安利魚蛋粉麵

营业中

休息中

中午被逼去吃這家魚蛋粉，坦白說魚蛋粉並不是我杯茶；再加上要等位半小時，心裏其實一萬個不願意。等過了30個籌，終於能坐下，點東西也快，服務在這種人氣店來說，算是數一數二的好；在粉麵點而言，地方也算很寬敞的了。分別點了魚片頭魚蛋河粉、牛腩魚片頭撈粗麵，還有厚鮮油多做甜品；原本還想叫炸魚皮，但是他們只在星期日供應，最後只好作罷。三幾分鐘東西就全部上齊了。魚蛋片頭很薄片，魚蛋味又不算好出色，河粉跟湯都是例牌野，需然算是不差的出品，但絕對不值得等半個多小時來吃。Oh sorry， 原來我搞錯哂，牛腩撈粗才是主角。牛腩酥軟入味，彈牙粗麵跟淡醬油的調味也是恰到好處，好味到我們encore了個淨撈粗麵。還有那個邪惡非常的鮮油奶油多，厚厚的牛油，看了心有點發麻，但其實想深一層，也是一個croissant的份量而已，無有怕，勁正地溶化了它，讓它幫手畫上這餐的完美句號。原來，還是排得有道理！

甚少去筲箕灣，同朋友今次行完山，經過筲箕灣，試試聞名已久嘅安利魚蛋粉，果然名不虛傳！平日三點多嘅下午，店舖也坐滿了人！先叫牛油奶多作為序幕，與別不同！厚厚嘅牛油，食入口即溶，配埋牛奶，又唔會太漏，簡直胃口大開。與朋友一起分享兩碗粉麵，一湯一撈！😋招牌撈麵係有顔色還是第一次食，麵條唔乾，應該用豉油撈過，所以味道好好，加埋自家制辣招油，完全係絶配！牛腩好腍，魚片好有魚香唔腥，正！雲吞牛丸湯米驚喜不大，可能個人不大喜歡唔彈嘅牛丸！見到好多人食西多士，又忍不住試試。西多士可以選糖槳或練奶，即炸即食！好味！

星期日做完嘢已經2點幾，諗住過安利睇睇多唔多人，門口人龍排滿舖前，一位亦要等上20分鐘，如果唔係幾次經過都太夜食唔度，我諗我一個唔會咁樣等位，坐低叫左魚蛋河加奶油多，因為人太多，都等左一陣先上粉及厚多。先食厚多，不枉我等位等食，奶油多依舊咁正，麵包又脆又鬆，塊牛油真係不得了，兩下已經食晒碟厚多。魚蛋粉配辣椒油亦係絕配，非常滿意。

朝聖。鮮油多 堅好食。即叫即做。多士外脆內軟 牛油入口即溶 一啖咬落去 係味覺既享受。牛丸雲吞河。失望。牛丸唔香唔彈牙。雲吞冇特別 蝦又唔爽口 湯底又唔香。再叫左個牛腩撈麵 牛腩唔夠腍 肉質普通。但撈麵幾爽口彈牙。總括來說 只有鮮油多士值回票價。

最近，有時候都會去到筲箕灣個邊去番工了，所以大多數都會去到東大街個邊去買野食 ，今次我就去左呢個餐廳買個外賣 牛肚幼麵食了。 值得一讚既係佢出菜速度相當快，等左5分鐘就有得食。麵質有彈性，咬落去十分之彈牙，有蛋香，味道不俗。 牛肚分量好多，不過就過厚，咬落去好難撕開。湯都算香，清清淡淡，味道都吸引。

今日由早到晚都在東大街出末，晏晝食唔到魚蛋粉（因大排長龍)，晚餐都要試吓。所以5:30 就去攞位，好彩，可能太早，唔使排隊可即時入座當然要叫魚蛋粉啦，魚蛋粉有魚蛋/魚片及一件魚片頭！不得不讚，魚蛋真係好爽口，而且彈牙，魚味亦很香濃，食得出係用新鮮魚打成的；魚片頭，鮮味十足；而魚片雖然薄身，但都好夠魚味；湯底亦好鮮甜。原來佢哋每星期都會休息一天，要食彈牙魚蛋粉，就要選好日子啦

跟女朋友到筲箕灣東大街的kimature買有機護膚品，之後到附近的安利搵食，安利這店是有名的，經常排隊，今天卻人龍不見，叫了一件鮮油多及維他奶，建議鮮油多要放久了才吃，這樣牛油半溶口感最好，牛油不太油膩，厚度剛好，入口即溶，多士亦烘得用心，中軟外脆，配上玻璃樽維他奶，感覺很懷舊

你有看過其中一篇食評就知道，我有個朋友，他是我工作關係認識的一個客人，郭先生，風度翩翩，就算是中佬年紀也非常有型，在茶餐廳逗少女是可以令人面紅的他，識飲識食，他上次在茶餐廳和我吃了一餐有霸氣的午飯，那天，到現在都好難忘，我想很少人會這樣在茶餐廳去嘆一個午餐，就是他，我認識了，普通的一餐也可以有非常高的可塑性。 當然，這樣令我在食方面眼界大開的人，足以做我的人生教練，我們不久就會吃一次聚餐，交流下經驗，就像今日我們的話題，由橫州說到地產說到工作經驗再說飲飲食食，話題可以不停。 今日沒有吃到茶餐廳，反而是另一出名的老字號，我們坐幾分鐘車，由郭先生的白色坐駕來到了東大街，吃這裡最有名的安利。 原來，都有好多人唔識安利，這裡的片頭腩撈粗，絕對是令人吃過會番尋味，如果你不認識，我會覺得你睇完篇文，要過來試一下，如果你是粗麵，肥腩，奶茶的粉絲，你來一定不會坐。 但如果你知道這裡是人頭湧湧，員工甚至餐廳都極有性格，你會不會有興趣知道我的霸氣朋友會有什麼經驗?會有什麼笑料或者是特別情況?我告訴你，我們只靜靜地享受了一個滿的午餐。 三個人來到兩點多的安利，幸好沒有那個午飯的人龍，郭大俠就是郭大俠，打工仔

星期日晚來到筲箕灣,必吃安利!記得細細個,我每逢假日,就算食完lunch,爸爸都會特意揸車來這裡再食碗麵廿幾年來都係甘好食,水準依然保持不變的好!!!今次食魚蛋切腩河🍜正！除左招牌魚蛋好食,墨丸,切腩,鮮油奶多都好好味😋

耐不耐就會專程去安利食鮮油奶多，今次揀星期日，諗住早少少可以試下佢D炸魚皮。大概早上10:50分去到，已經人頭湧湧，出名果然吾同D！排隊吾耐，排左大約20分鐘就有位。坐低梗係我一向食開嘅切腩片頭撈粗，然後加佢個周日限定炸魚皮❤️可惜11：10已經話賣晒😞，同炸魚皮無緣，唯有下次早少少起身啦！然後奇怪嘅時出現啦，坐係我對面嘅食客同老闆寒暄兩句之後竟然叫左一包炸魚皮😨😨😨，原來是熟客限定，並非星期日限定🙄🙄。我覺得鮮油奶多質素依舊，仍然好味，切腩片頭撈粗啲面係OK嘅，片頭嘅質素有少少下降，個人認為夏銘記魚片最好食，而牛腩方面華姐清湯腩質素高好多！

我每個月都至少去一次安利，一定食鮮油奶多，同片頭河，河粉超滑唔油又通透，湯底淸甜，其他店吃不到，以前喜歡叫片頭撈粗，加辣油同醋撈埋一齊，不過近年撈粗麵整得太林，不合我口味了，不過依然

今日黎到筲箕灣嘅東大街，聽講好多好嘢食，所以聞名不如見面，會一會呢個筲箕灣魚蛋大王安利魚蛋，但係唔係好肚餓所以呢就冇坐低食同行友人係住筲箕灣嘅佢話細個嗰陣成日都買一條炸魚片返屋企咬，佢話咁樣好過癮咁我就信佢聽佢講買咗一條一咬落去魚味都有嘅，不過唔係好濃，我覺得反而咸左少少，都係屬於舊時魚蛋嘅味道不過唔算最好我食過最好味嘅，而且價錢偏貴，東大街亦都大把選擇，唔驚無嘢食，應該下次唔會再食

筲箕灣多好嘢食, 今日因為準備去行山, 一場嚟到當然要試吓安利魚蛋粉, 睇佢有咩咁勁$30 魚蛋 少少彈牙, 魚味唔係特別濃, 反而帶咸. 個人比較鍾意九龍城德昌的魚蛋. 雖然聽講過靚魚蛋唔會彈牙, 但我都係鍾意食彈牙嘅$20 炸魚皮係招牌, (魚蛋河入面都會有一塊) 又真係好新鮮好脆!$12 鮮油多都係招牌, 好多人都有叫. 佢比起普通油多貴$4㗎, 阿姐話油貴喎. 麫包好鬆化軟熟, 舊厚牛油好肥但好好食呀!$17 凍鴛鴦同一般茶餐廳一樣水準, 咖啡同奶茶味溝得好好~ 個人較喜歡咖啡味濃一點的, 呢杯剛剛好, 好味!

這次叫了魚蛋力粗和牛腩力粗。魚蛋力粗，粗麵炒的挺有鍋氣，魚蛋滑溜溜，魚片頭幾大塊，又不是說太鹹，生菜脆卜卜的配碗清湯最適合不過牛腩軟淋淋的幾容易咬，麵是一樣的總體來說很好吃

東大街新舊食肆林立，人在此處，小人還是記掛著安利的粉麵和多士。切腩片頭撈粗，牛腩肉偏瘦，夠耐吃，須要些牙力才能咬爛，但也很入味的。魚片頭獨特之處就是粗鞋的表層咬落特別香，惟只有數小粒，比例上太少了。粗麵有甜豉油的影子，煙煙靭靭，咸中帶甜，多年來仍能保持水準。吃完撈麵，還來一客奶油多。烘香的麵包中間夾著一厚片牛油，牛油一定是硬身未溶才是最正，這種懷舊的食法超罪惡超正！除了傳統粉麵外，到安利是不可不吃奶油多的！