好燒式串燒專門店 (大南街)

营业中

休息中

聚餐不想吃太多但想飲啤酒慢慢聊天， 便來到這間新裝修的好燒式太子分店。 我們一口氣點了不同的串燒㖝小食。先上來黑松露菌蝦多士, 黑松露很香, 蝦多士炸得非常脆口。再來鹽燒牛舌串,肉質鬆軟一邊的翠玉瓜出乎意料之外非常新鮮水份保持得很好又有小小辛辣。期待已久的香煎鵝肝配紅酒汁，果然無令我失望。open rice 有推薦，鵝肝非常大隻，非常juicy,配上脆包好吃.再來一碟豬牛雞魚串燒，豬頸肉串,非常推薦爽口彈牙帶點甜味。豬仔脾，偏乾身而非常入味。鹽燒白鱔，一試難忘， 白鱔皮很脆，肉質鮮嫩。安格斯牛肋串不過不失。雞中翼外焦內嫩。 餐廳光亮怡人洗手間也很漂亮。 燒烤餐廳來說 ， 沒有油煙味，很好的用餐體驗。

依間餐廳坐落於太子區鬧市中央，附近勁多餐廳選擇，要喺呢度立足，一d都不容易！今次就過黎依區比較出名嘅串燒店食，入到去，因為比較早黎嘅關係，所以太多人，揀咗近門口位置坐之後，就開始order食物，看到餐牌上燒魚的價錢是浮動的，就問問服務員大眼雞一條多少錢，店員說：剩返一條，索價$168，當下二話不說就要了！另外還點了很多串燒，現在逐一講下：白鱔：皮燒到好趣，肉唔會太乾海蝦：全晚第二個得欣賞嘅，好新鮮！茄子：原隻燒，味道很好雞翼：皮脆肉嫩生蠔：燒得唔會太熟，裏面好多肉汁羊肉：唔會太酥牛舌：厚切嘅話會更好雞胸軟骨：呢個幾特別，出邊未必食到魷魚鬚：還可以粟米：如果粟米甜啲會更好大眼雞：全晚最精彩就係呢道菜，條魚超大條，幾好食，性價比極高，如果去潮州打冷度食一定很貴！

朋友知道我份人雖然鍾意食串燒但又唔太鍾意街邊鋪坐得唔舒服就帶左我呢間佢推薦既串燒店到食.串燒店整體好新淨而且燈光鮮明得黎地方唔焗促,小食多滋味同朋友點左幾串串燒一齊share黎食滿足下口腹之慾.一碟自選燒物拼盤原碟上內有墨魚丸,牛舌,牛肋肉,豆腐,雞軟骨同燒烤必備原本就快失存既雞肉腸.整齊串燒燒得岩岩好外層乾身帶少少燒蜜糖香,蜜糖只係其中一款燒醬當中仲有其他款醬供選擇去迎合唔同客人既口味.墨魚丸大大粒燒到漲卜卜咬落好彈牙內內又帶少少墨魚肉令到墨魚丸帶2重口感.廚師腸的確係眾人既回憶由細到大都咁鍾意食腸外層帶微焦得黎又唔會令到外層變到乾爭爭.牛舌唔係簿燒一大塊中間帶厚身肉,咬落口雖然無立即湧入好濃既牛味但慢慢食落就會滲出淡淡牛香味又唔靭仲好嫩.其他雞翼同牛肋肉不過不失.燒豆腐係餐廳推薦本來覺得平凡既豆腐應該都差唔多口味估唔到餐廳燒得幾出色外層脆帶上少少特製醬汁加添濕潤感好脆卜卜又香.蒜蓉燒茄子一定係串燒既重口味同邪惡之選,燒子成條燒雖要一定時間上到枱半溶既蒜蓉加上少少蒜油慢慢滲入茄子肉入面吸收必食一啖茄肉都吸入蒜香👍🏻.

一到假日就有好多人出街食飯同朋友出街食飯但又怕多人同餐廳趕人同朋友就會選擇去食串燒可以慢慢食一邊食一邊傾計。一早去到唔洗排隊就可以入座，呢間串燒庛除左串燒外既食品都幾多元化包含晒港西日風味小食而且連主食都有。無骨燒乳鴿餐廳既主打平時成日都會嫌麻煩食到成手污糟晒但餐睇穿左我呢種懶人幫食客去埋骨一啖放落口啖啖肉。乳鴿外皮好脆新鮮熱辣即叫即製所以點左後要有少少耐性去等，肉質唔乾入口軟淋同嫩等咁耐十分值得。燒茄子食串燒必點，中間切半原條燒再係茄子面上擦滿蒜蓉餐廳再係蒜蓉面上加上少少七味粉令茄子多重辣味，食完口腔全部都係蒜香味。燒大蝦估唔到大蝦咁新鮮同大隻中間開邊內裏蝦肉十分飽滿肉質爽又彈牙蝦味都幾，每一邊既蝦肉等於平時一隻蝦既size原汁原味。松葉蟹蓋好驚喜平時係日式餐廳必點既甲羅燒呢到既然有，用上牛油烘好既多士外脆內軟麵包上充滿牛油香，將蟹膏同蟹籽拌均再將其放上多士上鋪滿滿既一層蟹膏醬放入口蟹膏味十分香濃加上蟹籽脆卜卜流出鮮味更香，邪惡但美味。燒豆腐燒得外脆內軟，豆腐用上外層厚皮豆腐容易夾起唔鬆散外面十分脆身雖然外層帶乾但咬一啖內裏十分軟熟入口化開好滑豆味幾香。

喺旺角附近宵夜有咩好去處，今日帶你哋去呢間專食串燒嘅好燒式，佢位於旺角附近，位置非常方便而且開得有夜 首先叫左個燒雞泡魚乾，雞泡魚燒得非常乾身而且口感一流，絕對係值得為大家推介嘅 另外就係，燒牛油金菇，分量非常之多而且非常之惹味，食完仲多由你嘅串燒之後，食埋呢包燒金菇非常解滯 燒鵝肝係我主打推介 鵝肝非常之香而且多汁，配上法式多士口感非常之好 另外燒魷魚同埋燒牛肉都非常之好食，同朋友傾下偈飲下酒，係非常之享受 如果肚餓仲可以叫一個黑松露炒意粉，黑松露味非常之香濃配上雜菌更加將黑松露嘅味道提升一級 食咗咁多肉，燒反串韭菜再配上佢嘅特製香料，非常好食

呢排食太多西餐食到有點吃不消，今次就去左位於太子既呢間港式串燒店🍢收工太肚餓啦唔覺意點左好多野食呀🤤•🐟白鱔（$42/串）🔸9.5/10🦐海蝦（$58/ 3隻）🔸8/10🐚蒜蓉蠔（$32/隻）🔸8.5/10🐠鹽燒大眼雞（$168/條）🔸7/10最推介佢既海鮮類，夠新鮮，彈牙，仲燒得好好，白鱔超脆皮必點！海蝦仲要有膏。蠔夠大隻，燒得好香🤗大眼雞好大條好多魚肉，幾好味～•🐔雞中翼 （$18/ 2隻）🔸8/10🦴雞胸軟骨（$25/ 2串）🔸8/10雞中翼外脆內軟，雞胸軟骨個軟骨好爽脆好好食～•🐑羊肉（$18）🔸8/10🦑魷魚鬚（$21）🔸8.5/10👅牛舌（$26）🔸6.5/10羊肉細細粒，唔係好重羶味，但好好食。魷魚鬚好滑彈牙好惹味！牛舌有成五舊咁多，味道不過不失～•🍆原條燒茄子（$32）🔸8/10加咗孜然粉好香好正，燒茄子係我最鍾意嘅茄子食法，大推！•🌽粟米（$23/ 2串）🔸7/10燒得幾香，有少少濃濃地好似粟一燒味😆•🥤凍檸樂（$18）一定要飲可樂冇得傾，爽呀！

今日我同我家男友出黎散下心 周圍行下 甘啱見到一間串燒店 望落都唔錯 我地就間左黎呢間食啦。呢度ge環境都裝修得幾別緻，環境好寛闊舒適，唔會坐得好逼，可以係忙碌的生活節奏中放鬆落黎，令人覺得好舒服。 望落餐牌都有唔少野食，款式眾多，其實都幾適合大人細路一家人一齊食，共享天倫之樂呀。另外佢下面有配唔同ge汁同燒烤粉可以間，適合所有人ge口味，真係老少鹹宜～～又黎到野食ge部分啦～估唔到呢度除左串燒仲有其他主食啵。墨西哥薄餅芝士雞肉：呢個薄餅ge重點就係佢ge芝士啦！滿滿ge芝士配上雞肉同其他蔬果，拉絲當然有啦，但係最surprise ge 係佢ge口感 外皮夠曬脆 但係配合埋餡料真次天作之合呀跟住就係重頭戲ge串燒啦，但係因為太多 我就點評最中意個幾樣啦羊肉串唔知大家平時食唔食羊肉呢？大家如果唔食ge原因可能係因為佢個騷味，但係佢其實正得好唔錯架，因為佢係無！騷！味！而佢ge肉質都的好 唔會太韌泰式雞肉串其實你可以見到雞肉係有好多款可以選擇，而佢ge泰式雞肉串係有一種與別不同ge感覺，甜甜地，雖然係串燒，但又不失嫩滑ge質感。多春魚串最估唔到ge就係佢竟然提供魚做串燒！！身為食魚家ge我

太子一向食肆多選擇，今次揀左間食串燒，兩個人想食多款式除左打邊爐同放題之外一定係串燒，因為夠野味。一坐低店員就埋黎問要咩辣同埋介紹一下有咩值得試，茄子同豆腐都係推介之一。外面好多燒豆腐都會燒到內部好乾，好似食緊豆腐乾甘，但佢地用咗醬汁搽係面，令到豆腐又冇乾同好味好多。蟶子王由於太好賣，就只係剩低一隻，肉質好爽口，而且所落嘅調味粉唔多唔會搶走蟶子嘅鮮味，賣剩一隻係有原因。牛油金菇包都係好好食，牛油味極重，如果好似我哩種食金菇其實係黎食牛油嘅人就一定要叫黎試下。燒白鱔都係非常吸引，魚皮亦冇燒焦，食落個皮好脆，魚肉都好彈牙，同埋冇落得多調味粉都係師傅嘅功架。

喺1月12號果日想飲2啖啤酒，咁淨飲酒就傷身，不如食d嘢再呷兩啖酒算啦，所以就去食咗位於太子號分店，試一試個好燒式串燒，燒一燒佢。今次叫咗：雞泡魚乾，燒茄子，牛舌，雞軟骨，羊排，乳鴿燒雞泡魚乾就無咩特別，無話特別好想再食，可能我唔太好食燒魚乾呀，燒魷魚乾呀，因我我覺得本身都好乾，燒完更加乾。個燒茄子就燒得比較唔夠香，可能火候未夠可以再燒耐d牛舌就比較厚切的，厚切勝在內層唔會太乾身，仍然保留到汁水，呢點佢做到。薄切，厚切各有各好，所謂薄切配美酒，厚切就配汁醬，如果可以俾個芥辣醬我點點呢舊厚切牛舌就好啦。雞軟骨方面，很難會做得差，因為對有燒烤經驗嘅人嚟講，雞軟骨係比較易燒，無咩技術可言。個燒白膳片就好食啦，「脆，軟，香」完全齊晒，唯一唔得嘅地方就係「貴，份量小，汁醬唔夠」羊扒唔多講，因為無咩特別，但要知道燒乳鴿好食過燒羊扒，可能乳鴿好新鮮燒好，所以計新鮮味嚟講，燒乳鴿完勝燒羊扒一層。

今日試左呢間喺太子嘅好燒式串燒專門店🍢試左幾款推介食物，包括安格斯牛肋串🐂，食落肉質淋身嫩滑👍🏻串燒豆腐外脆內軟，好香口☺️蒜蓉燒茄子🍆，落左d調味粉，有重慶串燒嘅感覺😃佢有得揀切片同原條燒，如果想一絲絲咁夾出嚟食，可以叫原條呀黑松露雜菌墨西哥薄餅🍕，芝士🧀配上雜菌🍄，配埋淡淡嘅黑松露味，又唔會太滯🤭好大隻嘅蟶子王呀😲，勁多蒜蓉配埋金菇，正🤤見佢仲有原條燒魚🐟，不過怕太飽，所以冇叫到，下次好想再試下🤤

以後想食串燒唔洗再特登番大陸去木屋燒烤喇，因爲哩間串燒專門店仲好味🥰而且佢地嘅食物種類都幾多元化，除左有串燒食佢地仲有西式同泰式料理🍽好似意粉、鵝肝、泰式蝦餅同鳳爪🤤最有驚喜嘅竟然係黑松露野菌雞肉意粉$88🍝勁足料大大pat黑松露係個意粉上面，真心好食過好多貴價西餐廳☺️另外燒牛舌、杏鮑菇、雞中翼、韮菜同菠蘿都唔錯👍🏻唯一係個茄子燒得未夠入味，飲品叫左王老吉，因為感覺會下火無咁咁熱氣🤣

呢兩日天氣又轉涼，最啱食燒物，熱辣辣即叫即燒，香噴噴一串串上碟。餐廳好近地鐵太子站C2出口，行兩分鐘就到。門口大大個招牌，唔怕搵唔到啦！平日7點來到，估唔到都擠滿客人。一家大細嘅又有，三五知己聚一聚嘅都有，串燒真係大人細路都愛吃！一黎就叫左我最愛吃嘅金菇。金菇用大量牛油同芝士調味，比起平時食到嘅燒金菇好唔同。一來一啲都唔乾身，二來一般餐廳好少會加芝士，牛油都只會比少量，相比起呢度，大量芝士夾牛油好香，真心正！燒茄子亦係我另一至愛！孜然粉好香好入味！茄子燒得剛好，大大條原條上碟，肉質多，口感好滑，唔怪得見到檯檯食客都嗌！燒牛舌處理得好，真係一啲都唔容易。咬落唔乾身，有汁，牛舌味重，爽口。白鱔亦燒得剛好，肉質爽滑，新鮮，如果配埋甜甜地嘅燒汁一流！豆腐一串有三大塊，好抵又好食！甜甜地，唔會太乾，一人三塊都唔夠，要encore！燒海鮮好正！款式選擇多，包羅萬有，今次食左聖子、扇貝、魚等等。前兩樣味道鮮甜，蒜蓉好香，聖子下面有一層金菇，切好一口口，令客人易入口，好貼心！黃立倉原條上碟，未入口先興奮。鹽燒嘅味道滲透魚嘅肉質，魚皮香脆，抵讚！本來想叫埋白酒忌廉煮青口，可惜店員話冇晒青口，下次一定要早

平時串燒店多數都系得燒肉同燒茄子呢啲類型嘅食物 但呢間竟然會有芝士同埋海鮮 仲要好好食tim🥰.👉🏻芝士墨西哥薄餅($43)送嚟之前已經幫我地cut左4份 好細心啊～薄餅入面嘅芝士同雞肉系熱辣辣🥰芝士仲要有長長嘅拉絲添🤤一定要叫黎試下.👉🏻忌廉青口($98)青口份量有好多而且好新鮮👍🏻好有忌廉味😗入面仲有蘆筍同埋蘿蔔粒做配菜 食落口感覺比較清新.👉🏻日本年糕($24)年糕煙韌得嚟又唔會痴牙 燒完之後仲保留住米嘅甘甜味😈.👉🏻炭燒牛舌串($26)肉質鮮嫩 燒完之後肉汁仍然鎖住系塊肉入面😚———————————————好燒式串燒專門店太子大南街32-34號地舖

上次試過旺角分店，今天來到新開既太子分店，地方大了很多，但客人相對少了，未知是否新店不及舊店，與其擔心，不如點菜吧。先來是原條蒜蓉燒茄子，一試，風味不減舊鋪，燒得夠透夠冧，調味粉均勻分佈，淨係賣相都攞哂分。再來分別是串燒豆腐，芝心丸，雞中翼，冬菇，菠蘿。豆腐上次已經一試難忘，夠脆，帶少許甜，必吃。雞翼燒得剛熟，內裡還很濕潤，外面夠味。接著的是聖子王及扇貝，扇貝很大很甜，但驚喜在於聖子，雖兩者都清洗得很乾淨，但聖子已幫忙切了小件及聖子肉下墊了少許金菇吸味，讚！海鮮類還點了燒蠔，不知為何，覺得如果帶甜一些類似金蠔的味道應該會更好。最後有紐西蘭羊扒及海蝦，羊扒配的醬汁原來是店家自己調配，問過店員是蜜糖及香草，很配合羊扒既味道，如來了此沾醬味道應該會失色不少。今次比上次試多了很多，十分滿足，環境亦鬆動了不少，我想如有機會，應該會再來此分店。

宜家D天氣系食串燒嘅好時機，尼間串燒系好多選擇，而且海鮮都多選擇，又有西式意粉，鵝肝好正。香煎鵝肝配紅酒汁系重頭戲，厚厚嘅鵝肝香煎后，好香，表面好香脆，香濃。表面好脆，內在好嫩滑，唔會太漏，小小甜脆甜脆😘加埋脆脆多士一齊食，超級無敵正，多士又系好脆。黑松露野菌忌廉意粉新鮮蘑菇加入香滑忌廉，意粉配上香濃牛油烹煮，再用芝士和黑松露橄欖油攪勻，配上幼滑嘅意粉，好正，每一口都感受到黑松露和忌廉嘅味道，好滑好正，意粉岩岩好，好有嚼頭。韭菜我選擇左小辣，蜜糖，韭菜燒香左D油會出小小，好香，小小辣好惹味。好爽脆。串燒白鱔尼個系必點，鱔皮好脆，燒得好金黃，鱔肉好嫩滑，但有小小刺，但係都食得嘅，小小肉小小腩，食落口好嫩滑，好香。無得頂👏牛油金菇包一打開錫紙已經一陣陣牛油味出黎，金菇好嫩滑，好爽脆，每一口都系甜甜嘅牛油香甜味。好好食。燒茄子（原條）原條茄子開半燒，有蒜蓉椒鹽一齊燒，好多汁嘅茄子燒到好嫩滑，加埋蒜蓉一齊食，好惹味，好香滑。日本雞泡魚干燒得好軟綿，好入味，加D沙拉醬一齊食，好鬼正，尼個小食一定要食架，就完美啦😊