妹記大排檔 (已搬遷) 新店位置

蒜香骨(~$55 忘了價錢) 份量偏少，用的是腩排，半肥瘦所以一點也不韌，香口，味道也算不錯。<img vspace="3" hspace="3" border="3" src="http://www.imagestation.com/picture/sraid205/pb0470c539a2b432a1f207f6b824b5e8c/ef2c0aa5.jpg"/>鬼馬油炸鬼(~$50)即是墨魚膠釀油炸鬼，普通貨色而已，墨魚膠似乎加了很多粉，入口不夠結實彈牙，也欠缺墨魚的鮮味。幸好油炸鬼這次不硬，不然怕刮傷唇舌。北角和富道的仁寶小館和深水步的增輝大排檔都有這道菜，而且都做得比這店出色。<img vspace="3" hspace="3" border="3" src="http://www.imagestation.com/picture/sraid205/p147e0359c2c2fe224c5fe1f6e53a426f/ef2c09d5.jpg"/>銅鍋雞(~$70) - 不能吃辣，全由老公包辦。老公說少許香辣，頗冶味，雞肉尚滑。雲耳和冬菇也入味。&

聽見咁多人話好食,所以四條腿決定去尖沙咀一趟,四個人叫左四碟,首先講食物<所有份量比較細碟> :1)黑椒羊鞍-煲唔熱,份量細,2)蝦子豆腐-OK無驚喜,3)鬼馬油炸鬼-不油,幾新奇,4)蜜桃古嚕肉-蜜桃甜,菠蘿爽,肉塊無感覺.跟住環境:雖是大排檔格局,但唔熱,有空調,坐膠圓椅,不過無分吸煙同非吸煙區,當晚所見煙霧四起,極之難頂,若果唔能夠嗅得煙味,就要諗過先好去,四枝細汽水加一個白飯,全晚盛惠約$250....

本來同兩個家姐同埋姐夫去飲楊氏肉骨茶度飲肉骨茶...點知執左喎(tst o個間啦)所以我o地幾個就蕩下蕩下諗緊食乜咁o岩經過妹記上次食唔到八爪魚嘴諗住今次再去食啦點知都係冇...不過好熱又好攰所以雖然冇.. 都照食啦我o地叫左例湯(黃瓜湯)羊鞍煲~~~ 上次食過.. 好味雞煲~~ 好味椒鹽九肚魚~~ 好味南乳什菜煲~~ i like it!!樣樣都好味小炒夠鑊氣又平四個人$280大排檔o黎講佢一o的都唔逼坐得好舒服

妹記去過好多次, 水準都可以保持. 呢度炸既食物特別出色, 但係碟頭就細左少少. 其他類型既菜式就麻麻地.環境-街市當然好嘈雜, 但比起北角街市叫做好好多.服務-一般既大排檔服務, 當然熟客會好招呼d啦食物-炸豬手,炸八爪魚咀,南乳香酥骨都係必食.炸豆腐都唔錯, 細細粒又香口, 送酒幾好.鐵鍋雞就唔夠熱, 好明顯係冇連鐵鍋一齊燒過, 雞斬到好細粒, 好似食雞丁咁.豉汁粉絲蒸吊通就唔好食, 好淡, 吊通好細粒, 又韌.黃金魷魚好香口, 咸蛋量岩岩好, 唔會太滯蒜蓉蒸絲瓜就一般啦.

約朋友食飯，然後到尖沙咀酒吧睇波，朋友介紹到金馬倫道熟食檔。我估不到位於市中心都有個大排檔，而且都吸引到一班內地自由行幫襯。這晚我們二人叫了三個小菜，炸八爪魚咀、沙爹粉絲雞煲、魚蓉貢菜煲。沙爹好味多汁又唔辣，八爪魚咀夠特別，不過個菜就普通，但都好味！如果冇咩要求的話，對你好大驚喜，因為菜色夠特別，多幾個人去就可以叫多幾個菜。招待也很好，有很多選擇，他們很樂意介紹菜色，直到你們滿意為止。

本來想食個八爪魚咀...但冇晒... 可惜不過叫左其他野都好好食好夠鑊氣個羊同個魚腩都可以試下唔錯!!!係個螺麻麻o地....

友朋自遠方來，當然要一盡地主之義，出來食餐飯啦！最後選擇了這裡。去到真係幾多人，等了一陣才有位。我們叫了妹記炸豬手、椒鹽八瓜魚咀、豉蒜虎皮椒、紫蘿雞球、豉油王炒麵、香芹肉崧浸萵、砵仔雞蛋焗魚腸和南乳香酥骨。妹記炸豬手- 豬手炸得幾香口，雖然骨多肉少，但味道唔錯，送酒一流。椒鹽八瓜魚咀- 炸得很香脆，一口一啖剛好，唔算太油，幾好食。豉蒜虎皮椒- 初初怕會很辣，唔敢食；最後試了少少，原來係唔辣的，相信係因為沒有吧，味道都唔錯，但完全唔辣又好像怪怪。紫蘿雞球- 雞肉偏甜，雖然唔韌，但就唔多識欣賞。香芹肉崧浸萵- 萵清清又爽口，食了這麼多煎炸食物，作為舒緩一都幾好。砵仔雞蛋焗魚腸- 沒有雞蛋香，魚腸味又唔多特出，可以不要。南乳香酥骨- 肉質唔算韌，多骨但好味，細細粒，都幾特別。食完之前的食物，感覺都唔多夠飽，決定炒多個豉油王炒麵，叫侍應姐姐落單，她竟然說廚房很忙，要等很久，之後再說，粉麵飯未必會炒喎，說完就行開了。心想其它小菜難道是用微波爐出來的嗎？不是一樣要炒。之後再找另一侍應落單，他完全沒有說什麼，我們等了不用幾個字，碟麵便到了，這都算很久嗎！這位侍應姐姐的服務態度真係唔要得，幫妳老闆倒米

尋日相約同兩個老友黎呢度飲下啤酒吹下水,因自己要遲d先到關係去到已見萬人空巷o既情況都比佢嚇一跳(唔通又係傳媒力量??),好彩老友們已一早到先有個死角位o既臺食飯,一坐低唔理咁多先叫菜, 免得因客多關係要等到頸都長,因之前已試過佢o既椒鹽菜式都算合格,而今次係伙計推介下就叫左白烚花螺–簡簡單單,食出本身味道!椒鹽瀨尿蝦–蝦身細細仔,食落都有鮮味但感覺椒鹽o既料唔係太得!避風塘雞翼–因調味同配料都好似唔太足感覺似炸雞翼多,食落少少辣而肉身唔會太乾,用黎送啤酒都幾好!南乳香酥骨–老友推介必吃,上臺時連一小碟南乳汁,眼見舊舊都有骨落地賣相都合格,食落帶小小南乳香都唔錯,但唯一唔好係炸得過火攪到大乾身攪到要點汁食先好d!加埋幾支啤酒埋單$250,價錢,食物同招呼大致上都o.k.,但因客人太多關係,另上菜o既速度都幾大問題,好多時食完一個菜要等上一段時間先黎下一個,而有時見到隔離臺同自己一個相同o既菜式但賣相同份量都有d差別,呢方面老板娘真係要諗下,最後自己覺得雖然個名叫大排檔但始終唔可以同正宗大排檔相比!

日子：5月14日母親節，人不多，地方闊落食得好味。啤酒用碗飲，幾豪氣，加上碗雪得夠凍，酒更加消暑。食物多選擇，推介有：咸魚醬通菜、鬼馬油炸鬼、椒鹽豆腐等。不過要不是有人來過這裡，一般行街也不會找到這兒。

一家人預早慶祝母親節試左5款菜鼓味辣蟹-夠入味,但唔辣炸墨魚咀-一般鬼馬油條-同雜誌的相片差好遠,味道非常一般,唔推介炸大腸-幾好味菜炒鵝腸-夠鑊氣總結:夠鑊氣,但菜上(木台)不是熱騰騰的,美中不足侍應叔叔們有好禮貌東寶好食D(正確是幾年前的東寶,因本人好耐無幫襯)

4月30號晚,同朋友經過加連威老道,見到"妹記"個招牌牌,諗起之前睇過啲食評幾好,就走去試下有幾正啦,佢哋介紹咗以下餸菜,我哋試過之後都覺得好好呀,下次一定會再去幫襯1)椒鹽八爪魚咀-$42 (非常好食,啲炸粉又夠薄)2)鋼鍋鷄-$68 (唔會太辣,幾好食)3)砵仔鷄蛋魚腸-$58 (朋友話幾好食,唔係周圍食到)4)白飯x15)可樂x2二人共消費:$189

蒙牛又話要去食豉油皇三絲炒麵, 所以走左黎食, 今次我叫左個豉椒牛河, 今次碟炒麵唔知點解比上次少左1/3, 三絲只係火腿絲, 蒙牛似乎唔係好夠飽.....反之我的豉椒牛河就好似唔錯喎, 個color好多, 青椒爽口又甜, 牛肉唔un, 河粉就有d痴埋一舊舊....不過好有火喉, 好正啊~~~~位位$25, 呢鋪真抵食~~

老尖金巴利街熟食中心,一直死氣沉沉,年前有個樣貌娟好的女子,大舉揮軍入侵.在此落地生根,自此之後,整個熟食中心,突然大翻身.昔日人影都無隻,今日變成歌舞昇平.原兇就係"妹記".小弟年前在金巴利道當老兼之時,睇住佢開,睇住老闆娘由青春無敵,做到今日謝謝地.年前經常性到此午膳,廿幾銀一個午餐有例湯有汽水,老尖指數黎講就真係超值.闊別兩年多三年,今日有朋友相約老尖late dinner,二話不說提議去妹記.夜晚九點多依然八成食客,四個人有人無甚胃口,亦有人食左少少野,睇住個花多眼亂的菜單,諗住點黃金蝦,賣晒,魚鄂煲,賣晒.遲來無得先上岸.啤酒同東寶一樣,用冰凍湯碗盛上.當年曾經問過老闆娘係咪參考東寶?)老闆娘直認不諱.就連菜式,都隱約地滲進少少東寶的玩味風格.炸豬手,呢味在東寶係必吃菜式之一,妹記也做得唔錯.非常香口,果茸鳳片,即係用牛油果,茄子,加上雞柳,炒埋一碟.牛油果同茄子,味道又幾夾.茄子質感適中,最怕吃到太淋或太硬.$38六隻蒜茸蒸扇貝,幾抵食,扇貝大大隻,夠新鮮.拍蒜泰椒炒珍肝,雞肝甘香,泰椒夠辣.送酒一流.最後一味鬼馬油炸鬼.比增輝遜色.裏面墨魚膠幾彈牙,但係外面炸得太硬了.硬

假期前一晚去食都好旺，成九點鐘都要等位。四個人order 以下菜:沙拉骨、八珍豆腐、炒蜆、帶子炒西蘭花、剛鍋雞。平均每款菜都好味，沙拉骨好野味，八珍豆腐好足料，帶子都好新鮮，都唔錯，招牌菜剛鍋雞，用鍋上，味道教得唔錯。唯一o個炒蜆唔好食，一D都唔野味，炒得麻麻地！環境就唔舒服o架啦！又嘈，又多人食煙。可能當晚多人，要吹o左四、五次D菜先齊！佢地通常儲一定數量的order先致煮。所以一係無，一係全部都有。份量就真係細，唔太多。o野款式特別，實價錢都唔算貴，會再去，不過會選擇閒日先去。

以前佢岩岩開既時候真係大件夾抵食但係過左一排d野食越黎越細碟,又冇咁好食唔知係咪老闆娘有左之後,冇心情睇住間舖(不過佢生左之後都冇改善)今日叫左個炸魷魚鬚拎走,點知打開得15條細細條半隻手指都冇既魷魚鬚...成$42!個發泡膠盒仲俾d魷魚鬚熱到溶哂.....食完之後發現有3粒發泡膠渣係個口度,十分難受!!!!!!!!!!!!!!