安安燒 (染布房街) (已結業)

串燒呢啲熱氣香口野一向都係小妹嘅至愛，今晚同朋友行完街，念起我最愛嘅安安燒！地點近住旺角東站，夠哂方便。今日時間早，去到都只係等咗一陣就有位喇。秘制三重芝士撈丁一直心思思掛住佢嘅招牌撈丁！呢個撈丁用咗三種唔同嘅芝士混合而成，藍芝士、巴馬臣芝士同車打芝士。味道非常濃郁，芝士表面用火槍輕輕燒焦，加重焦香味。用上出前一丁，煮得彈牙，而且每口都均勻撈上芝士醬汁，實在出色。燒韮菜每次都必食嘅燒韮菜，韮菜沾滿川味必備嘅香料同孜然粉。燒得香口又唔會乾身，帶小許辣，又有小許炭燒嘅感覺，同韮菜本身嘅香好夾。燒雞腎串雞腎有兩串，爽口彈牙！加上大量嘅川味香料，燒得表面帶小許焦香，又不會太乾。有口感得嚟又帶點風味，十分好食。甜蜜脆脆糖燒菠蘿菠蘿一份有六舊，每一舊表面都有一層脆脆燒過嘅糖衣。菠蘿好甜唔會酸，咬落多汁。食落有表面脆脆地甜甜地嘅味道。夾得嚟又幾特別，而且菠蘿都無乜渣。頂級鹽燒多春魚多春魚一份有四條，比較抵食。多春魚燒得外面十分香脆，骨同頭都可以直接食用。內裹嘅魚春因為燒過逼出香味，咬落一粒粒嘅魚子，好qq。一間串燒店，叫人最難忘嘅係芝士撈丁！串燒其實同樣出色，選擇多多，又一旺角好去處！