好燒式串燒專門店 (大南街)

营业中

休息中

今日放工黎到太子搵食~朋友話呢度有間串燒好正~就跟佢黎試下~位置係太子站一出過條馬路，非常易搵~我地7點去到店內已經好多人，好彩我地人少少得兩個人可以即刻有位~睇下MENU好快就決定要叫個飯再加D串燒，最下面有得選擇辣度同配咩調味~我就全部揀左唔辣同埋要孜然粉加蜜糖~諗都覺得好味!!仲叫左兩罐食串燒必叫既可樂!雖然叫左唔辣但店員另外俾左碟辣醬我地點，咁想食少少辣都可以自己選擇點黎食~泰國露荀、豆腐串平時街市買露荀都唔平，見呢度$19有一份就叫黎試下~黎到發現份量都唔少，而且好新鮮，咬落去爽口冇渣~抵食!而豆腐串係因為見MENU寫係推介於是點左，估唔到有驚喜喎!燒得外脆內軟唔油膩，外層真係好脆好好食!面頭仲有D蜜糖甜甜地既醬汁~果然係推介菜!虎皮尖椒、雞肉串、牛柳串、安格斯牛肋串、羊肉串虎皮尖椒係朋友至愛，所以一見到即刻要點! 尖椒去籽去得乾淨，一條分成4件串為一串，有D辣勁但就算唔食辣都接受到~雞肉串同牛柳串沒有多餘脂肪，加左孜然粉同蜜糖燒得好香~肉質軟林又新鮮! 安格斯牛肋串比起牛柳串有多一重炭燒味，令整體更香!羊肉串夠軼身又冇羶味，之前年宵食過D羊肉串好多肥膏，但呢度既出品係啖啖肉

平時我都唔會特登去俾評價...但係呢間 真心覺得 不得不讚...第一次☝🏻令我一定要上網俾返個好評呀！員工同老闆 服務態度好好..野食又好食！！最喜歡既就係店鋪既燒魚同埋煮蜆...

同朋友係太子行街咁啱見肚餓 又心血來潮想食串燒 見到呢間好燒式串燒就去食下啦入到去發現原來入面唔止得串燒，仲有其他唔同類型小食睇吓我哋都買咗勁多嘢食香煎鵝肝配紅酒汁 都幾高質 鵝肝都幾大舊 煎得幾香 仲有少少鵝肝油光澤係到 食落去勁香口 配合埋香脆多士黎食都幾正 而且個多士吸晒鵝肝精華更惹味墨西哥芝士雞肉薄餅有少少辣 個芝士同埋雞肉真係勁夾 薄餅燒得啱啱好而又夠脆 拉出嚟嗰下仲有少少拉絲 唔好睇佢細細間真係十分足料 牛油金針菇包一打開個包裝超濃嘅牛油嘅香味湧出嚟 牛油味超濃郁 每一啖都有濃濃嘅牛油香其實我好鍾意食啲有軟骨成份嘅串燒 見到佢有幾樣推介嘅串燒 梗係要試吓佢啲招牌菜啦雞胸軟骨係必食 咬落去勁脆 d雞胸肉又夠嫩 而且加埋啲軟骨嚟食口感一流 燒安格斯牛肋骨都好冧 入口即溶 油脂分佈都好好 勁juicy魷魚筒 彈牙好咬口 夾埋d燒汁唔錯 仲好貼心咁樣我哋切好一舊舊燒鴨舌細細粒易入口 每一粒都有咬口 因為佢燒得岩岩好 串燒雞腎 爽口得黎唔韌燒茄子 我哋睇漏眼無睇可以有兩種燒法切片或者原條咁我哋就揀咗切片 同原條燒比較上 口感方面係厚身多肉啲咁 豬仔脾 都幾大隻，肉質鮮嫩 火候控制得唔

串燒食過好幾間, 呢間既串燒都算係特別既一間, 原因係佢地串燒既整法非常之地道。佢地既燒茄子就係一個好例子, 一般既燒茄子係一分為二再加調味料, 但呢間係將茄子打橫切開左一舊舊先再羅去燒, 食落juicy好多而且唔會太乾身。除左茄子, 串燒豆腐都係必食, 佢既豆腐係炸左兩次, 個皮炸到岩岩好, 用既燒汁好惹味, 夾落炸豆腐度效果超正, 甜既燒汁超夾脆既豆腐。牛油金菇包超足料, 食得出係用左忌廉汁去溝牛油, 非常之滑, 同金菇超夾,好滑口又唔怕太軔, 正。燒菠蘿唔會燒得太乾身, 幾開胃。肉類方面, 安格斯牛肋串又係推介, 冇太多既筋, 入口即溶而油脂又好充足, 真係好食。燒雞胸軟骨都好特別, 未食過連埋軟骨燒既串燒而且咁正, 軟骨既雞味好濃, 好食。豬仔脾勁大隻, 燒得岩岩好肉汁超足。海鮮既代表有汁燒魷魚筒, 魷魚燒得超正, 彈牙而又好夠鮮味, 佢原隻魷魚上勁大條又好咬口, 真係好好食。除左串燒, 呢間竟然仲有埋簿餅同小食。我地食左個墨西哥簿餅芝士雞肉, 有少少辣, 個雞肉好正, 味道勁出, 簿餅唔會太厚身, 加埋青紅椒同埋水牛芝士,  配搭出奇地好, 唔會好膩, 高質。下次一定再來試埋

發現一個可以啤一啤食宵夜的好地方，皆因坐得舒適，串燒又出色。See? 有幾何見到串燒店咁乾淨企理？立即望一望餐牌先，親民價啦！即時開返枝啤，再慢慢 tick 野食。健力士黑啤 $36夠凍，大枝夠抵飲。串燒質素，等我逐一品評下。豆腐$ 16想像一下，有臭豆腐的外表和口感，但一D都唔臭。非油炸而改成燒烤，外皮酥脆，內軟熟，唔油膩又多汁 juicy .....第一次咁食豆腐，好好食。大家一定要試試！炭燒牛舌串 $26大塊，夠淋唔乾，牛舌燒起上來好有牛油香味，食得出食材質素有返咁上下。多春魚 $18 （三條）已有調味，唔腥，魚春卜卜脆好好食，呢個價錢幾抵。羊肉串$18羊肉串中夾雜有肥膏部分，燒起上來份外香，正正！雞軟骨串 $16軟骨燒到脆脆地，混入椒鹽粉，好好味。一串唔夠，要 encore !墨魚丸 $16正常的墨魚丸，唔算多粉，抵食的不過冇乜驚喜。安格斯牛肋串 $24好香有牛味，肉夠大片，食起上起有口感又唔韌。而且用料新鮮，不是一味靠調味，很得。原條燒茄子 $32夠大份，而且唔會乾。叫左小辣，唔算太辣，點吓旁邊的辣汁，更加惹味， good ! 翠玉瓜 $25出奇地好好味，食起上來滴曬汁，同調

收工其實好肚餓，友人話新開一間串燒，就隨便入大南街搵食。大南街的美食店好多，唯獨一間明顯新開鋪裝修的串燒就少少吸引。一開波就要叫鰻魚，雞軟骨鴨舌。雞軟骨味道夠喉，火候都足夠，所以咬落口爽脆。燒白鱔是後期添加的菜單。中意夠嫩。雞泡魚幹乾脆送酒過癮，好似食左燒魷魚幹。見到好多推薦都係呢款墨西哥雞肉卷，試左果然刮目相看。芝士入口還藕斷絲連，少少辣椒絲帶出甜辣的味道。應該叫兩個才夠。酸汁好似泰國果味道，用來沾串燒有不同的口感，可以試一試。炭燒牛肋柔軟好似咬到自己條俐。黑毛豬串燒是日晚餐推介的招牌。下次再試一試青口花甲。最後買單都差不多629元，人均300幾，對於晚餐呢個時段差不多。分量足夠我地其實都食唔曬，估唔到串燒都可以當正餐咁食。

行過其實經過好多次，新開唔係好耐燒烤分店，今晚有幸同朋友一齊用餐，門面新淨。好多座位都full.都睇到呢段時間段都好多人黎用餐，還好有我地已經預先定位。啤酒襯返串燒係最好的搭配。重點推介呢個墨西哥芝士雞肉卷，入口融在口腔的入，少少辛辣味道好開胃，燒豚肉，以為細份，其實都幾大份。友人對呢個燒白鱔好好味，肉質夠嫩，咬落去都夠脆口。生蠔可能有些少重料，味道偏濃左，下次可以叫師傅落味無咁重手，不過不失。兩個人人均629包埋加一，其實都ok好飽呀

回想第一次食好燒式，已經係10年前喺街邊檔，當時只有幾個座位，冇依家咁多嘢食，而家已經有兩間分店，一間喺旺角，太子新店種類非常多，每次你都會叫墨西哥芝士薄餅，我話今日想食清啲，佢問我全部齋素菜好唔好，都好喎！芝士味非常香濃，有拉絲嘅感覺，正牛油焗金菇，比出邊其他地方牛油味濃，花甲粉絲，花甲清甜冇沙，粉絲鎖晒啲汁，好清新，蒜蓉燒聖子王，我諗應該有10吋長，非常新鮮，可以用爽脆來形容，怪不得晚上10點都仲有好多人來宵夜，仲有生啤喝，開到凌晨兩點

相信有睇我Story嘅人都知我好中意食啲熱氣野😂所以我中意去好燒式食下串燒同海鮮講真呢間我encore左幾次 性價比較高以下係我推薦嘅野食 係必食‼️1.蕃茄白酒煮花甲 ($92) 我個人認為辣酒更正蜆肉鮮美肥美 啖啖都充滿白酒和蕃茄的香味!2.燒日本年糕 ($12) 我想瘋狂食咬落年糕與芝士相連 形成雙重煙韌3.燒菠蘿 ($17) 同燒茄子 ($32)燒熱後嘅菠蘿會好香甜🍍值得一讚的燒茄子 茄肉香軟👍🏻蒜泥也沒把茄香搶走 GOOD🤤4.牛肋串 ($24) 牛味好濃🐮________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

前幾日好夜先收工，本身都諗住隨便搵啲野食就算，但朋友就推介呢間開到好夜既串燒店，所以就決定同佢一齊深夜食好西啦🙈🙈黑松露蝦多士呢款黑松露多士黑松露咪好濃郁，而且雖然係炸，但感覺都唔會太油膩，蝦味都夠曬濃，而且帶小小彈彈地牙既口感，口感得意又帶有鮮味🤤🤤另外我地仲叫左豆腐、雞翼、牛舌、冬菇、同埋牛肋串，個人覺得最好食嘅係串燒豆腐串燒店通常只係得燒豆卜、豆皮咁，但串燒豆腐真係較少有，呢度既串燒豆腐加上左啲秘製醬汁去整，甜甜鹹鹹嘅醬汁味道好夾好特別🥰🥰我地仲叫左每次食串燒必叫既燒茄子，呢到既燒茄子調味做得岩岩好，唔會好似出面其他店咁重口味，所以食極都唔會覺得好口渴，令人愈食愈想食😋😋

串燒。。。一般都想起居酒屋，串燒專門店我都係第一次試。看看點餐紙。。。與居酒屋真有很大的差別，不單只有意粉和飯。還有很多時令海鮮，真是豐儉由人👍牆上就掛滿了很多美食，看得客人垂涎三尺，巴不得全部都order晒😅黑松露蝦多士，一客有四件，黑松露香氣撲鼻😍蝦肉爽口，多士夠脆，而且不會太油膩，火喉捉得好👍蒜蓉焗蠔和煙肉焗蠔，各具特色，蒜蓉配海鮮無得輸，絕配😋煙肉粒配蠔原來都不錯，因為煙肉咸咸香香，更帶出蠔的鮮味呢～蠔肉juicy香嫩無渣，Yummy🤩串燒牛舌和牛肋肉，牛味香濃😋串燒鴨胸，估吾到嘅甘香，鴨胸肉質鮮嫩，味美😋😋😋串燒雞腎，爽口吾韌，送啤酒一流🍺串燒鴨舌更是考功夫，不火喉要掌握得很好，燒得時間吾夠會吾夠香，燒得過火會冇肉食😅這裡就做得剛剛好，既香且嫩👍結帳時見隔離檯食蒜蓉燒龍蝦，好香好大隻，下次都要試下先得😅

朋友邀請我去食好消息攤銷專門店，位於太子，我地點左炭燒牛舌，蕃茄清酒煮花甲，牛小排等等。我最鍾意食蕃茄清酒煮花甲，賣相相當吸引，內裏仲有粉絲，粉絲配合花甲湯，好入味，花甲嘅份量亦都超級多，兩個人食完全足夠。店員話雞軟骨係呢間店嘅特性，我地點左發現呢度嘅雞軟骨同出面有少少唔同，佢哋嘅雞肉比較滑，雞軟骨嘅軟骨亦比較大塊，相當美味。另外我仲鍾意食呢度嘅茄子，出面嘅茄子通常原條燒，呢度嘅茄子可以係一片片上，連皮都食埋，佢哋燒完仲保留到茄子嘅水份，值得推薦。

今日同朋友放工去太子食呢間好燒息串燒專門店，地鐵站行5分鐘左右，餐排內串燒嘅種類都算多，仲有意粉同飯可以叫，我地叫左炭燒牛舌串，雞胸軟骨，燒大雞脾，多春魚，茄子，路旬，豆腐同牛小排，店員嘅服務都好好，會問我地牛小排想要幾成熟，茄子想要原條想定切片，又會主動為我地清理枱，炭燒牛舌超級好食，有4件， 10分軟身同厚身，唔會太多，燒得啱啱好。超大雞髀食雞好滑身，連埋啲汁味道啱啱好。牛小排想點擺位好靚，有路旬伴碟，仲有芥茉醬，配合得唔錯。多春魚有三條，唔會太咸，亦都新鮮。最間餐廳經過太子一定要試。

首先，當然要由食物質素方面講起la,同地叫左勁多野食,咁多碟串燒擺埋一齊ge時候真係好好好壯觀個人覺得咁多碟裡面最好食係..........................其實揀唔到,因為真係每一款都好好食, 烤得好香好入味,特別想講一講個羊肉串連本身唔鐘意食羊肉ge我都迷上左個羊肉串,因為佢烤得好香,完全冇so未,只係食到肉汁ge香味佢個芝士薄餅同去骨辣鳳爪都好特別,估唔到串燒店會有兩隻都好正豆另外店員ge服務態度好好 環境都好企理 坐得闊落 好舒服

朋友話想食韓燒，我話食韓燒不如食串燒😏 聽講太子有間串燒店，不單只有串燒，海鮮仲好靚，還有西餐的意粉和飯👍款式確是不少 ，還有時令海鮮 😋店員推介今日精選'聖子皇'墊底的是金菇菜，上面鋪滿蒜蓉，聖子皇確實可以稱皇😍肉質爽脆鮮甜，與蒜蓉是絕配， 精髓在於啲金菇，因為金菇索曬蒜蓉同埋蟶子嘅汁， 超正😋😋😋鵝肝多士$98有兩大塊， 啲鵝肝好厚 ，面頭煎得香香，裏面好juicy， 鵝肝入口即溶，而多士入口香脆，沒有因吸收了鵝肝嘅油份而變軟👍串燒白鱔$42，外皮香脆，咬一口，肉質結實但有彈性，新鮮是也😍燒牛舌當然必食啦～醃製入味，油香豐腴，質地軟身再醮上秘製醬料，令人食慾大增。燒鴨舌，真是好考功夫，因為鴨舌細小，要燒得香而不過火，才吃到鴨舌內的肉😅廚師真係做到呢👍食串燒當然少不了啤酒啦～邊吃，邊飲，邊暢談，真是人生一快樂事😍店舖乾淨整潔，不會煙霧彌漫，廚房抽風做得真妥當👍牆上掛著很多其他的燒海鮮，睇見真係好想食，但肚皮不爭氣，吃不下了😜店員招呼週到，換碟頻密，檯面保持整潔，笑容可掬，值得一讚😍👍