宏 (已搬遷) 新店位置

喜歡食抺茶的我，仍然停不了，食完中村藤吉的雪糕後，再去了THE ONE 的宏食蛋卷，招牌抹茶卷仍然是我最愛，單一件平時賣$30，不過今次我就選擇了$59 的cake set ，同樣地選擇一件$30蛋糕加一杯茶，抹茶卷海棉蛋糕夠濕潤鬆軟，散發清幽的抹茶香，抹茶忌廉幼滑帶天然微微抹茶苦澀，後有抹茶的餘韻甘香，濃郁的綠茶教人十分回味，來自斯里蘭卡的紅茶方面我就選擇了伯爵茶，紅茶清澈透紅，不會太過濃郁，甘香又順喉，不用加入任何糖或牛奶已經滿足，伯爵茶主要帶佛手柑香，加多轉熱水飲多次，茶包的茶味都仍然存在，一邊嘆茶一邊食高水準的抺茶蛋卷真是好開心!

作為自由身工作的者我，最愛在午後才覓食，因為會少人好多呀！今日來到The One的宏 Hiroshi吃了個豐富的Late Lunch。門口有很多的Cake，已經十分吸引我了！他們有些特價的Set十分抵食，我選了這個＄99的烏冬set。這裡的烏冬十分特別，是100%純日本的小麥粉，加入了海藻製成，所以口感爽口彈牙。而海藻更含有很高的食物纖維，比一般的健康多了！套餐都包括了不少東西。沙律配上黑醋，是開胃之選。加洲卷內有青瓜、蟹柳同蛋，味道OK啦，沒什麼特別。日本野菜天婦羅冷烏冬，烏冬用冰盛著用完D烏冬，D冰仍是好冰呀，沒有變水。跟餐的還有蛋卷，今次我點了黑芝麻味，重點是蛋卷很濕潤，鬆軟美味，黑芝麻味香濃可口。飲品點了冷咖啡，一滴一滴由自然水經過7－8小時而制成的。這個味比較甘，不飲開黑咖啡的要加一點糖呀！我還點了抹茶軟雪糕芭菲軟雪糕好香抹茶味，旁邊的白玉同抹茶果凍都好好吃！

從小到大，對任何人或事物都沒有任何沉迷的傾向，所以在我的歷程裡沒有什麼所謂的偶像或偏愛！直至有一天，發現原來每日如是的三餐，可為沉悶的生活發揮鼓舞的作用。於是我開始花時間在食的環節上，找尋會令自己雀躍的食物，當中抹茶雪糕更列入我最喜愛的頭五大位置。身處香港，抹茶相關的食品來得矜貴，每每看到網上的照片，我便忍不住馬上飛奔去嘗試，不過因此碰釘亦無數！漸漸學會冷靜，就如專家教路如何壓止購物慾的方法大同小異！當天正好在 The ONE 看電影，按捺以久的慾望可理直氣壯地發洩出來了，於是選擇在「宏」享用晚餐，實質乘機嘗試抹茶雪糕。咖喱炸豬扒飯 HK$108「宏」的鹹食大可分為烏冬、意大利麵和咖喱三大類，最多元化的要算是烏冬，如冷、熱湯、撈和拉麵湯底。我們先來一份咖喱炸豬扒飯，附帶一小碗沙律和飲品一杯，多加 HK$10 即可享用一件小的草莓或抹茶蛋卷，HK$20 則是大卷。先提一下咖喱炸豬扒飯，豬扒炸漿不厚不油，感覺不錯；豬扒本身介乎厚與薄之間，因此口感不強，肉質則略為繃緊；而咖喱汁稀稠度適中，不會過份黏糊，可惜咖喱香並不明顯；米飯有欠熱度，反而是我們最為介意的。論整體來說不難吃，但應可有更突出的

今次是第一次過黎吃飯，主要吃抹茶。其他的麻麻地，但抹茶系列真的不錯。跟餐有個迷你抹茶卷，抹茶味濃郁，後又點了個抹茶窩夫配雪糕，窩夫熱，內裡鬆軟可口，外層不夠脆，但口感非常好，配上冰冰的雪糕，停不下來。窩夫真的超讚！

收工想享受一個人浪漫!搵個好味晚餐嘆下~愛食野既我!今晚係TheOne就選擇這間日本咖啡店(宏)見到佢精美甜品蛋糕好靚飯後甜品點小得~咖啡沙冰軟雪糕，買相睇落唔錯就飯後來個噢~真係差勁!好難食!食左兩三口我放棄唔好難為自己吧……冰沙粗無甜味咖啡味不夠~雪糕不滑!點解咁難食呀～這杯$98再加10%東西點可以見得人呀~失望的晚上!😥

今日同媽媽去the one high tea之前聽朋友講新開間宏好好食所以就去左同媽媽試我地叫左個lunch set，加20蚊就可以轉初茶初茶既味道好甘香，第一泡味道唔算好出但第二道泡茶就好回味濃郁主食我地叫左L2 ($99)一上黎好鐘意個種整整齊齊既感覺個麵好想讚下佢入面係用海藻製成，有豐富既食物纖維咬落好煙UN彈牙雪糕好軟好香綠茶味而且側邊既紅豆，麻薯，綠茶果凍同脆脆完全令到口感昇華同rich左好好味，而且好大杯，兩個人食都夠哂飽

今日黎左宏食dinner, 嗌咗個set 2個人share,另外再order 左個甜品特價餐包咗一個麵，一個甜品同一杯紅茶。我地就揀咗個和風海鮮海藻麵意粉，跟餐甜品要咗日本草莓小蛋卷，飲品就加咗$20轉咗杯熱嘅宇治抹茶奶先送上嘅係宇治抹茶奶，size比想像中嘅細杯,但味道唔錯，入口有濃濃嘅抹茶味，奶味較少，甘甘甜甜咁之後就到個海鮮麵，原來除咗個麵，仲有跟埋沙律同2件加洲卷，好豐富喎！沙律有生菜絲，粟米同車厘茄，配上黑醋，幾開胃😊加洲卷內係青瓜，蛋同蟹柳，味道正常冇咩特別。再嚟試下個麵，麵身幼細，煮得啱啱好，幾有咬口！麵身有一點點嘅黑色，原來就係d海藻嚟，第一次試海藻麵，幾特別，味道確係唔錯，幾值得試下,海鮮就有2隻蝦同一隻帆立貝，帆立貝煎得幾香，表層脆脆地~食完個正餐就到甜品登場，先食咗跟餐個草莓小蛋卷，蛋卷好鬆軟，配上幼滑嘅cream，仲有2粒草莓，草莓唔算好甜，有少少酸酸地，但整體嚟講都算唔錯我地另外order嘅甜品抹茶窩夫都唔錯，食到淡淡嘅抹茶味，不過waffle就有d林, 似食緊蛋糕，配上抹茶雪糕一齊食味道都ok嘅~碟邊有栗子蓉同cream,食咗一啖栗子蓉先發現底下藏有一塊抹茶

個芭菲一放低已經見到啲雪糕開始溶緊 超快手影張相然後食。抹茶雪糕質感較稀，入口有啲水汪汪感覺 抹茶味又唔重，只係有少許甘味。配料有白玉、曲奇、紅豆、焗杏仁片、抹茶啫喱同海綿蛋糕。啫喱太軟身，而且海綿蛋糕同杏仁片配上雪糕，有種格格不入嘅感覺 最後係食咗一半就走咗lu！$88咁嘅價錢仲要收加一，無論係雪糕定配搭上比啲咁嘅質素，絕對唔會再去囉！！！

宏在佐敦開業時，風頭一時無兩，後來曾在k-11開設零售點，現在更搬到大商場the one。下班後想吃甜，來到the one的宏，環境比佐敦舊店寬敞得多，堂食每人最低消費$60。宏最有名的是綠茶系列甜品，但我認為草莓蛋卷($60)比綠茶蛋卷更出色。原味蛋糕捲著正中央一顆紅彤彤的草莓。蛋糕非常綿密濕潤，充滿蛋香，放到口中會慢慢溶化，十分好吃。忌廉比例得宜，帶很重的牛奶味，而非普通的忌廉甜味，讓人感到這蛋卷的真材實料。可惜的是剛過了草莓季節，草莓偏酸，也雪得有點硬。朋友點的日本滴漏咖啡沙冰香草軟雪糕($98)，敗筆在於軟雪糕。其實咖啡沙冰味道挺不錯的。但軟雪糕的味道非常人工，有股極重的奶粉味，甜得讓人受不了。宏的皇牌始終是綠茶和蛋卷呢。

今日同男友去開尖沙咀the one買野，順便睇下附近有咩食啦，但又唔太想食西餐/中餐之類，咪周圍睇下有咩餐廳想食，係the one拎完野行下行下就見到哩間位於5樓502室名叫 “宏”，見餐牌係食日本野，而且店鋪門面好大，我比佢個甜品廚櫃吸引住，我既口水都開始流緊啦，因為我男友愛食日本野，而我就愛吃甜品，所以就唔洗再周圍搵食咩，就入哩間！佢個甜品廚櫃，蛋糕都好靚丫，我即時見到就心心眼啦！中午的特價餐好抵丫$99蚊又有甜品又有飲品，地點仲要係尖沙咀the one，唸都唔洗唸，就點哩個啦緊係!佢地哩個自家制烏冬，原來係100%純日本國內出產的小麥粉和含有豐富的食物纖維,纖維質的海藻所製成，難怪口感咁特別，我一試即愛上，因為麵質好彈口，有輕微的海藻味，湯味亦好香濃，真係女士之選，因為好健康！我係咖啡控，見餐單介紹佢地既咖啡係經過7-8小時抽出的荷蘭式滴漏咖啡，是用礦泉水混成的，嘩．．見到個簡介都知道一定要試下啦，入口真係好香濃有種回甘的感覺，好享受丫！有糖同奶提供，可加可唔加，但我個人建議先試試佢既原味，再可試試加糖加奶的口味！因我男友鍾意食飯,所以點左一個價值$130有飯又有海藻烏冬/飲品/

Happy Friday 對自己好一點 當然要去食好西啦！ 作為甜品控的我今晚決定了選一間能一次過滿足我咸甜慾望的餐廳，最後鎖定 “宏〞。由於不是十分肚餓，所以只點了一個雜錦天婦羅飯套餐和友人一齊食。 天婦羅算炸得香脆，表現中規矩； 反而看似普通的海藻烏冬卻令我很驚喜，以海藻製成的烏冬屬幼身烏冬，口感爽口彈牙，配上少許咸的的日本清湯，令人愈食愈開胃。這令我希望下次能來試海藻烏冬的主食。其實早左佐敦開立首店之時，我已經聽聞過“宏〞以抺荼甜品最出名，但一直沒機會試，幸而這次套餐跟送了抺茶蛋卷，抺茶蛋卷很鬆軟，配上香滑的抺茶忌廉，味道甜而不膩。除了抺茶蛋卷，我還多點了一份香蕉焦糖窩夫。窩夫是的很喜歡的香脆口感，而除了上面的一球雲呢拿雪糕，窩夫中間還夾著雲呢拿醬，令整份窩夫都沾滿了雲呢拿的香味。令外香蕉底下更藏著甜甜的杏仁脆片，把所有配料放上窩夫吃，口感十分豐富！真的十分推薦大家試下這家的香蕉焦糖窩夫。總括而這，宏的甜品真的十分出色，而主食其實沒太多選擇，如果你當天不是太餓又想吃得清一點的話不妨試下它的海藻烏冬，不然的話，下午茶來品嘗它家的甜品可能會是更好的選擇：）

今晚同左個抹茶控黎左宏dinner, 平日既夜晚都幾多人, 差不多滿座, 好好彩我地唔洗等位~The One店比以前佐敦店大好多, 出面亦有好大個蛋糕櫃可以比人買take away.呢度每張台都有個鐘, 用黎叫侍應既~ 之前黎過呢度都係食甜品, 今次第一次食dinner, 發現都有幾多set dinner選擇, 價錢亦唔貴, Vi同朋友要左一個味噌海藻烏冬同京燒鱈魚飯+海藻烏冬套餐~ 套餐包埋一份蛋卷同飲品, 都幾豐富~呢個京燒鱈魚飯+海藻烏冬套餐賣相幾吸引, 仲配左沙律, 海藻烏冬好特別, Vi第一次食, 烏冬睇落似扁意粉, 食落好彈牙, 味道有驚喜, 係幾好食既烏冬~ 而京燒鱈魚飯亦好大碗, 鱈魚有2件, 燒得外皮好脆, 入面幾滑, 個汁甜甜地, 用黎撈飯一流, 不過醬汁小左d, 唔夠撈成個飯, 而鱈魚亦細件, 不過味道係好食既~朋友要既味噌海藻烏冬套餐原來仲有配2件壽司同沙律, 海藻烏冬一樣咁彈牙, 而且用左味噌湯味道更濃郁, 無咁單調~2個set既份量都幾多, 仲有一件蛋卷, 抹茶控當然要抹茶蛋卷la!呢度既抹茶蛋卷最出名, 蛋糕鬆軟, 入面既抹茶忌廉滑溜, 抹茶味都算濃, 係

日本甜品裝修有點中西，一個set 百一至百二在尖咀，有沙律飲品主菜，同重點甜品，左揀右選選了個天婦羅定食，沙律所有菜都新鮮已經好食，個烏冬，好特別有點像喬麥面，彈牙，好好口感，最後飯加天婦羅，天婦羅乾身脆口，不油膩 用料新鮮，寫明的日本米飯味香不過唔夠，每份都唔多，岩晒我貪食，又怕食唔晒，到重點甜品同飲品，不得不試個蛋糕，蛋糕鬆軟，啲cream肥膩不過甜，好好食，最後一杯凍的抺茶奶茶，茶味甚香。

今天來個輕鬆的晚餐 佐敦的宏相信所有抹茶迷都知道，一開業的時候打著由日本人主理的旗號，經常都人頭湧湧。而抹茶甜品的確做得出色，但位置有點隔涉，降低了到訪的欲望。今日閒逛The One 的時候，發現宏開了分店，門面比佐敦店更雅緻高級，晚餐時段更有多種主食及套餐，價錢相宜，沒有不試的理由。.《咖哩炸豬扒飯 套餐 $108》咖哩有甜/辣 可供選擇，侍應姐姐說日本咖哩是偏甜的，不用擔心辣味會很辣、所以我就試一試辣的咖哩。等了十分鐘就有香噴噴的咖哩飯，整份豬扒飯份量頗多，我急不及待用咖哩拌一口飯，飯是不夠熱的，所以有點硬，但咖哩味道香甜惹味，咖哩汁還有很多薯仔和紅蘿蔔粒粒，最驚喜的是有牛筋粒，牛筋煮得十分林和入味，為這飯加回不少分數。.《 套餐+$20》印象中宏的抹茶卷是做得十分出色，難得套餐可加配抹茶卷，當然要食！大抹茶卷中的抹茶忌廉做得香滑，吃的時候帶微微的抹茶甘香，而旦糕部分亦做得豐盈綿密，質感鬆軟。.《雜錦天婦羅飯+熱海藻烏冬 套餐 $170》朋友的套餐十分豐富，烏冬形狀扁平，入口煙軔彈牙，即使是簡單的配搭仍給人的幸福感覺。.《抹茶軟雪糕芭菲 $88》  宏的甜品那麼出色，怎能不加點

約咗密友食飯佢本來就係識食之人推介去宏 因有我地最愛的綠茶原來呢度仲有主餐我就叫咗溫泉蛋烏冬餐個餐有沙律，烏冬，飲品，仲有蛋卷！烏冬睇落已經同出面唔同較扁身同質感較實而入面有綠色點點睇反menu先知原來係海藻黎啱曬我呢啲腸胃唔好ge人 呢個餐仲跟抹茶蛋卷！我同密友都叫咗賣相幾好但我地覺得meet塊膠有啲煩我地最欣賞係唔乾身因為好僧嘉頓個種蛋卷佢呢種食完唔洗飲水先叫高質 好飽啊但都忍唔住叫個甜品我叫咗個抹茶軟雪糕芭菲雪糕重抹茶味但不苦同配料配搭得好原來主角先係佢！ 真係食得勁滿足！