孖寶車仔麵

营业中

休息中

要數葵廣的回憶，相信好多人都會諗起呢間位於葵廣地下的孖寶車仔麵，每次同朋友行街經過都總係見到座無虛席，同時亦會傳出陣陣車仔麵餸的香氣。今日係葵廣血拼完當然要試個究竟啦！同一般傳統車仔麵落單相近，坐底後用筆係落單紙上面圈出唔同麵的種類，再圈出車仔麵餸搭配，就完成落單！同女朋友兩個，決定叫左一乾一濕，最深刻係店員姐姐向我地推薦撈麵配佢地店家既秘製汁，食落真係冇介紹錯，同撈麵異常地夾，配埋魚片頭襯到絕呀！總括黎講，係呢度食車仔麵，除左食到好滋味的香港特色車仔麵之外，仲食出一份葵廣獨有的車仔麵回憶，簡直係百般滋味在心頭呀！

今日去了朗豪坊做facial同spa後時間都差不多3，4點，個天終於落出雨了已經冇咁熱，心在想食咩好呢？又唔想濕身又想食得舒服同多元化🤔🤔好啦~約埋朋友仔一齊去葵涌廣場地下的孖寶車仔麵食個靚靚下午茶😁😁嘩~4點都咁多人嘅🤣🤣我哋二人見到好多野都好想食，唯有share先可以試更多美食。車仔麵必食油麵托底架啦，餸方面一定要食牛雜，豬大腸，豬血，韮菜，蘿蔔及紅腸，再配上秘制醬汁和大量的蔥花，超豐富啊～加埋辣味菜脯更加了不起😋😋😋牛雜一點騷味也沒有，五香味香濃。豬大腸肥美又乾淨，蘿蔔清甜可口，豬血拼上韮菜簡直絕配😉😉油麵質地彈口煙韌，湯底很香甜配上秘制汁更甜。魚肉碗仔翅是香港街知巷聞的街頭小食，在孖寶車仔麵不單有魚肉碗仔翅，令我驚喜的是佢哋竟然有墨魚肉配碗仔翅，梗係要試試啦～又幾好食啊～墨魚肉好爽口彈牙，碗仔翅味道不太濃烈，湯底不會太黏稠味道很好。小食方面辣味魚蛋加雞翼尖，細細粒魚蛋，很有魚味不是成口粉的，口感極好，是我愛的魚蛋呀～另外鹵水雞翼尖，非常入味又肉質很滑，好食到停唔到口呀～性價比極高，姐姐的服務態度好效率快，環境清潔，抬與抬之間距離感很好，座位相當闊落，不會抬貼抬及櫈貼櫈👍🏻👍🏻👍

同朋友行街shopping緊係去葵涌廣場，呢到除左係女人嘅購物天堂都係美食天堂，餐廳而家愈開多，太多選擇，但今日同朋友都想食小食就去揾黎食下午茶車仔麵三餸 $39 轉出前一丁+$3車仔麵好多選擇，我地叫左豬大腸，生菜，蟹籽丸出前一丁，湯底我地揀左少有嘅祕製汁，甜甜地好特別，豬大腸滷水好入味另外下午茶餐可以選擇腸粉配三餸都係39，我就叫左咖哩魷魚，雞腎，麻吉燒，食腸粉一定要混醬加芝麻先叫識食，腸粉好滑，咖哩魷魚同雞腎都好夠味好爽口，麻吉燒好得意，咬開好似麻糬咁煙韌我地仲叫左條魚肉碗仔翅，好足料好多木耳肉絲，魚肉好滑，碗仔翅比出前食嘅杰身跟餐我地叫左特飲+$5凍檸檬可口可樂和凍檸檬利賓納，利賓納係沖嘅，加左冰都一d都唔淡味，飲到底仲夠味

獨個兒到葵涌廣場拿衣服，見肚餓便到底層的車仔麵店食野？餸菜及麵底選擇均大眾化。來到當然點一碗車仔麵！全日都沒食物落肚，選了三餸，分別是雞翼、豆卜釀魚肉及魚肉春卷。雞翼即使浸在湯中，其滷水汁亦濃烈，入口帶甜，肉質亦嫩滑！豆卜脆身夠彈，且索汁度高，魚肉份量適中，香而有嚼勁！春卷驟眼看不太討好，不過味道卻有驚喜，內裡材料爽口，食得我津津有味！魚肉碗仔翅 - 份量不少！魚肉白雪雪，入口彈牙爽脆！再配上冬菇絲等爽口配菜，一碗吃光其實也不太難。

三餸車仔麵 📍葵涌廣場 | 孖寶車仔麵·車仔麵可以話係我嘅心頭好葵廣不孬係覓食聖地 美食多籮籮一入到就好香嘅滷水味同埋一陣芝麻味都好吸引我·車仔麵食物五花八門 選擇超多我揀左大腸 豬頸肉 菜肉雲吞 仲加左油渣大腸炆得好林 冇腥味d油渣都好有誠意大大舊 又香又軟熟 加埋佢地自製嘅秘制汁成碗湯都飲曬仲覺得意猶未盡而且都唔覺得口乾可見冇擺MSG·前面都話有一陣芝麻香味其實係腸粉嘅麻醬嚟嘅腸粉軟糯糯加左醬汁之後都幾Q彈如果係葵廣shopping完又食唔到面咁多都可以坐低飲杯嘢加個腸粉hea下·歡迎關注ig u_r_wat_u_eat_hk請搜tag #吃貨不濾鏡 #吃貨無國界 👇https://www.instagram.com/u_r_wat_u_eat_hk/

葵芳出名美食多，假日黎行街shopping,買到攰攰地就緊係要坐底搵下食啦。沿途已經被車仔麵鋪既香味吸引住我啦，咁攰仲唔拿拿淋坐底～假日$44 三送車仔麵，款色勁多，心思思既我唔知點揀好，最後貪心地叫左個孖寶招牌湯麵-豬紅、蘿白、大腸、豬皮、雞翼、魚蛋對於我黎講一個車仔麵點先叫好食呢，就要睇下佢啲豬紅嘞，因為唔係度度都整到入味。而今次呢到既豬紅好夠味，唔止牙，仲有大腸、豬皮、蘿白都入哂味😋重要配埋個美味咖哩汁，我真係連湯都飲埋而同行朋友仔叫左個金牌魚肉翅湯麵，味道香濃同十分足料，我都忍唔坐偷食佢幾啖🤤其實佢係一個魚肉碗仔翅加麵，不過朋友話有麵先夠飽喎🤣到最後我地仲叫多左個腸粉，熱辣辣、勁多醬，食完之後又有戰鬥力去shopping lu～

葵涌廣場多野食就係地球人都知架喇! 想係咁多間食店入面唔好話突圍而出, 想生存到都真係要有返咁上下好食先得! .每次行過葵廣樓下都會見到幾間面鋪好多人食, 每次我都為左保留戰力, 無食到D咁飽既野。今日行過聞到佢既鹵水味真係太香, 好喇, 試下你係咪真係咁好食喇!___________________🔹滷水拼盤 $48一向好愛拼盤組合，可以一次試多款味道，見到滷水都有拼盤，二話不說叫左一客.份量同樣大大碟，有2隻雞翼，4隻翼尖，3舊豆腐，2隻滷蛋，2大隻鳳爪同為數不少既滷雞腎.同樣地滷水汁都係好入味，最欣賞佢既鳳爪，又夠味又夠淋，仲要好大隻下😍.🔹鹵水雞脾 $18餐廳有一邊係好似D魚蛋燒賣鋪咁放左D食物出黎, 大大煲鹵水汁翻滾住唔同既配料, 其中最吸引既一定係鹵水雞脾, 堆到成座山咁, 叫我如何不吃它?!.雞脾好大隻, 咬落啖啖肉。 鹵水汁好入味, 每一啖都食到鹵水味, 相信鹵左好一段時間, 但居然肉質肥美之餘，仲幾嫩口。佢既滷水唔係一味得個咸字，仲有少少甜，真係好正！.🔹招牌油渣湯面 $32無叫到佢既車仔麵，反而俾佢其中一款配菜吸引住，就係我至愛又勁肥既豬油渣，豬油渣其實係將豬肥膏炸

葵涌廣場真係平民女孩購物天堂，除左多衫之外仲好多野食，但今日我同朋友真係行到好攰，唔可以再係度食野，所以決定搵間鋪坐底食，於是去左最底層既車仔麪，因為算係商場入面，以都好乾浄，而且呢間孖寶車仔麫D姐姐超好人，又友善!!唔驚諗多陣食咩，因為超多選擇!!事關陣間仲要血拼，我地都係以快狠準為目標，決定叫一個車仔麫再加個碗仔翅SHARE食!!孖寶精選3餸麵 $44 ，我地揀左鳥冬(要加$3)，餸方面我數過!!!!有52款餸可以揀!!!CRAZY!!!會唔會太多!!??我真係好難作出正確既選擇!!佢係我食過最多餸揀既車仔麫店!!!最後千挑萬選下我地揀左蘿蔔，五香豬頸肉，包心蟹籽丸同埋金菇，額外加一個餸就再多$8，湯底我地揀左沙嗲汁(要加$2)，有個飲品跟，熱飲或者豆漿，凍飲要再加$2，我地揀左豆漿，以為係茶餐廳一大桶斟出黎一杯杯個隻，點知原來係支裝豆漿，雖然冇招字，但係感覺良好。個鳥冬連埋D餸真係好大碗!!姐姐見我地咁叫就知我地SHARE，主動拎多個碗比我地，超好人!!分完兩小碗之後我都覺得自己食左一碗咁多既份量，好飽!!豬頸肉好特別，又煮到好軟好霖咁，好好味，蘿蔔又大又甜!!正!!碗仔翅都有好

雖然今日好熱好唔想出街，但我成日比男朋友話我宅。於是乎我決定今日佛誕假期要去葵涌廣場行街shopping~~~平時去葵廣，肚餓嘅話通常都會掃街，但今日我一入葵廣就比一陣香味吸引住~隨住陣香味行，我搵到個源頭-孖寶車仔麵。可能我今日晏起身未食野就出黎嘅關係啦，我想食個麵先再去行街XD我叫左芝士腸、菜肉雲吞、黑椒牛丸、韮菜烏冬（$57），配秘製汁+孖寶小辣辣汁（另加$2）餐飲叫左柑桔蜜（另加$5）就係孖寶辣汁呢種味吸引我過黎，食落香辣惹味，令人食完一啖又一啖。其實車仔麵嘅靈魂就係個湯汁！食食下見到枱面有樽辣菜脯，嗜辣嘅我當然老實不客氣舀d做佐料啦~~辣菜脯同孖寶辣汁嘅辣明明各有千秋，但合埋一齊食又神奇地夾！個孖寶辣汁同辣菜脯真係會令人上癮，大家鐘意食辣嘅話，黎葵廣一定要試呀！

來到葵芳廣場梗係要試下孖寶車仔麵嘅地道港式車仔麵😛😛其實佢哋除咗提供車仔麵食之外 仲會有飯不過一場嚟到梗係試咗佢哋嘅麵同埋小食先🤩如果你叫開車仔麵另外加多錢就可以叫啲特飲 就好似啲杯檸樂😎如果冇叫車仔麵 就咁叫杯特飲既話呢杯凍檸賓就要17蚊㗎喇🤪終於來到個主角啦 因為我同媽咪都唔算太肚餓所以叫一個車仔麵嗌多幾個餸一齊share嚟食🤭首先講下佢個湯底煮得幾好 唔會太鹹而且麵條幾有咬口 媽咪叫嘅豬腸亦都冇騷味 魷魚嘅好有咬口 冬菇入香好淋 雞翼更加非常之入味 最後不得不提嘅 係佢哋 煙燻墨魚 真係好香煙燻味 加多四蚊就有得食♥️佢哋呢個辣汁魚蛋真係好夠辣魚蛋亦唔會覺得好粉♥️佢哋既雞翼真係好入味 所以我哋另外再叫多一碟雞翼小食 都只不過係廿蚊五隻大大隻 超夠食呀🤩🤩

成日去葵廣掃街 一直冇坐低食過👀呢間車仔麵長期多人 個日買完野終於的滴起心肺食😂🍲3餸麵(牛腩 回鍋肉 墨丸 撈幼麵)配餐飲$44 🍲好多餸同麵揀 份量比想像多 仲有任加辣菜甫 非常大方😍😍😍牛腩雖然牛味唔算多🐮但肉質不乾柴 仲帶少許肥肉 仲有好軟稔嘅牛根 👍回鍋肉帶辣頗惹味💁墨丸唔粉亦頗香💁 幼麵很好 條條分明 不黏不粉 亦冇硯水味😎.仲額外叫咗雞$16 好大隻 唔乾但又唔係好滑 仲有啲實同唔夠入味啊🙈

葵芳廣場真係除左可以shopping之餘仲有勁多美食今次揀左地下而間黎試食！孖寶車仔麵叫左個雞脾 超超超超超級無敵推介！必食啊 雞脾勁入味之餘仲好juice 咬落去啖啖肉！ 好正啊生菜魚肉，因為今次唔太飽既關係所以我地無食麵食主要食小食不過無另我地失望 而個生菜魚肉都好正 價錢又唔會好貴 ！！好味又扺食我仲加左d辣既羅白仔落去 十分出色 good good good!!仲有個滷水拼盆 入面有齊滷水雞翼，滷水蛋，雞尖，雞腳，豆腐全部有齊哂滿足哂咁喂食咩都想試一餐既我啊簡直係一次滿足我幾個要求唷d滷水仲要超級入味加埋兩杯凍冰冰既飲品一齊好滿足啊

葵涌廣場除左掃街之外，其實仲有好多餐廳，今次就試左朋友推介嘅車仔麵。下午茶三餸麵套餐都幾抵食，配料選擇多，我揀左手打麵、豆卜釀豚肉、魚肉春卷、咖喱魷魚，配腩汁。手打麵貌似油渣麵嗰種麵，粗身但偏腍。第一次食豆卜釀豚肉，豆卜包住大大粒肉丸，吸曬湯汁好正！魚肉春卷煙煙韌韌，中間混入芋頭增加口感。咖喱魷魚爽口彈牙，咖喱汁香辣惹味。枱上仲有辣菜甫俾客人任加，可以提升湯底味道。本來想叫墨魚條碗仔翅，但伙計話墨魚條無貨，所以叫左魚肉。魚肉份量好多，入口彈牙無腥味，有驚喜。碗仔翅質感稠身，加入冬菇絲、木耳絲等配料，再倒少少紅醋，令味道更豐富。辣魚蛋用左陳皮魚蛋，質感比較結實，我覺得辣度可以再加強。

位於葵涌廣場A15舖地下的孖寶車仔麵，主打各款車仔麵和小食。小食店的環境乾淨，燈光頗光猛。3餸麵套餐還會免費配一杯熱飲，餸菜約有五十多款，落單後約五分鐘食物便來到了。朋友點了鹵水豆腐、牛腩、鹵水蛋配腩汁及撈幼麵。鹵水豆腐和鹵蛋浸得頗入味，味道鹹香。牛腩煮的時間夠長，不會太硬，軟軟的。面頭還會加少許芝麻和蔥粒。鹵蛋是整隻來到的，配料和麵的份量也頗多，男士吃也夠飽。另外一款則點了煙燻墨魚、齋面根、魚皮餃、芝士腸配腸粉，另加秘製沙嗲汁。腸粉的醬汁頗濃郁，用兩支竹簽來吃，更有風味。煙燻墨魚頗有嚼勁，而且聞到微微的煙燻味，道配上香濃的沙嗲汁，十分惹味。最後叫了魚肉碗仔翅。魚肉的份量頗多，也是頗為爽口彈牙。碗仔翅的材料有雞絲、蛋絲和冬菇片，味道濃郁。

很喜愛葵涌廣場這個地方，特別是食店 — 有麵、小食等等 包羅萬有。而麵的的就推介「孖寶車仔麵」，地點方便，就是地面層而已。 環境清潔乾淨企理員工親切，落單快，沒漏單 多元化，有己配搭好的、也有客人自由選擇。餐廳不單單有車仔麵，還供應雞脾、鳳爪、牛雜等價錢由HKD 40 - HKD 50不等.. 真心抵，又飽肚公仔麵 - HKD 44 （麵抵，3餸，熱飲，其後每款加HKD8)五香豬頸肉 生菜 菜肉雲吞豆卜 + HKD 8 包心蟹子丸 - HKD 8 熱檸水 湯底夠熱，麵全熟又不過份地棯。五香豬頸肉用被處理，很入味。菜肉雲吞皮薄多餸，很有內涵！ 曾經某處的豆卜的邊是硬硬的但這個沒有。