影片
更多
2009-03-16
今次黎到將軍澳試一蚊雞,因呢款雞要呢間品牌先可以試到,而呢間亦較近我,所以選擇了這裡約6時到達已經很多人在門口排隊,好在我人少,話咁快就有位喇,呢度地方唔算好舒適,環境比較迫,至於服務同衛生都一般啦,算合格咁啦開好茶就準備點菜,因唔係太肚餓,點了很少菜,菜式如下:1. 花膠雞湯一碗$15 ,是日特價(內有一件雞,一件小小的花膠)雞肉好鞋冇味,花膠有腥味,湯味道亦係淡淡,心想中招了(沒有影相)2.雜錦窩$62(窩內有翠玉瓜,帶子,蝦仁,花枝片,冬菇,肉絲,玉子豆腐)翠玉瓜爽甜,帶子幾鮮味,蝦仁爽口冇梘水味,花枝片爽口但冇味,肉絲就好大浸梳打粉味,玉子豆腐好大浸雪味,應該係炸定放入雪櫃好耐果隻,整窩的感覺都係失望3.主角一蚊霸王雞$1隻雞上檯時是暖暖的,因見到有輕煙飄揚,但放在雞面的薑蔥比起一般既霸王雞就超少,可能薑蔥貴過雞啦雞肉果然是暖既,但好鞋,味道淡,冇雞味,在我左近的食客亦有同類埋怨,呢隻霸王雞真失敗呀4.白飯一碗$10,用砵仔上,幾特別,有幾粒粟米裝飾,不過唔熱,飯好硬,冇咩飯味(題外話)佢地D制服好得意,上身有規定,但下身的褲就各有不同,有人著牛仔褲,有人著布褲,顏色亦個個不同
約6時到達已經很多人在門口排隊,好在我人少,話咁快就有位喇,呢度地方唔算好舒適,環境比較迫,至於服務同衛生都一般啦,算合格咁啦
開好茶就準備點菜,因唔係太肚餓,點了很少菜,菜式如下:
1. 花膠雞湯一碗$15 ,是日特價(內有一件雞,一件小小的花膠)
雞肉好鞋冇味,花膠有腥味,湯味道亦係淡淡,心想中招了(沒有影相)
2.雜錦窩$62(窩內有翠玉瓜,帶子,蝦仁,花枝片,冬菇,肉絲,玉子豆腐)
翠玉瓜爽甜,帶子幾鮮味,蝦仁爽口冇梘水味,花枝片爽口但冇味,肉絲就好大浸梳打粉味,玉子豆腐好大浸雪味,應該係炸定放入雪櫃好耐果隻,整窩的感覺都係失望
3.主角一蚊霸王雞$1
隻雞上檯時是暖暖的,因見到有輕煙飄揚,但放在雞面的薑蔥比起一般既霸王雞就超少,可能薑蔥貴過雞啦
雞肉果然是暖既,但好鞋,味道淡,冇雞味,在我左近的食客亦有同類埋怨,呢隻霸王雞真失敗呀
4.白飯一碗$10,用砵仔上,幾特別,有幾粒粟米裝飾,不過唔熱,飯好硬,冇咩飯味
(題外話)佢地D制服好得意,上身有規定,但下身的褲就各有不同,有人著牛仔褲,有人著布褲,顏色亦個個不同,又會咁得意既
總結雖然算抵食,但冇咩理由可以令我再黎食,希望佢地會改善下啦,連制服都咁求其,其他野咁點攪呢.......
茶,芥,加一全免,埋單合共$88
张贴
