宏 (已搬遷) 新店位置

The One and K11 has turned to shops with artistic style for dessert and lifestyle store!This Tuesday, I have arrived 宏 Hiroshi to have dinner and attractive Green Tea dessert.When I arrived, the waitress nicely guide us to 4 persons table. The day was not packed with people so the waiting time was reasonable. I first open the menu booklet full of dishes (with images and descriptions) The curry dish with tempura shrimp is good in size. Curry sauce with Tempura Shrimp in rice. Curry juicy is spicy

抹茶控的我，一見門口擺放抹茶蛋圈和各式抹茶甜品，就二話不説決定和朋友入到試下。點都要食下正餐先，叫了京燒銀鱈魚套餐，餐包沙津，海藻烏冬，小蛋圈(有芝麻，抹茶，香草，可以選擇)和一杯斯里蘭卡紅茶。食採用日本米，粒粒分明，黏口，不乾，配上甜甜的燒汁，加淡淡肉既煎香脆銀鱈魚。正😝用小麥和海藻打成的海藻鳥冬，有喬麥麵感覺，煙韌，彈牙，配上甜甜醬油和昆布。芝麻小蛋圈，濃濃的芝麻香味，不苦澀，蛋糕鬆軟配滑滑的芝麻cream 和有小小芝麻粒，口感不錯。試左抹茶窩夫，二塊大窩夫配上一大球雪糕。窩夫中間夾上雪糕中間，再配上粟子蓉，味道很夾。

已經有幾年無食了之前佐敦，現在搬左去尖沙咀心血來潮好想食抹茶英國皇室都飲既水果花茶飲落去淡淡既水果香味好舒服依家推出左午餐set有好多選擇下午茶set都有和風海鮮海藻麵意粉炒得好香每一條麵都入曬味因為海藻麵所以食完吾怕肥又增加飽肚感男士們推介之選日本好傳統口味既湯烏冬同吉列豬扒飯烏冬質地有彈性好滑食完又想食黎到一定要食既抹茶蛋卷抹茶既Cream好滑同之前食既味道無變新出黑芝麻蛋卷芝麻味好香又吾會好流一杯雪糕滿足晒我想食嘅願望雪糕底下有海綿蛋糕店員話系用黎吸抹茶溶落既雪糕好貼心之後底下仲有杏仁片丸子，抹茶既果凍同抹茶雪糕完全吾會好甜，一個人默默地就食完一杯

今日和朋友到The One 睇戲,之前唸緊食咩,搭電梯時見到依間“宏” 好潔白的裝修,見到又坐得好舒服,門口又有好多唔同款的蛋糕便入去坐低咗.點菜前去咗洗手間先 .見到門口原來有啲綠茶蛋糕放喺度比人試食,還有些日式產品買。 蛋糕櫃旁,有個滴漏咖啡壺在滴漏中,待會兒一定要試一試。洗手間回來,朋友已有好介紹了。這間餐廳有99元套餐,包括有烏冬(可放湯.涷食或炒), 有3款蛋糕可選擇,跟一杯斯里蘭卡紅茶。 如果驚唔夠飽,有個餐有飯和細湯烏冬。還有多款綠茶甜品。我地就揀了一個99元套餐日本產温泉蛋海藻烏冬套餐和 京燒銀雪魚飯套餐。朋友揀了紅茶這裏是用上斯里蘭卡紅茶,而bike bike喜歡試唔同地方的咖啡, 就揀了涷的滴漏咖啡。烏冬的蛋黃好黃和大隻,原來用了福崗蛋,湯底好似是用鰹魚煲了8小時的,所以,清得嚟好香鰹魚味。最特別是這裏的烏冬,不是食慣的白雪雪圓圓的烏冬,而看落就好像喬麥麵.因為是用小麥和海藻打為烏冬,望真裏面真是有海藻的,見到一粒粒黑色,食落很彈牙。仲加埋兩件加州卷,包得很實 ,不會散,飯好軟熟,加了沙律醬更好味。99元仲有生菜沙律跟了西柚醬,酸酸地好開胃。不過這個比較西式,如果換

今日和朋友去了the one 宏食午餐，它出了一個set, 99蚊，好似好抵食，所以每人都叫左一set.我試左一個主菜-日本產温泉蛋海藻烏冬麵，d麵原來係加入左d海藻，所以有別於平時食開既烏冬…口感好特別，好滑的，而個湯底好清一點油都沒有，很健康！我朋友就試左個海鮮海藻麵意粉，d意粉又係加左海藻，都係好滑，有別於西餐意粉，而d海鮮都好新鮮！甜品叫了綠茶蛋卷同黑芝麻蛋卷，其實我本身都唔太喜好呢兩款味道，但因為呢兩樣係它的招牌食品就即管試下！1. 蛋卷比較濕，不會口乾2. 綠茶蛋卷沒有那澀味，反而仲好好味！3. 黑芝麻蛋卷有好香的芝麻味，仲感覺到d cream有一小小粒芝麻粉，真●好味！（唔食正餐都值得去試下甜品！）最後叫左飲品洋甘菊同草莓沙冰-1. 洋甘菊好香（以為好濃），但飲落去反而好清新！2. 草莓沙冰，好大杯，抵飲！味道適中，我好like,夏天最岩飲！

＄90 一個的咖喱豬扒飯，非常薄的豬扒，而且煎到非常乾身  咖喱淡而無味，整體強差人意，可以算是我食過最難食的日式咖喱豬扒飯，再加上份量很少一般男士應該不夠，服務一般，侍應反應很慢。唯一可取就是甜品。

甜品當然是女士們至愛啦，而綠茶更是皇者中的皇者，shopping完經過呢個大大的旦糕櫃都即時心心眼，不過細心的女人是要照顧身邊那位無飯不歡冇肉到肚會訓吾着的另一半，呢度的確係不錯，一條龍服務，有飯食又有烏冬，吾洗行來行去呢！！食完正餐即時可以進入直路填飽的個甜品胃！京燒銀雪魚飯+海藻烏冬套餐 ＄140呢個餐真係一次過滿足到你幾個願望架！你知啦女人仔又多心又細食，而呢個餐是以半份飯半份烏冬為主食，另外跟餐還有柚子醋fresh到爆的蔬菜沙律、招牌旦卷、高級斯里蘭卡紅茶。真係乜都有啲，幾多心都吾怕啦！京燒銀雪魚飯一睇都覺得健康架！有半份蔬菜，而京燒銀雪魚則有兩大片，表層燒得微脆沾上甜甜地的京燒醬汁送飯絕配，加埋烘過的芝麻增添香口感，而這裏的米飯也特別好吃軟熟有咬口和微黏，一問之下原來也是大有來頭的秋田米。豚肉生姜燒飯+烏冬套餐 ＄130豚肉生姜燒飯，有大量洋葱味偏清淡再加上生姜吊味又出奇的突出，豚肉很嫩口沒有豬酥味。海藻烏冬套餐內的小烏冬，份量剛剛好，湯底是由堅魚和坤布餚成很鮮味，店員姐姐話沒有落味精和鹽的，所以喝下都不會確喉，而烏冬也不簡單，吃落有少許海咸味，原來是因為由海藻一塊撈埋製作而

之前試過佐敦店既抹茶野 今次黎尖沙咀店再試下其實我同朋友睇完戲未食飯 想黎呢間食個主食再食抹茶甜品 不過店員冇提我地廚房last order 左 只可以點甜品食 最後叫左抹茶卷蛋同抹茶窩夫大$30 細$15呢個係大 好抵食！ 抹茶味香濃但吾會太甜 蛋糕鬆軟 正！😋 抹茶窩夫 $68 第二次食宏既抹茶窩夫 覺得退步左🙈 第一次係佐敦店食覺得好正 今次係尖沙咀店食 抹茶雪糕好香濃 好食 但窩夫吾夠脆身 同埋麻麻地果舊栗子曲奇😂

我是一名喜歡吃甜品的男生，間中會一個人去品嚐甜品，今次選擇了綠茶為主的餐廳<宏>想不到五一黃金周，人流唔係想像中多，正好給我慢慢享受。我選擇了雜錦天婦羅飯配手打麵套餐加綠茶蛋糕作為我的晚餐。套餐包了一杯熱茶，讓我開一開胃。雜錦天婦羅飯，雖然睇落份量不多，但食落都剛剛好。秋葵天婦羅係我第一次食，味道帶甘香，而且秋葵對心血管很有幫助。手打麵麵質彈牙，湯底帶點咸香。配有芝麻醬既蔬菜沙律，這一份多菜無肉的晚餐多麼的健康。最後甜品係綠茶蛋糕，外表雖然細細舊，但綠茶味非常濃郁，而且綠茶忌廉滑得嚟唔會太甜。這一個寧静的晚上吃了一份豐富的晚餐係一件樂事，我相信會再為一件綠茶蛋糕而來。

前陣子努力工作，令壓力變得越來越大，所以，這天那了一天假期，好好的吃喝玩樂來慰勞自己。 當然，沒有朋友相伴，這天就硬拉媽媽陪我一天，先於The ONE修甲，再買鞋，行了差不多接近2小時，我們就決定到商場內吃飯。商場內5樓有一間日式餐廳，門外的蛋糕及蛋卷非常吸引，看看餐牌，覺得套餐挺抵食，除了有飯、烏冬，還有蛋卷，所以決定與媽媽一試。 餐廳的佔地挺大，而裝修上亦非常有心思，白色牆身掛上大大件的紫色和服，刻意營造和風格調，而半露天的設計，感覺就充滿歐陸風情。 我點的是雜錦天婦羅飯套裝，內裏包括海藻烏冬、香草/抺茶/黑芝麻小蛋卷及斯黑蘭卡紅茶。 天婦羅雖然炸成金黃色，但入口時一點都不油膩，亦沒有重重的油香味，加上炸漿並不多，令天婦羅的口感變得更香脆，而蝦肉挺大隻，啖啖肉，味道鮮甜，非常香口。海藻烏冬的位量相對來說就少了點，而且樣子看起來有點像蕎麥麵，不過，個人認為相當美味，因為烏冬的口感真的非常煙靭，讚。 媽媽吃的是京燒銀鱈魚飯套裝，內裏包括海藻烏冬、香草/抺茶/黑芝麻小蛋卷及斯黑蘭卡紅茶。 京燒銀鱈魚飯的賣相不錯，銀鱈魚煎香後，再於上面淋了京燒醬汁，入口時味道甜甜的，而銀鱈魚魚肉嫩滑，而

晚飯吃了個京燒銀鱈魚飯餐。首先食沙津。生菜幾新鮮，咬落索索聲，又酸酸地咁，開胃醒神。再黎食個味噌昆布蕎麥麵。味噌湯幾濃郁。麵條彈牙，有蕎麥味。昆布滑溜，爽脆。跟住到銀鱈魚飯。銀鱈魚煎得甘香，啖啖肉，油脂夠得黎唔會過火。燒汁夠濃，濃得黎又夠味，夠味得黎又唔會搶晒D魚味。飯粒非常煙靭，加上所有餸及燒汁蓋上飯面，令到飯的熱度保存得非常好。最後試埋個抹茶小蛋卷。抹茶味夠濃，而且忌廉打得好幼細，食落好滑，有層次。甜度較得幾啱，唔會太甜。佢地之所以能夠靠呢件抹茶蛋卷打響名堂，真係有原因。

今日黎到theone哩邊買野順便搵食! 見到宏出面好多cake! 比佢吸左入去...哩度有好多食物揀...又有d好抵食既套餐!我揀左日本野菜天婦羅冷海藻烏冬套餐...哩個烏冬餐超抵呀！佢地既烏冬係加左海藻製成 好健康！底下就係用冰墊住...keep住溫度！冷烏冬食落彈牙爽口，點豉油汁食好味呀！而野菜天婦羅炸得脆！如果覺得硬既都可以浸下豉油汁食都好好味呀！仲有加洲卷同埋沙律！份量仲要好多！另外再點左個京燒銀雪魚飯套餐!哩個餐又有飯又有烏冬! 個鱈魚加左燒汁好滑好味! 配上西蘭花甘荀, 好fresh! 同樣烏冬係用海藻製成, 彈牙美味! 以湯食法也好味! 哩個湯係用鰹魚餚成, 所以好鮮甜! 美味呀!飲品方面我叫個杯凍咖啡! 哩個個餐就唔包既, 但好似好特別我想試試! 本身我係喜歡齋啡既!係一杯好特別既咖啡!一滴一滴咁由自然水用7－8鐘去制造! 味道仲濃過espresso! 如果唔係飲開齋啡就會覺得好苦! 所以會跟埋奶同糖水比你!另外一杯係洋甘茶! 茶味香濃! 好重菊花味呀!  清新! 套餐包埋甜品小旦卷! 我地2個套餐叫左一個芝麻味, 一個抹茶味!芝麻味很不錯! 平時食既芝麻旦糕都會比較甜

作為一個抹茶魔，一聽到邊度開新店有抹茶野食，就一定唔會放過佢！其實之前已經試過佢係佐敦間鋪，但今次就試埋熟食先每張枱都有個呼叫制，就唔怕叫唔到人服侍你啦套餐包埋既English Breakfast Tea, 有4款茶每日輪住供應一款,仲好貼心你飲飲下會幫你加熱水照燒雞飯+蕎麥麵套餐，個麵質唔錯，最怕唔夠汁個種沙律，呢個既dressing就俾得岩岩好，個照燒雞飯都唔錯，用上日本米就一定無得輸啦老公就叫左個鱈魚套餐，我試左舊魚，係真。鱈魚，唔係俾假野wor主角抹茶roll都係套餐包埋既，味道唔算太重抹茶味，蛋糕都做得好鬆軟，算係唔錯啦總括黎講，$140一個set有咁多野食咁既質素都收貨啦！

今日夜晚去尖沙咀，老婆大人上佐openrice揀餐廳，最後揀佐呢間the one既宏食物種類都算幾多，有烏冬，有雞飯，豬飯，咖哩飯，仲有蛋糕，雪糕，蛋卷....環境都算唔錯最後我地揀佐2個餐1號餐 係 鱈魚飯+烏冬+小蛋卷+茶2號餐 係 照燒雞飯+烏冬+小蛋卷+茶Portion算正常，女仔一定夠，男仔可能唔係好夠飯同烏冬正常，未算突出抺茶小蛋卷有d小，抺茶味唔算好濃茶就冇得揀，要佢assign，今期係English breakfast tea，冇我最愛earl grey呢個價錢可能會有其他更好既選擇..

今日同朋友仔係the one睇戲，順便就食埋晚餐，就去左5樓'宏'果到食野！佢地幾個唔同既dinner set選擇，set有主食埋甜品同埋野飲！價錢唔貴！咁我地就order左兩個餐！最鐘意就係個黑芝麻蛋糕，真係超級超級好味！整餐飯黎講，都好滿意