好燒式串燒專門店 (大南街)

营业中

休息中

之前同個舊同事食飯唔知食乜好，想搵個地方食下串燒飲下啤酒吹下水，就揀咗呢一間喺太子嘅重慶燒烤店。裏面嘅地方都幾乾淨都夠闊落。首先叫咗個安格斯牛全消$24 ，牛舌全消$26，同豆腐全消$16 。牛肉串燒好嫩滑，牛肉味好濃，牛舌味道更加濃郁，而且肥瘦均勻。小豆腐吋好特別外面有一層博博嘅糖漿，豆腐燒得好脆，好好味好抵食。跟住叫咗個燒韭菜$18 ，同埋燒茄子片$32 ，上面沈左一層薄薄嘅嘅一層調味粉幾野味。之後叫咗呢一個芝士墨西哥薄餅$43 ，呢個出奇嘅咁好食，裏面有用咗嘅芝士漿同埋吞拿魚仲有紅椒喺裏面，食落個口感有啲似Pizza亦都好似墨西哥脆片咁， 大家要試吓清酒煮花甲$98 ，個花甲有淡淡的清酒米酒，好新鮮亦都好鮮甜。另外呢個芝士金菇包$36，金菇配搭上牛油芝士一齊焗我一啖金菇都有難搵嘅芝士同埋我嘅香味，芝士唔會太過厚，唔會食落好制。

今晚係太子等我朋友收工，之後我哋去食宵夜，揀左間串燒食，朋友話呢間坐得幾舒服，不似出面大排擋，感覺也乾淨。兩個女仔分別點了幾樣食物，燒雞泡魚乾，整條切段而上，一如預期的香脆。牛油金針菇$36，好香的牛油包住切一小撮的金針菇，好正。燒豆腐$16，第一次食燒豆腐，外層擦滿醬汁酥脆口感，內裡軟軟的，不錯，翠玉瓜$25，份量頗多，而且燒到岩岩好，翠玉瓜汁多甜美。墨西哥薄餅芝士雞肉$43呢個幾特別，𥚃麵包住溶掉芝士雞肉加椒絲，一d也不覺得膩口，最後叫左多春魚，牛肉串同雞腎。每人埋單百幾蚊，超值

好多款野食都好高質! 誠心推介芝士墨西哥薄餅 $43 ε٩(๑> ₃ <)۶з，薄餅燒到微微焦脆，內層係拉絲嘅芝士、雞肉、青紅椒粒，富有芝士嘅咸香而口感好豐富，加埋牛油果醬，十分滋味！ 豆腐$16 ，硬豆腐炸兩次先去燒，外層甜甜地又脆脆地，入面就好嫩滑!豆卜$15 香脆惹味(◔౪◔) 日本年糕 $12，皮很薄，入面有軟綿又香濃嘅芝士，軟軟熟熟，鍾意食芝士年糕嘅就一定要叫! 多春魚 $18燒到好靚呢！(✪ω✪)黑毛豬肋串 $28 肉質幾好! 燒茄子$32，上面鋪左勁多蒜蓉醬，所以十分香！ 翠玉瓜$25 多汁鮮甜~日式燒大魷魚 $75 用咗照燒汁燒，味道惹味，魷魚彈牙～ 聖子王$68爽口，上面仲有啲蒜蓉醬同埋金菇碎~ 雞腎串 $16 爽口得黎都幾有咬口 ! 雞胸軟骨 $25 幾特別，比起雞軟骨更爽脆，有一大片嘅軟骨~ 燒鱔$42 魚肉嫩滑 冬菇 $17 雞髀菇 $17 味道鮮甜，多汁且柔軟！泰式燒豚肉$38 啖啖肉，邊位多份焦香~~ 串燒可以揀辣同唔辣，又有蜜糖味，孜然味揀等等，串燒又入味，不錯呢！(´◓Д◔`) 好燒式串燒專門店地址：太子大南街32-

呢間串燒店絕對有驚喜，餐廳光鮮企理，坐得舒服，服務亦都好好，亦都冇一般串燒店好大浸油煙味，所以同朋友喺度食得好舒服又幾好味，價錢亦都合理💛💛燒冬菇同雞髀菇好多汁，泰式燒豚肉好大份，肉邊帶少少焦香，點埋泰式醬嘅話更惹味！完全冇肥膏㗎🤣翠玉瓜多汁鮮甜，翠玉瓜逐件逐件反黎燒，更見師傅嘅用心☺️ 蟶子皇好大隻！用咗蒜蓉黎調味，所以非常香，聖子亦10分鮮甜👍🏻多春魚好好食，芝士年糕勁好食，軟綿得黎又帶咸香！燒蠔係朋友食嘅，聞到都覺得香！雞胸軟骨好有咬，同平時食嘅雞軟骨唔同！旁邊嘅燒白鱔，如果魚皮燒得更香脆就咁好食👅👅燒茄子惹味，啖啖肉，而且蒜蓉磨得10分幼細！燒豆腐係幾有驚喜，出面塗滿醬汁，口感係係外脆內嫩！串燒店整嘅墨西哥薄餅亦都10分好食，薄餅香脆，入面就有啲芝士、洋蔥、紅椒粒等等，口感豐富！呢度嘅服務好好，下次會想再嚟！

今日去到太子覓食，喺馬路街口就見到易拉架，所以就去揀左去食串燒😃見到鋪面好光鮮，又乾淨，我諗應該係新開無耐！兩個人總共叫左十串野食，飽飽了☺️😋墨西哥薄餅芝士雞肉($43)估唔到串燒店居然會有呢類型嘅選擇，好特別啊！有好多芝士，食落有d辣辣地，都幾值得推介大家叫呢一款😋安格斯牛肋串（$24）啲牛燒得幾腍，都幾juicy👍👍串燒豆腐（$16)啲豆腐脆卜卜，口感好得意😎燒雞胸軟骨串（ $25）呢間嘅雞軟骨係骨肉骨肉咁排，同平時食開嘅有少少唔同，我覺得佢整得都幾好味，都幾多汁😋蒜蓉燒茄子（切片） （ $32 ）呢個有啲驚喜，因為佢居然唔算好油😍😍蒜蓉同同茄子嘅配搭都幾夾🍆同埋切片嘅做法好特別，好少鋪頭會咁做，幾日式。鹽燒牛舌（$26 ）最怕d 牛舌硬都爆，呢間燒得岩岩好☺️☺️💕好易咬開good!串燒可以揀辣唔辣，都有唔同嘅味道揀，有蜜糖味、孜然粉、泰式酸辣汁等等整體來講鋪頭坐得舒服😌串燒唔會話好油，幾入味🤗啱我口味👍而且又唔會話好貴，都算幾抵食😎menu:

今日對我嚟講係個好重要嘅日子，所以對自己或者大家都特別好啲！！咁就正因呢樣嘢，所以就唔可以食得咁普通呀！！上網尋找一吓食串燒類型嘅鋪俾自己試吓，因為本身自己都未試過出去食串燒類鋪頭，所以咁啱揾到呢間開喺太子鋪頭度食，咁啱又有嘢要過去嗰邊整，咁就順便哂👍🏻👍🏻先嚟咗碟墨西哥薄餅配芝士雞肉，呢個真係比想像中要更好食，因為諗住都同出面普通食到嘅一樣味道啦，點知又唔係喎，皮薄加脆仲有啲好有芝士味嘅雞肉🤤🤤🤤食完之後就嚟下樣，我本人好鍾意食嘅茄子🍆，不過呢間就唔同，佢加埋蒜蓉落去，好似蒜蓉多士咁整，之後燒出嚟真係好唔同，未食過咁整法，好好食呀！！令到唔鍾意食嘅人都會愛上！！🤤🤤😍仲有仲有個燒豆腐，真好係正！外皮脆脆地，仲要四邊都係，入面超級軟～配埋佢特別的醬汁（咸咸甜甜咁）真係好接住落就嚟咗碟蝦餅，嘩！！初時見到咁大塊嘅0.0眼都凸埋出嚟，之後諗會唔會溝麫粉，點知完全無，所以口感都同出面的相比不同！好意外咁發現到有間餐廳無溝嘢之餘仲要咁大塊，真係好抵食又正😍😍😍🤤最近就仲叫左個燒香蕉巧克力！香蕉🍌的甜味出甜來！配上少少朱古力真係掂晒！

放學後同朋友到串燒店食串燒，諗住傾下計，又唔使食咁飽。一入到黎環境好新好乾淨，平時食串燒都係街邊多，今次可以舒服坐低慢慢食。講下食物先，第一樣推介既就係燒茄子。茄子燒腍，再配上少少辣味，十分惹味，值得推介。另一樣就係墨西哥燒雞芝士薄餅。估唔到係串燒店食到咁好食既薄餅，外脆內軟，而且材料充足，佢既芝士仲要係拉絲架!另外叫左扇貝，一拎上黎已經帶得有驚喜。個SIZE大到比5蚊銀仲要大! 一D都無誇張，啖啖肉既扇貝食落都好新鮮!其他串燒都係串燒店常見，好似雞翼、日本小蕃薯、煙肉露荀卷等等，食得出用料比出面新鮮，同一個價錢份量亦較人地多。點了配蜜糖同辣，燒得香口，而且味道可口適宜。絕對可一可再！喜歡辣既朋友佢都有更高級數既辣可以選擇。

平時難得敍舊，今日咁岩約到舊同事，就黎新餐廳試下啦一入到去會見到開放式廚房，乾淨企理，感覺好有衛生。檯面會先奉上泰式辣汁，酸酸辣辣，好開胃。配串燒應該好正！睇睇餐牌，都有幾多野可以選擇，有冷門有熱門價錢都好公道。先點左個安格斯牛小排（$98），同行有朋友好少食牛都覺得幾吸引，擺盤有心思👍🏻。肉味幾重，切得不厚易入口，配上蜜糖芥茉醬都好襯。之後就奉上左燒蠔（$32/隻），我地揀左蒜蓉味，身為蒜蓉怪表示好惹味，蠔肉都夠大粒然後就揀左啲比較特別既食材，串燒豆腐（$16），坊間比較少見，炸豆腐就見得多😂。不過呢度既串燒豆腐幾高質，外脆內軟好香口，點埋泰式汁更佳接著都點左一般串燒必備鹽燒牛舌（$26）、甜心蕃薯（$18），牛舌淋身幾唔錯，不過調味可以再重啲。同行有朋友係黑松露控，就點左呢個黑松露蝦多士（$58），即叫即炸，脆！蝦膠打得彈牙，大細剛剛好！最後亦都係等得最耐既鹽燒馬友（$108），原條奉上，顏色好靚仔，冇太窿。一揭開就係雪白色魚肉，剛剛好又嫩又多汁，值得一試！今次呢餐飯環境乾淨舒服，每人又海鮮又牛肉，二百幾蚊好公道👍🏻，下次要試更多款式

由細到大都好鐘意食串燒🍡🍢最近幾年都開左唔少 但唔係間間都燒得有水準🙊呢間係近期食過唔錯可以encore既一間韮菜係食串燒必叫 感覺好似健康番少少咁呢到唔會燒到好濃 啱啱好竟然有燒鱔食我既最愛 燒到好香同爽口 食落唔會腥由於太肚餓 竟然係串燒店叫意粉食不過味道都唔錯魷魚都係另一個串燒必叫因為好鐘意個質感 爽口彈牙不過膽固醇高 要少食羊肉串係大陸街邊食唔少 呢到緊係要試下食落唔會”so”而且好香羊味要encore!!!太多野食啦唔寫咁多~~又流口水啦

出太子同朋友食飯原先諗住据扒，不過見到太多人排隊要等到2046，朋友話轉軚去隔離街食串燒，同朋友吹下水又係咋一種風味入面地方，串燒店黎講真係算得上坐得幾舒適唔迫，因為當時都幾人多下，得番近門口張四人枱，其實近門口都好，唔會焗住燒烤味。座位之間都坐得幾舒適，唔會迫迫夾夾抬起手會撞跌野或撞到隔離枱雞泡魚干，乾硬度岩岩好！配合沙律醬非常開胃食燒物又點少得食牛肉安格斯牛肋串，一串有幾粒牛柳，牛肉味好香，肉汁鎖晒係肉裡面，肉眼部位少脂肪牛舌好厚切，很多肉汁牛舌肉質燒得好淋，同不嬲食開爽口嘅唔同，不錯芝士腸燒到爆哂上台串燒店點少得茄子同翠玉瓜中和下熱氣感，菜蔬即燒唔會輸燒鷄翼好味，外面個皮燒到好脆，雞翼不嬲落孜然粉都冇得輸 雞軟骨串大大舊，同平時食細細粒既唔同大細，食落口感似燒魷魚食左咁多肉，就要食返蔬菜類先得韮菜成大串，好食好夠晒，逐條逐條咁食，量都幾多，食串燒必點化作燒蕃薯仔 - 呢個幾乎係見到串燒店有就必叫燒菠蘿燒菠蘿面上起了一層糖，吃落脆脆的，加上菠蘿很甜好多汁全部都好惹味好好食，份量同價錢亦成正比。上菜速度都算幾快，埋單價錢3人除番開都係二百蚊到，三個女仔都食到都好飽，又可以坐得耐傾下計

好燒式串燒店不嬲都好出名，開咗新分店又點可以唔去幫襯吓新鋪環境非常好啊，侍應都好有禮貌好friendly一坐低店長就推薦咗好多嘢食比我哋之後店長推薦我哋食翠肉瓜同埋金菇包本身我自己唔係太鍾意食瓜類，但又真係燒得好juicy好入味！！！金菇包牛油味好香令到人好想食完再食食串燒又點少得叫牛肉啊雞肉嗰啲嚟食全部串燒都唔會燒到舊肉好老，真係好好味我哋見到有日式年糕咁特別就叫咗嚟試，入面係有芝士嘅，去食嘅朋友一定要試吓！

通常去開既串燒店都係細間迫迫地依完成身串燒味 不過依間空間感幾大 廚房用玻璃隔住 睇到入面又隔到味應該全部都係即點即燒 所以落單後都要d耐性等安格斯牛小排 $98 - 朋友食開三成 我怕生點左五成熟 不過都唔慣同唔夠牙力 咬到邊位熟d既肉個味係幾好 蒜蓉包$36 - 蒜蓉包加原個燒蒜 夠蒜夠脆! 燒蠔 $32/隻 - 揀左蒜蓉味 面個汁除左蒜蓉仲有蔥同辣椒幾惹味 蠔身漲卜卜好飽滿 我倒左d汁落個蒜蓉包度食好正黑松露蝦多士 $58 - 蝦膠幾彈牙 個多士好酥脆 比相像中好味跟住依三樣都好好味好推仲鹽燒白鱔 $42 - 厚肉 個皮燒得脆脆地 肉好嫩好多汁 可以瘋狂食一串呀依個鹽燒牛舌 $26 - 都係厚肉 係比一般既厚好多 咬落去一絲絲肉 牛味好重 甜心蕃薯 $18 - 依個好難燒得唔好食既 個蕃薯靚 好軟糯鹽燒馬友 $108 - 等左好耐最期待既燒魚終於燒好!!! 揭開乾身既魚皮熱辣辣白雪雪既魚肉好香 好滑好嫩 馬友唔多骨可以大大啖食 加少少檸檬汁吊吊鮮味 原汁原味最好食食埋魚已經好滿足 其他既串燒都唔錯 豆腐 $16 - 個質感有d似臭豆腐 個皮甜甜地既 加左係枱碟酸辣醬好食韮菜 $1

同朋友都叫左好多唔同既串燒試下。翠肉瓜燒得岩岩好，有蒜香味，保留到水份 唔會太乾身咁嘅價錢可以享受安格斯牛肉，幾抵食肉燒到大概7成熟，咬落去仲有肉汁流出黎，唔會燒得過乾老到咬唔到肉質鮮嫩多汁，香牛肉味 個人係好鐘意燒嘅韭菜，去親食串燒必叫！原條韭菜燒得幾好，一梳一梳量夠多，韭菜有啃勁，唔會韌到嚼唔開個種韭菜嘅香味加埋孜然粉真係好正，韭菜新鮮唔多渣，不過凍咗會唔好食，呢樣真係記得要襯熱灑上大量孜然粉，好惹味～雞腎 雞腎爽口，咬落去索索聲串燒必點---燒菠蘿燒過既菠蘿會有一層脆脆既糖漿係面，甜得黎咬落去水份仲有好多，好多汁花枝丸，好彈牙，入面又食到粒粒花枝雞翼又係必食牛舌燒得幾好，唔會太硬，趁熱食好有嚼頭燒蝦好新鮮，好味，一扯個蝦殼已分離黑松露西多士同日本芝士年糕燒好好食~~雖然係即叫即燒，不過上菜好快，10分鐘左右就ok！味道唔錯，價錢以旺角區黎講算ok抵食，份量幾多，下次去開想食串燒時會再encore食串燒既魅力，就係同朋友你一串我一串交換食，可以試到唔同味同款之餘又夠豪邁，同打邊爐一樣都係同朋友聚之選。

收工後都成九點，這個時段是宵夜時段，很多餐廳都準備關門，但是我們又很肚餓，唔知道可以去邊度食好，經過一間新開張位於太子嘅串燒專門店，我哋滿心歡喜終於可以醫下肚子。呢一間串燒專門店喺旺角嘅總店已經很有名氣的，原來太子都只是剛剛開張一兩個月，位置都已經差不多爆滿。店舖環境好大，而且位置空間好寬敞，感覺舒適整潔。頭先喺門口已經聞到好香嘅燒串燒味，我哋已急不及待一口氣叫了幾款嘢食。經過店員推介之下，試下黑松露雜菇墨西哥薄餅，好多地方都未必食到。墨西哥薄餅配料相當豐富吸引，當中有黑松露、黃椒、蘑菇等，加上熱辣辣脆卜卜嘅外皮，估唔到食落去辣得嚟都好鬼滋味，大家來到必定要試吓，不要錯過！仲有我最鍾意食嘅海鮮-牛油燒開邊大花蝦，蝦一隻有我手板咁大，蝦肉燒得恰到好處，配以好香滑嘅牛油，食落去蝦肉爽口彈牙，蝦頭還有勁多蝦膏，又係必食推介。而好脆口嘅雞髀同羊架，真係即叫即燒，咬一啖羊肉汁滲透出來，味道一啲都唔騷，反而係好好食！而且所有食物味道同辣度都有得自由選擇。還有招牌嘅蒜蓉燒茄子，由日本師傅嘅做法以切片方式上，起初見茄子一塊咁厚都覺得唔會太入味，點知食落去除咗口感軟熟之外，仲好入味添！有驚喜！還有其他食

平價串燒又有水準的非你莫屬， 不過新店真係咸得滯又油得滯又比舊店燒得冇咁正。我冇影晒食左既野。 但首先蒜頭真係大伏！ 我食完兩日都好臭個口。 然後， 茄子🍆原條上但好油。 最愛的翠肉瓜舊店係出色到好想頒個獎俾距， 可惜新店有d太nong。不過都keep得到好juicy的。肉類牛舌牛肉粒都好好食， 每串份量多，呢點真係抵你開分店！ 至於魚類， 多春魚，秋刀魚，黃花魚， 全部都外脆內軟，出色出色！ 新店環境好啲，不過我個人覺得舊店好食好啲，可能食開有感情😂