孖寶車仔麵

营业中

休息中

以前在葵芳工作總會光顧這家孖寶車仔麵，今天經過葵芳，當然要來吃一碗車仔麵。這家車仔麵經常都多人光顧，我下午3時左右到，都已差不多坐了8成客人。侍應姐姐們見我一人，很熱誠的招待我坐位置。原本是下午茶的時刻有優惠，但我想試店內推介的孖寶招牌湯麵，於是點了孖寶招牌湯麵，麵選了油麵及另外點了一杯熱菜蜜。孖寶招牌湯麵餸方面有蘿蔔、豬紅、豬皮、豬大腸、魚蛋、雞翼及生菜，餸菜都算多及豐富。我只嫌魚蛋不夠彈牙，其他的餸都好好味，烹調得很入味，而且夠大碗。吃了這碗麵之後好滿足，下次經葵芳會再光顧。

放工後過黎葵廣攞野~當然要搵好野食!但經過一日既勞累之後我真係唔想再係2,3樓"立食"所以今次落左地下搵食...行左個圈見到呢間孖寶車仔麵坐滿哂人同埋出面既滷水食物幾靚仔決定坐底食個麵+休息一下通常食車仔麵我都唔會揀D"現成入口野"...咩係"現成入口野"?即係D丸呀~腸仔呀~五香肉丁個D唔係由舖頭自己整嘅食材所以我今次叫左雞翼+五香豬頸肉+豬紅+豬大腸+菜(感覺健康DDDDD)麵黎講我就揀左手打麵~我問D侍應姐姐咩係手打麵佢地話係粗嘅上海麵...好似筷子咁粗架!哈哈~另外三餸麵仲會送野飲~成件事即刻覺得好抵!!!等食期間見到原來每檯都有冬菜可以任加~令我諗起另一間連鎖麵舖但已經唔提供冬菜喇所以見到呢盒冬菜都Bling Bling 眼左碗麵無幾耐就黎喇~~Wooo好豐富呀hahahahaha!!!終於可以加埋D冬菜喇~雞翼好大隻好脹卜卜!豬頸肉同豬大腸都好入味~冬菜都好爽口!最欣賞嘅係成碗麵既餸雖然大部分都係D 滷水野但食完唔會覺得好咸同埋好口渴~食完好滿足~~飲埋杯凍檸茶之後差D舒服到訓著..(真心累)去埋單既時候見到個盤雞脾真係好吸引!!!!下次再黎血拼一定要黎食雞脾!!!!

之前 聽個朋友講葵涌廣場有間食糖水，價錢唔貴，而且十分足料，難得今日專登過到嚟葵涌廣場，當然就要試下啦。黎到原來係一間車仔麵舖我哋最後就叫咗一個， 腐竹白果雞蛋糖水和腸粉燒賣在孖寶車仔麵。朋友講 腐竹蛋 十分好食就黎試，份量可以，腐竹味和白果味都保持到但偏水，以$17/碗黎講抵食。#腸粉 比心目中滑同薄身，不過份量偏少 燒賣 正常普通。出到去畀錢嗰陣 都見咗中原來有好多唔同嘅嘢食 而且價錢都唔貴，勁想下次試鹵水系列食物，睇落吾錯。

每次入葵廣都好香滷水味，今日同朋友行開呢邊，決定係度食個tea!見到佢既滷水食物，都唔好話唔吸引，每樣既色水都唔錯，而且仲有牛雜而且人流算多，幾受街坊歡迎平時下午茶39有交易，星期六日要44仲有好多唔錯既小食一麵三餸，而且選擇都好多除又食麵，仲點左20蚊牛雜牛雜好快到，都幾大份最正都係肚同腸!又腍又入味，真係無得輸，本身味道已經好夠可以加醬凍奶茶都唔錯，茶味幾香，奶味唔算重，但幾滑食到咁上下個麵就到，都真係好大份 車仔麵必配油麵! 秘製汁好開胃，偏甜，平時食開既醬汁都係偏向咸同惹味，但呢個秘製汁既甜又唔會同麵食唔夾牛腩唔算大粒，易入口，都有五舊，比起牛雜，牛腩無咁腍水魷超正!咬落爽口，而且甜甜地幾開胃雞翼都好入味，又甜又腍，都有兩大隻兩人下午茶66，性價比好高，而且食物質素唔錯

老老實實，葵廣真係由細行到大，但成日都淨係比2.3樓啲掃街美食吸引而忽略左底層的食肆，我記得上次幫襯呢間野係外賣左杯奶茶。今次因爲行到攰想搵間餐坐下食下野就坐下了，一人叫左一個三餸麵，一碗係麻辣，一碗係沙嗲，兩個汁都出色！餸都好多款揀，最欣賞的是豆干、麻吉燒(啫係魚旦入面有mochi果舊黃色野)，車仔麵黎講都好少有呢兩樣野揀，幾特別～佢個墨魚丸好好味！鑒於最近覺得譚仔啲墨魚丸失色不少，所以搵緊其他好味墨魚丸嘅時候，呢間車仔啲墨魚丸竟然仲好食過譚仔，好有彈性同咬口～鹵水野都唔差～枱上面放住個配菜，菜甫都好好味！絶對會食上癮

屋企人話唔想煮飯，就喺附近買啲嘢食攞返屋企，葵涌廣場嘅餐廳都有好多，不過車仔麵就真係追住打，就揀咗間叫孖寶車仔麵嘅餐廳。其實餐牌上嘅選擇實在太多，包括有小食、碗仔翅、魚肉生菜等等，不過我哋主力都係叫車仔麵因為比較飽肚。揀咗一碗係豬紅豬皮豆卜米粉，另一碗係牛腩豬大腸豬油渣油麵，仲有一碗墨魚碗仔翅！秘製湯底香味十足，有米之蓮風範！豬紅：彈牙有鹹香豬皮：爽口又入味豆卜：吸晒啲味道，好林米粉：比平時嘅米粉粗，口感幾爽牛腩：香味十足，而且口感唔un豬大腸：口感比較滑，唔會太老或者唔夠林豬油渣：每一件都好大舊，仲好香脆油麵：好滑同埋好有彈性碗仔翅比想像中更加大碗，上面嘅墨魚條味道勁香有彈性，碗仔翅都好足料添！仲可以加少少錢飲豆漿，凍豆漿好香滑。

成日都會去行葵涌廣場但係就好少會坐定定食野。。多數都係一路行就一路食，今次帶埋阿仔阿囡就好難行住黎食喇。。唯有要搵個地方坐定定黎食，上網搵左有咩食，見倒有車仔麵而且好多人推介喎🤔，諗番其實都好多年無食過車仔麵喇，所以就決定去試下。。去到坐左響正路口位，可能因為帶住大細寶，而且細寶咩住左響咩帶，所以響果倒做野既姨姨行開行埋拎住啲野都會好小心。。阿囡打開個餐牌見倒有腸仔就話要食，所以好快就叫左份腸仔先，點知份腸仔黎倒面頭有督醬心諗唔係辣嫁嘛點俾小朋友食呀，可能擔心既樣寫左響塊面啦，有姨姨見倒即刻同我講，唔係辣嫁，可以俾小朋友食嫁。。意想唔到車仔麵既姨姨都咁細心。。之後我自己就叫左個蘿蔔豬皮牛肚沙嗲湯米粉。。個人係超級勁爆鐘意食蘿蔔嫁，所以每次食車仔麵一定要有蘿蔔，不過唔係間間蘿蔔都好食，所以諗住一試。。點知一食上引，啲蘿蔔好好食，好甜，好入味，而且係無渣嫁，係無渣，係無渣(好重要所以要講3次)。。如果唔係食完成碗好飽一定會叫個淨蘿蔔黎食，可惜我唔係大胃王😭😭至於豬皮口感都好好呀。。無怪異味既👍👍而牛肚都係超級好食，整得好入味。。呢碗車仔麵真係食過翻尋味。。P.S. 自選三送麵仲送埋野飲，姨

近日 同朋友去葵涌廣場逛街購物，經過葵涌廣場地下，那處有間孖寶車仔麵店， 呢間車仔麵 舖，面積有多個單位。 最欣賞餐廳的 對顧客 細心 。牆上周圍 都貼有 店舖內食物的價目表介紹。 圖片詳細清晰， 客人容易選擇。店舖不單只有車仔麵選擇，還有 不同款式 午飯 提供 ，及糖水， 香港地道小食等等。我們先選擇了一個車仔麵套餐 ，任選三餸一麵， 套餐内還送一杯飲品。 蘿蔔 清甜多汁， 浸入秘製醬汁 特別惹味。還有 餡料充足， 大隻的菜肉水餃 ， 味道清新 有蔬菜鮮味。 再配上一杯凍檸茶 ，另加3蚊。 朋友選擇咗一碗油麵， 魚肉，韭菜和魚丸 。新鮮自製的魚肉，沒有腥味，口感彈牙 。韭菜鮮嫩翠綠 。可以一邊逛街購物 一邊嘆下午茶 ，非常輕鬆愉快。

葵廣除左掃街之外，地下果層仲有車仔麵食架～-三餸麵🍜（$44）（秘製汁，米線，醬爆肉丸🍢，包心蟹籽丸🦀，蘿蔔😋）湯底有小小辣，十分惹味，米線食落比較淋😅，不太彈牙，而醬爆肉丸十分彈牙，結實🍢。食果陣要小心，因為好易會爆醬，蘿蔔很清甜，食落無渣，包心蟹籽丸🍢🤤而且每碗麵可以任加辣味菜脯和蔥☺️，辣味菜脯卜卜脆，小小辣，提升湯底味道🤤-三餸麵🍜（$44）（腩汁，米線撈麵，滷水蛋，牛丸，牛腩）米線同樣食落比較淋，可能係因為外賣，滷水蛋煮到好入味☺️，牛丸十分彈牙🤗，牛腩超級入味，又煮到好淋，入口即溶😋-熱奶茶＋汽水（三餸麵附送）-魚蛋🍡（$10）$10有8粒陳皮魚蛋，細細粒，味道都不錯🤤-魚肉碗仔翅😋（＄22）食碗仔翅要加醋，會更加好味，材料十分足夠😁，有肉絲，冬菇，木耳、食落好有口感😆 ，食完好飽肚🤤-

葵涌廣場有好多小店，每次行完街都會係附近食野，經過呢間車仔麵店，比佢d鹵水香氣吸引坐低。3餸仲要送飲品，呢間車仔麵既選擇真係非常多，淨係揀食咩麵都有十幾款，仲有好多唔同既食物揀，有辣/唔辣既菜脯任加菜脯勁惹味，令人食指大動！手打麵加秘制汁，手打麵爽滑彈牙，煮得剛剛好，掛湯能力高。煙薰墨魚🦑不枉我為佢加左4蚊，煙薰味勁香，勁彈牙！有驚喜！滷水雞翼好入味，唔會煮得過淋。牛腩都好入味，牛味香濃。豬腸洗得乾淨，肥膏唔係太多，香口味美。咖哩魷魚都好好食，有水準。清曬。估唔到平平無奇既車仔麵店，食物質素竟然咁高，下次係葵芳行完街都一定會再試。

家人星期二唔想煮飯，本身諗住叫Pizza但係又覺得Pizza食到厭，而且有啲貴，所以就試吓喺附近叫下外賣，揀選左葵涌廣場地下嘅一間車仔麵。車仔麵個位置都幾方便，就喺地下，入去行幾步就到，有得堂食亦都有外買，懶惰嘅家人當然鍾意外賣啦⋯ 墨魚條碗仔翅好足料，有勁多墨魚條咸香十足裏面仲有好多粉絲冬菇等等味道都好濃。我要油面，牛腩 豬大腸 豬油渣 秘製汁幾樣野都好正，牛腩好入味，豬大腸入味之餘質感好林好易咬，豬油渣就比較特別仲好香脆架！油面又粗又滑質感好唔錯，仲有個秘製汁真係一流一定要試吓Mum要豬皮 豬紅 白蘿蔔 幼面 腩汁豬皮有彈性，豬紅又有彈性又好滑，白蘿蔔比較林可以完全收晒腩汁嘅香味，幼面口感特別爽口。

辣菜脯,鹹菜調味品常滿!整體嚟講滷水嘢唔會死咸,鹵水豆腐一定要食, 雞髀都唔錯 唔會話鹵到啲肉嚡十十肉汁依然!最特別係佢喺麵類選項中有飯同腸粉呢兩樣。食材上碗都好企理唔會成堆垃圾豬皮唔會淋隻隻好爽口同啲咖哩味都好入味。其中一樣食品叫麻吉燒 我大鄉里第一次食 好正。 應該係類似魚腐包住裏面好似年糕咁嘅嘢!豬油渣炸得脆口乾身, 唔會話食落口成嚿肥豬肉油冧冧 煙燻墨魚都要記住食,好香煙燻味!整體嚟講價錢好實惠,唔知係咪地區問題,如果呢碗嘢喺我地頭灣仔食一定要 80蚊90蚊。

葵廣臥虎藏龍，除了馳名香港的小食店，還有很多抵食的小店，是晚的車仔麵就是其中一間。樓上的小食店夜至9點依舊排隊排得滿滿，把我們趕了下來，見到這家坐滿客的車仔麵，還有最後兩個位！點菜非常簡單，選店家預先設定好的搭配就好了！皇牌滷水湯麵有雞腎，雞腳，雞翼，雞翼尖，滷水蛋，豆腐！跟三餸麵比起來多太多的東西了！最愛的還是雞翼，然後雞腳跟豆腐也是炆得稔軟，非常入味！而雞腎也是十分爽口。相比油麵的份量算是適中，因為很多餸！春卷怎會那麼香？原來加入了芋蓉跟魚肉，難怪散發陣陣芋蓉的甜香。小時候的回憶：腸粉，既滑且香，沒有煮得太爛，如果醬汁濃一點，小一點醬油多一些辣醬更好了豆卜釀豚肉的真身其實是豆卜包著貢丸！貢丸香味超濃，包著吸油的豆卜非常正。

葵涌廣場美食多籮籮 同朋友瘋狂購物一番完之後要大吃一頓補充體力孖寶車仔麵食物選擇五花八門 全部都係港式地道美食 喺呢度揀完自己想食嘅嘢之後就可以搵個位坐低 雖然呢度冇華麗嘅裝修 但勝在夠風味夠地道 平民嘅價錢可以食到好多樣嘢 同朋友兩個人瘋狂點完嘢食之後 埋單價 每人都係60蚊左右 但係已經可以食到好飽一定要點返個招牌車仔麵 三餸麵44蚊 如果額外加送的話 每款8蚊超欣賞呢間舖頭仔 淨係配料已經有五十幾種 選擇多到你唔信 一定有幾款啱你口味自家製沙嗲汁同麻辣汁 需額外比多2蚊豬大腸 牛腩 豬紅粗麵 另外加咗自家製沙爹汁沙爹汁令到成個湯底味道更加濃郁 非常惹味豬大腸炆得好林 冇腥味豬紅非常滑 牛腩軟熟吾痴牙仲有辣菜脯同冬菜 作為額外嘅配菜 令到成碗麵變得更加香 味道更豐富擺放出嚟嘅滷水雞髀 隻隻肥大肉厚 只係18蚊一隻咋食嘅時候唔怕整污糟隻手 餐廳好貼心 會附送膠手套 鹵得非常入味 雞肉完全唔嚡口 必點的充滿童年回憶的碗仔翅魚肉碗仔翅 加點醋加點胡椒粉 令到成個味道使突出 一梳梳嘅肉絲 冬菇絲 食落口非常有質感 漿糊狀既汁底 非常飽肚牛雜超級入味 也是不能錯過的仲有不能錯過既魚蛋燒賣想食

今天晚上與朋友一起到葵涌廣場逛街，朋友說介紹這間車仔麵。本來不太想吃麵的，不過逛累了就直接在商場裡面將就將就吧。我叫了個3餸麵（雞翅、生菜、牛丸），個湯揀腩汁。個麵勁道剛剛好，不是非常熟的那種。湯底普通，配餸一般。值得一贊，個餐原來跟飲品。反而我們另外叫的小菜很有驚喜，包括叫了豬大腸、雞翼尖、豬頸肉、鳳爪、辣魚蛋。先說最好吃的是辣魚蛋，很Q很彈牙，又辣。好正，高質素過好多那些路邊小食店。其次到豬大腸，好滑好lum好入味。之後到雞翼尖，一樣很入味。豬頸肉和鳳爪都一樣普通普通，不過不失。吃這麼多東西外加飲品，埋單才只需要120元而已。抵食，味道也不錯，地點十分適合逛街後歇腳。