孖寶車仔麵

营业中

休息中

葵涌廣場有好多小店，每次行完街都會係附近食野，經過呢間車仔麵店，比佢d鹵水香氣吸引坐低。3餸仲要送飲品，呢間車仔麵既選擇真係非常多，淨係揀食咩麵都有十幾款，仲有好多唔同既食物揀，有辣/唔辣既菜脯任加菜脯勁惹味，令人食指大動！手打麵加秘制汁，手打麵爽滑彈牙，煮得剛剛好，掛湯能力高。煙薰墨魚🦑不枉我為佢加左4蚊，煙薰味勁香，勁彈牙！有驚喜！滷水雞翼好入味，唔會煮得過淋。牛腩都好入味，牛味香濃。豬腸洗得乾淨，肥膏唔係太多，香口味美。咖哩魷魚都好好食，有水準。清曬。估唔到平平無奇既車仔麵店，食物質素竟然咁高，下次係葵芳行完街都一定會再試。