好燒式串燒專門店 (大南街)

营业中

休息中

凍凍地又唔想成日打邊爐就同個朋友去搵吓燒串店有邊度好食竟然喺WhatsApp群組問下朋友竟然有幾個朋友都介紹我去呢間與太子爺（好燒式）燒串店洗講嘢即刻去試吓啦👏🏻👏🏻一入到去地方都好時正，之後職員就過嚟介紹下今日有咩新鮮嘅嘢非常之體貼🙊🙊燒串方面我哋選擇咗牛肋串，雞胸軟骨，雞中翼，豬頸肉串......全部燒串味道都燒得好平均不會太鹹又唔會燒到乾晒水非常之有水準👍🏻👍🏻再來燒茄子🍆（原條）茄子好大條非常之抵食中間有少少辣非常之入味好好食😋牛油金菇包賣相好整齊入面好足料加埋啲牛油配搭冇得頂🙊當然要試吓呢度個蒜蓉蠔好啦⋯⋯生蠔大大隻好新鮮再加埋配料非常之好食👍🏻必選最後我哋叫咗個芝士墨西哥薄餅再加個香煎鵝肝配紅酒汁.....真係估唔到呢度啲薄餅都整得好出色再加上我咁鍾意食鵝肝呢度都有真係冇得頂👏🏻👏🏻👏🏻大家真係要值得一試😋😋😋

天寒地凍，朋友帶我去食好野，今次終於唔係去打邊爐啦，而係去佐食串燒。一開始就係度諗啦，香港地食串燒，唔係等到餓死都無得食，就一定污煙𤍤氣啦，但黎到個感覺又真係同普通串燒店完全唔同WOR門面大大隻字寫住 "好燒式"，一睇就知係食 "燒"野，我覺得個招牌都幾卡通，仲要咁大隻字，約朋友的話真係唔驚搵唔到舖頭望落似由兩間店打通，店面非常闊落，坐得都好舒服。成間舖都無咩油煙，望一望，原來㕑房大大塊玻璃圍住，唔瓜得無油煙飛出黎啦，仲要可以望到入面非常乾淨企理，呢個格局俾到人信心又可以保持食客係舒適環境嘆到串燒，抵讚望下餐牌，野食真係好平民化，仲好多特別野食，由貴價既安格斯、黑毛豬、龍蝦、聖子（佢賣得一D都唔貴），到平時食日食既茄子、大蔥真係你諗得出都有。我地兩個人食串燒食到飽，連埋野飲埋單先二百幾，真係抵到我自己都唔太相信鹽燒白鱔 - 42一串三四舊大大舊，無骨，外層已燒到好薄好膠，燒到岩岩好，好鬆軟好入味䒬蓉燒蠔 - 32蚊大大隻，唔會燒到好乾身，連埋厚厚既䒬蓉，咬落去仲BEEP曬D汁出黎，超鮮味又惹味串燒豆腐 - 16呢個看似平平無奇燒豆腐，口感有小小似臭豆腐 （放心，唔臭），但唔似臭豆腐咁硬

鍾意食泰式鳳爪嘅人都知道酸辣兼備係佢嘅特色依間嘅 夠酸夠辣🤭💕正牛油香撲鼻而來 味道香濃味道均勻彼此唔會搶大家嘅味芝士味香 辣味濃（裡面有唔少嘅辣椒）🤟🏻⁉️每粒青口 都有微微嘅酒香每粒青口 都嘅曬口 證明佢地新鮮 有國外運送到香港👍🏻👍🏻👍🏻❤️最愛燒韭菜花 就算唔鍾意食韭菜嘅 都會接受到個味道💕羊肉串 無乜膻味 真係大讚👍🏻豆腐 外脆內軟 配搭外面嘅調味料 無得頂上菜速度快 令客人可以即刻食到熱辣辣嘅串燒👍🏻

之前已經食過喺旺角嘅好燒式串燒專門店，嗰日去食嘅時候老闆同我地講喺太子開咗新分店，我哋隔咗幾日之後又再去食啦。新分店嘅裝修好靚，唔知點解覺得好大日式嘅感覺！menu:店長推薦我哋食佢哋最出名嘅牛舌同翠玉瓜，果然好juicy啊！店長話佢哋測試過好多次先可以燒得咁好食！因為我哋太肚餓，所以仲叫咗龍蝦汁大蝦意粉嚟食，店長話佢哋好多廚師本身係西餐廳廚師所以有好豐富嘅煮西餐嘅經驗，唔怪得咁好味啦！燒金菇薄餅意粉燒肉燒年糕

平時一向食開日式串燒店，但今日返工路過見到一間串燒店新開，於是跟老公决定放工去試新嘢！串燒店裝修精緻舒服，有一個半開放式廚房，卡位座位，感覺比較舒適，而且地方非常闊落。餐牌串燒小食選擇非常之多，仲有些特式小吃，而且白板上有寫上是日海鮮價錢，方便食客知道。黑松露什菇墨西哥薄餅薄餅外皮酥脆，芝士，什菇等材料豐盛，入口芝士味香濃，什菇鮮甜多汁，黑松露味非常之夾，非常滋味！安格斯牛肋串 - 牛肉軟嫩，肉味香濃豬頸肉串 - 肉質爽口鮮味，調味恰到好處鹽燒白鱔 - 魚皮燒到脆卜卜，食落香脆，魚肉鮮甜美味，嫩滑又多汁。蒜蓉燒茄子（原條）茄子肉燒到剛剛好，入口不太淋，蒜蓉味香濃而且仲非常juicy ！燒豆腐外皮脆脆的，口感外脆內軟，豆腐滑嘟嘟既口感，沾少少醬汁更加滋味！所有食物味道調較得恰到好處，燒得非常香口，令人忍唔住食到唔停口。

油尖旺都算多串燒店，不過好食就真係好難搵，尤其是太子附近的串燒店。之前去過旺角果間好燒式D串燒唔錯，食完之後店員同我地講下次可去下太子新店丫，地方又大D新D坐得舒服D，好在間店舖串燒唔錯。原來間店舖都好近地鐵站，在大南街的串燒店門面都光鮮新淨，原來開張只有數個月，環境與一般串燒店截然不同，去到店內真係寬敞舒適。我同老婆坐底之後睇下餐牌先，除了見有串燒之外，原來都有供應其他特色小食海鮮同主食，例如墨西哥薄餅、意粉同荷葉飯等。【日本芝士年糕、雞胸軟骨、燒豆腐、牛柳串、韮菜花】(芝士年糕)皮真係好薄，內裡載住好飽滿又熱又香濃既芝士，芝士愛好者就必點。(雞胸軟骨)幾特別，不是每個串燒地方都有得食，佢係一層雞胸肉，再夾住一層真正嘅軟，口感非常。(豆腐)對我來說是必點，食落外邊脆口甜甜地，入面軟軟腍腍，這個必點推介!!(牛柳)燒得非常出色，牛柳新鲜又有咬口，味道唔錯。(韮菜花)爽脆又相當惹味。【雞全翼、泰國露筍】(雞全翼)一來到真係好大隻，雞皮燒得非常香脆，肉裡仲好多汁又嫩滑，唔錯唔錯。(露筍)細條幼身，食落好爽脆juicy，燒得唔錯。【什菇露筍燒扇貝】扇貝都幾大隻，加埋蒜蓉什菇露筍一齊燒，令扇貝

今日三條麻甩佬黎到太子本來約咗食小肥牛嘅，點知有條友病到死死地，由於我地唔想交叉感染，唯有改食其他野，上吓openrice發現呢間串燒店都獲得唔少好評，一於試一試佢！燒日本雞泡魚乾作為一個前菜小食合格有餘，乾身又夠脆。串燒s個人認為呢度嘅串燒燒得比好多其他地方出色，味道方面控制得唔錯，唔會太鹹或無味，如果點埋佢送嗰個泰式酸辣汁就更加有風味。蒜香燒聖子王呢件真係好大件，果然係聖子王！味道鮮甜，唯一係個價錢比較貴（$68）牛油粟米牛油味重，好似有啲食緊爆谷嘅味。如果濕多少少就完美。總括黎講，呢間串燒店真係唔錯，味道幾好加坐得幾舒服，下次有機會再黎太子又多一個選擇

約了朋友晚餐小聚，她提議到這家店吃晚飯。「好燒式串燒」🧐？未有聽聞。雖然不知道她為何選這店，或從何得知，但她每次帶我去的餐廳也不錯的🤣。離太子地鐵站C2出口不遠，但由於位於內街，所以如果沒有Google也不會發現這店🤔。晚上19:00 店鋪客人不太多。-食物的選擇也不少，有串燒、海鮮🦞、小食、意粉🍝等⋯•1️⃣ 黑松露菌蝦多士 — $58/4件雖然賣相普通，但很美味🤤。一咬下去多士非常酥脆，蝦肉彈牙，且份量很多😃。•2️⃣ 燒日本雞泡魚乾 $43雞泡魚乾是我非常愛吃的小菜，但不是很多日式餐廳有，而且價錢不便宜，約$70-90🤑。-這店只需$43，二話不說便點了🤣。-魚乾有點乾，但味道不錯，點蛋黃醬吃味道更佳。•3️⃣ 燒雞胸軟骨串 $25/2串數年前到日本旅遊時，朋友帶我到居酒屋🏮吃飯時推介了這道菜，自此便愛上了它🥰。就算在日本，也不容易吃到它，更何況是在香港🥺。沒想到這家有😍。-其實它是雞軟骨，質感爽脆☺️。在日本吃時只有軟骨，這家店會在骨與骨之間夾了雞胸肉🐥。•4️⃣ 菠蘿🍍$17鮮甜爆汁😉。廚師很貼心，把菠蘿🍍切好一件件，方便客人享用。•5️⃣ 泰式燒豚肉 $38份量很多！但兩個人吃會很膩😖。•6️⃣ 翠

我同好友約定到太子區潮聖，再去附近的覓食，行經見到「好燒式串燒專門店」的燒物好吸引，地點好方便，交通四通八達，太子地鐵站出口，幾分鐘巳經到達，用餐輕鬆暢快的好地方。 位於太子區，地理位置方便，有一份雅緻休閒，周末假日這裡十分墟冚，很多顧客前來捧埸，所以我和好友平日過來覓食。 高樓底令整間店很寛敞，用餐的空間感更舒適，店內佈置優雅，周圍更添置了很多充滿風情的藝術格調。 店中設有燒烤區，自成一角的獨立區，不會令食客有油煙味。 餐牌上設有菜式的圖片，美食當前無法抵擋，放縱一下自己，吃得滿足一點，侍應會按客人需要把美味的菜色推介，我們都很鐘意，價錢都很相宜。 司華力腸 $22 司華力腸很大條，肥美鮮嫩，十分香脆，非常有嚼勁，每一啖可細味出鮮味，令人食唔停口，不需要任何調味，令我喜出望外。 車厘茄 $15 車厘茄香甜多汁，整體賣相吸引，口感很香，配菜增添色彩，令菜式顯得上盛，吃得滿足。 煙肉金菇卷 $18 煙肉金菇卷十分熱辣辣，香脆味美，不會太滯，吃起來熱度非常令鮮味提升，口感衝擊味蕾，不能抗拒煙肉金菇卷的誘惑。 安格斯西冷扒 $85 全熟的安格斯西冷扒，熟度拿捏很好，很大件厚身，切

今晚同朋友黎左呢間食串燒，地點非常就腳，一出地鐵站行2-3分鐘就到，出面已經見到間鋪好大，入到去好光猛，同平時食串燒地方唔同，唔會笠痴痴/好大陣味咁。去到之後我地叫左好多野食呀！基本上冇叫主食，正牌食串燒食到飽😂😂呢d係我地兩個人order左既野食！一入到餐廳店員已經好有禮貌即刻俾餐牌我地，又送上泰式醬料！全部都應該係即整，一路食住一d，再慢慢一批批咁黎，唔會一次過上哂所有👍🏻店員仲好貼心咁問要唔要辣同辣既程度tim泰式醬汁，不過佢d串燒本身已經好夠味，唔點都一樣好食！諗唔到再叫咩好個話，牆身都有食物close up!呢個必食推介！入面好多芝士外皮又脆牛串、雞翼、牛舌、煙肉金菇，特別推雞翼，十分入味，基本上一咬就骨肉分離🤭 👍🏻👍🏻露筍同豆腐有驚喜！冇諗到咁好食，豆腐係外脆，但入面又唔老叫左蠔同扇貝，扇貝唔記得影相，但個人覺得扇貝必食，佢個size大過個5蚊銀，同朋友分完一半仲好大粒呀呢個又係不得了！份量好多！又新鮮無骨乳鴿，岩哂我呢d懶鬼😂😂啖啖肉乾淨光猛舒服衛生既體驗，最後飽到捧住個肚走😂😂😂

今日去了太子好燒式吃串燒。太子店是新店，裝修四正企理。座位闊落 ，有空間感 坐得非常舒服。除了點了店家推薦的芝士雞肉薄餅，串燒豆腐和燒茄子，另外還點了牛肋串、牛柳串、黑毛豬肋串、牛舌串、雞中翼、豬頸肉串、羊肉串、煙肉露荀和燒菠蘿。串燒全部點了少辣，另外每枱還提供泰式酸辣汁，可以蘸串燒吃，消除油膩感。不過少辣其實也算辣，不吃辣的朋友選走辣會較好。薄餅先上枱，熱辣辣，芝士有拉芝效果，薄餅皮脆，非常不錯。薄餅用了一隻秘製的墨西哥辣汁，非常惹味。店員很有心給了鉗方便我們夾和分食物。另外值得推介的是燒茄子和燒菠蘿，不會太乾身，保留蔬果本身水份。燒菠蘿還非常多汁而且非常甜呀顯得出師傅工夫。燒茄子份量挺多， 我們要求切片， 方便吃之餘每一面都燒得夠熟， 濃厚嘅茄子味再加上少辣， 令人回味無窮。燒豆腐不但外面燒得香脆， 裏面夠軟綿及有豆味， 再加上外面的秘製燒汁， 忍不住再叫多串。至於肉類方面，火候控制得宜，不會過老，比較推薦的是爽口的豬頸肉串和腍身的牛肋串。豬頸肉同牛舌都切得夠厚， 食落夠咬口。肉類大部分都有少許肥肉令到整体食下去不會太瘦。安格斯牛肋串牛味幾重。總括而言，串燒價錢適宜，都幾抵食。再加

今晚同朋友出開太子，見到依間叫好燒式的串燒食完，店內環境清潔及舒服，於是入內進食。看完餐牌，串燒肉類種類多，價錢又大眾化，店員很親切和有禮貌。叫咗個鹽燒牛舌串，好好味道，熱熱地，口感非常好。牛柳串也非常出色，牛柳新鲜，味道很好食。燒菠蘿也做到非常好，好多汁。豆卜也非常好食，串燒做到非常出色。另外叫咗雞泡魚乾，好入味，最適合一邊食，一邊飲下酒。另外，個人認為燒韮菜是必食的，份量又多，又入味。印象十分深刻。另叫咗個黑松露墨西哥薄餅，非常好味，皮好脆和好薄，而且用料十足。至於牛肉串也做得好好食，又夠厚，口感非常好，肉汁非常鲜美，今晚絕對是正確選擇，綜合各方面，包括食物質素，環境，價錢及服務，這家食店絕對是物超所值。

同老公不留鐘意食串燒，特別係大陸川味呢個style~難得新店開張，見到座位亦幾寬躺~二話不說即係入去試啦😁呢到選擇好多，除左有串燒燒肉類，海鮮類，蔬菜類，仲有墨西哥薄餅，意粉，小食類😍勁多選擇！而且價錢非常合理🤭我地叫左蒜蓉燒蠔👍🏼牛油金菇穏陣好味燒茄子勁大條👍🏼翠肉瓜👍🏼安格斯牛肋串，好抵食😍燒雞胸雞軟骨，係骨肉分離咁，好特別，有咬口👍🏼燒豆腐，外脆內軟😋最尾黎過鵝肝多士，鵝肝比想像中大！正呀🤩🤩

旺角店長期都好旺好多人，今次選擇去太子分店，唔洗等位就入得！一入去坐低就叫牛油左金菇包，用錫紙包住燒，一上檯已經聞到好香牛油味！食落竟然仲有芝士味添！好少金菇會用芝士煮，香口得黎又爽口，食到唔願停口！好快就有其他食物送到，接二連三咁上檯。豬肋骨、牛舌、白鱔都係店主推介！眼見餐牌都標記為主打款式，當然唔可以錯過！牛舌爽口，味道濃郁；豬肋骨一啲都唔韌；鱔好新鮮，又唔腥，皮脆肉爽。燒茄子都不得不讚！可以選擇原條或切片上，識食嘅顧客一般都會揀原條上，睇得又食得丫嘛！開邊切，灑滿孜然粉、蔥粒、蒜蓉，又香又濃味，口感剛好，食落軟滑，成條食都唔嫌多！豆腐又係必點，三大件串成，睇落咪以為好乾身，食落外邊脆口，甜甜地，入面軟軟腍腍，正！十幾蚊串，價錢仲好抵添！雞胸軟骨串幾特別，同一般食開嘅雞軟骨串唔同，佢係一層雞胸肉，再夾住一層真正嘅軟骨，口感獨特。墨西哥芝士雞肉嘅餡料豐富，雞肉同芝士都大量夾係餡餅中間。最後仲叫左條魚食，揀左黃立䱽，鹽燒得黎唔太咸，肉質新鮮，唔錯。餐廳仲有多款食物可以點，西餐嘅意粉、牛扒、泰式鳳爪、中式乳鴿等等都有，款款都好吸引！

一般好少係香港食串燒店，主要都係兩個原因.... 好嘈，污糟 (好多街邊檔) ，同埋上菜真係好慢好慢，先唔好講好多都偏貴先...但今日黎到呢間串燒店真係打破曬以上咁多負評﹗直頭係超級正﹗店開係太子地鐡站後正，呢區都好多野食，但串燒真係少，呢間門面好大，一睇就認出，大大隻字寫住 "好燒式"，入到去個裝修都幾吸引人。闊落既卡位，環境乾淨。望下餐牌價錢仲要好平前後我地一共點佐9樣野，食到好飽，埋單都唔使3百，真係抵到喊先講下我最愛牛油金菇包，真係好香牛油味，金菇唔會一舊舊，真係推散舖平﹗呢D 咪真係有諗過食客感受LOR。最緊要係燒到岩岩好，底輕輕有D 焦，但一D 都唔會OVER ，好香好入味﹗可能應該係成晚最平平無奇既一碟，但係真係令我喜出望外咁好食佢個茄子都好特別，好多時我地食燒茄子都係原條燒，食入面既肉，今次見佢有得揀切片梗係試下啦﹗估唔到效果都好正﹗仲可以連皮食成個感覺好香口亦都好淋﹗豆腐都好正，佢有小小臭豆腐既質感，肉質就好淋。另外值得講下一定係個 "墨西哥薄餅芝士雞肉"落足料，重芝士，外層燒到有小小脆，包住入面啖啖雞肉，超足料芝士，仲有DD 辣椒 (但我個人覺得唔辣)，呢個真係值得