影片
开饭介绍
屹立于葵广内的车仔面档，配料选择多，抵食、地道。沙嗲辣汁及秘制酱汁乃其面食之灵魂。
继续阅读
营业时间
今日营业
06:00 - 00:00
星期一至日
06:00 - 00:00
以上资料只供参考，请与餐厅确认详情
孖宝车仔面位于葵涌广场，经常都好多人光顾，堂食位置都好满。店内有多款好好食既野，例如：车仔面、饭，经典小食有碗仔翅、生菜鱼肉汤、肠粉、烧卖等。车仔面：自己剔纸又得，直接选配好既😉又得。我叫左个「招牌」车仔面，懒人之选唔需要选择。都几多款配料，有鸡翼、大肠、猪红、猪皮、鱼蛋同萝卜。全部都系车仔面界既经典，款式好丰富。汤底清甜，加埋佢个秘制辣椒油更好味😋～小食：肠粉、烧卖：最钟意甜、辣、麻酱三酱都一齐落，超惹味。鱼肉烧卖好香。仲有碗仔翅，我加咗墨鱼条。大大条好弹牙。碗仔翅好足料。
继续阅读
去亲葵广行街，都会去呢间食碗仔翅，今次试埋车仔面，都几高CP。未到晚市时段，都几多食客帮衬，友人第一次食，我推荐碗仔翅，佢话就算饱，都觉得味道唔错，难怪我会encore三𩠌车仔面 $54萝卜｜冬菇｜卤水豆腐冬菇软腍入味，萝卜清甜无渣，卤水豆腐都好入味，𩠌既质素唔差，仲有几片生菜，配埋腩汁汤底，份量十足，几抵食金牌碗仔翅 $23水准如一，未食已经闻到好香麻油味🤤粉丝、冬菇、蛋花、木耳口感丰富，食落香口，加埋香辣菜脯更惹味冻柠茶+$3茶胆唔苦，味道正常
继续阅读
系葵芳新都会返工，今日无带饭是但揾间试，点知中晒伏。。。呢碗咁嘅车仔面收我57！！3𩠌餐加冻饮（未食嘅)花枝条，牛肚，咖哩鱿鱼每款得3小旧碟咖哩鱿鱼先吓我一跳🙅♀️一粒粒嘅秘制汁--淡茂茂🙅米线份量已经好少食完好似食空气咁仲要漏单等左我20分钟竟然可以咁多人帮衬
继续阅读
想食返个怀旧味？孖宝车仔面绝对系你嘅comfort food首选！小编今次试咗佢哋两款沙嗲汁捞面，每啖都系熟悉嘅幸福感！沙嗲汁捞粗面配鱼蛋、鱼肉春卷和冬菇 $57粗面爽滑有咬口，吸收咗沙嗲汁嘅浓郁香味，鱼蛋弹牙、鱼肉春卷香脆，冬菇鲜甜，每样配菜都系车仔面嘅灵魂～沙嗲汁捞公仔面配鱼蛋、牛肉和冬菇 $57公仔面控必试！熟悉嘅即食面条配埋浓郁沙嗲汁，加埋软腍牛肉同弹牙鱼蛋，呢个组合充满香港street food嘅authentic味道丫套餐仲附送热饮热柠水，食完浓味捞面配杯热柠水，清清爽爽又暖胃
继续阅读
佢哋最正就系可以自由配搭，可以Mix & Match到一碗属于自己嘅完美车仔面！🤩今次我就叫咗个孖宝精选车仔面，配料有齐晒我最爱嘅嘢！🤤 🐮牛腩：佢哋嘅牛腩炆得好入味，软腍得嚟又带点嚼劲，唔会太肥腻，真系食到停唔到口！ 🐔鸡中翼：鸡中翼都好惊喜，炆到好入味，肉质嫩滑，一咬就离骨，香到震！ 🦀包心蟹籽丸：呢个蟹籽丸必点！咬开中间啲蟹籽卜卜脆，口感层次丰富，真系食到上瘾！ 🍽️烧卖：听讲佢哋嘅烧卖好出名，果然冇介绍错！热辣辣，真心系劲好食，有惊喜！ 🍜公仔面/米线：面底方面，我试咗公仔面同米线，两个都索晒啲汤底精华！ 🥢🍲汤底方面，清汤够晒清甜，想浓味啲可以拣腩汁，牛味更出！再加埋啲菜脯、葱同辣菜脯，成碗面即刻level up！✨🥤饮品紧系要叫返杯冻柠水啦，少冰走甜，够晒解渴！🧊
继续阅读