安利魚蛋粉麵

营业中

休息中

安利既名物應該係切腩片頭豉油撈粗，但吸引我黎食並唔係佢既魚蛋粉/牛腩粉，因為我唔食牛腩，吸引我黎食係佢呢舊極度邪惡既鮮油奶多($12)。鮮油奶多($12)厚多士即叫即製，所以等候需時，外表金黃外脆，烘得岩岩好，多士食落鬆脆而伴以冰凍既牛油同甜甜煉奶，冷熱交替，實在係一件太邪惡既事！多士簡簡單單卻非常美味星期日呢日仲遇著明星黎幫襯，睇黎呢個野真系好出名

呢度不嬲麵有人龍 好食自然多人好多明星都嚟幫襯 今日咁岩Eason都嚟食老闆仲話佢今日心情靚 肯任影切腩片頭撈粗呢個真係冇得輸！！！超入味的片頭 腩肉唔會硬口份量夠食。嚟多個牛油多士。有人話嚟到一定要食 唔食就等如冇嚟過咁講到 好啦 請犯罪一次食咗半件。好食嘅 呢個味道應該少之又少。快食午餐好滿足

同事介紹下到安利食下午茶 佢話鮮牛多好出名 一定要點黎食因為即叫即整既關係 所以要等耐少少！個鮮牛多得兩樣野 就係一大片牛油同烘底麵包麵包又暖又脆 裡面塊牛油冰冰地 冷熱交夾 感覺好新奇

港島區想食碗似樣的魚蛋粉都不容易，心癮起突然想食安利嘅切腩魚蛋撈粗，即使在中環返工，我都願意坐地鐵到筲箕灣食碗撈粗再返工切腩魚蛋撈粗重點在於個大地魚湯，在其他粉麵檔已經很難找到一碗味道那麼濃烈的湯。好多人已為爽到似擦紙膠嘅魚蛋已好，但鮮魚蛋一定唔會係咁，安利魚蛋唔係爽到擦紙膠咁，但有魚味。我怕肥無叫坑腩，但坑腩會比切腩冧鮮油奶多怕牛油太肥，我會要求少牛油，即牛油減半，但最好睇情況，太忙侍應未必會應酬你。厚身麵包，軟熟一流熱奶茶茶夠熱，茶味亦香濃，口感夠厚夠滑，值得一讚

標題其實呢就冇乜關係，只不過係第一次行嗰啲一度嘅時候就同朋友少笑說，話呢個名令我聯想起嘅一定係借錢服務啦！住咗講到咁多年港島都無去過東大街係早幾個月先嚟到食海南雞飯，然後見到對面一間勁多人排隊嘅粉麵店，然後隔咗無奈先至知道佢係一間超級出名，基本上12點鐘已爆長龍，星期六日更加唔駛諗嘅粉麵店。呢度出名嘅係撈麵，奶油多，魚片頭同埋牛腩。今日就餐有時間11鐘過到嚟食個早嘅午餐，點了一份魚片頭魚蛋撈幼面，配一個凍奶茶。凍奶茶奶同茶好balance , 不苦澀喉，不過甜，不比上環的奶茶名店遜色。而主角的魚蛋魚片頭撈麵，撈麵真係好精彩每一條面都分布美味嘅豉油醬汁，每一條都富有質感，帶着閃亮亮的光彩，好似碗麵閃閃發亮一樣。配上一碗湯，客人可以悉隨尊便加落麵。魚蛋係潮色魚蛋，對我你潮州人來講呢就覺得魚味爭少少不過已經好不錯，魚片頭彈牙，配上生菜。一個簡單而美味嘅午餐任務完成。分量偏大，我係食唔到半碗，食完12點3，餐廳外邊已經派左一大堆人。所以要食趁早。

安利牛腩，其實不用我推介，一個字-----好味！排大長龍都要食，都值得去食！今次我就唔蠢，平時我只叫碗麵，今次我兩個人食五樣野，因為排左差不多一小時，唔食番夠本點對得住自己！真係唔通排隊一個鐘，食野就五分鐘咩？！切腩，炆牛腩河，魚片湯，雲吞，油菜，服務員心諗，你兩個人真食得哂？！點知，我地連湯來冇剩，吹咩！切腩，用爽腩位置，冇得輸，一D都唔鞋口，亦有少少咬口，連埋少少肥，點少少辣椒油，一啖食落肚，真心----不得了炆腩河亦做到，不濃，不淡，湯底配河粉，亦都冇可挑剔！其餘，不用多説！呢間，我只食過兩次，不論條隊有幾長，我都會照排！若果我用作一個比喻，同中環九記作比較，如果兩邊都要排咁耐，九記我唔想會排，會去對面食蕃茄通！點解？因為安利有服務員，而九記係有性格嘅侍應！呢餐我比十分有九分(因為要排隊，哈哈)

自問自己是一名吃貨，好吃與否，不可單憑表面，要真正品嚐才知其真偽！淨切腩四寶深棕色的湯頭，呷一口醇甜濃厚帶牛香，質感順暢而不油膩，足見其餚製湯底的用心！一排切腩整齊的排列著，每件腩肉都連繫著薄膜，比例匀稱，入口集腍滑爽軟於一身，滲出的脂香更是一絕，完全沒有膩意，口感層次豐富，所以身價較高！炸過的魚片有厚度，甚具咬口，質感爽滑彈牙，絕對合格有餘！粒粒魚蛋有鮮味，有別於坊間的一味彈牙，口感結實之餘帶軟度，令人吃得開懷！雲吞顆顆圓渾，外皮雖沒有順滑如絲的感覺，但餡料味道教人吃得津津樂道！自製的手打牛丸，入口彈牙有嚼勁，但驚喜度始終不足。凍檸茶甜度適中，茶味和檸味相輔相承，完美作結！尋尋覓覓，為求一嚐坊間美食，吃後對食物念念不忘，這才是人間美食！

下午餐時間到達，朋友話好正，咪去試下，好似話切腩撈粗係好出名，又多明星幫襯。我覺得以40蚊黎講，都算幾抵食，腩又林又入味，粗面就好咸，已經撈好哂先拎比你，鮮油奶多好厚好脆，不過一見到食左，無影相。呢個價錢，一場去到，都值得一試

Pretty good noodle place with decent menu. The meat based soup was very nice and good variety of choices. Toppings were very delicious too.

test完同同學仔食個lunch平時好少係呢頭貢自從好耐之前食過一次之後就無黎過😂一直對個鮮油奶多念念不望今次黎一定要安哥雖然好邪惡 但每啖食到嘅都係幸福😂四個人share兩份岩岩好點到即止仲每人叫左碗面我揀左撈粗切腩係偏瘦嘅 所以唔中意食太瘦嘅親推薦叫番牛腩 魚片我覺得不錯 無乜驚喜正正常常😂 反而我係中意食個面多過餸 朋友話會偏咸 我食落覺得岩岩好 粗面係偏爽 岩我口味😋

冒住蠔油撈粗之名來，失望而回。男友點了牛坑腩撈粗，有魚旦（ok）及牛坑腩（不淋，十分失望），撈粗是比較特別的，因為到時已上色，不同其他，是自行撈蠔油上色。我點了牛坑腩河，除河粉外，同上。不必再來。

山長水遠的港島東美食之旅, 斷不會只吃件雞蛋仔和格仔餅就走人, 於是一路殺入東大街, 見到有兩間專食粉麵的小店大排長龍, 香港人“唔蝕底”的心態立即“上身”, 人排我又排, 應該沒錯吧~哈!! 但是堆滿等候入座的兩間粉麵店, 只是幾個鋪位之隔, 卻有著相同的名字: 安利, 可是門面裝潢又有新舊之分, 頓時心生疑惑: 是同一間嗎? 以為網上世界可以解答一切, 可惜大多數都是說門面較舊那間。 人總是被漂亮的外貌迷惑, 於是我們還是選擇較光鮮那間排隊。 星期六下午過了午飯時間仍然非常多人等候, 在街上呆等了25分鐘才能內進, 幸好有剛才的雞蛋仔和格仔餅充飢, 不然就餓暈了! 粉麵店非常寬敞, 就算要搭檯而坐也不太狹隘, 燈火通明給人乾淨之感, 非一般粉麵店能給予的舒適環境。 門外等候的時間已決定了心水, 一坐下即可落單, 麵食也很快送上。 切腩撈粗 $40其中一碗叫了店方的主打: 切腩撈粗。 落單時要求了坑腩位置, 切腩每塊都很細小, 有點“孤寒”之感, 帶筋膜的牛坑腩, 吃下帶嚼勁, 因脂肪含量較少, 相對香口程度較低, 牛味來得一般, 相比一般專門食牛腩的粉麵

中午被逼去吃這家魚蛋粉，坦白說魚蛋粉並不是我杯茶；再加上要等位半小時，心裏其實一萬個不願意。等過了30個籌，終於能坐下，點東西也快，服務在這種人氣店來說，算是數一數二的好；在粉麵點而言，地方也算很寬敞的了。分別點了魚片頭魚蛋河粉、牛腩魚片頭撈粗麵，還有厚鮮油多做甜品；原本還想叫炸魚皮，但是他們只在星期日供應，最後只好作罷。三幾分鐘東西就全部上齊了。魚蛋片頭很薄片，魚蛋味又不算好出色，河粉跟湯都是例牌野，需然算是不差的出品，但絕對不值得等半個多小時來吃。Oh sorry， 原來我搞錯哂，牛腩撈粗才是主角。牛腩酥軟入味，彈牙粗麵跟淡醬油的調味也是恰到好處，好味到我們encore了個淨撈粗麵。還有那個邪惡非常的鮮油奶油多，厚厚的牛油，看了心有點發麻，但其實想深一層，也是一個croissant的份量而已，無有怕，勁正地溶化了它，讓它幫手畫上這餐的完美句號。原來，還是排得有道理！

甚少去筲箕灣，同朋友今次行完山，經過筲箕灣，試試聞名已久嘅安利魚蛋粉，果然名不虛傳！平日三點多嘅下午，店舖也坐滿了人！先叫牛油奶多作為序幕，與別不同！厚厚嘅牛油，食入口即溶，配埋牛奶，又唔會太漏，簡直胃口大開。與朋友一起分享兩碗粉麵，一湯一撈！😋招牌撈麵係有顔色還是第一次食，麵條唔乾，應該用豉油撈過，所以味道好好，加埋自家制辣招油，完全係絶配！牛腩好腍，魚片好有魚香唔腥，正！雲吞牛丸湯米驚喜不大，可能個人不大喜歡唔彈嘅牛丸！見到好多人食西多士，又忍不住試試。西多士可以選糖槳或練奶，即炸即食！好味！

星期日做完嘢已經2點幾，諗住過安利睇睇多唔多人，門口人龍排滿舖前，一位亦要等上20分鐘，如果唔係幾次經過都太夜食唔度，我諗我一個唔會咁樣等位，坐低叫左魚蛋河加奶油多，因為人太多，都等左一陣先上粉及厚多。先食厚多，不枉我等位等食，奶油多依舊咁正，麵包又脆又鬆，塊牛油真係不得了，兩下已經食晒碟厚多。魚蛋粉配辣椒油亦係絕配，非常滿意。