安安燒 (染布房街) (已結業)

店舖外有大大個招牌一條直路很容易找到但店舖離地鐵站有點距離內裡位置挺寬敞的木製大椅很有懷舊氣息而且也坐得很舒適跟喜歡吃辣的朋友一起看到有秘製麻辣類我們都超興奮的還有超有名的「三重芝士撈丁」真是口水流滿一地了菠蘿啤 (低酒精偏甜) (HKD 12/ 罐)吃串燒當然要來個啤酒這款有很濃郁的菠蘿味挺甜的，啤酒也不太重很適合女孩子飲用川式麻辣燒扇貝 (HKD 45/ 4隻)帶子不算很大粒不過味道很濃郁惹味挺有麻辣味，不過味道偏鹹而且不會煮得過韌肉質尚算幼嫰以這個價錢來說算是非常不錯了安格斯肉眼牛柳串 (HKD 43/ 串)拍照了約10分鐘而當天的溫度也有約20度但串燒的內裡已冷透不過其他菜類串燒外表仍有微溫反而肉類冷得如此快實在令人費解肉質都幾幼嫩亦不會烤得過韌但徹底冷掉的串燒實在不太好吃建議還是上檯就立刻食用吧汁燒八爪魚鬚串 (HKD 24/ 2串)這道也是完全地從裡到外都冷冰冰八爪魚鬚有點硬但挺入味的麻吉年糕燒 (HKD 18/ 串)吃完冷掉的肉類再吃這個簡直覺得是美食魚蛋質感的外表燒得很入味內裡的年糕煙煙韌韌配上七味粉，很香濃惹味燒鮮冬菇 (HKD 13/ 份)冬菇雖然較薄但是吃入口也是

朋友話去食串燒, 我都係諗住食雞軟骨串, 牛肉串, 羊肉串類呢d普通野送啤酒. 點知去到我個friend 話仲有好多好野食, 又真係有驚喜喎. 成晚最驚喜就係呢條魚 – 燒黃立倉. 魚皮燒到脆身, 裏面D魚肉亦都夠甘香嫰滑, 肉質爽口, 食得出條魚本身夠新鮮. 而最好係佢無加到D古靈精怪汁落去, 極其量食到加咗少少鹽落去燒, 夠晒原汁原味. 佢配咗檸檬同埋配甜汁(類似泰式). 配甜汁都好開胃, 不過本身條魚夠晒味, 個人認為加幾滴檸檬汁已經好夠味!其餘串燒都做得OK, 係同級餐廳黎講. 呢間食物中上水準, 係幾夠味同埋夠Juicy 既. 

離開咗香港幾個月做野, 好掛住D野食, 返黎就約班朋友刷餐勁! 第一站就係食我最喜愛的辣辣串燒喇. 呢間安安燒上年已經同班朋友幫襯過, 個時都覺得好好味. 所以今次再試下.呢間安安燒座位不多, 如果想食又無Book 位(好似我地咁) 就要比D耐性等下. 我地其實門口等緊位已經聞到陣陣香味, 望下個Menu多咗好多新野食, 15分鐘左右已經安排到座位!我地今日試咗"黑松露芝士撈丁", 4個女仔Share 黎食, 黑松露好大一Pat好香呀! 估唔到同芝士會咁夾, 一上枱熱辣辣即刻比我地分晒, 芝士夠濃郁, 係較稠身的芝士, 唔會水汪汪, 好正, 配埋出前一丁就好perfect!串燒方面, 除咗辣肉串之外, 我地都試咗D新野. 講返辣肉串先, 肉質夠新鮮彈牙, 而且重點係燒到外面有炭香味, 裏面可以保存到肉汁唔會乾爭爭, 食落好Juicy. 我地仲叫咗麻辣水魷, 麻辣金菇, 麻辣蜆, HAHA, 太鍾意食辣所以叫咗唔同麻辣款式. 麻辣汁應該係自家製的, 味道係出面未食過, 較一般麻辣汁香, 辣度同麻味都適中, 我自己就鍾意加多D辣粉更惹味!

好耐都無食重慶燒喇, 對上一次係大陸食. 一串好長的竹籤穿住D羊肉, 惹味非常. 可惜係香港做重慶燒的店舖不多. 咁啱被朋友打咭的相片吸引, 就去咗呢間旺角安安燒試下喇!呢間燒物店雖然主打川式, 但都有好多選擇, 連芝士勞丁都有, 哈哈. 不過今日好想食重慶燒, 所以幾乎清色叫晒肉串. 因為有得逐串叫, 我同朋友想盡量試多D款就叫咗唔同款式. 佢地D肉串外層燒得香脆, 裏面肉汁都好豐富, 面頭D孜然粉有畫龍點睛的作用, 加埋落去一齊燒變得非常美味!我自己推介有: 安格斯牛: 肉質嫰滑, 牛味豐富, 燒到7-8成熟, 好正!! 燒雞翼 - 雖然係普通野, 但做得好入味, 雞翼皮燒到好香脆. 燒雞軟骨棒 - 呢個幾得意, 咬落去卜卜聲又有雞肉係度, 口感幾好而且同樣地好香!燒茄子 - 茄子肉燒到香軟, 加埋蒜蓉同辣椒係面度燒, 好惹味!燒鴨舌 - 燒鴨舌第一次食, 估唔到幾夾喎! 燒到香一香可以用黎送啤酒非常唔錯是晚食到好飽! 下次再黎試埋其它款, 哈哈!

這兒串燒款式多，不止燒物吸引，這碗黑松露菌醬芝士撈丁麵(三重芝士)，望到外表，巳經心心眼，趁熱撈好的麵，超香松露的香味，芝士濃度剛好，味道不會過甜(不似外面的芝士撈丁，偏甜)，特顯芝士和松露的香味好好味！另一推介芝士燒生蠔(生蠔新鮮，size 大粒，燒的火喉剛好，不乾身)，芝士滿佈全隻蠔，令蠔更加香口啤酒大大杯燒韮菜(keep 到韮菜的水份，調味少少辣)釀雞翼細隻，但涵料足，抵食燒玉子每件size大大件用沙茶醬燒雞脾菇，好味沙茶醬燒龍脷魚，好香口燒翠肉瓜，爽口唔乾身燒茄子，蒜泥適中，燒得香口好特別的燒蕃茄(用焦糖燒的蕃茄，無左原本的酸味，反而更加甜)好味！燒菠蘿，清甜整體食物新鲜，份量算大份(抵食)，串燒種類多，值得再試！

呢晚見到兩位好朋友真係好開心💂🏼👦🏻 愛麗絲一於邀請佢地一齊去試下安安燒呢間餐廳👧🏽 平時都會係Facebook見到安安燒既Post，就襯今次去食下，睇下係咪真係咁好味先😛1. 黑松露菌醬芝士撈丁係呢到招牌菜泥咖🧀 一大Pat芝士蓋住公仔麵，加上啲黑松露醬，未食已聞到超香 店員提點我地要即刻撈泥食，因為如果唔係就會好快變得稠身同乾🙈 呢個撈丁果然好食😋2. 燒韮菜，秘製醬燒雞中翼 韮菜絕對係食串燒必叫之品😎 韮菜燒得好香，少辣，食落好惹味😎 而雞翼都幾辣下 愛麗絲食左兩啖已經頂唔順 不過愛辣既朋友絕對試得過🏻 個皮仲要有少少焦焦地脆脆地，燒得好出色🏻3. 沙茶醬燒雞脾菇丶燒芝心丸，麻吉年糕燒 個人認為雞脾菇冇好突出既沙茶醬味😮 至於芝心丸，燒泥食特別香口，熱辣辣，而且有少少辣粉洒係上面，味道更豐富😀 而年糕燒就反而冇想像中咁"煙Un"，食落似丸多過年糕😮4. 安安特色芝士燒生蠔 呢個讚 芝士蓋住大大粒既蠔，面頭有少少焦，令個芝士更香😋 而且有啲蒜味，味道更上一層樓呀😎5. 特色雙併腸，惹味蜜汁燒生蠔 黑色既腸令愛麗絲嘩左一聲 始終佢黑色，賣相冇咁吸引，不過就叫人更好奇想試下佢咩味 切開

路經過好多次，今晚第一次嚟食～ 喺門口一眼就可以望曬全間小店，夠曬開揚～～雖然舖仔細細，但感覺都唔錯呢～～ 坐低咗即刻點野食！見到枱面有幾款調味料俾你落，啱曬重口味嘅我呀！ 麻辣豬耳 $33 夠爽脆，而且好夠辣，但麻味不足，不過都幾夠味～ 蒜泥白肉 $33豬腩太厚，但係配埋青瓜，爽而不膩 香濃芝士燒扇貝 $47/4隻 芝士味特濃，同扇貝味道幾夾！ 燒超鮮味海螺串 $29/2串 用孜然粉去燒，味道濃郁，海螺肉嫩，好味！ 惹味蒜蓉生燒茄子 $38 用咗超多蒜蓉去燒，燒完入曬味，一D都唔乾，幾好！ 沙茶醬燒深海大墨魚咀 $27每粒都充滿沙茶醬，墨魚咁好爽口，唔錯！ 甜蜜脆脆糖燒菠蘿 $23 脆卜卜嘅糖皮包住新鮮菠蘿，好味！ 沙茶醬燒龍脷柳 $36 每啖魚肉都用沙茶醬包住，味道好夾，好好味～美國牛小排 $36 燒得剛好，肉質嫩滑，肉汁好夠，唔錯～總括嚟講，安安燒係幾唔錯，食得出有心做，唔係求其煮，除咗串燒外，仲有其他種類食物可以揀，唔錯！服務方面，雖然舖頭細細，但眼見店員都要3個，上菜收碟算幾快手，而且有禮貌，值得一贊！希望改善嘅地方係冷氣不足

今晚走到旺中帶靜嘅染布房街搵食！開放式嘅小店，裝修簡單，同隔離枱距離好近，感覺親密。小店主打係食串燒，款式超多，仲有特式小食同埋芝士撈丁！ 款款食物都好吸引，急不及待要開動喇～<蒜泥白肉> 厚切豬腩，配上青瓜片，唔覺膩，味道剛好。<麻辣豬耳> 夠爽脆，過辣，麻味唔夠，辣到搶咗豬耳味，不過都可以接受。 <沙茶醬燒深海大墨魚咀> 落咗沙茶醬去燒，夠惹味！<灸燒七味魚翅> 餸單啤酒一流！<甜蜜脆脆糖燒菠蘿> 大大件，外皮又甜又脆，一定要食！<燒超鮮味海螺串> 落咗孜然粉去燒，望落去好似好乾，食落好嫩，好好味！ <美國牛小排> 燒得剛好，肉質嫩口，好好味！<香濃芝士燒扇貝> 芝士味好濃，鮮味又夠，正！<沙茶醬燒龍脷柳> 滿滿嘅沙茶醬，雖然係好濃味，但係味道又確係幾夾！<惹味蒜蓉生燒茄子> 蒜蓉份量剛好，唔多唔少，燒得又夠香口，唔錯！ 整體幾好，上菜快，店員有禮，又會主動推介主打食物!唯一缺點就係唔夠冷氣，可能因為開放式，

年幾前，安安燒未成名前已經光顧過，記得有塊安格斯牛扒很好吃。今天經過這邊，決定再次在這裡用膳。餐牌增添了很多菜式和飲品，看起來很豐富。我們點了美國牛小扒，蒜蓉扇貝，牛舌，餃子雞翼，蒜蓉金菇和近熱變了大熱的芝士撈丁。芝士撈丁芝士汁濃濃的，偏“結”身，OK ! 而丁麵煮得恰到好處，不太軟不太硬，有彈性。蒜蓉扇貝扇貝是小小的，一碟有四隻，不貴。扇貝有鮮味的，可是調味不爭氣。蒜蓉淡而無味，小辣椒亦未有發揮其作用，吃起來味道寡，不夠惹味。餃子雞翼雞翼很不錯。醃得很入味，吃到甜甜的蜜糖味；內裡的餡料也很好吃吃得入神忘了拍其他菜式。美國牛小扒和牛舌都不好吃，牛味不重，只吃到孜然粉的味…蒜蓉牛油金菇不過不失，不點評了。總括而言，感覺整體退步了，希望餐廳留意調味和出品。

以前係大陸工作會幫襯街邊的重慶燒, 雖然好鍾意食, 但始終係唔敢食太多. 返到香港已經好耐無食重慶燒了, 今日誤打誤蹱係旺角搵到間食重慶燒的小店, 同朋友諗都唔洗諗就走去攞位了!雖然店面唔大, 但有好多人排隊, 相信都係區內出名食店. 串燒味道好香, 我地就越等越肚餓, 但見前面的人都堅持唔走, 我地都繼續努力排 呢間重慶燒食物選擇好多, 除咗串燒外仲加咗好多唔同種類的野食, 有麻辣鍚紙燒的, 有燒海鮮, 鮑魚都有, 又有燒菠蘿, 蕃茄等的健康食品. 花多眼亂, 我同朋友就各自揀D啦. 我比較鍾意佢地的肉串, 叫咗豚肉串, 豬頸肉串, 安格斯牛, 雞腿肉, 雞腎等等. 全部肉串都燒得好香, 最重要係肉質鮮嫰, 比起大陸食(好多肥糕個D)自然無得比. 尤其係燒雞翼, 外層香脆, 雞肉入味而且好嫰滑, 誠意推介! 朋友就鍾意食佢D燒海鮮 - 芝士生蠔, 燒扇貝都做得好香口同埋好夠味. 我地兩個人都食到飽一飽, 好滿足呀!

放長假留港消費, 咁啱有朋友生日, 就有藉口約出黎聚一聚喇! 我地揀咗位於旺角區的安安燒, 除咗因為地點方面, 我地之前食過一次都覺得好味, 另外就係佢生日有得送香檳, 我地呢班師奶當然唔執輸啦!我地都鍾意呢度D野食一串起, 大家照返自己喜好叫幾多都得, 我鍾意食佢D麻辣野, 尤其係麻辣蜆同埋水魷, 佢用鍚底包住黎燒, 令到D四川麻辣汁鎖住係鍚紙包裏面, D肉自然入晒味. 水魷就好爽口, 我自己略嚴唔夠辣所以再加辣粉.另外佢D肉類都唔錯, 最緊要係佢燒得夠香同埋唔會乾爭爭, 加埋D孜然粉就無得輸. 我同個仔都鍾意食佢d雞翼, 外面燒到少少脆, 裏面肉質仍然keep 到好Juicy同埋入味, 呢個可以大力推介! 另外安格斯都做得好好. 佢係可以做到裏面7成熟, 咬落非常Juicy< - 另一大力推介!食到最尾香檳上枱喇! 係大支Size, 味道夠Fruity, 配串燒都好夾, 正呀!

一班人出去食野, 串燒就係我其中一樣都好鍾意同Friend 一齊嘆的美食.安安燒呢間算係區內比較出名的食店, 朋友們都常光顧, 但我就第一次幫襯 (本身唔係住旺角都好少去同人迫). 但原來佢個位置係近火車路個邊, 唔會太過繁忙坐得都幾舒服 食物方面好多選擇, 我個人喜歡多菜少肉, 呢間串燒店都照顧到我要需要! 燒娃娃菜, 燒菠蘿, 燒菜心, 燒冬姑, 燒蕃茄, 甜薯等等 <- 呢D聽落唔燒得的東西原來燒出黎好好味! 燒菜最有驚喜, 燒出黎唔會乾, 而且好香口. 而其中我最愛就係燒冬菇, 燒出黎的菇香同平時食開的好唔同, 而且加埋佢地D四川粉, 味道好吸引.海鮮方面我都有試少少, 最鍾意佢個芝士蒜蓉生蠔, 芝士夠香, 蠔都好鮮味. 而燒黃立倉都值得推介, 魚肉質地嫩滑, 但外皮燒得好香脆, 加埋檸檬同埋酸甜汁就更能帶出魚的鮮味! 呢度D食物全部都適合開心Share, 是晚大家都非常盡興!

好耐好耐冇BBQ 喇，香港地少人多，如果想去BBQ ，通常都要去到好郊先可以有機會BBQ，呢間重慶燒有如沙漠上既綠州，當然要去啦。餐廳好open，所以唔會有好大陣燒野既味，可以smell free 咁離開間餐廳~大部分食物都係一串起標，所以可以點大量款式，以下係其中幾款: 鹽燒秋刀魚個皮燒得好香0，條魚本身都新鮮，肉質彈牙鮮味，用鹽燒更能提高魚鮮味，一人一條獨食，正! 美國牛小排牛小排肉質鮮軟，而且燒到約七成熟，唔會太生，又唔會太熟，剛剛好可以鎖住肉汁，肉汁多且牛肉味濃，重慶燒可以食到咁既質素，實屬驚喜蜜糖燒栗米帶少少蜜糖甜既粟米燒到剛好，咬落粟米汁標哂出黎，好多汁焗牛油蒜蓉金菇好香既牛油味蒜味，加上爽爽既金菇，金菇汁好正，perfect~~蔬菜必食之選燒韮菜以為會好乾，但一d都唔乾，而且韮菜味香濃，蔬菜必食之選二甜蜜脆脆糖燒朱古力香蕉非常正既甜品，有層好脆既蕉糖包係香蕉面，再加上朱古力同微熱香蕉，十個讚!不能錯過既甜品! 有驚喜既重慶燒，以重慶燒黎講，呢間安安燒真係冇得輸。

點點紅燈籠亮起，今日又黎到安安燒。已經係第二次黎食喇!!上都黎過一次。環境的確有點逼，但風味卻因此而大增。呢晚叫左好多野食，我就特別揀幾樣介紹俾大家啦！燒地捫菠蘿菠蘿燒都唔係第一次食，但我特別欣賞呢間係厚燒同埋會燒得好熱，出哂燒咁。厚切係特別多汁，菠蘿特別香甜! 而燒到咁熱食，感覺都好新鮮。燒甜薯細細粒，一口咬落去好正。我特別中意佢個囗感，相當有咬口!燒牛舌呢間牛舌都算唔錯，整得都夠鬆軟，林身雞肉軟骨棒同豬肉條，味唔會咸，剛剛好，加上d香料燒，特別吸引。雞肉軟骨棒mix埋軟骨，食到short short聲，very good.押逐出場嘅，朱古力香蕉，係我全晚最中意同最有驚喜嘅。香蕉面上有脆皮嘅糖係面頭，睇唔到但食落口個口感好有驚喜，特別!

去完槍街四圍搵野食, 行過呢間安安燒既香味非常吸引, 而且半開放式坐, 開揚夠通爽.串燒種類都幾多, 肉類蔬菜, 海鮮類都有好多野揀.<蒜蓉燒扇貝>$45/4隻, 扇貝鮮甜, 彈牙夠爽口, 而且蒜蓉好香, 燒完唔乾仲好JUICY.<醬燒雞中翼>$28/3隻, 個醬有少少辣, 但好惹味易入口. 雞肉夠嫩且入味.<安格斯肉眼牛柳串>$43, 牛柳嫩滑, 肉汁豐富, 食落無渣.<烤雞腿肉串>$23/2串, 雞肉燒完唔乾, 雞腿肉肉厚味甜, 口感豐富.<蜜糖燒粟米>$18/條, 粟米爽甜可口, 一粒粒唔會太腍, 蜜糖燒甜甜地, 唔會搶左粟米既原汁原味.