安安燒 (染布房街) (已結業)

香港人生活壓力大, 有時出去食飯都係想同班friend 吹下水relax 下, 我自己覺得安安燒係一班人gathering好選擇. 雖然餐廳唔大, 但勝在夠地道. 意思係無苟無束可以好好享受一餐的感覺. 佢每款D野食價錢唔貴, 幾個人都可以叫好多款, 叫到成枱野食Share 來食, 一啖串燒一啖啤酒真係好爽.今日食咗都幾多野, 推介以下呢幾樣: 茄子好大條又燒得好香, 用筷子可以輕鬆撕開一條條黎食, 好過癮! 牛舌保留到肉汁, 肉質軟綿綿; 雞軟骨and雞腎就好香好有趙口, 送啤酒一流; 燒牛油金菇就好大包, 用鍚紙包住焗到香一香; 燒辣蜆 - 嘩呢個過癮, 個四川辣汁做得幾好, 夠晒味, D蜆用鍚紙包住燒, D蜆ge 鮮味味完全保留到. 爽!另外呢間串燒點除咗有生啤, 仲有手工啤飲, 我就飲咗支COEDO黑啤, 配濃味野食幾夾嫁!

今日友人生日, 我地啱啱好4個人去幫襯安安燒有一支香繽送. 其實之前我已經食過一次, 覺得味道唔錯, 所以今次特登介紹幾位朋友一齊黎試. 一早已經訂好位, 去到七點幾已經差唔多坐滿, 我地幾個一坐底就即刻揀野食. 由於有個朋友唔食辣, 所以我地辣同唔辣都點咗D.第一碟上枱就係雞泡魚乾, 雞泡魚乾上枱時仲係暖暖地, 面頭係乾身, 幾厚肉, 咬落香口煙韌, 點埋沙律醬幾開胃, 作為頭盤唔錯!然後就到咗D串燒上碟, 我個人幾鍾意呢度D丸, 雖然話燒丸好似無乜難度, 但呢度D丸燒得外層香脆, 裏面又唔會乾, 而且仲可以保存到彈牙個種感覺, 我地叫咗4-5串唔同款式黎Share, 推介芝心丸 (有拉絲)之後到有鍚紙包住黎燒的食物都陸續上枱, 有牛油燒金菇, 辣蜆, 牛骨髓等. 用鍚紙包住黎燒又有另一番風味, 醬汁份量足夠, 索晒入D料度仲有淨, 上枱時好熱要小心食. 尤其鍾意牛骨髓, 本身肉質嫰滑, 加埋D辣汁入晒味, 口感好正!

I always loved bbq food so my boyfriend took me to this restaurant because his friend told him that it is nice. We went there without booking and we waited for 30 minutes. The place is very small so it was crowded. Me and my boyfriend ordered a giant glass of Hoegaarden each. The steak came first, it was a bit chewy. It was also very hard to tear off and a bit salty. The capelin fish is also my favourite, they were delicious! They seasoned them perfectly and cooked just right. The tomato wrapped

放工有好幾次行過呢間安安燒, 每次都有好多人排隊, 其實心郁郁都想去試下. 今日同同事講開, 我地於是放咗工就去試下. 今日放工已經8點, 行到過去8點幾, 都預咗等位, 好彩等咗20分鐘到終於有位!等緊個時聞到D香味, 又見到有好多野食可以揀. 已經流晒口水, 我地急不及待已經Tick 好晒食物. 坐底就即刻落單啦! 野食都上得幾快, 我地叫咗都算幾多野食雞腎, 雞軟骨, 燒牛舌 - 呢幾樣燒得好惹味, 燒完肉汁都仲可以保留到, 而且好香, 加埋佢D 四川孜然粉同辣粉變得好惹味!燒雙重芝心丸, 燒花枝丸 - 芝心丸裏面D芝士好濃味, 明顯同街市買個D唔同, 而且咬落去有拉絲效果, 好正 (註: 佢有分"芝心丸"同"雙重芝心丸", 我食個款係"雙重芝心丸"); 花枝丸都好正, 裏面有粒粒花枝肉, 口感彈牙燒芝士餈飯 - 燒餈飯真係第一次食, 居然又幾夾喎! 芝士放係面燒到香脆, 裏面係暖心煙煙韌韌餈飯, 感覺好有趣, 作為主食唔錯水煮麻辣龍脷柳 - 呢款係用鍚紙包住黎燒, 龍脷柳大大條, 用鍚紙包住可以鎖住肉汁又可以另龍脷柳更入味. 但我地兩個都食得辣, 如果佢可以再辣 D 就完美了!

今日黎到旺角呢間安安燒食串燒, 我當然醒目訂好位先! 我地兩口子食量都可算係驚人, 叫到成枱都係野食.今次第一次叫燒吊片魷, 大大隻原隻吊片魷燒到好香! 呢隻係厚肉吊片魷, 外層燒到香脆, 帶有少少鹹香味道, 裏面係Juicy 魷魚肉, 一D都唔韌, 最好味係D鬚, 脆卜卜好香, 呢隻燒吊片魷絕對係啤酒恩物, 食一條飲一啖, 美味非常!其它串燒都好有水準, 我尤其鍾意燒雞軟骨棒 (唔係雞軟骨, 係雞軟骨"棒") 佢用咗燒軟骨釀入咗係D雞肉裏面, 製成一支支棒咁樣, 食落除咗有雞肉香味仲會食到卜卜聲, 脆脆地好過癮! 當然唔少得麻辣燒金菇, 辣蜆等都係必叫之物! 今晚BBQ 好滿足!!

睇到網上宣傳話呢度有芝士撈丁食, 我同好友兩個芝士鬼即刻話要去試一試. 記得以前係灣仔食過芝士撈丁, 但個間舖結業後已經好耐無食. 我地兩個都好壞念今日終於搵到另一間美味芝士撈丁了! 呢間芝丁撈丁個名叫”三重芝士撈丁”, 意思係用三種芝士混合而成, 而Topping 就可以揀黑松露醬或者係饅魚汁. 我自己好鍾意黑松露醬的香味, 所以叫咗一碗我同朋友Share 食. 一上枱熱辣辣, 聞到D芝士香已經流酒口水, 加埋黑松露的香味, 食慾大震! 呢款三重芝士撈丁味道夠濃, 相比起以前食開的芝士撈丁更濃味, 亦唔會水汪汪. 而黑松露醬份量都好足夠, 撈晒成碗面都唔成問題.上次去佢分店食都無留意呢間串燒店有芝士撈丁食, 而且做得非常唔錯. 真係一大驚喜. 當然我地仲有叫咗其它串燒食啦, 其它串燒食物都燒得好香好好味! 無奈得兩個人未能試太多款色, 下次叫多D朋友就可以食多D

兩年前，安安燒，除了孜然粉，就只有孜然粉。兩年後，它給了你一個一去再去的理由。(由於串燒選擇眾多，以下只作抽樣介紹)～不負責推介～本未有打算在串燒店點公仔麵，卻發現每枱客人均會點一碗，好奇心驅使下，決定點「惹味鰻魚汁三重芝士撈丁」！「真係好多芝士㗎！！！！」起初還擔心，芝士的份量如此多，吃下去會有飽飽滯滯的感覺，但這些芝士的配搭卻異常合適，令人想一吃再吃。五個女生分享一個麵，實在是太少了(=￣ω￣=)不喜歡茄子的人也可以一試，笨友吃過後也不斷說要ENCORE初次嚐到汁燒的鴨舌，新鮮感滿滿。而玉子燒不像別的食店，淡淡的甜味反而討喜。濃濃的芝士味，超讚！與安安特色芝士燒蠔相比，比較不推薦，味道還可以，只是偏淡，亦不太吃到蒜香。～～～不推薦系列～～～怕辣的朋友慎點，而這個墨魚咀應該是口香糖化身。吞下去的時候，都快要嗆死了～本着嚐鮮的心態點了這個燒手打魚皮餃，脆的魚皮餃皮感覺總怪怪的，而味道整體偏鹹，有機會是因為魚皮餃餡料調味已非常充足，而燒的過程中再灑上大量調味，令鹹味過重名字有鮮味，味道卻沒有鮮味，還有沙附送。～～～總結～～～其實，串燒店的重點本為串燒，但大家最後也只是難忘芝士撈丁。相信下

工作咁辛苦都係為咗食. 見放假就約咗幾個好友去安安燒大刷一餐! 每次去安安燒都好爽, 皆因可以一路飲啤酒, 一路嘆BBQ, 款式又夠多, 每樣價錢唔貴, 可以叫好多款. 海鮮, 肉類, 同菜類都有叫! 燒茄子 – 呢樣似乎係燒物店必叫之選. 呢度D茄子燒得夠香亦唔會太乾身, 一絲絲撕落黎食, 一人食幾啖, 別有一番風味! 燒雞翼 -燒雞翼係另外一款我去燒物店必叫之選, 呢間D雞翼燒完有焦香味, 裏面肉汁豐富, 又夠入味. 熱辣辣配啤酒好正燒台灣腸 – 燒台灣腸係香港好少食到, 見新都係個D電爐黎整熱去 (好似便利店個D). 燒台灣腸就可以拎佢層皮更加香脆, 因為有層腸仔皮, 裏面肉汁可以好好鎖住, 流滿啖啖肉香 燒甜薯 – 平時去燒野食燴蕃薯總係搞到隻手好污糟, 又成日搞到燶晒無得食. 今日特登叫咗個燒甜薯試下. 原來係一口一粒的日本甜薯仔, 真係好甜, 連皮都食得! 芝士蒜蓉燒蠔 – 喜歡濃味的人最啱. 當然配啤酒都係一絕. 本身燒蠔已經好好味, 加埋芝士同蒜蓉仲更加惹味! 當然我地仲叫咗好多其它野食, 大部份都燒得幾好, 最緊要多花款, 有D用芝士燒有d用鍚紙包住, 可

今日母親大人話想食齋, 但一早book 咗安安燒, 所以今日決定黎個BBQ蔬菜之夜. 好彩呢度D蔬菜都夠多選擇. 我地叫咗主要有菇類同菜類的食物 1) 燒茄子 - 燒到香一香, 茄子肉汁都好豐富 2) 燒粟米 - 燒到有焦香味, 個味道唔錯, 但個人喜歡多D牛油, 如果可以比我地加多D就好3) 燒雞脾菇 - 呢個好味, 菇味好重, 而且好香, 仲好多汁4) 燒韭菜 - 份量好多, 韭菜個陣香味加埋D孜然粉同辣粉好夾!5) 牛油燒金菇 - 用鍚紙包住燒, 保留到金菇香味其餘仲叫咗四季豆, 娃娃菜, 甜薯等素食類, 大部份都唔錯. 第一次食齋唔去素食館 XD 係一個唔錯的體驗

一早Book 好位同班朋友黎食BBQ, 打風落雨都無阻我地食安安燒的決心! 去到街頭已經聞到陣陣香味, 我地幾個為食乒團已經急急腳想快D走去食. 估唔到星期一, 打風落雨都咁多人, 好彩我地早咗訂位!今日除咗食平時食開的美味燒物, 仲有兩款新野, 就係燒水魷同埋燒魚皮餃!我地仲叫咗好多款包括有海鮮- 燒鮑魚同埋芝士燒生蠔! 鮑魚好鮮味, 燒到啱啱, 軟硬度適中! 芝士燒生蠔就充滿芝士香! 仲有叫咗燒茄子 - 茄子肉一絲絲好軟稔好香; 燒娃娃菜 - 沾滿晒孜然粉同川式辣粉的娃娃菜好惹味!  燒物配啤酒真係好正, 我地咁啱見到呢度有手工啤酒賣, 仲一人叫咗一支黎試, 味道比平日我地飲開的Draugh Beer 濃郁, 配濃味食物就啱晒

夜晚太夜食咩好， 經過燒串鋪真係忍唔到佢既芝士撈丁實在實在係太好味 哩個海x 辣辣地好開胃，真心推薦蟹殼焗長通粉， 哩個味道係超級普通 如果食開平時既焗生蠔， 你會嚴重覺得芝士焗生蠔係唔搭聖子同扇背既味道都唔錯而佢既肉串同扒都令我失望， 無咩味連肉味都唔係好食到， 後面包金菇無咩特別， 唔入味 沙茶醬還沙茶醬， 金菇還金菇最眼突係墨魚咀， 平時食開細細粒好彈口好正既墨魚咀， 所以叫左個試下， 好似彈彈波咁大粒，但佢唔爽口， 好un，食極都食唔到， 最後無食到不過佢個芝士面真係加分不過價錢唔算好抵食

自從知道咗呢間BBQ之後, 我同同事OT放工就會走去食. 貪呢度夠人氣, 野食夠多選擇唔會悶. 例牌叫咗兩杯生啤, 1664 同Hoegaarden 爽一爽先. 野食就叫咗好多:燒一口午餐肉, 厚切啖啖午餐肉, 夾咗青椒係中間, 燒到牛餐肉都沾上咗青椒香味, 帶有微微青香無咁膩.燒台灣雙拼腸, 兩條腸都夠晒粗, 墨魚腸裏面有粒粒墨魚肉, 櫻花蝦芥末腸同樣有肉粒係裏面, 加入芥末香味, 正燒雞腎, 燒雞軟骨加埋辣粉同孜然粉真係令人回味無窮, 香口得黎又唔會太乾, 一口一粒趙趙下送酒一流.黑松露醬芝士撈丁. 芝士夠香濃, 墨松露醬都唔姑寒, 大大堆夠晒撈成碗面, 兩個人食一碗份量啱啱好當然唔止叫咗咁少野食, 大部份燒得好香口好Juicy, 呢間燒物店越夜越多人, 係OT幫消遣一大好去處

香噴噴串燒 X 芝味丁丁 By ✪ Miss H’s ®eview ✪ 星期五晚約了朋友食late dinner，平時有時經過呢度比啲香味同人龍吸引，決定今日試試佢－到達storefront時係10點，裹面竟然人唔多 （平時都多人！），原來10:20入座有85折！於是我哋行開睇啲嘢，10:25番到嚟，己經滿座了 -_- 竟然係咁！！明明只係下一張，但都等咗20分鐘先有得入去，因為始終入面唔大，雖然住喺香港應該慣咗等，但20分鐘不斷聞到陣陣串燒嘅香味，真係腳仔軟晒 環境服務 6.5/10裹面唔大，桌同桌之間係迫，仍有啲煙油味，不過睇得出已經盡量抽走油煙，始終舖仔唔大，串燒亦散發大量油煙，冇計啦... 唯有期望加大間舖多啲位大啲個廚房   味道 8/10未上菜聞到的串燒味已經超期待！估唔到係芝丁嚟先喎..以下係部分叫咗嘅食物...總括係好食，但有某D嫌唔太夠味，可能我本身重口味，同埋枱上調味料麻麻地...安安秘製三重芝士撈丁 $44 9.5/10  － 從未如此高分！聲稱係blue cheese, parmesan 同cheddar秘製而成，果然十分'芝味'，好濃郁

係香港, 喜歡食辣的人其實都唔少. 而川式菜可算係辣味菜的其中一個代表. 今日就黎試一試川式串燒.記得以前去大陸旅行, 有D旅遊景點會有小販賣”重慶燒羊肉串”, 羊肉燒到香香, 再係上面加入辣粉及孜然粉, 香味傳千里. 當然, 以香港人的創意, 呢一類型的串燒又會演化出好多不同的配搭!今日黎食安安燒就係其中一間我個人比較喜歡的串燒店. 原因係款式夠多, 而每款燒出來的食物都充滿肉汁唔會乾, 而且味道微辣, 唔夠辣可以自己加辣粉. 三五知己黎食, 各人有各人口味都無問題!今日食咗好多款食物, 而海鮮就特別好味, 包括咗:1) 灸燒海中蝦 – 蝦肉新鮮好爽口, 燒到個外層香脆, 裏面仍然保持到蝦的肉汁. 好味!2) 燒原條鮮魚 – 係燒倉魚, 燒原條魚平日好少食到, 呢度有得食就唔會放過! 魚肉鮮甜爽口, 燒到D肉啱啱離骨, 好香! 非常值得推介3) 燒牛舌 – 牛舌厚切, 蘇味濃郁, 帶有BBQ香味但仍保持肉質嫰滑, 正!4) 芝士蒜蓉燒生蠔 – 芝士夠香, 加埋蠔本身鮮味可以話係非常之好的配搭!

芝士本身食法廣泛 - 就咁食, 芝士焗龍蝦, 芝士火鍋, Pizza, 意粉等等等等. 各樣做法都會將芝士帶到去唔同層次. 今日食呢間安安燒就試咗幾款芝士燒物/菜式.第一樣係佢地的招牌菜: 黑松露醬芝士撈丁 – 好耐無食芝士撈丁, 而且呢款芝士撈丁係用三種芝士撈埋一齊, 味道濃郁芳香, 加上黑松露醬, 個種獨有味道加埋落芝士度非常配合! 值得推介!芝士燒生蠔 – 芝士配海鮮又係另一個奇蹟, 同芝士焗龍蝦感覺一樣, 用芝士配合的海鮮, 除咗唔會蓋過海鮮原有鮮味外, 仲帶入咗芝士香濃口感. 一絕!燒芝士粢飯 – 芝士放面燒得微焦, 配合粢飯煙韌口感, 唔錯. 如果芝士可以多D, 或者加入飯裏面就更加好!燒雙重芝心丸 – 初時諗雙重芝心丸同芝心丸有咩分別, 望落同普通芝心丸一樣, 但食落口, 芝士夾心明顯比平日街市買返屋企的多, 而且仲係厚身芝士, 唔會水汪汪!今日專誠黎呢度試芝士, 後黎仲食咗少少蔬菜類, 都燒得好有水準, 唔怪得晚晚都要等位.