妹記大排檔 (已搬遷) 新店位置

第一次同老公食，覺得好正，第二次同d食友來食宵夜，水準差o左少少，o尋晚第三次同D朋友再o黎過，睇下有冇改善。生炒骨-有番第一次水準，夠晒鑊氣，可惜份量細，我一個人都可食晒一碟。椒鹽魚骨-炸得好脆口，可惜椒鹽味不夠。紅燒豆腐-與一般的有分別，獻汁較少、豆腐size好細粒，口感似玉子豆腐，而且落了太多“美極”。黃金蝦-好有鹹蛋味，但蝦唔夠大隻，d蝦肉仲有少少霉霉地。豉油荀殼魚-炸得幾透，魚肉脆而不乾。上湯浸莧菜-呢排菜價又貴又唔靚。但呢碟菜又大碟，又幾嫩。砵仔焗魚腸-這碟比大榮華還出色，魚腸多有雞蛋味，不會被胡椒粉搶晒。只略嫌焗不夠火喉。今次食又回復番水準喎。

朋友推介，因此我們一行七人星期六晚來這裡吃飯，由於我遲來，所以朋友已經點了送，所以我唔係太清楚食物的名字…食物的味道我就覺得和一般這類型的大排檔並無差別，唔覺得做得特別好…最唔好食的係一個蝦乾浸莧菜既野，本身蝦乾食落口應該會有濃的蝦味，但那道菜的蝦乾好明顯過份浸透，流失了那些味道，入口淡而無味。而可以推介的就是那個黑椒羊鞍煲和那個椒鹽鮮魷…因為我嗜辣，所以很喜歡黑椒羊鞍煲，它沒有了羊的羶味，而且淋淋地，幾好味，而那個椒鹽鮮魷就炸得好靚，均勻的金黃色，入口鬆化…用冰凍的瓷碗飲啤酒可以話係一個特式及一種享受，放進口的啤酒特別涼透心，而且覺得自己好似進入了古代武俠小說咁同朋友把酒共歡﹗這次食飯最唔滿意的係他們的服務態度，連續要叫幾次先有人啋你，而且啋你唔等於係應你…激死左…好似其中一次，我地有碟野遲遲未到，於是叫左一個check 下，等左好耐佢都無覆我地，於是再叫第二個再跟進，如果仍未出的話就取消左佢…點知佢又係久久唔回覆我地…結果我地谷鬼氣叫埋單，個時先知道佢地已經幫我地cancel了，但一直都無人話番俾我地知…

上星期同朋友食飯, 菜式包括:1. 黑椒羊肉煲2. 咸魚茸炒通菜3. 金瓜盅4. 椒鹽九肚魚首先個黑椒羊肉粒夠惹味, 不過肉質過淋, 至於個通菜, 日本朋友話最好味, 個人覺得菜都是很淋, 且不及泰式的可口, 金瓜盅味道合格, 但日本朋友對於實際賣相跟照片的出入十分在意, 滿腦是疑惑,又問南瓜的邊為什麼沒有了九瓦, 我們幾個本地人是見怪不怪, 反而覺得size是跟照片相距甚遠!椒監盬九肚唔算好食, 一般咁啦!不過希望佢地嘅白飯用番D靚少少嘅米,D白飯好"項", 白飯對我黎講好緊要亦係基本嘢, 無理由咁失敗!

幾位朋友晚飯後再來一個啤酒宵夜閒談, 點了幾個下酒的小菜, 菜式水準穩定和上次中午時差不太遠, 只是咕嚕肉還是用肉片形式, 椒鹽鮮魷亦不夠野味, 味道偏於輕清, 炸豬手比上次來吃了略為退步, 沒有上次的金黃香口; 整體上質量精緻偏於小廚風味多一點. 啤酒方面先點了兩支青島, 來的原來是青島純生, 味道偏淡了一點不對脾胃, 啤酒選擇不多亦不太冰涷, 個人還是喜歡大排擋啤酒結霜的感覺, 幸好有冰涷酒碗供應, 尚保留了半點大掛擋的風味.

星期五放返復活節的一日假.下午卻有點私人事務要過九龍區辦.咁岩有Openrice搞即興麻甩lunch, 當然不容錯過.是次lunch全純正麻甩(小弟可稱為麻甩仔)出席, 咁趕既時間都有八個人, 真係唔話得.約50分到達, 地方不難找, 原來係同其他食店做埋一個foodcourt, 都幾大. 不過都幾大煙的.Foodking已替大家霸定位叫埋阿姐洗杯沖茶, 萬分感激. 及後各人也陸續到逹.菜式有:咖喱牛腩煲炸豬手蒜香虎皮椒肉青炒生菜芥末子墨魚丸咕嚕肉椒鹽鮮魷牛腩窩先來的是例湯, 非常清甜, 及後都沒有特別的口渴應該沒有太多師傅吧.跟著來的是咖喱牛腩煲, 辣味和咖喱味是有的, 大牌檔的格局, 牛腩幾腍也算入味, 我們一人一碗我食得最多都係呢碟, 汁都勞埋.蒜香虎皮椒, KC指出不是虎皮椒, 我估是辣青椒吧. 有食家指都幾辣, 所以我冇食不作評分.肉菜炒生菜, 其實都唔係咁差既, 起碼都有的菜放進肚子, 普通小炒都過得去的. 但較其他dishes失色.炸豬手不知是否如KC所言是豬腳, 很少肉, 我吃的一件都幾少皮添.芥末子墨魚丸是炸的菜式, 內有芥末子又幾得意, 可以一試.咕嚕肉看似不錯,

幾個麻甩佬，又來麻甩飯聚。記憶所及，今次應該是最多人的一次，有八位食友出席，連深居簡出的大惡男也在陣，幾難得。同大惡男來到金巴利街熟食市場已是一時多，大王及各食友已經叫了幾個菜。這裡雖然地點不算便利，但都坐滿人，可見是有捧場客的。小菜陸續上檯，計有麵醬虎皮椒、咖哩牛腩煲、炸蝦丸、南乳炸豬手、生菜炒豬頸肉、當然還有飯局必備~生炒骨。先來碗例湯，是無花果粟米煲豬骨，異常的甜美，一時也嚐不出有沒有味精，不過大排檔食物有味精有幾咁奇呢？這個例湯精彩，不容錯過；菜色中最吸引我的是虎皮椒，雖然一看便知不是虎皮椒，只是青椒，但綠油油又大大條的，賣相好正。可惜內裡已去了大部份的籽，所以吃落只一般辣度，如果不是，再加上同煮的麵醬會很好味；咖哩牛腩煲是家常菜，用來下飯很是適合。用的應是樽裝咖哩汁，純港式風味；炸蝦丸是另一味精彩菜色，入面釀了芥末子，增強味覺效果又不太辣，是不錯的做法。雖然蝦肉不算爽口彈牙，都算食得過；南乳炸豬手是絕佳的下酒菜，但一看便知不是豬手而是豬腳，皮多肉少，炸得太乾，皮亦隨之變韌，沒甚吃頭。吃了這麼多地方的南乳炸豬手，還未有一處好得過東寶的；生菜炒豬頸肉無厘火氣，竟然還下了茨汁，不香

『最多人的一次麻甩Lunch』由幾個Openrice麻甩組成的麻甩Lunch，似乎越來越多人參與。今次就約埋在尖咀的金巴利街熟食中心的妹記大排檔。一共8個全麻甩報名參加，有幾個竟然由港島區趕過黎，真係為食無疆界，要講聲配服！菜方面，點了1)蒜香虎皮椒—外表來看，應該不屬虎皮椒，但辣味都幾夠，加埋d 蒜蓉味，食落口亦唔錯。(2)炸豬手—炸得頗為金黃，如果可以多幾件會夠麻甩分多d就好。(3)咖哩牛腩煲—都唔差喎，牛腩燘得夠腍，咖哩香口入味，用來送飯就非常好。(4)肉青炒生菜—食飯點都要有個菜送下，豬頸肉不算大塊，亦沒有應有的脆口感，整體不過不失吧。(5)芥茉子墨魚丸—呢道又做得幾出色喎，用一粒粒的芥茉子釀入墨魚肉丸中央，微微的芥茉香加上彈牙的墨魚丸，在大排檔食到此真有點驚喜。(6)咕嚕肉—賣相不錯，但食落就有點失色，外層炸粉略嫌太多，蓋了裡層的肉。(7)清湯腩—原本是與石油氣爐一起上，但面對全麻甩當前，放上檯上相信已沒有時間讓太滾下去，KC兄就索性要求侍應拿走爐具，上檯就即食吧。牛腩跟之前的咖哩牛腩同樣燘得腍，個人特別喜歡裡頭的支竹，半硬半軟，食落清甜。(8)椒鹽鮮魷—沒有椒鹽的，又豈能算

朋友們發起了男士午餐聚, 一共八位男士出席, 大家年紀相約當然話題不小, 可惜聚餐大後仍要上班, 要不然一定會豪情地喝起啤酒來.朋友點了好幾個菜式, 其中比較有印象的是炸蝦丸, 蝦丸內加上了芥末子很有特色; 椒鹽鮮魷炸起來十分鬆化可口, 但感覺上味道有點不似椒鹽的效果; 虎皮椒外表亦同樣不似虎皮椒, 像是青色的大辣椒, 味道不錯而辛辣程度亦不遜色; 南乳豬手亦十分鬆化香口; 咕嚕肉的酸甜料味道適中可口, 但咕嚕肉本身只用了肉片, 雖說是比較健康但吃起來質感和味道總是差上半點; 其餘的幾個小菜亦不過不失, 整體上表現不錯, 但相比起一般的大排擋風格, 份量可小了一點, 而且菜式亦比想像中精緻乾淨.

去過幾次,D一次細碟過一次...唔掂p.s. 推介燕京啤酒,用冰凍陶瓷碗裝泥飲,正!

近來比較懶，有好幾個食評都遲遲懶寫，例如這個都係上個禮拜食過的。見過不少雜誌報紙介紹過老細係年輕妹妹仔，年輕創業，菜式及味道絕不欺場。我感覺同東寶好類似，連受歡迎程度亦都相似，因為當晚鄰近的大排檔都冇佢咁多人。先講服務簡直好好招呼，個個態度不在話下，仲幫你洗埋杯碟碗筷，酒樓酒店都唔及佢。當然叫個例牌菜-生炒骨，第一啖好燙口，可食得出係即叫即整，又係水準之上，這碟菜東寶就不及佢，不過好細碟收42蚊，以這環境地方都算唔平。黑椒京蔥羊柳煲-將d羊柳切粒，口感滑非常，雖然黑椒味較重，但仍可食到羊羶味。細細煲要60幾蚊。最後一碟係清炒芥蘭，炒得爽口唔會老，而芥蘭冇苦味。雖然大排檔o黎講係唔係平，而且每碟分量唔太大，但最緊要食物質素，雖有收這個價錢都覺值得的，這間可例入我近期較好的中菜之一，所以我會再o黎翻炒的。

今晚七個人食飯，一開始食o左凍螺，幾爽口彈牙。跟住有桂花魚，特價38蚊，但係都好新鮮，最深刻係一咪叫鬼馬油炸鬼，係油炸鬼裡面包o左墨魚膠，好香口好得意。有一個鹹蛋黃炒蝦，好多地方都有得食，呢度亦整得唔錯。仲有苦瓜排骨、雞煲同羊腩煲，雞煲係用新鮮雞，食落真係唔同冰鮮雞o架!大人叫o左半打啤酒，埋單都係570 左右。

雖然是大排檔, 服務殷勤小菜夠獲氣炸鮮魷有水準魚香茄子一般全力推介, 避風塘炸雞翼, 夠辣, 肉嫩, 皮炸得夠香白粥綿綿但因為在街市裡, 環境稍差。