安安燒 (染布房街) (已結業)

放左架車響附近整, 要等一輪先拎得, 所以就響附近搵D野食下先, 見呢間安安燒幾多人, 價錢唔係太貴, 而且有芝士撈丁, 好似幾吸引WO, 一於入去食個先.要左個黑松露菌醬三重芝士撈丁($63), 餐牌寫三重有藍芝士, 巴馬臣芝士, 車打芝士, 三款芝士混埋一齊, 芝士味夠晒濃郁, 夠滑唔會一舊膠咁, 撈埋落麵食都唔覺濟, 面好彈牙, 唔會太硬或太腍. 仲有淡淡既黑松露味, 將味道提升.仲有玉子燒($24), 即燒熱辣辣, 蛋味香濃, 入口蛋厚味甜, 簡單而美味.要多個燒菜心($14), 加左D醬汁響面燒, 燒完都唔覺乾, 仲保留到菜既水份, 食落爽口, 唔會一陣燶味.