安利魚蛋粉麵

营业中

休息中

安利...一家好出名既魚蛋粉麵軓門店今日... 離得係香港島o個邊.. 所以決定一試我同朋友2點鐘去到門口一堆滿排隊入去食野既人我地等左半個鐘左右我同朋友各order 左一個切腩撈麵我叫幼, 朋友叫粗食落去朋友的粗麵口感比幼麵好而切腩牛味無乜.. 口感仲係硬既其實我又唔係覺得咁好食但個湯..雖然咸左小小但味道就幾好淨魚蛋..我覺得一d口感都無.反而呢個鮮油奶多就真係幾出色多士烘得岩岩好, 外層脆脆的質感鬆軟中間夾住一大片的鮮牛油及甜甜的煉奶一個人食完碗麵仲可以食到一份um.. 食完後.. 我會覺得其實名過於實期望過高... 失望左dd.

近排見喉嚨唔舒服，清淡少少黎到東大街呢間經常很熱鬧的安利魚蛋粉麵。究竟魚蛋粉麵如何做得如此出色，吸引一大班食客？我大概晚上6點左右到，已經見店內人山人海，冇一張枱係空，需要搭枱坐。如果一間店的餐牌裡有鮮油奶多，我一定毫不猶豫地下單。🙈對鮮油奶多、奶醬多有一種情意結。安利的鮮油奶多，麵皮烘得較脆，但又不至於烘得過火，很香口。以厚身麵包做，不連麵包皮，Size較為細分，兩口就可以食得完。美中不中的地方係片牛油唔夠融，煉奶太少，引致味道偏鹹。我習慣食一啲多士仲係有餘溫，令到牛油融化，牛油汁吸左係麵包，再加上煉奶就很滋味。之後要講下柱候炆牛腩，我配河粉食。河粉比較吸到多啲湯底，所以個人認為好味少少就應該配河。柱候牛腩湯底好足味，偏濃味，如果平時食開清淡嘅朋友仔就應該唔太啱食，因為都幾鹹。正正因為重口味，牛腩味好香，我就算唔太餓都會選擇食晒啲腩，食剩河粉。平時我好少食剩，除左因為自身唔太舒服之外，我唔太鍾意河粉太碎，夾幾夾就跌返落碗到。我鍾意好長一條過嘅河粉，食時比較方便。但呢間河粉唔知點解好碎，一條河粉得平時用嘅原子筆一半，變相我夾好多次落匙羹先食到。有啲美中不足咁啦！撈粗麵有口，夠彈性，因

小妹係OPEN RICE第一篇食評, 一諗就想寫安利啦.係東大街安利都係數一數二出名既食肆, 呢度有二間安利, 呢間係天后廟斜對面果間.想唔使排隊食既話就要早啲去, 或者四點左右去. 盡量避免係PEAK HOUR去食, 除非唔趕時間及有心理準備等20分鍾以上啦~撈粗 - 平時我會食魚片或者坑腩, 撈面好滑又爽口加上豉油汁好夾. 今天坑腩比較瘦, 個人鍾意有少少肥. 其實落單既時候可以要求要全瘦, 半肥瘦的.鮮油多, 我鍾意燶啲脆啲(大火)都可以要求的. 厚厚既鮮油....食果一刻簡直係人間美食, 食完就好有罪惡感. 不過唔理咁多, 食左先算XD

難得放低阿囡緊係食啲要排隊既野，要排隊拎飛可想而知有幾好味🤤，一個人唔使等好耐就入坐✌🏻炸魚皮只有星期日供應😞撈面撈粗成日食，撈河唔係好多地方有，今日一試👍🏼每一條河粉都撈到醬油而又唔會淋pat pat，牛腩好有肉味😋

非繁忙時間叫幾碗麵等我十幾二十分鐘分鍾🖕不知所謂。催幾次都無反應。以前d阿叔連寫單都唔駛，從不漏單，效率奇高。依家班友仲話叫Master，笑死人。食物水平保持。

以前食過一兩次，兩間都食過，對面果間d辣椒油係亮點。由於門口成日大排長龍，我又唔覺得特別，所以好耐無去。近日見到朋友在Facebook 大讚佢個撈粗，我未食過撈粗，次次都係食湯麵湯河湯米，立即走去試。叫左個牛腩魚片撈粗，唔😐⋯⋯唔可以話佢唔好食，不過真係好一般，我覺得撈粗的重點在於醬油，因為佢個醬油唔香，所以無左一口接一口的衝動，唔知佢個醬汁係點調製，我自己調配仲好味過佢。好彩個麵烚到剛剛好，如果連個麵都撻Q就成碗麵都要🙅🏿了。牛腩ok但又係個汁唔夠香甜，我自己比較喜歡牛腩汁厚身d，傑d。仲有，辣椒油唔掂，對面果間好食好多！由於個麵滿足唔到我，我又叫左個朋友推介的奶油多，無得輸，氹返自己👏🏻

I hardly ever go to Shau Kei Wan but today since I am going for a hike around here, I get to walk around this place. My friends took me to this fish ball noodle shop, they said it is very famous. I realised it was very famous once I arrived because there were lots of people surrounding the shop, we waited for at least half an hour to get some seats. Since I haven't try this shop before I ordered the combination noodles soup which includes fish ball, beef ball, wonton and beef brisket. I have to

在筲箕灣開業多年的「安利魚蛋粉麵」的切腩、魚蛋和豉油皇撈粗一向有名，不過這天我在這間名店吃的，卻不只是撈粗甚好，魚蛋不錯，但切腩普通的「切腩魚蛋撈粗」，還有美味得來確實在點邪惡的「西多士」。雖然這兒的西多士並非招牌菜，原來都幾好食。又熱又香的西多士，塗上牛油，澆上煉奶，甜中有鹹，鹹中有甜，讓人吃得滿足極了。特別是這一天，我和老公行了不少的路，到了差不多黃昏，這店子接近關門的時候，才到來幫襯，就特別覺得美味了。

上一次黎食都好耐以前啦，嗰時仲係舊裝修。今次黎大翻新咗，不過佢地無將佢翻新到好現代化，反而刻意保留一啲傳統特色，呢點我好欣賞咁啱係附近做嘢，所以專登過黎買兩碗魚蛋粉當lunch。我見門口企咗一大堆人等食，好彩我本來已經諗住外賣，唔洗等位一碗魚蛋河有四粒魚蛋，二塊魚片同一塊魚片頭。魚蛋依舊好香魚味，食落肉質札實，爽口彈牙，唔錯！鍾意食辣嘅朋友千奇唔好錯過佢地嘅辣椒醬，唔單止夠辣，而且好香。朋友見佢咁香，起初以為唔辣，所以一次過落咗好多，食落先知中招，所以唔食得辣嘅朋友要小心啦！

今日有朋友提議試吓安利食早餐，之前見過很多明星在這裏食，之前魚片比較好味清湯腩牛腩原汁牛腩也不過不失，但今次食落去的味道已經變晒，魚片是鯹和灰色的估計雪了很久了，清湯牛腩，原汁牛腩似湯渣，估計今次都是最後一次食！

排了二十分鐘，點了四寶米同切片腩撈麵，牛腩好硬，麵好鹹，魚片鹹上鹹，感覺根本不值得排隊吃他去寺库也是个乱摊子.....食剩好多麵，太鹹吃不落。。。完全不明點解會那麼多人排隊吃尼間店？可能以前好吃吧要寫夠200字先可以評分。。。點解那麼麻煩嘎？但真是不想後人踩坑，46蚊一碗麵，不便宜又不算貴，但真是味道可否用心一滴啊？寧願妳分量少滴滴，但味道好滴滴~~~坦白說分量算是ok的，下次落鹽落少滴吧，魚片我估計落左兩次了鹹到。。。。

Weekend 又到 係時候同老公出動搵食啦 今日就決定去安利 之前其實都想黎食 但見太多人等位而放棄 今次一定要食到 我地約下午兩點八攞飛 等左約25分鐘 等既時候上網睇下其他人大概食咩 我地入去就決定叫 魚片切腩撈粗 （好似人人都叫） 老公就食魚片切腩湯河 一杯熱檸茶 一杯凍檸茶少冰少甜 仲有鮮奶油多 野飲就送上首先講下好少茶記做到凍檸茶堅少甜少冰 但不失茶味 呢個讚撈粗面個面底 個人十分欣賞 每條面上色情況平均一致 唔會出現上色不均 一邊咸一邊唔咸 軟硬度適中另外鮮油多 係用厚厚嘅麵包夾著鮮好油 佢用嘅麵包比平時茶記厚 所以口感更好 鮮油不多不少 成件事唔會太油膩 以$13 呢個價錢 性價比勝 至於湯河 老公一試 覺得切腩同期望有出入 略嫌偏韌（*佢本身係牛魔王 最中意食牛腩 牛坑腩等等） 佢即時失望 到我撈粗到啦 我又試切腩 都覺得同想像不同 我諗炆煮時間不夠 可能因為呢道人流超高所致 魚片則不過不失 但跟撈面黎既湯 好咸 試左一口唔想再試 我即刻試番老公碗湯河 佢個碗又正常架喎 完全百思不解為食總結 對於切腩失望 但撈面底同鮮奶油絕對值得一試

難得放平日，突然好想食魚蛋粉，又唔想是但食一間，醒起筲箕灣安利於是就展開過覓食落得餐牌有埋圖 應該都係推介魚蛋魚片撈粗$38魚蛋好彈牙好鮮味 面嘅口感啱啱好抵食奶油多$10 雖說$10但都貨真價實 哈哈，看來切腩撈粗比較多人食，因為客人都點這個，我下次要再去試試

安利相信好多人都食過，店面整體又乾淨企理，等位入座快又有系統，難怪成日都咁多人幫襯，仲會遇到好多明星添！ 呢日中午時間兩點幾黎到，就撞到伊健同佢太太。通常明星們都會被安排坐喺收銀隔離張“員工用餐”檯，大家不妨留意下啦！切腩魚蛋撈粗係我每次必嗌，撈粗麵爽得黎調味適中，魚蛋爽滑彈牙有魚味，我覺得比魚片頭更加正呀！片頭比較鞋口，不過兩樣都好有魚味。食完粉麵，最最最緊要就係叫返份鮮油奶多先圓滿架！另外對面有間安利大排檔，千祈唔好去錯呀，冇咁好味架！

筲箕灣一向係食肆林立嘅地方，而安利永遠係有長長人龍嘅餐廳。今日心血來潮想食切腩撈粗，所以專程過海朝聖。已是兩點幾，依舊人山人海。門口嘅人龍令我地等左35分鐘。雖然坐無虛席，侍應亦十分忙碌，但都可以即叫即到，而且各侍應服務態度都好好。鮮油奶多 - $13 即叫，即整，即上檯👍，麵包烘過熱辣辣，加上凍牛油同煉奶，入口即溶，正正正😋😋。切腩魚片頭撈粗 - $46 呢度切腩魚片頭是強烈推薦的👍👍。魚片好香，咬落去彈牙，切腩牛肉味道濃，肥瘦均勻，一啲都唔韌。撈粗亦非常入味，質地爽口。但相比起以前黎講，切腩由厚切變薄切，變相切腩份量少了，而且價錢又貴了。但味道依舊好食。