孖寶車仔麵

营业中

休息中

屋企人話唔想煮飯，就喺附近買啲嘢食攞返屋企，葵涌廣場嘅餐廳都有好多，不過車仔麵就真係追住打，就揀咗間叫孖寶車仔麵嘅餐廳。其實餐牌上嘅選擇實在太多，包括有小食、碗仔翅、魚肉生菜等等，不過我哋主力都係叫車仔麵因為比較飽肚。揀咗一碗係豬紅豬皮豆卜米粉，另一碗係牛腩豬大腸豬油渣油麵，仲有一碗墨魚碗仔翅！秘製湯底香味十足，有米之蓮風範！豬紅：彈牙有鹹香豬皮：爽口又入味豆卜：吸晒啲味道，好林米粉：比平時嘅米粉粗，口感幾爽牛腩：香味十足，而且口感唔un豬大腸：口感比較滑，唔會太老或者唔夠林豬油渣：每一件都好大舊，仲好香脆油麵：好滑同埋好有彈性碗仔翅比想像中更加大碗，上面嘅墨魚條味道勁香有彈性，碗仔翅都好足料添！仲可以加少少錢飲豆漿，凍豆漿好香滑。