客家好棧 (已結業)

梅菜扣肉唔容易做得好, 呢家做得相當唔錯, 加上其他菜式水準中上, 所以番食了幾次,甚至試過眼肚窄的現象。價格合理,加油呀

呢度食物幾有風味我最愛係so皮雞! 正!其他食物都係「中上」不過個白飯細左d...都要10蚊大家小心一樣野我上次9點幾去食飯食原味so皮雞(佢話因為夜了,所以叫雞送碟炒菜比我地)餐飯食到一半,我發覺隻雞好似唔夠食..似乎唔夠一整隻雞當然都食到一半...好難知道佢比少左幾多我地但最明顯一定冇錯, 雞翼一定少左一隻...其他部位少左邊d我唔知...總之一定少左唔止1隻全翼..一家人開開心心食餐飯所以冇追究但大家有機會去食係個伙計掀開個so皮未切隻雞之前小家d 都一定要check下隻雞原唔原整120蚊隻雞少咁d真係好過份....食物好都冇用做生意唔老實

去到門口看到寫著正餐牌21:00後有七折, 還差大槪15分鐘, 又有人在等, 我們都選擇等到21:00.看完所有餐牌, 都決定叫正餐牌的東西, 跟待應再確認折扣, 他竟然說沒有了, 只是免茶免加一…有沒有攪錯呀, 我有被騙的感覺, 他還介紹什麼蒸魚餐加什麼的, 我沒理他, 但是還是選了一些正餐牌的東西, 但找了另一個女待應再問折扣事宜, 她說有…但為什麼剛剛那個人說沒有, 她說可能是新來的...最終我們叫了:-菠蘿咕嚕肉($55.00) –很酸的菠蘿, 咕嚕肉的肉很肥, 但肥肉不會爛, 有點爽爽的, 咕嚕汁味道適中, 醒胃…客家小炒皇($55.00) –很大鑊氣的一的菜, 有切碎的蜜糖豆/豬頸肉, 松子仁, 菜圃…不過略嫌油份過多白飯($10.00) - 感覺頗貴, 因為飯不多服務方面, 除了那個不知道有沒有折扣的待應外, 對其他的待應都很滿意, 不過沒有什麼系統, 因為短短五分鐘, 有三個待應問我們要什麼茶…

由於搭檯檯數多, 肯搭檯的唔駛點等, 要是兩個人唔搭檯, 等一個小時都可能無位。星期一到五上午有特價點心, 不過要1130am前入單叫, 一盅飯都係$10-$12, 味道唔錯。叉燒酥、燒賣同腸粉都幾好食, 蒸魚雲因為僻腥落好多黑椒有點難吃, 蒸鳳爪油份十足, 怕肥就唔好食, 山竹牛肉就一般。點心雖然夠熱, 但係茶就唔係好得, 因為經過熱水壺水已經唔夠熱。

我同我屋企人去飲茶都係去呢間架食物質素真係幾好燒賣鮮竹卷腸粉炸雲吞仲有d 流沙奶黃包都好好食架~金錢肚陳村粉我爸爸至愛tim張相係食到一半影架.. 所以有d係食哂架不過回憶中食過一次晚市...不太好食...好清淡

19.11.06 我同糥米成班朋友仔去科大同西龍影畢業相, 3點幾去到…影到6點幾先走…著高跟鞋女士們行到腳仔都軟晒...於是就去左將軍澳“客家好棧”食晚飯.一行13個人, 坐一張大圓抬...都算坐得好鬆動我地叫左1.賽傍蟹D蛋白好滑,裡面有D帶子都幾好味…不過D帶子可以再甜D2.梅菜扣肉真係好好味...熱辣辣...梅菜同D扣肉真係好夾3.銀魚蝦干蒸茄子麻麻地…D銀魚蝦干好硬4.炒四季豆一流!! 四季豆好甜好好味5.鹹肉炒菜苗辣辣地6.豆腐蛋角(湯) 其實係煎蛋豆腐湯…D蛋有菜甫同碎肉煎好左放返落D湯到..7.咕嚕肉一般咕嚕肉, OK好味8.蓮藕X肉煲(我無食所以唔知道係咩肉)9.蒸.炸饅頭各半打我食左炸…一般10.鄉村炆米其實佢\味道唔錯架…不過太濕啦…搞到好粘…11.炒飯用左鹹蛋炒, 鹹鹹地幾香口12.甜茶果半打黑色皮, 餡係花生同椰絲…我本人唔鍾意食甜茶果所以覺得麻麻應該有13個,不過有一個我唔記得左. 我地坐左個半鐘到就食飽飽啦…埋單每人到係$65…都算好抵啦…不過我地見到如果星期一至五去仲抵啊…D套餐原價要$15XX減到$7XX咋…有機會真係想試下

同屋企人去食呢間野，第一次黎。間野裝修得幾好，所有野都好靚。點菜點左個京華雞, 例湯, 菜苗, 鱔等等。湯好快就黎到，d 渣仲多過湯，攪到人人半碗湯都冇，勁唔好睇。其他食物都好好味，尤其是隻雞，不過略嫌多油。至於碟菜苗，我屋企人話佢俾錯菜，俾左d 娃娃菜我地。事關果碟野成$55，娃娃菜又咁平，佢地冇諗過菜苗會俾娃娃菜，所以搵左個侍應講。個女侍應九唔搭八，之後話等等就走左去，成十分鐘都冇人黎feedback。再搵第二個，個男侍應好明顯係暑假工黎，講野勁惡勁粗魯，又指手劃腳。之後另一個女人黎左，解釋番菜苗既事。我自己唔識野，不過我阿爸就話中國人唔可以將菜苗同娃娃菜混為一談，價格都差一截。果個女人只係係咁話會反映番，唔好意思都冇一聲就走左。最後送左d 糕點俾我地，咁就算啦，不過真係唔開心。

一家十幾人去食叫了一個set全部餸都好大碟~而且好好味:- 炒蚌- 雞- 古沙蒸魚(好特別)- 瑤柱莆- 炆鵝掌- 好香甜既壽包....等家常菜(忘了)下次都會再去

本來諗住去tst 個間食, 見將軍澳近近地有間就去試下啦! 佢booking 有兩個時段, 一段時間為6:30, 另一時間為8:30。初頭都擔心book 左位, 都好似tst 個間要等多半個鐘。好在, 我地8:00 去到, 都即刻比都位我地。食物方面, 我一向都幾滿意。將軍澳店同tst 店, 味道都不錯。值得再食呢!布袋雞係推介, 好入味, 基本上係必叫!

我係食晚飯的......呢間嘢d餸的味道唔太濃又清清地喎叫個個8人set都有好多嘢食有炒飯，湯(好香甜)，其他家常餸......樣樣都好好食^^而且服務真係good~一叫就有兩三個waiters衝黎幫你^^仲成日同我地換碟tim

Compare to the other chinese resturant in TKO, this one is Nice and Cheap. well, since I've almost tried all those food. I would much more prefer 小菜rather than those chicken in bag or others soups. Yea, those 小菜quality ran down a little bit but it still better than the others when comparing with the price and the food. Service is good - around 80% staffs are quiet helpful but the other 20%....well.... Of course, if they could keep the food quality could be better.

鹽焗青魚, 宮廷豬軟骨,布袋雞湯=我和屋企人必食之選

夜晚成日都見呢度要排好長龍,昨晚一於提早訂枱一試!入去俾左張8人長枱我地,其實我唔鍾意坐長枱,好難一齊傾計咁,而且環境都幾嘈雜,希望下次去坐圓枱啦!先黎一個布袋雞(豬肚湯),d胡椒味都好濃烈,幾好飲!我最想講係有個送叫"酥皮焗原味雞",d酥皮又香又脆,用黎夾住d雞食,而d雞就好似係人參雞,幾好食,又特別,其實"客家好棧"食物水準都唔錯,味道唔錯,d侍應都幾好招呼,又有笑容,我地會再幫襯...

由開張到現在，幾乎每隔一至兩星期便會來一次．以客家菜論，做得並不正宗（其實稻香品牌的什麼潮樓或客家好棧，都只是相似的菜單加多幾款有地方特色的小菜，有名無實，靠形象包裝補救）．近日則更有水準下降的趨勢，味道輕重不均，或是太鹹，或是太淡．尤其令人失望的是重點推廣的"老爺"，油多，肉韌，賣相及味道都似翻蒸的隔夜．用的大概是巴西或美國雪，全無味，比起百佳的鹽焗或豉油尚且不如，水皮！

因為我個friend 話呢間野都幾好味.環境又好.超多人等位去食.所以就去試下呢間野.我個friend話一定要叫布袋雞喎(即係用豬肚包住隻雞,有胡椒同一些藥材煲的湯),個湯都幾好.但胡椒味不重.之後還叫了鹽燒靖魚.(可能我唔食魚.我覺得好鯹)牙籤骨.(無味.同埋好勒)蟹肉抄粉絲(D味好似抄飯咁.可能佢有雞蛋卦)另外還有一碟菜,唔記得叫咩名.但味道淡得像喝水.之後,我地諗住打包隻雞(即湯渣),由於剩番好多.個盒蓋蓋不實.我問佢條橡筋.點知個女侍應居然"廟"嘴,好似我好煩咁.之後扔底條橡筋就走去.都冇幫我包番好盒野.而且我今次去到.都唔算多人仲大把位.我覺得佢名過於實.四個人食,埋單四百幾.雖然唔算貴.但我都唔會再食.