孖寶車仔麵

营业中

休息中

今日又返葵涌廣場，趁未開工那那林食個中午先。因為今日早餐食得太飽，所以選擇來到孖寶車仔麵因為佢哋實在太多小食選擇本身諗住食啲小食就算但係見到豬油渣麵實在忍唔住，因為唔係好多地方有得食，之後再嗌左佢哋嘅推介辣魚蛋同埋燒賣豬油渣麵一上到枱，似冇乜顏色，見到枱面有菜甫可以落，有辣有唔辣，鍾意食辣嘅我一定係揀辣嘅菜甫，本身食開辣嘅我，加完菜甫，成本野即刻出晒味不過個份量太多，食唔晒。燒賣好好食，魚蛋非常彈牙最後飲咗杯凍檸茶埋尾！

今日晏晝走左去葵廣行街，行到攰攰地，就落左去地下食車仔麵。一坐低拎張車仔麵既點餸紙一睇，啲餸多到眼花繚亂👀作為有選擇困難症患者既我，要揀食咩餸絕對係一大難關😳👆🏻唔係講笑啊，真係有超~多選擇！連麵底既選擇都比起出面一般既車仔麵多！餸就更加唔洗講啦~超過50款，每樣野都好想揀啊😢經過一輪掙扎之後，我地最後都決定左每人一個4餸麵！👆🏻4餸 - 牛腩.豬紅.豬頸肉.回鍋肉牛腩🐮: 幾腍身，入味，推介豬紅🐷: 質地幾好，幾大嚿完整(唔係碎濕濕咁)，但略厭唔夠入味豬頸肉🐷: 幾腍，幾好味，大小適中回鍋肉🐷: 幾香口油麵🍜: 軟硬適中，偏軟身👆🏻4餸 - 豬大腸.豬紅.蘿蔔.豬頸肉豬大腸🐷: 好入味，而且洗得好乾淨，幾大嚿蘿蔔🥕: 都係好入味，好甜米線🍜: 幾彈牙整體嚟講，每碗既份量都好多，餸既份量都絕不手軟，每款配料起碼都4嚿起，麵既份量同樣多，同行既K先生食完都超飽另外就係價錢中等，$44三餸都算抵食平時去開葵廣行街既，都不妨去試下啊☺️

行完葵廣又攰又餓 去到地下個層既孖寶車仔麵食個下午茶兩個人嗌左兩杯野飲 滷水拼盤 生菜魚肉碗仔翅 韮菜豬紅蘿蔔估吾到一間小店d野食都幾高質本身個韮菜豬紅蘿蔔有埋豬腸 但我地吾食豬腸 阿姐都好好人咁幫我地走左佢D姐姐全部好好人 可能因為街坊生意 招呼真係親切d呢樣都係我堅持支持小店既原因認住呢個門面0 tea~鹵水拼盤 個鹵水汁相當吾錯好有風味呃~~係我最愛既港式小食睇下個碗仔翅幾足料 啖啖都係魚肉呃食車仔麵既朋友仲可以加呢d酸菜 貼心既安排

今日趁假期，約了朋友到葵芳行街，順道帶埋朋友去食車仔麵。講到係葵芳食車仔麵，當然是光顧孖寶車仔麵，呢間車仔麵我已經唔係第一次食，每次去葵芳都是必食舖頭之選，貪佢款式選擇多，而且又好味。星期日下午時段雖然沒有下午茶優惠，但對於$44有三餸一麵同包埋嘢飲嚟講，已經算抵食。我選了豬紅、雞腎、雞中翼、魚肉春卷手打麵配熱蘆薈西柚，而朋友選了豬紅、冬菇、咖哩魷魚河粉配凍檸蜜。整體都好好味，而且做得很入味，唯獨魚肉春卷咸了些少及手打麵硬了少許。朋友都話好食，無介紹錯俾佢，最後我哋還叫了一碗腐竹雞蛋糖水，可能是太早時間叫糖水關係，侍應話要等未煲好，於是我們等了又等，起碼等咗15-20分鐘左右，糖水終於有啦，食落好滋潤，好好味，但稍為甜了些少。如果想叫糖水的話，下次最好都係晏的四點幾後先好叫。

趕時間的時候車仔麵絕對是個不錯的選擇快速卻又可以填飽肚子在葵涌廣場，地下那一層找了「孖寶車仔麵」坐下來，跟平常一樣無論到幾點；都是人潮滿滿！不過因為港人生活步調快；所以人流的流動性也很快！不用幾分鐘，就騰出了一個位子！下午茶的時段三餸麵的價錢$39👍🏻👍🏻包含的三餸裡我分別選了醬爆肉丸、冬菇、豆卜還追加了五香豬頸肉和韭菜+$16在「孖寶」最值得一提的就是有醬汁可選 我就選了秘制醬汁有點偏甜如果想要來點辣的配菜，桌上都備有辣醃蘿蔔冰豆漿也是車仔麵檔裡不可少的上菜超快的，幾乎是你才剛遞上已選菜單下一秒就端上來了、質量又不錯！

中學嗰陣好鍾意行葵廣掃街🤪 今次行到攰攰地就去左呢間車仔麵到食野兼坐底🤣發現呢間車仔麵都唔錯👍🏻👍🏻 -首先佢d料都大大份兼好入味 好小見到d雞翼咁大隻🤣🤣🤣 所以雞翼自己嗌咗都extra加左碟同friend share🤣🤣🤣🤣自己嗌左腩汁湯底有味得黎又唔會過咸gdgd-而湯底都整得幾好 要清湯唔會好淡 幾好飲得黎又唔重味精味 👍🏻👍🏻👍🏻-宜家佢地仲做緊優惠 嗌車仔麵會送杯熱野飲 都幾抵食架！🤤🤧

好耐冇食車仔麵啦，難得放假黎開葵廣行街，去食下先呢間比較大，好似好多人食，應該唔會差得去邊就試試佢今日假期，所以下午茶會$44，平日就$39。好簡單，食乜✔️乜我要左：豬皮，蘿蔔，咖哩魷魚河粉+腩汁車仔麵必食3寶$44，包一杯飲品，算抵食，唔洗再加錢叫野飲，凍飲+$2除左自己揀，佢都有d set左嘅推介。豬皮，蘿蔔，咖哩魷魚河粉+腩汁主角黎啦～～喺我好肚餓果時食車仔麵真係好明智嘅選擇因爲叫完唔洗5分鐘就送到上黎唔洗等～賣相都唔錯，我見平時街食果d車仔麵都求其放晒上個碗就算，呢到放得咁整齊感覺好似好乾淨咁腩汁湯頭夠味，最怕平時出街叫左佢加腩汁都淨係加少少唔夠味河粉夠滑，份量多豬皮入味，夠爽咖哩魷魚入味，夠彈牙蘿蔔相對比較普通，可能冇咁入味，但都幾鮮甜飲：凍檸茶少甜，正常同朋友share左個滷水雞翼夠味，而且$20有5隻幾抵

葵廣多小食就係人都知但有時餓起上黎要搵食醫下肚又點可以淨係食小食呢經過聞到好香既鹵水味就二話不說入左黎啦==============================今日雖然係未放工既閒日但係其實都算多人兩個人黎都差D冇二人位坐可見呢到幾受附近街坊歡迎花多眼亂既MENU同以前食車仔麵唔同依家自己寫紙,更方便,又唔怕寫錯單呢到特別推介要叫秘製汁令成碗麵都會香好多調味料都有多種選擇叫左個回窩肉+五香肉丁+菜肉雲吞+手打麵下午茶時間三餸麵計埋凍飲都只係$41,大大碗,又幾抵喎另外真係估唔到佢咁足料通常叫回窩肉同五香肉丁都只會比好少佢比咁多咁足料搞到睇落有D油不過就係咁先正辣椒油又香又辣,食麵一定要落手打麵睇落有D似烏冬,其實口感好唔同佢冇烏冬咁有難咬,食落會柔軟D回窩肉同五香肉丁大家都食過就唔詳講啦講下菜肉雲吞雲吞皮雖然厚左少少但係入面足料而且調味岩岩好可以一戰如果唔太肚餓,仲可以唔叫麵轉腸粉作為下午茶就岩岩好啦入面有鹵水雞翼,鹵水蛋,鹵水豆腐,魚皮餃,黑椒牛丸魚皮餃同黑椒牛丸就唔多講啦,大家都食開先講我覺得最好食既鹵水雞翼唔好睇佢鹵得唔係好深色咁但其實鹵得非常入味而且味道唔會只有咸字更有鹵水

由於每次返工都好趕時間，呢間舖頭唔送外賣，但今日可以早d收工, 試下堂食嘅感覺先。首先佢嘅車仔麵係超多選擇由於我喉嚨痛，所以今次唔食咁辣，揀咗佢哋特製嘅秘製汁。 秘製汁唔辣得嚟又惹味推介！ 下午茶時段去$39 三個餸，仲要包熱飲，抵叫埋我兒時最愛嘅碗仔魚肉翅兩溝， 碗仔翅足料魚肉夠哂味。燒賣嘅質地同出便小食店唔同，煙韌， 加啲辣椒油同豉油冇得輸，平時我都喺係度叫外賣燒賣墨魚鬚就稍為硬咗少少， 不過個汁好味搭夠！我在附近商場返工，如果可以送外賣就好了

趁住放假 同朋友一齊食久違既孖寶兩個人叫左成枱野食 都只不過$122車仔麵配料選擇種類多 每人叫左一碗車仔麵 一定要點豬紅再加魷魚 魚肉翅兩溝 同燒賣食到隔離枱既人都不停望住我地順帶一提 下午茶時間 車仔麵仲送埋野飲真係超值之選 下次有時間一定會再去

每次行葵廣，我都特別鍾意黎呢間車仔麵到食，三餸油麵，再配上熱湯同秘制醬汁，簡直係浪漫。一坐低，就同友人一人要左個三餸車仔麵套餐，44蚊包一杯熱飲。見隔離枱碗魚肉碗仔翅咁靚，當我猶豫緊叫唔叫既時候。「想食咪叫囉，陪埋你又點話」「好，吖姐要多一碗魚肉碗仔翅，一碗墨魚條碗仔翅，唔該」三餸我要左牛腩，五香豬頸肉，咖哩魷魚。魷魚口感彈牙，豬頸肉好惹味又煙韌，牛腩冇膻味軟硬適中。而湯底加左魷魚既咖哩汁，感覺更加惹味。友人既牛腩，菜肉雲吞，辣魚蛋。魚蛋一樣識自動分開上，好貼心。碗仔翅有木耳，蛋花，肉絲，冬菇，粉絲。濃稠度岩岩好，芡打得均勻，一啲都冇起漿。配墨魚條好有質感，令呢碗碗仔翅更上一層樓。menu仲有幾十款小食，但我已經太飽，唯有下次再戰。

去到葵廣當然要盡情地購物👗同食野啦買左好多新衫同食左點小食！行到攰攰地，係時候要搵達地方坐下休息加再醫下肚仔😆就食我喜愛的車仔麵先！位置係葵廣地下果層，好容易睇到。位置夠曬闊落，枱與枱之間唔會痴得好埋！有好多餸可以選擇種類多多，有選擇困難的我要看一看先諗到😂 $44有3個餸👍🏼有五個湯底可以選擇唔想食車仔麵仲有小食可以簡經過 一段時間嘅考慮，我地就決定左叫1碗車仔麵、墨魚條碗仔翅、生菜魚肉湯同五香牛雜來ѕhαʀᴇ食車仔麵餐仲會包1杯飲品，我行到有點口渴又熱，加左$2叫杯凍檸蜜飲下‘爽呀’！車仔麵3個餸包麵 $44，我地加左＄８叫多１個餸！係芸芸眾多既餸入面，我地揀左蘿蔔、墨丸、麻吉燒同菜肉雲吞。湯底我地揀左沙嗲汁(加$2)啲餸排得好靚，完全唔係亂咁放蘿蔔味道好甜，墨丸好彈牙我地對麻吉燒好好奇，因為就咁睇果名唔係好知係....出面係長方形既魚蛋包住左好似係年糕定芝士好煙煙韌韌，好好味喔！菜肉雲吞入面滿滿菜！麵就選擇了手打麵，粗粗地好有口感。這些都是我喜歡食的小食，亦都係好有港式味道的小食生菜魚肉湯$20，生菜同魚肉既份量多，２個人Share食都分到好多魚肉食。有成５款碗仔翅可以簡，ＶＥＲ

講起葵廣商場，通常個個都諗到平民美食，又平又多又好味，今日就去左間我覺得幾平民又好食既舖，孖寶車仔麵。👏🏻👏🏻佢係地下果層，要有既餐廳小食都基本上有。叫咗個滷水雞翼，色澤方面差少少，但勝在味道一流，滷水味足夠😍😍👅大大碗魚肉翅，佢都俾得好多魚肉下，自己可以任加醋同菜譜，味道相當不錯， 亦比得好足料，粉絲雲耳瘦肉都有。👅😋最後當然要叫個車仔麵啦，材料有雞翼，蘿蔔，貢丸同生菜。我哋個面底叫咗出前一丁，識落每樣材料都好好味，蘿蔔亦都好甜😛最後推介呢一杯茉莉花蜜超級香，超好飲。😍

在一個無嘢做的時候、去了葵芳地铁站附近嘅葵涌廣場、見到地下有間車仔麵店、睇到門口个招牌好似好多嘢食、就座底睇下有乜好食先、但真係有太多選擇、唔知揀乜好、睇左好耐就揀左咖哩魚旦、豬皮、同埋墨丸配粗麵加多杯凍咖啡、等左一陣侍應就將我叫嘅麵送來了、咖哩魚旦夠辣啱我口味、墨丸夠彈牙好爽、豬皮都好入味、最緊要麵冇梘水味、大熱天時飲杯凍咖啡就最正、數十元一個套餐都係幾抵食。

剛放工就即刻衝去葵芳覓食，好彩機場出黎有車直達。平時去得葵芳都係掃街多，不過今次想搵個位坐低慢慢食，係一樓轉左個圈就見到孖寶喇，位置都算多，唔洗等位。 我地兩個人實在太肚餓，見到菜單就是但劃，兩個人叫佐一個油豆腐，芝士腸，金針菇幼麵，本身以為係平時果款麵，但係唔知叫咩麵，好彩幼麵都唔差，芝士腸咬落去仲會有dd芝士噴出黎，以一個普通車仔麵既質素黎講算係咁樣喇。 之後仲叫佐碗生菜魚肉，d料好足啊，肉質算滑的，好彩唔覺得腥啊～不過如果生菜可以再多d就好喇。（要求多多的客人，哈哈） 魚蛋～魚蛋咖喱魚蛋，咖喱魚蛋咖喱，黎呢d小店通常都會試下魚蛋或者燒賣，口感尚算彈牙既，不過可以再辣d就好喇，辣d，辣d，再辣d～ 得我一個叫佐杯凍檸水，有四片檸檬啊～好耐沒見過一杯有四片，通常得三片～呢個下午茶真係好抵食啊～每人35左右，下次要再黎啊！