好燒式串燒專門店 (大南街)

营业中

休息中

串燒，我相信大部份人都喜歡吃，我另一半都不例外。所以，我就早做了Research，發現這間好燒式串燒專門店，無論在價錢、味道、款式都十分適合，那我倆就一起看看好燒式究竟有幾好！太子這間分店，離太子地鐵站只有3分鐘，卻又遠離人煙稠密的地區，可以讓我們慢慢享受一下串燒的滋味。串燒專門店門面很簡潔，沒有過多的裝潢，坐下來感覺十分舒暢。食物方面，一覽餐單，原來除基本串燒外，還有其他小食可供選擇。在下單之後，當然要看看OpenRice所推薦的熱門食物。我點了不同的食物，當中我想特別推介以下的，作為必選之一：1. 墨西哥薄餅芝士雞肉, $43 大家不要少看他，以為是串燒專門店就以為這份薄餅是小角色，但筆者認為這個墨西哥薄餅芝士雞肉超級超級好食。煎得香脆的薄餅中間是溶解的芝士，把雞肉及其他餡料黏著，一口哎落去十分滋味。而且價錢不貴，$43有四片薄餅，大約$11一塊，在麵包店買一個普通麵包都差不多這個價。所以，這個墨西哥薄餅芝士雞肉是必須要點的！2. 鹽燒牛舌串, $26平日食的燒牛舌，通常都較為薄身，但這裡的鹽燒牛舌就完全不同，非常厚身，富有口感。加了鹽後，更能帶出牛舌的獨有味道。一串牛舌有6塊，2

BBQ食燒物就試過，去餐廳食串燒又真係第一次🤪========================炭燒牛舌串🍖 $26牛舌一串有六塊，外表睇落乾身但係食落又唔同講法喎🤩優先咬落煙煙韌韌，肉汁鎖係係一片片入邊在喺口中流出非常juicy😆========================安格斯牛肋串🥩 $24依個牛肋肉相對地乾身比較韌同難咬，而且肉味都唔夠牛舌突出🤔========================泰式燒豚肉🐖 $38依款泰式燒豚肉有啲似平時食開嘅豬頸肉🐖餐廳用炭燒嘅手法將豚肉表層燒至脆皮，入邊仲好有好重肉汁好juicy🤤========================串燒豆腐 $16依到嘅豆腐口感非非常特別原來佢係店家炸左兩次之後嘅成品🤭外皮脆脆地配上甜甜地嘅燒汁，但係咬落就有平時都食開嘅軟滑感👍🏻========================牛油金菇包 $36BBQ食蔬菜又點少得要金菇🤪入面牛油嘅份量多多絕不吝嗇，金菇食落極重牛油香，必點之一👻========================墨西哥薄餅芝士雞肉🧀 $43薄餅夠薄身又夠脆，入面有多種雜菇同紅椒等配料，雞肉份量唔多

我Ben爺唔係次次食貴嘢， 反而最喜歡在尋常的 街巷裏找一些性價比高的特色小店， 滿足感反而更加大。今次就畀我搵到一間很有特色的串燒店， 好燒式燒烤是一間地道價錢不貴的燒烤店， 裝修實而不華 座位舒服，乾淨明亮。當服務員知道我還心大心細的要辣還是不辣的時候， 他反而主動的把辣椒粉給我好讓我自己調教辣味 ，服務值得一讚!老闆主動邀我們點金菇牛油包 ， 果然冇介紹錯 牛油香味四溢， 金菇鮮嫩。 串燒雞中翼外脆內多汁，一寸真的不夠還要加碼! 豬頸肉串 肉味香濃和味。 最令我驚喜的是 串燒茄子， 要知道燒茄子要很 有耐心， 如果心急用火過猛外面便會 燒燶裏面並不熟透， 而這裏燒得恰到好處外表有黃金焦香網紋， 加上有香濃的蒜味， 真的令人食慾大振。 以上各串燒 可以跟田舍家一爭天下， 但是要知道田舍家個人消費起碼二千蚊， 而這裏才200蚊一位， 這就是性價比!

就返朋友係附近返工🥰揀左間食串燒既可以慢慢食🍡🍡🍡串燒選擇好多👏🏻仲有得點我鍾意鹹檸七推介炭烤牛舌串、豆腐、炸蝦餅、芝士墨西哥餅食咗勁多野都係$300到🤪抵依度個老闆好好人有走黎問我地d 野岩唔岩食🐷問我地有咩意見😋原來呢度新開嘅

放工約朋友去食宵夜、大家不約而同都想食串燒，搵左間坐得舒服既，呢樣好緊要，返完工咁攰緊係要坐得舒服可以傾下計咁、平時食串燒既地方都好逼，同埋環境吾係幾好，呢間真心吾錯，環境夠大又乾淨，重點係串燒種類好多，驚串燒食吾飽仲有薄餅意粉選擇，佢每一樣串燒都好好味，燒肉串既火候都係岩岩好，下次一定會再幫襯。

約朋友食飯又唔知食乜好，諗起有間新開串燒店，於是即管過黎試下。坐位都算舒服，未算太貼近隔離枱。坐底咗之後先發覺呢度唔會一陣油煙味，環境清潔乾淨本來以為同一般串燒店一樣：都係求其燒熟再加D味粉就俾你。點知唔係喎，呢度D燒物絕對唔會over cooked, 熟度剛剛好，食物外層唔會燒到好燶 𥚃面亦鎖住肉汁，外脆內嫩又入味，有heart之作。個人推薦：辣酒煑螺（個汁好好味）丶慢燒無骨乳鴿（皮脆肉嫩）丶羊架（入味）

為慶祝愚人節 同男朋友book左位食串燒之前聽過有人推介好燒式今日終於可以試下😋😋😋好燒式串燒種類都幾多 又有海鮮，肉類同蔬菜落完單後 野食好快就陸陸續續上全部野食都好夠熱 真係即燒👍🏻👍🏻我地叫左墨西哥薄餅芝士雞肉芝士好濃 仲可以做到拉絲既效果😋😋黑松露菌蝦多士好脆黑松露同蝦多士好夾串燒我地叫左豆腐，雞翼，安格斯牛肉，牛舌，西班牙黑毛豬同茄子（切片）豆腐既醬甜甜酸酸好野味😋西班牙黑毛豬 肥瘦均等👍🏻牛舌份量好多 又夠淋茄子好juicy！！！最後$354 埋單 抵食！

有日好想食串燒去咗太子呢間度食分享下先..........牛肋串$24 牛柳串$18雞肉串$16 雞腎串$16雞軟骨串x2 $25 羊肉串$18芝心丸$16 冬菇$17串燒大部分都唔錯 調味做得幾好👍🏻另外送嗰個汁都好夾串燒特別讚佢個雞腎串 燒得好入味又夠彈牙👍🏻..........燒茄子原條$32燒茄子本身已經好好食🤤呢度可以揀原條或者切件惟調味少許過鹹..........芝士墨西哥薄餅呢個係咁多樣最好食嘅👍🏻薄餅有趣又香 入面夾住雞肉芝士好濃郁 非常好食👍🏻👍🏻..........總括而言，個人覺得價錢適中如果鍾意食串燒可以試吓呢間店內位置略窄 店員服務態度一般上菜速度亦都偏慢但整體而言可以接受 食物質素唔錯👍🏻..........好燒式地址：太子大南街32-34號舖地下

諗起串燒店都係諗起一連串嘅肉（燒雞翼之類，但係呢間有好多野揀好開心啊！最正係燒海鮮，我們揀左燒聖子王，以蒜蓉同埋金菇索味，大只好味。當然唔少得扇貝啦，大大只啖啖肉蒜蓉味超香（好滿足）仲叫左大花蝦（應該係虎蝦來的）都幾大只好香牛油味但又沒有搶去蝦的味！雖然都係啖啖肉但總沒有吃太多肉那種罪惡感，哈哈！仲有其他嘅小食好似辣酒煮螺（都大堆頭）朋友話佢個燒豆腐好食窩（都係店內推介）的確係幾脆幾好食嘅！食到呢度已經飽飽地不過都試下其他小食！燒茄子同燒菠蘿用來平衡一下（極力推介）喜歡喝啤酒的一定要試1664（好易入口，果香味好重）簡直爽吖！

真係有好消息要通知班閨蜜，日後打躉吹水有新地方。今晚收到同事突然話食飯飲酒吹水，跟住一行三人傻下傻下走左去太子搵食，太子出名火鍋多我就唔多想食得太飽極力反對，跟住行行下發現這家名叫 「好燒式串燒」又幾好喎！大伙兒就衝左入去。🍢🍡🍢🍡🍢🍡😂本期有「特別純米」日本清酒介紹🍶，就開呢支喇！$98🥢芝士墨西哥薄餅 $43墨西哥薄餅，先打打底，皮薄餡足啖啖嫩雞帶點辣椒仔微酸辣，越食越開胃！🥢啤酒又好清酒又好配串燒是一絕拍擋，Order 完清酒就先來幾串食住先，串燒到有牛肋串 $24、炭烤牛舌串 $26、雞軟骨串 $16、翠玉瓜 $25上檯香氣直接撲鼻，我唔客氣喇！重點要講講個翠玉瓜爆汁正到暈。🥢豆腐 $16燒豆腐好好食，燒得外皮焦香內裡仍保持豆腐嫩香，靚仔哥哥見我食到咁滋味忍唔住話我知，佢地啲豆腐係燒左第一次再加汁燒，啲㊙️醬汁包實整件豆腐，又不失香脆，😋😋嚟多一客呀！✌🏼唔該！🤣🥢燒白鱔 42靚女服務員溫馨提示要快食，因剛燒起白鱔入口比較香脆，當真？果然無錯香脆美味魚油脂在口裡發揮了滿足的感覺。🥢 燒粟米 $23我最愛食燒粟米，外層加了蜜糖入口香甜咬落粒粒糯香，且飽肚又健康！🥢 菠蘿 $17另一

鬧市中找到的一個休閒餐廳，和朋友相聚的好地方, 真想與知音人分享！估唔到平日熙來攘往的太子站，周圍都係各式各樣店鋪， 但到了晚上一些食店、酒吧就變得很外眼，有着中環蘇豪區的感覺。餐廳空氣清新，沒有燒烤氣味，不用擔心影響到我的衣服（燒烤氣味）😄👍🏻，而且地方闊落，串燒款式多，在下單時可因應個人口味選擇大、中、少辣，餐廳還有自創串燒口味😘。有善的店長推薦了一些與其他分店不同的酒類。特別純米 $98我今次挑選左特別純米 / 酒精濃度15度，凍飲，有酒香味，易入喉。 🍶我們點上了多款燒烤串：牛肋串、炭烤牛舌串、雞軟骨串、翠玉瓜、豆腐、鱔、粟米、菠蘿各種燒烤串串，燒功一流，肉質鮮美皮脆肉嫩，保留豐富肉汁。新鮮蔬菜串串也充滿水份，加上了香辣粉，更是開胃惹味😋😋。菠蘿經燒烤後，外層金黃色帶點燒焦香味，立即口水流☺️，人口鮮甜多汁，一件又一件，吃不停口。青島 $28所謂燒嘢食必須要大口吃大口喝才過癮！個人覺得吃串燒還是配上啤酒最為合適，一於今朝有酒今朝醉。 😊芝士墨西哥薄餅薄皮內包満了嫩滑雞肉、燈籠椒、香濃芝士等，很有層次感。令人回味無窮的餐廳🍴。

平時食串燒，多數都係拎住一串串企喺街度食不過最近試咗太子呢間串燒店，冇諗過坐喺度等人燒埋畀自己食，又係另一種感覺呢度環境舒服，啲枱好闊唔洗迫住坐串燒種類好多，海鮮、肉類、蔬菜，樣樣都有如果驚唔夠飽， 餐牌仲有得揀飯、意粉同薄餅等等比較飽肚嘅食物因為有小朋友，店員都好細心咁幫我哋全部食物走辣，再另外畀辣粉我哋調味我就最鍾意泰式酸辣醬，因為呢個醬同啲肉好夾，點咗醬食更加好味唔想淨係食肉咁肥膩，所以揀咗啲蔬菜呢個金菇菜加咗啲牛油調味，即刻惹味好多另外叫咗一個燒露筍，呢款就清清地唔會好鹹另外點咗啲肉類串燒，呢三款係牛肋肉、牛舌同埋羊肉我最鍾意食都係牛舌，因為表面燒得香脆裏面又有啲爽口呢個燒海蝦燒得幾juicy，唔會太乾呢個燒白鱔又係好好味，因為啲肉夠肥美，所以 咬落個皮香脆又充滿油香企喺街度食串燒又熱又大塵，難得可以咁樣坐低慢慢享受下次如果想食串燒都會第一時間諗起呢度

今日去咗太子探屋企人， 探完大概六點左右， 喺太子附近見到有間串燒店， 見門面都幾靚， 所以去睇下佢個餐牌。餐廳環境幾光猛， 座位闊落乾淨， 抽風系統做得 幾好， 餐廳內都聞唔到有油煙味， 有個窗可以見到廚師係即叫即燒。餐牌選擇都幾多， 仲有每日海鮮推介因為有位朋友唔食辣， 所以廚師燒嘅時候冇幫我哋加辣， 辣椒粉，孜然粉， 泰式辣醬 ，麻辣汁等可以另上黑松露蝦多士蝦多士炸得夠脆身， 蝦膠都幾厚肉， 蝦膠用咗少少麻油調味， 多士上面有黑松露醬， 食落好香口。蒜蓉燒茄子呢度嘅茄子燒得夠淋， 係我鍾意食嘅口感， 主要用蒜蓉和孜然粉調味， 我本身鍾意孜然粉嘅獨特香味， 所以呢個我幾鍾意食。燒雞脾上碟時已切開三件比較容易食， 啲雞皮燒到有少少燶邊， 幾香口， 雞肉既質唔會好乾身， 食落幾嫩滑。羊肉串，牛脷串 ，牛肉串呢三串串燒都有用孜然粉調味， 個人認為羊肉同孜然粉係一個好好嘅配搭， 個羊肉都食唔到有騷味， 牛脷外面有少少脆 ，裏面都夠淋， 牛肉串有孜然粉嘅調味提升了肉香。黑松露雜菇墨西哥薄餅薄餅入面有黃椒，青椒 ，雜菇 ，黑松露醬，芝士和少少醃了的青椒( 可能係墨西哥辣醬，我唔肯定)食落幾特別

今日喺旺角行開街，夜晚就要喺旺角呢頭搵嘢食啦！作為燒烤發燒友嘅我，係OpenRice搵到呢間好燒式串燒專門店！一入到去環境好好，唔會有好大嘅燒烤味！串燒嘅選擇十分之多，我哋都要左好多好多嘢食！1.燒金菇個燒金菇加埋牛油蒜蓉真係好好食！2.黑毛豬串燒黑毛豬燒到啱啱好，一咬落去，一啲都唔韌！好值得一試!3. 墨西哥薄餅芝士雞肉芝士同雞肉估唔到係一個好好嘅配搭，擺落個墨西哥薄餅入面就好好食啦！4.燒茄子呢個又係串燒必備嘅選擇，燒茄子同啲將融合得好好！雖然嘢食嘅質素好好，但係會有少少貴，大家可以睇住自己嘅budget食幾多！

在附近放工，所以相約了友人來這間試試，吃一吃串燒。我們7點多來到，幸好不算太多人。我們點了鹽燒牛舌串、安格斯牛肋串、豬頸肉串。牛舌十分爽口，牛肋串也燒得剛剛好，豬頸肉串脂肪比剛剛好，都燒得很香口。我們又點了一份豬仔脾。豬仔脾有2條，厚肉但燒出來不會韌。我們又點了燒雞中翼。燒中全翼調味得十分好，而而且燒得很香。我們再點了一份黑松露菌蝦多士。蝦多士有4件，黑松露味香濃，而且很彈牙，炸得很香脆。我們又點了一份香煎鵝肝配紅酒汁。煎鵝肝份量十足，而且很肥美。麵包也焗得很香脆。煎鵝肝加上脆麵包一同吃，十分滋味。我們又點了鹽燒白鱔。白鱔也很爽口，燒得很香，我和朋友搶住吃呢。今天真的很滿足，很久也沒吃過這樣出色的串燒。下次會再來試試其他串燒。