯呢

2008年2月3日，客家好棧好友前來竹戰前到此茶聚。六人共叫了21碟點心。菜肉包、金錢肚蒸陳村粉、芋絲春捲、翡翠蒸墨魚球、蟹子鮮蝦菜苗燒賣、炸雲吞、白灼菜芯、叉燒包、香芋鵝眉酥、韭皇鮮蝦腸、豉汁蒸排骨、黑椒蒸大腸、日式煎餃子、馬拉卷、臘味糯米飯、家鄉咸水角、煎釀鴛鴦椒、翡翠叉燒腸和時菜牛肉球。但看選擇都很多，由於太多點心，有些還是沒有Quota吃了。但心頭好還是炸雲吞。比較少吃的香芋鵝眉酥，外層像油角，幾厚但脆，裏面是甜芋頭蓉，如果是鹹的會比較好吃。黑椒蒸大腸比較多人抗拒，但我有試。都唔錯呀。還是覺得馬拉卷不及馬拉糕好吃，為什麼沒有馬拉糕？墨魚球麻麻地。 鄰座叫的牛肉球的賣相吸引了我，所以馬上叫了一碟，沒有失望，已經很少叫牛肉球，因為怕髒。大致上點心都好吃，也不覺得很重味精，OK喎。…點解無叫鳳爪？

前晚是最差的晚飯.我相信連大掛檔都不會如此設計, 客人用完膳的碗筷及渣滓, 在距離容人飯桌不足四呎的地方分類然後送入廚房清潔, 要某些客人面對這些情況食飯, 何其差!而且分開那些碗筷時所發出的聲音十分刺耳, 好似在你身邊播放交響樂, 令人討厭.第二, 某部份員工的態度要真的改善, 當你向他們講出意見, 表現出極不友善, 直致見到經理才比較合作.再者, 經理的個人衛生亦要改善, coughing 時請用紙巾掩著口.第三, 食物質數亦不穩定. 時鹽時淡. 真的要好好控制其質量.本人在這家食肆開業不久已光顧, 一來的印象都不錯, 而且亦有向身邊的朋友推介, 連母親的壽宴亦作為首選, 但經過前晚, 真的要認真想想會否再光顧.