安安燒 (染布房街) (已結業)

九龍區平民宵夜聖地不外乎深水埗同埋旺角,知慳識儉的我通常都會搵Ｄ宵夜有折的餐廳。呢間串燒之前晚餐黎食過，記得佢宵夜有折所以今日特登同個friend去食.等咗10零分鐘先有位, 發現原來閒日宵夜比起假期仲抵D我地10點左右入座已經有全單85折.因為係宵夜所以食得唔多肉, 全要集中叫海鮮同埋果菜. 值得一讚係, 宵夜份量唔會因為特價而減少, 味道同埋份量都同平時一樣. 其實有幾款我地都覺得幾好味:1) 燒菠蘿 – 次次食都好好味, 燒完的菠蘿聞到有陣BBQ香味, 食落去係爆汁的, 而且好甜, 比起無燒過的菠蘿更甜, 非常好食2) 焦糖脆蕃茄 – 呢款作為甜品都好好味. 同樣地一食落去就爆汁好新鮮. 加埋佢面頭有一層焦糖, 所以食落去味道酸酸甜甜咁, 好啱女仔食3) 蒜蓉燒扇貝 – 一碟有4隻, 扇貝連殼燒, 用大火迫出黎的鮮汁加埋蒜蓉同埋少量辣椒, 變得好惹味!

終於約到屋企人一齊去試， 之前見到成日鋪仔細細但勁多人等位， 一早想去試下架啦， 經open rice 訂位好快有個哥哥仔覆我， service 都算ok la人手都夠 （而家餐廳好多時唔夠人手）我地4個人都叫咗幾多野食 金銀蒜蓉燒生蠔： 唔乾夠juicy, 夠新鮮， 有驚喜美國牛小排： 真心推介， 好嫩剛剛好， 唔會over cook, 味道適中 麻吉年糕燒： 口感好特別， 入面 煙韌外面彈牙， 好好味 三重芝士撈丁： 芝士味濃，估唔到好似好簡單既野都幾好食， 不過要襯熱食，凍咗會杰撻撻灸燒海中蝦： 最怕食到霉既蝦， 呢道味道剛剛好唔會太咸， 好新鮮 法式羊架： 老公話juicy 同埋肉好嫩 燒鮑魚： 以為會好硬好un, 點知好新鮮同好軟， 唔錯！ 秘製醬燒雞中翼： 好好味咸味適中！ 燒茄子： 不過不失啦， 味道比較重， 都依然好夠水份好嫩滑 燒韮菜： 都幾好唔太乾 手 燒菠蘿： 幾好食但其實無乜特別， 係夠juicy 囉 燒雞泡魚乾： 其實都幾好食， 不過同其他地方食既無乜分別 燒牛舌： 都ok 既， 只係比較淋一d, 牛舌都係

前幾日好掛住芝士撈丁, 放工同同事講開又去幫襯, 我地去到六點幾好彩唔洗等位, 坐低就一人叫咗一個芝士撈丁食, 我地兩個都鍾意食黑松露味, 貪佢夠香夠濃好惹味!呢間芝士撈丁食過幾次, 每次都無失望. 睇返佢地個餐牌, 呢隻芝士係用三個品種的芝士混合而成, 呈金黃色, 比較稠身, 而且上面微微燒過, 所以面頭有D焦香味. 所以口感好豐富. 熱食最好味, 其中一個原因係芝士凍咗好快會變得杰撻撻; 而另外就係因為要熱食先可以帶出個芝士香! 芝士同黑松露份量都好足夠, 每一條面都可以沾到芝士汁同埋黑松露, 食落口感好Rich.除咗芝士撈丁之外, 我地當然仲有叫其它燒物啦, 圖中係燒雞泡魚乾, 咬落香口煙韌, 加埋沙律醬好開胃, 用黎送啤酒一流! 另外仲叫咗個餃子雞翼, 佢係雞翼裏面釀入咗豬肉, 咬落好多汁又夠彈牙, 好正! 不過因為太飽關係, 我地都食唔到好多野, 但天氣凍凍地, 食到我地最掛住的芝士撈丁已經非常滿足

平時食海鮮通常都係蒸, 燒海鮮真係好少食到. 今次黎到串燒食燒海鮮估唔到又另有一番風味喎!–1) 燒鮑魚 – 本身以為鮑魚拎黎燒會好乾好硬, 純料未試過叫黎貪得意, 食落去又有驚喜喎. 鮑魚爽口彈牙, 本身鮮味都好夠, 燒完之後加多咗重香味. 面頭的蒜蓉, 辣椒同埋香蒽等令到成個味道更加香口.2) 蜜糖燒生蠔 – 用蜜糖黎燒生蠔又係第一次食, 蠔身多汁, 中型Size, 食落去鮮味同甜味都OK夾3) 蒜蓉燒生蠔 – 食返個Standard野, 生蠔連殼燒, 肉汁同樣豐富, 蒜蓉舖面就更香口惹味

今日放假可以鬆一鬆, 決定唔係屋企玩煮飯仔, 出街二人世界嘆下美食.之前聽過朋友講呢間串燒店好食, 不過一直無機會試, 今次特登Book 好位幫襯下, 今日雖然係閒日, 但係都坐滿人. 成間餐廳充滿咗香香燒烤味, 未開餐已經好興奮! 我地叫咗好多野食, 佢個份量係1串串咁計, 或者係一小份一小份咁, 好啱我地呢D兩個人幫襯, 又想食多款式的Couple.我地叫咗好多野食, 其中有幾樣野就比較深刻, 包括有燒鮑魚 - 肉汁豐富, 而且充滿鮮味! 食落又唔會韌, 仲好彈牙 (燒鮑魚真係第一次食, 哈哈) 燒鴨舌 - 平時食開滷水, 估唔到用黎燒又好香口, 孜然粉同鴨舌好夾, 非常惹味. 雞翼 - 平常都得到的雞翼, 呢間餐廳做得非常出色, 外皮香脆之餘, 裏面肉汁keep 到好豐富, 而且雞翼肉好入味, 又唔會過咸, 唔錯!因有太多款式未能一一品嚐, 下次有機會再黎一定會試埋其它美食!

有天忙到過了九點才吃晚飯，就亂入了位於旺角染布房街的「安安燒」，完全是因晚上宵夜時段有85折才吃的。 基於無找過資料，不知到底有什麼好吃、什麼會中伏，就亂點，反正餓得很。一口氣點了七款食物，最深印象是惹味蒜蓉生燒茄子及燒一口午餐肉。惹味蒜蓉生燒茄子上舖滿調味料、孜然粉、辣粉、大量蒜粒。好好吃，因為味道很重，吃起來很過癮，個人覺得有點過辣，始終我沒有食得很辣。茄子燒得剛好，一撕即斷，不會燒乾水份。但食完之後要狂飲飲料，實在又辣又重口味，但值得一試，惹味十分！當我見到可以點燒一口午餐肉，雙眼立即發光，因為「識食；一定食午餐肉」。午餐肉在燒的時候不能亂放孜然粉，少量海鹽調味就可。燒得外脆內軟，實在太好味！吃後簡直有一份種感動！必點！最後要一提中伏食品 - 燒芝士餈飯。本以為是創意食物，但創意得過了火位，吃起來硬硬的，難咬開。芝士又跟餈飯不配，反正就怪怪的，吃了一、兩口就放棄。整體燒烤食物都不差，稱得上有水準。而且宵夜時段令價格更親民，建議大家在旺角苦惱吃什麼的時候，不妨考慮一下「安安燒」。惹味蒜蓉生燒茄子。燒一口午餐肉。燒芝士餈飯。店名：安安燒 On On BBQ地址：旺角染布房街6號地舖

每次經過安安燒都有好多人等候，而燒烤的香味，更不停吸引人入內品嘗。今次終於有機會在睇完戲之後去試一試。兩個人點了10多款美食，有韮菜，菜心，菠蘿，甜薯，玉子燒，麻吉年糕，大墨魚咀串，多春魚，煙肉車厘茄，牛小排，餃子雞翼，芝士通心粉蟹蓋，三重芝士撈丁。韮菜同菜心充滿孜然粉同燒汁又有小小辣味，好夾！菠蘿超甜也不會乾，咬下去，好多菠蘿汁湧出。甜薯一口一粒，也好甜。玉子燒反而不熱又太軟，蛋味也不香濃，有點失望。年糕、墨魚咀串同餃子雞翼就不過不失。多春魚不太有燒烤的味道，再多點調味料同燒耐一點會比較好。煙肉車厘茄非常好味，兩者互相配合，中和了煙肉的油膩感。當中牛小排絕對要推薦，保留了牛的香味與肉汁，不會被調味料蓋過，也不會太韌。最令人失望是芝士通心粉蟹蓋，一點蟹膏都沒有，只是用空蟹蓋裝上芝士通心粉，再另外加一些估計是蟹肉看來又不似的食材在上面，最重要的是味道不佳，可以不試。三重芝士撈丁才算是有芝士味，據說由3種芝士混合而成，當然味道再濃郁一點會更好，而麵質不會過淋或過硬，口感剛剛好，非常不錯，只是要盡快食，芝士好快會凝固。

今日去食，二人，未食耶，餓，食左$593，啲耶食唔夠熱，成餐最ok 都係得個芝士粢飯同撈麵（仲有個聖子王同鮑魚，但真心未夠熱），個雞翼鹹到。。。好似係醬同鹽出番黎咁既味，其實大部份都偏鹹，餃子雞翼個心係啲胡焦豬肉碎，用料一般，價錢就有啲貴最離普係個皇牌牛舌38一串，佢成個牛舌係無味（唔知係咪唔好彩，佢唔記得落鹽），只係得啲孜然粉同香草香，味道係0，仲要無口感，懷疑係廚房貪快用水滾過再燒，佢得三片，今日所食既講份量、味道都比唔上我食過任何一間有做燒牛舌既地方，唔會再食

自己平時燒野食黎黎去去都係個幾款, 而且一唔係燒燶晒就係燒到乾掙掙. 所以近年都比較鍾意幫襯燒物店. 但出得黎食串燒, 梗係想食D同自己燒得唔同的食物. 呢間餐廳大部份食物都好啱我口味, 而且仲有D我地平時唔會拎黎燒的食材, 唔錯!本身我打算淨係叫肉同海鮮, 但友人想叫d蔬菜食下, 起初我自己有D反感 (菜又點會拎黎燒?!) 食落口又唔錯喎! 四季豆燒到香脆, 咬落夠爽口又唔會乾; 燒菜心個感覺就好得意, 落咗燒汁又唔會乾, 經過燒製又食到BBQ炭香味, 幾過癮; 燒甜薯出奇地好味, 佢細細粒, 非常甘甜, 呢個好有驚喜! 後來仲叫咗燒菠蘿同埋燒車厘茄 (第二Round 幾乎會部係果菜類), 呢兩樣都好Juicy好甜!! 估唔到今次食串燒主要食果菜類, 比起平日韓燒淨係食肉健康得多呀! 哈哈!

放假當然係約朋友去食下野啦, 講到一班人食野, 除咗打邊爐之外, 串燒店都係我地的首選. 今佢多款多選擇, 味道香辣惹味又可以送啤酒, 同朋友們一齊食下吹下水就最啱!呢間其實已經食過幾次感覺好好, 佢D燒烤做得好香又唔會乾掙掙, 環境雖然有少少迫但感覺上好relax (夠地道), 價錢黎講唔貴, 所以我同朋友都鍾意黎幫襯. 咁多食物裏面有兩樣我覺得係必食推介:1) 燒茄子 - 燒茄子大大條熱辣辣, 用筷子可以一條條撕上黎食, 佢加咗蒜蓉同辣椒一齊燒, 食落口啖啖肉又好香口, 一班人share 食最啱2) 燒黃立倉 - 倉魚本身都好夠鮮味, 平時老媽子鍾意用黎蒸, 但估唔到用黎燒又另有一番滋味! 魚皮燒到香脆, 裏面肉質嫰滑又鮮甜, 加咗佢配比我地的汁料食落又夠開胃!

去到安安燒, 除咗食串燒外, 其實仲有另一樣主打菜! 就係, 登登登登 - 芝士撈丁! 我地叫野食個時本身無為意, 一味係度揀晒串燒. 後黎等緊野食先發覺好多枱都有一碗芝士撈丁, 個樣好似好好食, 我地都唔執輸叫咗碗黎食. 仲係叫咗黑松露味. 一上枱個陣香味已經好吸引, 而且D黑松露個份量都好多, 一丁面係啱啱煮好仲係好熱, 加埋熱辣辣芝士醬撈埋一齊, 將D香味谷晒出黎. 我地撈好就share 黎食啦, 食落去D芝士味好濃陏 , 佢呢隻芝士係比較稠, 唔會水汪汪, 所以每一條面都可以好平均咁沾上芝士同埋黑松露醬. 但有一點要注意就係要熱辣辣咁食, 因為芝士凍咗會再變稠D嫁喇.當然我地仲叫咗好多串燒食, 但大家都認為當晚最好味的就係芝士撈丁!

成日經過見長期爆，試下咩料。原來都係普通料，羊群心理。餐牌介紹祕製三重芝士撈丁，話係老闆遊歐時試了各種芝士，研發出以blue cheese 車打芝士 同 巴拿馬芝士混合而成。幾靚，芝士面燒過。但真係好漏，一個人食唔到，如果唔快快食，凍左會變一餅野。燒栗米好吃，鮮甜。燒番茄，太大，比較難處理，一咬又噴汁，下次都係叫車厘茄。

今次已經係第三次幫襯 , 因為好掛住佢個芝士撈丁. 其實係興之所至無約好多人, 只係叫左住附近的一位朋友落黎一齊食.我地兩個都本身都係芝士迷, 第一次食安安燒呢間芝士撈丁已經愛上. 事關佢個芝士汁真係做得好味, 夠濃味又有層次, 芝士好足料, 唔會溝太多水, 而且上枱時仲熱辣辣食落去感覺好暢快. 我地今次叫咗佢個饅魚汁芝士撈丁同埋黑松露芝士撈丁. 我自己就覺得黑松露+芝士簡直係絕配, 兩者互相帶動到個香味出黎, 我個friend 就話饅魚汁個隻帶有少少甜味覺得好正, 各有各口味 . 但我地都一致認為佢個芝士汁真係無得頂! 其實佢D串燒都正, 我地食完撈面都叫咗差不多10款串燒黎食, 主要叫咗D海鮮, 包括蝦, 蠔, 蜆同埋青口, 蝦係幾大隻同埋好鮮味, 燒到佢個殼乾身, 裏面D肉就好爽口好埋好鮮甜; 蠔就唔洗講一定係叫芝士燒, 本身芝士燒蠔已經贏晒, 而家佢仲加咗D蒜蓉係面就加多重滋味; 蜆就係包住黎燒, 加埋D川式辣汁, 夠辣夠過癮! 青口就無蠔咁多汁, 但係另一種滋味, 同樣地用蒜蓉去燒, 提升咗原本青口有的鮮味!

今日同朋友黎食呢間安安燒, 聽朋友講呢間係區內比較出名的燒物店, 成日大排長龍, 當然要試一試! 我地一約好時間就即刻打去book 位, 充滿期待! 我地由地鐵站行去大約10分鐘到, 經過球場就係喇! 8點鍾去到已經有人排緊隊, 心中慶幸自己早早book 好位. 一入去就聞到好香BBQ味道, 佢雖然係話川式, 但都有好多唔辣野食, 啱晒港人口味.唔好睇佢舖仔細細, D野食花款的確幾多, 而且仲有新鮮海鮮, 真係不得了! 我地叫咗杯1664 Blanc, $65 一杯大杯幾抵飲. 野食方面我地食得唔多, 當然係想食得優質, 除咗叫D Standard 肉類, 仲叫咗黑版上推介的燒白鱔, 新鮮鮑魚同埋蝗子皇.白鱔 - 燒到外皮脆身, 裏面肉汁好豐富, 調味做得幾好唔會過鹹, 唔會搶咗白鱔本身個味道, 個人黎講呢個值8/10分蝗子皇 - 蝗子夠新鮮夠大隻, 亦都洗得幾乾淨唔會有沙, 用燒的方法炮製令蝗子肉好香, 加埋蒜蓉落去夠晒惹味! 同樣8/10分鮑魚 - 估唔到鮑魚都可以拎黎燒, 認真矜貴, 哈哈. 鮑鮮連殼燒, 燒到剛離殼, 食落口出奇地一d都唔韌, 唔洗好用力就可以咬開鮑魚肉, 而且

之前搞個project, 每次做到夜一夜我地成班兄弟姊妹一定會去安安燒食宵夜. 個個餓鬼投胎咁叫到成枱野食. 貪佢宵夜有折D野又好味. Project 搞完有一段時間都無見大家, 今日又專登約埋成班人一黎食宵夜聚一聚.一如以往我地叫到成枱野食, 最正就係叫杯生啤, 一邊食一邊吹水, 夠晒爽. 呢度D野食有D辣有D唔辣, 我自己就鍾意食辣個D, 尤其係肉類, 加埋D孜然粉真係好正. 鹿兒島豚肉串, 雞腿肉串, 美國牛小排同埋燒雞肉軟骨棒都係我最愛. 食落夠香夠Juicy好有肉味同BBQ風味. 今次仲試咗個"吊片魷"同埋"港式魷魚仔", 兩樣都好夠鹹香, 前者比較Juicy , 加咗D燒汁係上面咬落口感好好. 後者就係我地以前戲院門口呀伯賣個D魷魚仔, 同樣地燒得好香, 呢隻係乾身的.其實呢間野食味道真係唔錯, 不過座位唔多, 佢設計係半開放式, 通風做得唔錯, 雖然坐得迫D但感覺幾舒服. 價錢黎講算係抵食, 尤其係宵夜一班人食感覺好正!