安安燒 (染布房街) (已結業)

好耐冇出過旺角，今日約左老公放工之後去波鞋街買波鞋！因為lunch食得唔係好飽，我提議食左dinner先再行！由旺角火車站行去波鞋街途中經過「安安燒」，聞到好香嘅燒烤味，喺門口見到個餐牌價錢唔貴，決定入去試！餐廳唔係好大，大約十張枱左右！主打係四川式串燒，另外推介芝士撈丁！老公係出前一丁fans! 主餐牌都未睇，已經即刻點左個蒜蓉芝士撈丁！超魔鬼嘅食物啊！打開餐牌，發現淨係串燒已經有好多選擇！左睇右睇 睇左好耐，最後點左一份蒜蓉燒茄子，一份蒜蓉燒扇貝（又係蒜蓉！哈哈！），一份燒雞泡魚乾，燒韮菜，燒羊架，蜜糖燒粟米，燒蟶子皇! 雞泡魚乾好香口，點埋旁邊嘅沙律醬好正，佐酒一流！茄子係我至愛，呢度醃得惹味之餘，最緊要係唔會燒到「乾爭爭」，仲好juicy! 正！扇貝一份4隻，雖然size唔大，但勝在新鮮有咬口，d肉唔會「梅」。最impress係燒韮菜！第一次食，本來冇乜期望，點知原來咁正！又香又甜又有汁，應該係用孜然粉醃過，正！燒羊架我冇食，我最怕羊「so」味！老公話焼得岩岩好，唔會熟過龍！燒粟米一樣juicy, 搽左蜜糖超甜！蟶子皇$38一隻，海鮮其實只要新鮮，好難唔好食！哈哈!估唔到最先點

這夜，我們在吹著涼風的旺角街頭，在燈籠的紅光下，充滿氣氛地吃串燒。涼風陣陣，舒服無比，專心致致地在落單紙上點菜。寫完抬頭一看，猛地發現坐在對面的你滿額汗。到底是我點的菜把你嚇怕，還是天氣太熱？過了繁忙時間，店內位置不少，店員讓我們移到店內入座，看著電視，涼著冷氣吃串燒。燈光較佳，也較舒適，但少了風味。安安秘製三重芝士撈丁「傳說中的安安秘製三重芝士撈丁」，標題寫得精警，叫人不得不試。以藍芝士、巴馬臣芝士和車打芝士，配秘製調味混合而成的芝士醬汁，鋪在公仔麵上，上面燒得微焦。簡單的賣相看不出它的不平凡，反而是傳來陣陣的香氣更誘人。把芝士拌勻。燒焦的部份卻始終連成一片的，趁友人不留意，獨佔了一整片，把它放入口。濃郁的芝士香，夾雜著燒過的香氣，有煙燻的鹹，又似火炙的香，叫人陶醉。公仔麵煮得彈牙，起碼可以咀嚼五六下，跟一般茶餐廳的公仔麵相比，絕對是另一層次。正因為它的口感，一邊咀嚼，可以一邊享受芝士醬的香濃。沾滿每一條公仔麵，夠稠，夠濃，夠香。惹味蒜蓉生燒茄子每次吃串燒必點茄子。鋪滿蒜蓉的茄子，惹味是必然，幾乎每家串燒店都做到。安安燒再加上新鮮辣椒，那陣辣味辣得份外清新。好吃，但這道常見的菜色，要

這天下班後在旺角附近覓食，行近染布房街時被陣陣香味吸引，邊聞著香味邊尋，終於讓我找到這家主打重慶燒的安安燒。大馬路旁的安安燒採用開放式店面，點菜可以在大大A4 size的點菜紙上剔選食物，下單後店員還會來覆述一次所點食物，確保不會漏單，服務蠻貼心的。惹味鰻魚汁芝士撈丁 $48差不多每檯食客都點的芝士撈丁系列，有三重芝士、芝士蒜蓉、黑松露、鰻魚汁等多款口味。我點的惹味鰻魚汁芝士撈丁，出前一丁上鋪著半融芝士再淋上鰻魚汁，芝士香中帶點鰻魚汁甜味，在拌勻時混著熱氣撲鼻而來令人食指大動。剛剛熟仍帶少許硬度的出前一丁拌著軟稠芝士，一硬一軟口感豐富，吃罷一碗還有點意猶未盡呢！燒娃娃菜 $12塗上辣醬燒的娃娃菜帶著辣香焦香非常惹味，娃娃菜仍然帶水分沒有燒得乾硬，口感有點脆脆的不錯。但要留意辣度頗高，怕辣人士小心。皇牌燒牛舌 $34灑上七味粉的牛舌表面燒得乾身，但肉質仍然軟稔帶牛香，不是那種靭得咬不開的質感，略厚身的牛舌吃起來口感更好，推介！蒜蓉燒扇貝 $45鋪滿蒜蓉與蔥花辣椒的扇貝，剛燒好仍有不少扇貝精華留在殼裡，扇貝沒有烤得過火，肉質軟滑不黏牙，推介！安安特色芝士燒生蠔 $56大大隻又飽滿的燒生蠔被

平時返大陸食得串燒多，係香港真係未試過。聽人講呢間安安燒唔差，加上又有海鮮食，更加令我好有衝動入去試!!平日夜晚八點去到已經坐滿晒人，地方唔算大，但位與位之間嘅距離都尚算舒服，如果閣下身型健碩小小可能就會覺得小小逼。入主題喇！蒜蓉燒扇貝 $45/4隻蒜蓉味岩岩好！平時食完蒜個口一定成陣味，但食完呢個竟然無，不過啲蒜蓉粒唔夠軟身，個口感搶左小小。惹味蒜蓉生燒茄子 $38/份食得串燒一定要有嘅燒茄子。不過不失，價錢合理嘩！跟住落黎個兩樣野真係世界級！真係必點！超級推介！分別係安格斯肉眼牛柳串同燒菠蘿。平時我都好抗拒係出面食呢兩樣野，因為好難燒得好味，燒得耐一定會乾，燒得唔夠喉更加唔使講喇！一定難食！不過見朋友好想食就膽粗粗試下！點知一食真係無後悔！安格斯肉眼牛柳串 $43/串 食得出個肉唔係hea你，出面好多標榜住用安格斯牛嘅唔知點解食落硬係好韌好難咬，不過呢度好軟身好有肉汁甜蜜脆脆糖燒菠蘿 $23/客好意外燒完仲好juicy 咬落去真係有汁咇出黎，仲要唔係小個隻！其他野唔食唔緊要，但呢兩樣野唔食會後悔！另外通風位都做得幾好，食完起碼唔會成身味。

落大雨陪老公去買波鞋。近乎寸步難行 隨意openrice一下 見到有間川式燒烤 好似幾正咁 加上近近地 咪去食個晚餐 行一條街都濕到上膝頭 侍應好好人喎 即刻俾紙巾我們抹腳抹身 真體貼。小店形式 一入到去已經聞到好香的四川香料味道 食指大動。串燒種類好多款 大路的又有 特別如朱古力燒生蠔 焦糖脆蕃茄 燒手打魚皮餃等等都有 選擇咁多 講真 食多幾次都唔怕悶。特色芝士蒜蓉撈丁*撈丁係安安燒既特色食品之一。蒜蓉愛好者必吃呢個面。芝士好多 好香 重點係蒜蓉好似一個小山丘咁多 將芝士蒜蓉撈混曬 好濃味好creamy 我一向鐘意食硬面 如果呢個出前一丁再硬d仲正。不過老公就覺得岩岩好。燒韮菜*川式燒烤 韮菜係我必食的 處理得好好 唔會燒乾曬 又夠juicy 辣辣地 正。燒墨魚丸*幾彈牙 唔係面粉墨丸 塗上燒汁 微微甜 又有孜然粉的香味 餃子雞翼*無骨雞翼 適合我呢種懶人 入面釀左菜肉餃 雞翼燒得剛剛好 帶點蜜糖味 唔會太乾 幾惹味。蒜蓉燒扇貝*一份有4隻 扇貝唔會太細隻 蒜頭蔥花辣椒一齊燒 扇貝夠入味之餘 都算新鮮而且燒得唔會過老。蒜蓉牛油焗金菇*原來想揀沙茶燒金菇 但唔知點解自己會剔左牛油煮。

約左好耐無見既朋友食飯，揀左大家都就腳既旺角食串燒 一行四人約左8：00叫左好多野食呀..燒物都有好多款。 呢道既芝士撈丁都好出名。枱面仲有調味料可以自己加 岩哂重口味既我。重點推介下啲野食先。。芝士蒜蓉燒生蠔 堅好食上枱仲係熱辣辣 芝士同蒜蓉份量岩岩好好香蒜容味味又食到芝士個隻creamy。第二個 必食推介朱古力糖脆玉子燒平時玉子就食得多 加朱古力就第一次見見到咁得意 咪嗌黎試下囉以為會係伏啦 點知又唔錯喎上枱都好熱 即刻食有啲辣咀添個面燒過 所以食落脆脆地 有啲似焦糖燉蛋咁加埋朱古力醫都幾夾 好好食仲有呢個年糕麻吉燒(最左)有煙煙unun既口感 好食燒超美味一口甜薯 我每次放題都必點因為太想食 掛住食所以無影相 haha真係好好食食串燒點可以唔叫野飲叫左個apple cider飲 淡淡既果香 幾好飲 又飲唔出酒精味飲品都幾多選擇唔好酒精既除左汽水都有王老吉，津路呀酒精既都有日本手工啤酒呀咁

Since my last visit, there are some new dishes but they still have the chocolate oysters At every table, there are condiments and they have my favourite grounded cumin.I went for the new instant noodles with cheese.There is a black truffle and a crushed garlic version.The noodles were really good because they were very cheesy but they clumped together.The luncheon ham bites were just as good as before and I put lots of cumin on it because I love cumin.For the rest of the food, I ordered spicy s

串燒跟撈丁唔知幾時開始cross-over，我兩樣都啱，係安安燒就可以一次過滿足。五款撈力各有特色，三重芝士是主打，可惜唔啱我，我揀了蒜蓉撈。一入店已經嗅到蒜蓉香，應該工多藝熟唔會錯。碗丁真係被蒜蓉鋪滿哂，機乎見唔到麵，想話佢唔足料都難，仲要上面加多幾粒炸蒜。撈混食，蒜味香，亦主要靠佢調味，夠味，飽肚，只係乾身咗啲，我喜歡食麵有湯汁。食完先食串燒，唔駛食唔多已經夠飽，可以慳家啲。啲串燒全部味道濃香口，睇相知道水準，唔需要多講，啤一啤，更滿足！

平時食串燒鍾意一大班人, 串燒食物就講求係夠香口同埋惹味. 其實之前已經同朋友幫襯過呢間安安燒幾次, 每次都好盡慶. 鍾意幫襯除咗係佢D野食OK, 價錢方面都合理. 有時蹱啱宵夜時間會再抵D.食串燒當然要大堆頭, 我地6個人乜都叫咗D黎食. 肉類, 丸類, 蔬菜海鮮樣樣有. 我個人推介的就有以下幾款:牛舌 - 呢款牛舌做到好入味, 咬落鬆化而且好有牛酥味燒八爪魚鬚串 - 呢款好有口感, 咬落有趙口同埋幾彈牙, 味道都做得唔錯!麻吉年糕燒 - Um..其實我唔知咩叫麻吉, 呢款出面係用類似魚蛋口感的外皮, 包住咗舊年糕. 我自己好鍾意佢個口感, 煙煙韌韌, 加埋個魚蛋皮燒到香香地, 個年糕就熱辣辣軟綿綿, 呢個推介其餘有D蔬果類我都覺得OK, 包括有燒菠蘿 - 我地叫咗個隻係焦糖脆脆菠蘿, 佢面頭有層脆焦糖舖面, 一啖咬落去會爆汁,而且好甜,外脆內較咁個口感都好得意; 燒一口日本甜薯- 呢個個樣成舊炭粒咁,一口一粒,但食落先知好味,佢咬落去有種甘甜味道, 唔係個隻超甜味, 而係清清地, 甜甜地個種味道, 燒到個薯芯暖暖地, 連皮食落去口感同味道都唔錯! 

旺角區餐廳多選擇, 不過講到平民聚腳熱點名單, 安安燒一定係三甲之內. 以前無乜人知道個時就唔洗成日排隊, 自從多咗人知道後, 就成日都都好多人係門口等位. 興之所至今日同友人又想食串燒, 去到8點, 預咗要等一陣, 3個字左右啱啱有二人枱fit 晒.每次黎到一定要食佢個芝士撈丁, 芝士味好濃同埋好厚, 上到枱熱辣辣時一定要快清, 如果唔係芝士凍咗就會唔好味. 份旺足夠我同友人Share 黎食.串燒選擇比較多, 勝在可以一串兩串咁叫, 各自叫自己鍾意食個D都唔洗怕唔好意思. 我叫咗杯生啤, 所以就叫咗D肉串黎送下酒, 友人小姐就話鍾意食燒菠蘿同埋焦糖脆蕃茄, 貪佢夠甜夠多汁.我自已就推介:1) 燒雞翼 - 外層雞皮燒得香脆而且唔會過油, 裏面肉質夠嫰滑多汁, 而且醃得非常入味, 每次黎到都會叫一碟黎食, 大力推呀!2) 吊片魷 - 同日式燒魷魚一樣, 都係用厚肉吊片魷黎燒, 香味豐富, 口感煙韌.3) 燒生蠔, 佢有得揀芝士燒, 金銀蒜蓉燒同埋朱古力燒. 我自己試過幾隻就覺得金銀蒜蓉燒最香口, 因為蠔身中型Size, 咬落多汁, 所以金銀蒜蓉唔會搶咗蠔陣味, 反而夾得幾好4) 燒雞子

位於旺角染布房街一處，俏俏的開了好幾間有特色的餐廳，例如以腐乳芝士鍋聞名的酒吧餐廳Wolf。 這晚想麻甩一翻，於是便就到了吃川式風味小食，串燒的安安燒了。餐廳半開放式，坐最岀或是坐最入，基本上都唔會覺得有好大嘅冷氣吹著透心涼嘅感覺。 不過餐內設了很多的風扇，所以食完頭髮同衫都唔會吸曬燒烤味，用餐嘅時候都唔會熱到留曬汗，用餐環境尚算舒適。餐廳門口掛了幾個寫住安安燒的紅燈籠，有種港版深夜食堂的感覺。餐廳四周掛了橫壓，貼了餐牌，介紹店家的招牌食物。客人枱上放了點餐紙，主餐牌有2頁，大至是丸類，肉類，主食類，海鮮類，秘製麻辣類，蔬菜類，甜品類及飲品類。 另外餐紙就有店家掛曬 banner 大推的芝士撈丁，及一些特式小食。全部價錢一般$1x-$3x，部分海鮮是時價的，但值得一讚的是，我們一坐底就有店員明碼實價講明當日時價的海鮮價格為多少，所以孩子不用怕埋單先知食左嘅海鮮係幾錢。當日一共點了10款串燒左右，及一支酒精飲品。 食物基本上迅速送桌，未開始食，大部分食物已經奉上了。每桌都有孜然粉，梅粉及香辣粉，比重口味ge孩子自己加。Punk果味手工啤$36: 先來啤酒，入口帶少少果甜，但就無平時嘅啤酒

正所謂, 你有壓力我有壓力, 放假當然約班兄弟出黎啤一啤去! 今日約咗班Friend 去旺角做MK仔, 食下串燒吹下水. 約好咗係安安燒食.之前已經食過一次, 食物唔錯而且環境都好輕鬆, 最緊要有得飲啤酒, 吹水大聲D都唔怕. 上樓串燒好多時好都大油煙, 呢間地舖做開放式坐位, 雖然人客都好多但一D都唔焗, 值得一讚!咁多人幫襯係有D原因ge, 呢間串燒師傅係有D功夫. 本身D料都新鮮, 而師傅每樣野食都燒都好夠火喉夠晒惹味, 而且咬落唔會乾柴個下先正. 今次除咗肉串, 仲叫咗其它野食, 又唔錯喎! 我自己鍾意佢用鍚包住個D野食多D, 有D汁, 食落口感幾好. 鍚底包住個D叫左個麻辣蜆 - 蜆係連殼個隻, 唔係雪藏個D, 食落幾有鮮味, 加埋D川汁好過癮; 牛油蒜蓉金菇 - 呢個唔辣, 食落好香, 尤其係佢加左蒜蓉好惹味, 送啤酒一流!, 其它仲有:

今晚為左慶祝男朋友仔升職！先係去接佢收工，之後同佢落旺角食串燒。今晚一定要食好啲，要食海鮮！之前都有同fd去食安安燒，佢啲海鮮真係唔差，所以今次就同佢去試下。我地叫左以下呢堆嘢食~燒韭菜$18蒜蓉燒蜆 $42燒蟶子 $38燒鮑魚 $38隻安格斯牛柳 $43蜜糖燒粟米$18介紹串燒真係最好寫埋價錢，因為一串串咁食，要知價單先知抵唔抵。佢既海鮮堅係有鮮味，就算雪藏嘢都一定係唔差。個燒蜆份量算多(我地喪食，食到無左一忽先影haha)，仲要勁多蜆汁，好鮮甜~蟶子同鮑魚都好爽口彈牙特別係個鮑魚！鮑魚真係好好食~我地一人一隻係啱既，費時大家爭，Haha~男朋友中意食粟米同牛柳，我地都各叫左一份，雖然一串牛柳唔平，一串得5粒，但舊舊都juice唔韌，肉質係幾有水準。粟米唔會燒到乾哂，仲要成碌粟米咁燒，good！燒韭菜係我食串燒必叫！佢呢度既燒韭菜唔會燒到乾哂變到好多渣，上面仲有啲孜然粉，好惹味~咁邪惡既串燒做宵夜，真係好滿足！

每星期最期待的事就是和閨蜜們聚一聚 除了可以吐吐工作上的苦水 進行Secret Girls' Talk 更重要的當然就是一起去吃好東西 更何況今次吃的好東西——安安燒 不單食物好吃 價錢親民，而且位置方便 簡直是朋友一聚的好地方！燒雞泡魚乾每次都是小妹必點之選！不論作為前菜 抑或是下酒菜 都是一個極好的選擇！魚乾表面燒到微焦 燒得香口之餘 入口又不至於太乾身... 而魚乾本身已有輕微咸香味 淨吃已經可以品嘗到魚乾的原汁原味 但是如果點上旁邊的沙律醬 沙律醬的香甜再加魚乾的咸香 二者混成一體 又是另一番滋味燒紐西蘭青口(蒜蓉)$31有4隻... 之前曾經嘗試過燒生蠔 燒扇貝 今次就轉一轉口味 嘗試燒青口... 表面加上蒜泥 辣椒一同燒烤 適量的調味不單令青口變得更香口 更不會搶奪了其自身鮮味 而且燒烤的時間不會太久 令入口時口感不至於太難咀嚼這是$22一串的燒鹿兒島豚肉串... 豚肉切成一口大小 每一串都有四件的份量... 而豚肉串表面燒得香脆 內裡仍能鎖住肉汁 一口咬下去 口腔除了感受到表面香料的香味外 肉汁亦充斥全口腔 令品嘗豚肉串時肉質保持嫩滑！$25一串的燒車厘茄煙腩卷係另一道必

串燒店各有特色，有重口味的，亦有以吃得健康為主題的，安安燒屬於前者，濃郁調味，大量蒜蓉，適合喜歡香辛口味的人，最重要的是跟啤酒非常匹配。這店亦有創意，以各款撈丁誘客，三重芝士撈，相信受了韓風之影響；亦有蒜蓉撈，可惜我非即食麵的粉絲！倚門而坐，可欣賞街景，亦開揚。皇牌燒牛舌，名符其實，厚切牛舌有口感，味道豐富，柔爽滋味。極品烤餃子釀雞翼，脹卜卜的雞翼，釀入免治豬肉，因此名為餃子，肉滑，而雞翼燒至香脆，因此有外脆內軟之感，這個不俗。燒雞肉軟骨棒，免治雞肉，軟滑中有嚼勁。烤羊架，肉厚大件，沒有羶味，可以自行多加孜然，但燒得不夠香，而且醬汁在表層，尚未入味。燒蟶士皇，加進大量生蒜炸蒜，紅辣椒粒及青蔥，成功增添香辛，但蓋了蟶子之鮮，雖然如此，憑肉質的彈性，都是新鮮貨。燒韮菜，燒功不俗，香惹而菜汁保持，有嚼勁但無筋。蒜香燒白鱔，肉厚惹味，鱔皮有點燒焦，鱔算肥美，但依我口味，過鹹了。環境開掦，如坐在路邊，入口已嗅到蒜蓉香，令人食慾大增，若喜歡與朋友傾談時順便啤一啤，同時吃些濃味串燒不失為好的選擇，而且宵夜光顧更有折扣優惠。