安利魚蛋粉麵

营业中

休息中

筲箕灣多好嘢食, 今日因為準備去行山, 一場嚟到當然要試吓安利魚蛋粉, 睇佢有咩咁勁$30 魚蛋 少少彈牙, 魚味唔係特別濃, 反而帶咸. 個人比較鍾意九龍城德昌的魚蛋. 雖然聽講過靚魚蛋唔會彈牙, 但我都係鍾意食彈牙嘅$20 炸魚皮係招牌, (魚蛋河入面都會有一塊) 又真係好新鮮好脆!$12 鮮油多都係招牌, 好多人都有叫. 佢比起普通油多貴$4㗎, 阿姐話油貴喎. 麫包好鬆化軟熟, 舊厚牛油好肥但好好食呀!$17 凍鴛鴦同一般茶餐廳一樣水準, 咖啡同奶茶味溝得好好~ 個人較喜歡咖啡味濃一點的, 呢杯剛剛好, 好味!