好燒式串燒專門店 (大南街)

营业中

休息中

前幾日好夜先收工，本身都諗住隨便搵啲野食就算，但朋友就推介呢間開到好夜既串燒店，所以就決定同佢一齊深夜食好西啦🙈🙈黑松露蝦多士呢款黑松露多士黑松露咪好濃郁，而且雖然係炸，但感覺都唔會太油膩，蝦味都夠曬濃，而且帶小小彈彈地牙既口感，口感得意又帶有鮮味🤤🤤另外我地仲叫左豆腐、雞翼、牛舌、冬菇、同埋牛肋串，個人覺得最好食嘅係串燒豆腐串燒店通常只係得燒豆卜、豆皮咁，但串燒豆腐真係較少有，呢度既串燒豆腐加上左啲秘製醬汁去整，甜甜鹹鹹嘅醬汁味道好夾好特別🥰🥰我地仲叫左每次食串燒必叫既燒茄子，呢到既燒茄子調味做得岩岩好，唔會好似出面其他店咁重口味，所以食極都唔會覺得好口渴，令人愈食愈想食😋😋

串燒。。。一般都想起居酒屋，串燒專門店我都係第一次試。看看點餐紙。。。與居酒屋真有很大的差別，不單只有意粉和飯。還有很多時令海鮮，真是豐儉由人👍牆上就掛滿了很多美食，看得客人垂涎三尺，巴不得全部都order晒😅黑松露蝦多士，一客有四件，黑松露香氣撲鼻😍蝦肉爽口，多士夠脆，而且不會太油膩，火喉捉得好👍蒜蓉焗蠔和煙肉焗蠔，各具特色，蒜蓉配海鮮無得輸，絕配😋煙肉粒配蠔原來都不錯，因為煙肉咸咸香香，更帶出蠔的鮮味呢～蠔肉juicy香嫩無渣，Yummy🤩串燒牛舌和牛肋肉，牛味香濃😋串燒鴨胸，估吾到嘅甘香，鴨胸肉質鮮嫩，味美😋😋😋串燒雞腎，爽口吾韌，送啤酒一流🍺串燒鴨舌更是考功夫，不火喉要掌握得很好，燒得時間吾夠會吾夠香，燒得過火會冇肉食😅這裡就做得剛剛好，既香且嫩👍結帳時見隔離檯食蒜蓉燒龍蝦，好香好大隻，下次都要試下先得😅

朋友邀請我去食好消息攤銷專門店，位於太子，我地點左炭燒牛舌，蕃茄清酒煮花甲，牛小排等等。我最鍾意食蕃茄清酒煮花甲，賣相相當吸引，內裏仲有粉絲，粉絲配合花甲湯，好入味，花甲嘅份量亦都超級多，兩個人食完全足夠。店員話雞軟骨係呢間店嘅特性，我地點左發現呢度嘅雞軟骨同出面有少少唔同，佢哋嘅雞肉比較滑，雞軟骨嘅軟骨亦比較大塊，相當美味。另外我仲鍾意食呢度嘅茄子，出面嘅茄子通常原條燒，呢度嘅茄子可以係一片片上，連皮都食埋，佢哋燒完仲保留到茄子嘅水份，值得推薦。

今日同朋友放工去太子食呢間好燒息串燒專門店，地鐵站行5分鐘左右，餐排內串燒嘅種類都算多，仲有意粉同飯可以叫，我地叫左炭燒牛舌串，雞胸軟骨，燒大雞脾，多春魚，茄子，路旬，豆腐同牛小排，店員嘅服務都好好，會問我地牛小排想要幾成熟，茄子想要原條想定切片，又會主動為我地清理枱，炭燒牛舌超級好食，有4件， 10分軟身同厚身，唔會太多，燒得啱啱好。超大雞髀食雞好滑身，連埋啲汁味道啱啱好。牛小排想點擺位好靚，有路旬伴碟，仲有芥茉醬，配合得唔錯。多春魚有三條，唔會太咸，亦都新鮮。最間餐廳經過太子一定要試。

首先，當然要由食物質素方面講起la,同地叫左勁多野食,咁多碟串燒擺埋一齊ge時候真係好好好壯觀個人覺得咁多碟裡面最好食係..........................其實揀唔到,因為真係每一款都好好食, 烤得好香好入味,特別想講一講個羊肉串連本身唔鐘意食羊肉ge我都迷上左個羊肉串,因為佢烤得好香,完全冇so未,只係食到肉汁ge香味佢個芝士薄餅同去骨辣鳳爪都好特別,估唔到串燒店會有兩隻都好正豆另外店員ge服務態度好好 環境都好企理 坐得闊落 好舒服

朋友話想食韓燒，我話食韓燒不如食串燒😏 聽講太子有間串燒店，不單只有串燒，海鮮仲好靚，還有西餐的意粉和飯👍款式確是不少 ，還有時令海鮮 😋店員推介今日精選'聖子皇'墊底的是金菇菜，上面鋪滿蒜蓉，聖子皇確實可以稱皇😍肉質爽脆鮮甜，與蒜蓉是絕配， 精髓在於啲金菇，因為金菇索曬蒜蓉同埋蟶子嘅汁， 超正😋😋😋鵝肝多士$98有兩大塊， 啲鵝肝好厚 ，面頭煎得香香，裏面好juicy， 鵝肝入口即溶，而多士入口香脆，沒有因吸收了鵝肝嘅油份而變軟👍串燒白鱔$42，外皮香脆，咬一口，肉質結實但有彈性，新鮮是也😍燒牛舌當然必食啦～醃製入味，油香豐腴，質地軟身再醮上秘製醬料，令人食慾大增。燒鴨舌，真是好考功夫，因為鴨舌細小，要燒得香而不過火，才吃到鴨舌內的肉😅廚師真係做到呢👍食串燒當然少不了啤酒啦～邊吃，邊飲，邊暢談，真是人生一快樂事😍店舖乾淨整潔，不會煙霧彌漫，廚房抽風做得真妥當👍牆上掛著很多其他的燒海鮮，睇見真係好想食，但肚皮不爭氣，吃不下了😜店員招呼週到，換碟頻密，檯面保持整潔，笑容可掬，值得一讚😍👍

我和母親大人一向都喜歡吃香口的東西，所以今次特意到朋友介紹的「好燒式燒烤專門店」用膳。餐廳環境舒適，內裏的空間比想像中還要寬躺多一點，所以感覺都相當不錯! 另外一讚的是即使他們是一間燒烤專門店，但是內裏毫無油煙的感覺，抽風系統做得相當好!未吃食物之前，我們先點下可樂，可樂非常冰凍，用它來配香口的東西就最好不過!墨西哥薄餅芝士雞肉我一向都非常喜歡吃墨西哥薄餅，所以一看到餐牌上有這個薄餅就即刻把它點下來。墨西哥薄餅裏滿滿都是芝士和雞肉，芝士味道鹹香又相當濃郁，配上雞肉和香口的薄餅後特別美味，連平日母親大人不怎樣喜歡吃芝士都對這個薄餅讚不絕口!蝦多士原本餐牌上只有黑松露菌蝦多士，但是母親大人不怎樣喜歡吃黑松露，所以我們特意要求只要普通的蝦多士，他們亦樂意為我們去做一份普通的蝦多士。蝦多士炸得非常香脆可口，多士上塗滿了鮮甜可口，爽口又彈牙的蝦肉，兩者匹配之餘又極為美味，難怪我們吃過不停!魷魚鬚; 雞腎串; 鹽燒白鱔; 鹽燒牛舌串魷魚鬚燒得剛剛好，一點也不靭之餘，還十分爽口彈牙，配上甜甜的特製醬汁後，特別討好又美味，我們都十分喜歡!雞腎串同樣燒得剛剛好，口感爽口彈牙之餘又非常juicy，吃上去更

經好友介紹找到這間好燒式串燒專門店、太子這分店是新開的、比較大。不過沒有預計平日會這麼多人、差不多滿座。西班牙黑毛豬肋串 惹味香口、有咬口。燒雞胸軟骨串 口感好特別、比平時吃的雞軟骨更爽脆。蒜蓉燒茄子 串燒豆腐醬汁香濃鹽燒白鱔 是其中一款必吃、醬汁味道調得剛好、白鱔肉質爽甜無骨。蒜蓉燒蠔 蠔好新鮮完全唔腥、仲有好多蒜蓉鋪在上面、超好吃！出乎意料地這個墨西哥薄餅芝士雞肉是最好吃！ 芝士雞肉餡料滿瀉、夾在烘脆的薄餅裡、越吃越帶出辣味、但又跟芝士非常夾、十分滋味😇

收工夜一夜肚餓想食宵夜，咁岩同事想話食串燒就去左好燒式食宵夜，發現原來水準都幾高。由於個日都未食夜晚，所以兩個人都叫左幾多嘢食。叫左一份蝦多士，牛油金菇，蒜蓉開邊蝦，豆腐，雞翼，牛舌，冬菇，牛肉，魷魚，韭菜，蠔同埋燒茄子。最先上既係蝦多士，好明顯係即叫即整。出黎係非常脆身同埋香口，食落仲有幾香濃既黑松露既味，幾好食。之後就到牛油金菇，食落都幾香牛油味，不過重口味既我食落覺得唔太夠味，如果濃味返就一流。再到個蝦，非常大隻，食落都知隻蝦係新鮮蝦，食落非常彈牙，唔會霉哂。跟住就到蠔，蠔好厚身，燒得岩岩好唔會過哂火，中意蠔既你一定要試。再到成碟上既串燒，全部味道都好好食，由其是牛舌，燒得好好唔會乾哂硬邦邦。其餘雞翼，牛肉，冬菇，豆腐都非常正，全部都唔會燒到過哂火，雞翼食落仲好嫩滑。魷魚個醬配埋黎燒真係一級正，食落甜甜地，得咁多真係唔夠喉。韭菜就覺得辣左小小，不過一樣咁好食，又唔同其他鋪食落油lumlum。最後茄子唔算太有驚喜，可能最尾食。但其實一樣都係好食，份量都唔小。

好久沒吃串燒了，最近多數也是吃西餐或是火鍋，好久沒有吃串燒，吃串燒的好處在於可以同一個合理的價錢去吃盡不同種類的串燒。「好燒式」在旺角有第一間店，然後到太子，原來想著光顧旺角那間，卻full booking了，只好光顧太子那間，希望「好燒式」會是一個好消息。現今不少餐廳也會跟傳媒聯繫，為求達致宣傳的效果，這間也不例外，連不同的媒體雜誌也有到訪這間餐廳，看來質素也不錯。雖然說是串燒店，但裝潢還真的令我感到驚喜，普遍來說，串燒店只會有比較簡單的裝潢，看得出來這裡的環境有花過心思去設計的。串燒的價錢都很便宜，十多二十元就有，款式也算多，有肉類、海鮮類，當然還會有廚師推介的。看見網上有人推介串燒豆腐，才想著點的，不然也不會對串燒豆腐感興趣。整體的口感和味道都非常像臭豆腐，只是它沒有臭味啦🤣以燒汁來覆蓋，外皮也脆脆的，很是美味。墨西哥薄餅芝士雞肉也是這裡的名菜，我倒是覺得像印度的薄餅，中間有大量的熱溶芝士，雞肉的份量不算很多，吃進口超有某間大型連鎖薄餅店的感覺🤭鹽燒牛舌串 $26看外型還以為店員給錯了其他串燒，原來還真的是牛舌，咬下質感像普通的牛肉，不太像牛舌。魷魚鬚 $19魷魚鬚是我真心推介的

而家嘅串燒店大行其道，梗有一間喺左近，今日試咗呢間一入去，冇串燒咁種味，唔怕啲衫吸晒啲味，而且座位闊落，冇焗促感，最開心係冇限時進食，坐幾耐都得，岩晒朋友gathering 一齊吹水！朋友未嚟齊，叫知送下酒先今日個個都唔舒服，個茄子要走辣見到扇貝有特價，即叫！燒雞翼，我自細鐘意食呢個比較普通冇諗過個年糕咁好食，後來再加單朋友話要食飯，叫咗呢個，喺串燒店叫飯食都算係第一次，估唔到咁好食喎好食，yummy!同扇貝一樣，有特價，叫！好抵食，足料，大隻！粟米好夠味呢個都唔差個燒菠蘿真係好Juicy!呢間絕對可以Encore, 佢仲有間分店喺油麻地，約朋友果陣千奇唔好去錯呀！

呢間串燒店既串燒唔會好油，感覺唔熱氣😂呢到會配埋泰汁辣醬，食落會更加惹味👍🏻由於食物即叫即煮 上菜時間頗長 不過食物質素相對有水準 想食串燒不妨一試😋··特別推介以下食物 😋·~大獲好評嘅好既《黑松露什菇墨西哥薄餅》($43)黑松露味勁香😻仲滿滿芝士好正🧀成個一咬餅又唔會太乾👍··~原條《蒜蓉燒茄子》($32)🍆一大條燒好哂就咁食得😋蒜蓉味好香茄子又多肉又軟綿綿👍··~仲有《燒蠔》($28)🐚揀左蒜蓉同白汁芝士味🍴兩隻蠔都好肥美,上面既料勁充足❤··再叫左好多串燒,串燒豆腐,多春魚,蕃薯仔..全部都好好食👍讚👍·

帶子size超級大，差不多掌心那麼大，肉厚，蒜蓉非常多，很惹味，肉很鮮甜，燒烤的火候剛剛好，帶子多汁，沒有腥味又沒有沙，回味無窮。黑毛豬肋肉看上去與普通燒肉沒什麼分別，咬下去才發現肉質軟綿綿，豬肉味香，甜的醬汁配搭很好。牛舌有驚喜，每塊都厚切，肉很軟稔，帶點脂肪增強了牛香味，而且有肉汁流出來，非常好吃。羊肉一點也不羶，適合不喜歡羶味的朋友。燒茄子是我的最愛，特地請餐廳燒軟一點，蒜蓉和蔥花都很香，茄子肉好多，清甜沒有苦味。

今日朋友同我一樣要OT，好耐冇搵過佢，所以去左佢公司附近食飯聚下。喺內街搵到呢間串燒店，店面乾淨企理，最重要係舖內冇一大陣串燒嘅油煙味。廚房用玻璃分隔，可以望到裡面烹調嘅情況。墨西哥薄餅芝士雞肉 $43墨西哥薄餅烘得微焦，食落口有脆脆嘅口感。芝士烤完之後微熔，拉絲嘅芝士真係非常邪惡。食落有微微嘅辣味，非常開胃。店員果然無介紹錯。串燒豆腐 $16豆腐燒到外脆內軟，咬落非常脆口，但裡面完全唔會乾，有少少似臭豆腐嘅質感什菇露筍燒扇貝 $58扇貝燒得啱啱好，完全唔乾，好juicy。加上什菇唔同嘅鮮味，令海鮮嘅鮮味更加突出，扇貝除左配粉絲，同什菇露筍都可以好夾燒雞胸軟骨串 $25好小地方會用呢個位置做串燒，其他串燒店好多時都會其他位置，但就會燒得好乾。呢度嘅雞軟骨除左軟骨，中間仲加左雞肉，令到串燒味道味道唔會太寡。煙肉露筍卷 $18煙肉嘅油脂佈滿左嫰嫩嘅露筍，但唔會油淋淋，不錯不錯蒜蓉燒茄子 $32今次揀左比較特別嘅切片，🍆皮燒到脆脆地，🍆入面完全唔乾，再加上有蒜蓉調味，非常惹味燒雞脾 $32雞脾皮脆肉嫩，好juicy。龍蝦🦞汁大蝦🍤意粉 $98龍蝦汁掛住喺意粉上面，為意粉添上濃郁嘅味道，加上仲

前幾日同屋企人去太子食串燒因為呀妹嘈住話好耐冇食過唯有就下佢啦一到府就點左十幾廿樣串燒😓邊度食得晒叫左咁多款，有幾款值得推介1. 翠肉瓜（必點！）2. 豆腐 （呢個出奇地好吃😋）3. 雞軟骨 （超正呢個！用左照燒汁烤出黎寧捨香味四溢）4. 多春魚 （串燒必備）- 特別少少的有夾餅如果大食少少的朋友建議嗌可以打一打個底味道又不錯👍🏻- 呢間燒茄子🍆 口感偏爽口，如果喜歡軟身d，記得同店員講燒熟d- 牛油金菇都唔錯～ 牛油味好重😝整體不錯👍🏻 值得黎食呢度的調味粉偏向似內地特色的「孜然粉」，環境都坐得鬆動