安安燒 (染布房街) (已結業)

平日如果想食串燒，通常都係泰式串燒、沙嗲串燒居多，如果想食重慶燒就要入到好遠，難得喺鬧市有一間重慶串燒，一定唔可以錯過!地點非常方便，旺角地鐵站行幾分鐘，就到左呢間鬧市中既重慶燒。一入到舖頭，走簡約路線，適合好輕鬆咁大口大囗地食串燒，啱哂一大班人黎一齊食。安格斯肉眼牛柳串開頭諗食串燒牛柳會唔會over cooked ，不過唔洗擔心，一d都冇，medium well 既熟度，仲好有牛肉汁，好juicy~ 燒鹿兒島豚肉串同個肉眼一樣咁juicy，而且有少少燒到脆囗，非常香口，而且個肉醃得好入味，少少辣味，肉質挺好~燒翠玉瓜一咬，仲有好多汁，而且唔會有靑味，有少少醃味，食下瓜唔會太肥膩秘製醬燒雞中翼個醃料好特別，有少少麵豉既味道，又有少少辣味，燒到隻雞翼外脆內多汁，雞皮好香口，一口氣食左兩隻燒頂級墨魚丸墨魚丸都經醃製，不過如果再彈牙一點，就perfect~Strongbow apple cider 食串燒就緊係要啤啤佢啦，Apple cider always 都係我既fav，strongbow 呢隻好香既蘋果味，又唔會太甜，非常淸涼呢間重慶燒味道很好，而且服務亦好好，頻繁地更換碟，而且上菜速

放左架車響附近整, 要等一輪先拎得, 所以就響附近搵D野食下先, 見呢間安安燒幾多人, 價錢唔係太貴, 而且有芝士撈丁, 好似幾吸引WO, 一於入去食個先.要左個黑松露菌醬三重芝士撈丁($63), 餐牌寫三重有藍芝士, 巴馬臣芝士, 車打芝士, 三款芝士混埋一齊, 芝士味夠晒濃郁, 夠滑唔會一舊膠咁, 撈埋落麵食都唔覺濟, 面好彈牙, 唔會太硬或太腍. 仲有淡淡既黑松露味, 將味道提升.仲有玉子燒($24), 即燒熱辣辣, 蛋味香濃, 入口蛋厚味甜, 簡單而美味.要多個燒菜心($14), 加左D醬汁響面燒, 燒完都唔覺乾, 仲保留到菜既水份, 食落爽口, 唔會一陣燶味.

本小姐係芝士腔, 見到呢度有芝士撈丁食, 芝士癮發作就即刻拖埋老公仔一齊去食! 本來諗住淨係食芝士撈丁加其它串燒, 入到去先發現原來仲有其它芝味串燒, 所以是晚就變咗係芝士之夜喇!芝士撈丁 - 芝士味道好濃郁而且份量好多又唔會水汪汪, 建議最好兩個人Share 黎食, 因為一個人食晒一碗會好飽.芝士生蠔 - 芝士燒到有少少焦面, 食落比芝士撈丁更香口, 加埋蠔鮮味, 唔錯!芝士燒翠肉瓜 - 呢個都幾得意, 翠肉瓜爽口多汁, 配埋燒芝煙韌軟腍的口感又幾得意, 有芝士香味之餘又食到清新味雙重芝芯丸 - 呢個同我平時食開唔同, 佢裏面D芝士係可以拉到少少絲的, 而且好濃味, 好正!後黎仲叫咗其它燒物, 不過我太鍾意芝士, 所以是晚芝士食物贏晒!

小妹平時唔係好飲酒, 唯一會飲酒就係食BBQ或者打邊爐的時候! 今日朋友Book 咗位黎旺角呢間安安燒, 去到門口已經聞到陣陣香味, 感覺似係重慶燒, 但入到去先發現, 佢D款式比重慶燒多好多.呢間座位唔算多, 但就好熱鬧, 我地食到中途已經開始有人等位了. 我就叫咗支Apple Cider黎飲, 佢其實係果味汽酒, 甜甜地又好Fresh, 好啱女仔飲.食物方面除咗必點的串燒物, 雞腎, 雞軟骨, 墨魚丸, 雞翼等, 仲叫咗好多其它野食. 串燒物燒得好香, 而且肉汁豐富, D肉都好夠味, 一邊食一邊飲啤酒好夾! 燒菜我地都叫咗D, 我個人喜歡燒娃娃菜, 估唔到好甜又多汁, 好好味! 而麻辣水魷就夠晒爽口, 麻辣汁唔會過辣, 配合返香港人口味. 仲有蒜蓉牛油金菇, 份量好多好香, 牛油香味係浸到入每一條金菇度, 好味呀~呢間D食物多選擇而且燒得真係唔錯, 值得推介!

放大假前做野做到半死, 放工已經11點, 即刻約朋友出黎叉叉電. 完全未食野肚餓到不得了, 記得旺角個度有間燒物店開到好夜同埋宵夜有折, 就約咗好友係安安燒等, 諗住relax 下!我同朋友一人叫咗杯生啤飲, 1664 Blanc <- 口味清新又有花香味, $65一大杯, 啱晒女仔飲, 而且食串燒最夾! 朋友已經食咗晚飯, 我就順理成章叫晒我最鍾意的食物!多春魚 - 次次都會食多春魚, 佢燒到乾身, 食落去魚春好香好爽口燒車厘茄煙腩卷 - 煙腩卷鹹香味重, 配埋爆汁車厘茄口感清新燒鮮冬菇 - 每次必點! 冬菇燒完份外香, 而且咬落係有汁的, 唔會乾爭爭!玉子燒 - 甜甜地又有焦香味, 玉子雖然厚身, 但做得好鬆化, 個人特愛!燒玻蘿 - 好甜好多汁! 燒芝士生蠔 - 呢個我都好鍾意呀! 芝士夠多, 食落好Rich, 生蠔亦都夠多汁, 咬落去口感一流

同男友去完黑布街買D車零件, 諗住搵下野食, 行下行下聞到呢間安安燒好香, 又未諗到去邊度食野, 所以同男朋友就決定試下呢間啦! 我地無訂位, 唯有等一陣. 聞到D香味個時真係越等越肚餓, 結果入到去叫咗好多野食! 我最鍾意食佢個燒茄子, 面頭係用蒜頭同埋少少辣椒吊味, 夾落去D茄子肉一條條好容易離皮, 燒到啱啱好, 食落好軟滑同埋有水份, 好味 ! 燒菠蘿係我第二樣推介, 佢用咗焦糖cover 係菠蘿面頭, 一食落去係脆脆咁樣, 然後咬落去個菠蘿好甜好多汁 ! 仲有樣我都好鍾意就係燒芝士生蠔, 佢個隻芝士都幾厚身, 唔會水汪汪, 食落同個蠔好夾, 而且個燒蠔個時間控制得幾好, 裏面肉汁豐富, 蠔個size 都OK大粒, 幾抵食. 男友就比較鍾意佢d肉串, 佢話用黎送啤酒好正喎~ 今日雖然等得耐D, 但D野食真係OK好味, 值回票價!不過呢間燒物店坐位唔多, 座落有少少逼, 但都大致舒適

旺角不嬲都越夜越旺, 搭車又方便, 平時放工無咁攰都鍾意同同事食埋宵夜先返歸. 經過安安燒又到宵夜時間, 見今日唔係咁多人排隊就等位入去食喇. 等咗十零分鐘到已經有位, 我地都tick 好晒野食. 宵夜時間其實食得唔多, 都係至在飲杯啤酒, 吹吹水. 不過呢間D串燒真係幾惹味, 飲啤酒最緊要食D夠香口, 夠濃味的野. 有幾樣野我係特別鍾意 雞翼 - 整得好入味, 咬落好Juicy, 個皮都燒得好香 鴨舌 - 第一次食燒鴨舌, 用孜然粉黎燒出奇地夾, 好惹味! 燒牛餐肉 - 呢個真係好好味, 午餐肉同青椒串住黎燒, 平時我都唔係好食青椒, 不過夾住午餐肉食又OK, 青椒係有種中和午餐肉油膩感覺 車厘茄煙腩卷 - 呢個又係好味野, 重點係佢個煙腩唔會肥膩, 非常香脆. 一咬落去裏面粒車厘茄好多汁,酸酸甜甜好開胃!其它食物都宵得幾好味, 最正係宵夜有折, 飲埋啤酒埋單都係百幾, 認真抵食!

因為貪靚怕熱氣驚生暗瘡 已經好耐冇食串燒了男朋友不停催眠我話好想食 唯有捨命陪君子啦男朋友最鍾意食燒生蠔 佢話呢間既燒生蠔蒜蓉夠多夠香 我試左都好鍾意 覺得個蒜蓉整得好好味 同其他地方有點不一樣 另外點左一人一隻燒鮑魚～食落少少辣 鮑魚肉好煙un 當然點左串燒必食既茄子整得非常美味，一扯就扯左成條茄子肉出黎 爽阿！ 燒雞軟骨每次食串燒 我都會點雞軟骨 因為我好鍾意那個脆卜卜既感覺 今次食都滿意既 好香脆 好好味 只係略嫌油左少少jek

串燒呢啲熱氣香口野一向都係小妹嘅至愛，今晚同朋友行完街，念起我最愛嘅安安燒！地點近住旺角東站，夠哂方便。今日時間早，去到都只係等咗一陣就有位喇。秘制三重芝士撈丁一直心思思掛住佢嘅招牌撈丁！呢個撈丁用咗三種唔同嘅芝士混合而成，藍芝士、巴馬臣芝士同車打芝士。味道非常濃郁，芝士表面用火槍輕輕燒焦，加重焦香味。用上出前一丁，煮得彈牙，而且每口都均勻撈上芝士醬汁，實在出色。燒韮菜每次都必食嘅燒韮菜，韮菜沾滿川味必備嘅香料同孜然粉。燒得香口又唔會乾身，帶小許辣，又有小許炭燒嘅感覺，同韮菜本身嘅香好夾。燒雞腎串雞腎有兩串，爽口彈牙！加上大量嘅川味香料，燒得表面帶小許焦香，又不會太乾。有口感得嚟又帶點風味，十分好食。甜蜜脆脆糖燒菠蘿菠蘿一份有六舊，每一舊表面都有一層脆脆燒過嘅糖衣。菠蘿好甜唔會酸，咬落多汁。食落有表面脆脆地甜甜地嘅味道。夾得嚟又幾特別，而且菠蘿都無乜渣。頂級鹽燒多春魚多春魚一份有四條，比較抵食。多春魚燒得外面十分香脆，骨同頭都可以直接食用。內裹嘅魚春因為燒過逼出香味，咬落一粒粒嘅魚子，好qq。一間串燒店，叫人最難忘嘅係芝士撈丁！串燒其實同樣出色，選擇多多，又一旺角好去處！

慕名而來係想試下呢間的芝士撈丁. 說也奇怪, 明明呢間係串燒店, 竟然都會有芝士撈丁食, 不過今次係衝住芝士撈丁黎, 唔理得咁多了~ 叫咗個芝士撈丁同埋燒四季豆仲有燒雞翼. 等一陣已經有得食. 首先要讚一讚佢芝士份量, 佢係好充足 , 夠撈晒成個面有餘, 而且芝士面頭微微燒過, 令佢有陣焦香味, 好特別 . 面質軟硬適中, 保持到丁面的彈滑. 食落芝士味好濃郁, 相比起之前其它店食過的撈丁, 呢間應該係最濃味同埋最厚身, 食落真係好芝士, 哈哈. 其實食完個面有D飽, 雖然四季豆同埋雞翼都好好味, 但已經被丁面搶咗風頭, 哈哈, 食完成口都係芝士味, 好滿足!

同朋友睇完戲, 已經11點幾, 出到黎有點肚餓想去食下宵夜. 行行下見到呢間安安燒仲有開, 雖然已經係夜深, 但呢間燒物店都好熱鬧好多人, 所以我地諗都無諗就走咗入去食喇. 夜媽媽本身唔太肚餓, 但食下食下越食越多. 因為樣樣都燒得好惹味. 有幾樣我係覺得特別好味的: 燒吊片魷 - 吊片魷燒得好香, 而且肉質煙韌又唔會硬, 口感好好呀! 燒一口午餐肉: 午餐肉係厚切的! 佢連埋青椒一齊燒, 一啖肉一啖青椒,食落有午餐肉個種香味, 又有青椒個陣清新. 燒牛舌: 我自己鍾意食軟身少少的牛舌, 呢度做的牛舌就好啱我口味, 而且帶有應該有的膻味 燒芝士扇貝 - 芝士味好香, 配落扇貝度又好襯而且好有鮮味我自己都好鍾意佢D肉串, 燒出來肉汁都豐富, 而且重點係佢D孜然粉同埋辣粉都好香好夾, 兩個人, 宵夜食到飽一飽, 埋單先知原來宵夜仲有折, 抵食!

前日收工, 女朋友話想吃串燒。我當然立即上openrice看看有什麼串燒好推介，就看到這間安安燒。餐牌上第一張紙已經是高度推薦的三重芝士撈丁.但我跟女朋友都怕太膩所以就只叫了一碗。餐廳內四周都貼上琳瑯滿目的串燒圖女朋友說食串燒一定要喝啤酒，因為我不是太愛喝酒，所以點了一瓶小的藍妹，餐廳提供的是小瓶裝，很適合只想過口癮的我們。香濃芝士燒扇貝 一 芝士味十足而且芝士經過燒烤後在融熔的狀態，格外有口感。 另外扇貝燒得剛剛好熟， 大小適中，好吃！川燒墨丸串 一 墨丸好口感很彈而且加了秘製的香料去燒，非常惹味而且賣相非常吸引。特別是他們的串燒燒起來仍然很有光澤！烤牛小排 一 牛排熟的程度剛剛好，不會太生或者太老。另外就是牛排味很重很濃，還有肉汁能夠吃得出來，非常有驚喜。明太子雞翼 一 女朋友點了我最喜歡食的東西就是雞翼，哈哈！ 無骨的雞翼中釀了肉及香料，明太子增加了雞翼的口感，感覺非常新鮮及有趣。牛油焗金菇 一 最後就是點了女友最愛吃的金菇。一拿上台已經牛油味十足傳到我們的鼻裡，一打開更加是不得了。當然味道更是十分好，特別是金菇很入味，非常棒！另外，店内環境很整齊及座位舒適，有大電視看，下次再有

朋友生日, 約咗去呢度食串燒. 我地有成6個人咁多, 煩緊去邊度食野之時, 上網搵到呢間串燒度好似幾好味, 一於Book 位去試下!揀串燒係因為佢啱一班人食, 大家樣樣叫D, 又可以Share, 又可以食唔同野, 又可以Casual傾下計, 真係唔錯.今試呢間安安燒大家都好滿意, 佢d串燒好香好惹味. 尤其係佢D海鮮, 除咗一般野之後, 佢最好係有得揀每日新鮮到的海鮮(會比其它貴少少), 我地當日有蟶子皇同埋鮑魚, 食落好鮮味, 的確係鮮料, 佢係加咗少少蒜蓉同埋辣椒去燒, 燒到啱啱離殼, 肉質唔會太淋又唔會太硬, 剛剛好話就話係串燒, 但佢除咗一串串食物, 仲有好多得意野, 例如麻辣田雞脾, 麻辣牛骨髓用四川辣汁加落食材, 放係鍚紙裏面燒, 做到好入味又唔會過辣, 整得唔錯; 仲有港式魷魚仔 (最愛!!) 燒甜薯同埋脆脆菠蘿都好好味.最後佢地送咗支香檳比我地慶祝生日 (原來生日的話, 有4位幫襯就可送一支), 超開心!

行行下旺角，好想食串燒，即刻上OPENRICE SEARCH下有冇啦～行到鋪頭附近，已經見到好多人排緊隊，肯定冇死！等左20分鐘左右就有得入，店員幾好，教哂點樣落單，時價既野食講左價錢，缺貨既野亦講埋，幾細心！燒韮菜生熟度燒得適中，食落爽爽地好易咬，然同花椒份量夠哂多，非常惹味 燒茄子每次食串燒必點的！關於茄子，我會用大陸燒既燒茄子做標準，呢間的燒茄子有90%相似度！一放低已經覺得好香，好夠蒜！食落個口感都好似！好稔，入口好似會溶咁：D燒扇貝價錢以串燒店黎講，唔貴，所以我都預佢唔會好大隻。黎到果然，SIZE正常啦，不過最重要的調味就俾得非常大方！而且，肉質爽甜，仲有羔添！所以都覺得滿意多春魚燒得脆卜卜，都好好食！但我就比較鍾意就咁加鹽，覺得會更岩更夾

朋友約我食燒物, 本來有少少怕熱氣, 但為食的我都係忍唔住!今日食呢間燒物店位於旺角, 地點都幾方便. 細細間舖但食物款式都好多. 呢間燒物店主打川式, 所以都會用川式辣粉同埋孜然粉黎燒野食, 好香好惹味!我地鍾意食多D唔同款式, 所以每樣都係叫咗一兩串試下味道.雞肉軟骨棒 - 佢用咗雞軟骨同埋雞肉做成一支好似雪條型狀的棒棒, 咬落去卜卜聲好爽口, 又唔會乾爭爭, 好味!美國牛小排 - 估唔到又燒得幾好味, 外層好香BBQ味, 裏面保留到粉紅色半熟狀態, 多汁又有牛味, 仲切好一片片比我地Share 食, 呢個值得推介燒鴨舌 - 燒鴨舌好惹味, 我自己就鍾意加多D辣粉同埋孜然粉芝士生蠔 - 呢個好好味, 芝士夠多, 生蠔Size 都幾大, 食落好Juicy好香芝士味除咗以上呢D, 其它野食都燒得幾香同Juicy, 幾有水準. 我地兩個係典型怕辣但又鍾意食個D人, 好彩呢間D辣度做得幾好, 我地兩個都接受到呀!