好旺角麵家 (已搬遷) 新店位置

Finally made an effort to try this place, only because the sauce is served separate instead of on top of the noodles.Anyway I ordered the Jah-Jeung noodles, the sauce came separately as expected.I tried the Jah-Jeung sauce, a very dark, thick, burgundy coloured mixture of chili and meat. The meat was more like the edges of char-siu, rather than grounded meat or sliced meat. The sauce tastes of a very strong mix of that thick yellow bean sauce and hoi-sin sauce from the English takeaways, not sur

今日下午茶時間到好旺角麵家食豬手麵碗麵細細碗, 麵只係兩啖就食哂了 不過麵好彈牙, 好食, 上湯既湯底好好味! 豬手都好爽口, 筋多但脂肪唔多, 好好損 油菜食既係芥蘭, 淥得淋, 梘水作怪啦!如果可以大碗d就好, 食完好似唔夠喉!

在跟老友記們到得龍聚舊吃飯之前，到這老店吃碗炸醬麵，為胃部先熱一熱身想起來已很久很久沒有吃這兒的炸醬麵了。這次重遇，味道依然保持水準麵依然很爽身而且沒有很重鹼味。小弟愛吃粗麵，貪其口感比幼麵更充實，而且粗麵的麵條面積比幼的較寬，如此就能讓更多的炸醬吸收進麵內 (可能只是心理作用而已)。因此每次來吃，小弟都寧願捨幼取粗也炸醬依舊是調得味道極甜極濃，甜麵豉自然是"功不可抹"了。吃不慣的可能會覺得不適應，但小弟當是有點北京風味的炸醬來吃，卻是悠然自得肉絲不算是下得很多，不過自己卻不會太介意，因總覺醬本身才是主角，肉只是作為點綴而已湯很清，也有點大地魚香，淨喝也很不錯.....為胃部先加層保護膜，接着便到得龍大吃大喝可也

由於昨日吃了一個巨型牛扒，所以今日打算吃一餐素，我每次一去旺角，都要來好旺角吃的，我叫了一碗淨麵，一碟芥蘭，及一碟蔥花撈麵，淨麵雖然是貴了少許，（二十二元一碗），但因為味道是我們第二間也吃不到這種味道，而且麵又十分彈牙，所以值得一讚！芥蘭又十分好味，多汁，我本來想吃薑蔥撈麵，但因為我不吃薑絲，所以只好用蔥花撈！麵質非常彈牙！值得再去多一次！

今日去左旺角買野，食埋野先走。平時都會去香港仔魚旦粉，今日試下其他^^叫左雲吞炸醬撈麵(Small)個麵好好味完全冇預算過一家小店會咁好食。炸醬好多，麵軟硬適中，雲吞係有蝦的! (你知架啦，成日都會食都冇蝦雲吞)不過美中不足係細碗雲吞只有三粒，同埋D雲吞好細粒。仲有個碗湯，好重蝦子味，唔係味精!!

經過呢度.心諗有一排冇嚟.肚又餓.就入嚟雲吞麵.傳統老字號出品, 細細碗, 湯底鮮甜, 雲吞細細粒, 肉質夠新鮮,麵真係冇得彈, 爽口兼彈牙, 食完都唔多夠喉.牛腩.牛腩整得好淋有瘦有肥.汁夠濃厚, 食出不輕不重的陳皮香,而油菜得菜心&芥蘭兩種選擇,佢地份量唔大, 價錢比其他地方貴不過好味.其實呢道環境唔係好差.係古舊麵店的風味但是舊式服務,冇咩招呼.沒甚禮貌可言問題不大既在旺角，這是一間不錯的選擇

「好旺角麵家」是我兒時記憶中其中一間食店，當年還未滿十歲的我，經常在父母帶同下來這裡吃東西。記憶中每次來到也是人頭湧湧，一家幾口要找個位置坐下來確實不容易，如某次可以一家佔用一整張卡位，便會感覺食物份外美味。但原來此想法直到現已年介中年的我，仍然沒有改變。今天一早便來到，多個卡位任君選擇，選了位置在店中的坐下來。當年跟父母同來，點食物的責任全由他倆負責，基本上必點的包括「京都炸醬粗麵」、「肉丸粥」與「及第粥」。廿多年後的今天，父母沒有同來，只有我與啤梨二人，「發板」的責任自然由我來負責。「鐵膽」食物中的「京都炸醬粗麵」與「肉丸粥」定必入圍，另外要再想多一款「拖」的食物。最後決定的「膽拖名單」是「京都炸醬粗麵(碟)」($33.00)、「皮蛋肉丸粥」($28.00)及近年在此店的新歡「南乳豬手河」($22.00)。「京都炸醬麵」是此店的招牌菜之一，因在其名字前加了「馳名」二字。小時候總是覺得那碟「炸醬」實在太小，所以此食物不是我兒時的至愛。現在的我，反而覺得那看上份量小小的炸醬，是廚師在製作食物時的一點心思及智慧。這碟小小的炸醬，當與麵撈起後，每條麵也有炸醬沾著，碟底沒有多餘的炸醬餘下來，

11-2-2009原本想去洗衣街食 laksa, 點知佢仲未開門, 結果入了呢間幾老字號的麵店試試. 雖然幾想食雲吞麵, 但第一次幫襯, 都係叫「招牌」/「推介」食物「穩陣」一點, 結果叫了 menu 上有「好」logo 的及第粥 ($26), 加份「好」logo 的薑蔥灼魚皮 ($18).及第粥先0黎, 粥底一般綿, 但味道幾清甜亦嗒得出火喉, 不錯; 兩塊豬潤薄切, 0岩0岩熟, 咬落好有彈性, 可惜其中一塊有渣啦; 兩塊豬腰亦處理得不錯, 無異味仲幾鮮味, 認真難得; 兩件豬肚 size「大細超」, 腍得0黎不失咬口, 好食; 肉丸帶點蝦味 (??), 唔會太肥, 彈牙鮮味, 好食; 不過最好食係0個一塊豬心, 食落極鮮甜爽脆, 正! 唔怪得話自己「馳名」啦, 的確值得一試!薑蔥灼魚皮亦好食 -- 魚皮夠晒爽脆, 同薑, 蔥及鹹鹹脆脆的花生一齊食, 十分惹味! 不過唔知頭唔知路, 食前無將碟底豉油拌勻成碟魚皮, 結果最後0個幾塊鹹到抽筋. @_@" 幾好食的一客魚皮, 不過同「靠得住」(http://www.openrice.com/restaurant/commentd

呢一間係比較傳統既.我最中意佢個炸醬麵,佢係比較甜有d辣,炸醬另上.麵的份量好少,大食d應該唔夠.另外,有一碗細蝦子湯跟既...我一定會飲晒先走.另外,佢個牛腩麵都好味,湯濃濃有一陣陳皮香.

又是數月前的食評.看完 Cape No.7 , 跟朋友去吃點輕食.旺角有水準的麵舖不多, 這裡也是其中一間食友推介的.十時多, 旺角當然仍然人來人往, 這裡也有八成滿座.除了招牌炸醬麵同筋腩, 也叫多碟菜心, 健康一點嘛!這裡的炸醬是較深色的一種, 也較甜, 配上有口感的生麵又是另一番風味.牛筋牛腩是用柱候醬炆的一種, 很有在家吃的感覺, 不過當然是媽媽弄的第一啊! 菜心一碟沒有渣, 收貨.店員服務也可以, 最難頂的是後巷洗水間淤塞了, 水浸...忘記了總數, 下面只是約數; 希望再來, 難看的不要給我看到...

上星期六失驚無神想食雲吞麵, 想去食麥奀記 - 太遠, 放棄。 麥文記已經唔好味。 紅磡大光燈又未開工。黃埔正斗唔想去....... 唯有 上Openrice找靈感, 見到好旺角, 不用舉山涉水, 即可試試.......去到看餐牌見到有炸醬麵又好想食.....終於叫了碗炸醬麵 + 淨雲吞。 那個炸醬好香有南乳味的...未食過所以覺得幾有新鮮感和好味......... 淨雲吞個湯好, 好, 好.....D雲吞更好。 一邊食一邊見到鄰枱叫了豬手麵又好似好食.....粥又好似幾OK......可皆已經無位夜了。 下星期一定要去試埋其他的才安心

臨近聖誕派對的來臨~就來了旺角裝裝身~節日的到來令旺角平日的人流也頓時多了~前陣子不斷的空襲時件也無損大家意興~快快趣趣只求一菜~好旺角倒是個不錯的選擇~可能小比晚飯時間較早~二人坐上卡座都不成問題~由麥文記那裡吃豬手吃出個癮來~就要了碟豬手撈麵~南乳汁沒有前者的多~但並不代表豬手不入味~南乳味肉汁都通通被鎖在大件頭的豬手裡頭~絕不吝嗇~膠質故然豐富之餘~皮也是QQ的~皮肉相稱~老麵家的出品果然不用抱著半點懷疑小比對鹼水味特別敏感~每每嗅到之時都會作悶~上一趟在麥文記與玉葉也大失所望~或許只是天氣等因素所影響~這次麵一上桌也忍不了嗅一嗅~這兒的麵沒有半點鹼水味也夠彈牙不易斷~芥蘭條條飽滿卻不是老芥蘭且帶有應有的爽脆和微微甘苦味~獨愛蔬菜的小比三兩下手勢就把它清光了~乾脆利落的一餐'快餐'完成~價錢也合理~當然不能拿十一蚊碗的來比較吧~也是value for money的~大比還有一半胃納~要再吃多碗也不成問題~就周圍碰碰運氣吧~就如門外的招牌所言 - Good Hope~!

$27雲吞牛腩河：細碗，絲絲肉質，無筋有肥，都好食；3粒細雲吞，但入口好有蝦味，河粉好滑，湯反而ok喎，但食完都好口乾下囉。

天氣係星期四轉冷, 一個人, 最好就係食碗粥暖身係旺角,黎到呢間店, 叫左一碗解牛肉粥始終即煮的粥係好食好多, 呢間店的粥底夠鮮甜 (唔知落左咩去煲, 可能係魚肉), 又夠綿, 即係食個粥底都夠哂, 個幾片牛肉夠嫩, 唔會煮到老哂, 再加上佢本身加左少少薑絲, 味道好正下次要試下其他野

看到這裡的食評,譽多於譭,於是今日又是以快吃快逛街的心情來一試這間麵家.來到這裡,只有粥和麵的選擇,我選了及第粥.粥底算綿,但真的沒什麼味道,幸好豬雜配料爽滑鮮甜,補回不少分數.配料有豬心(1),豬潤(2),豬腰(1),豬肚(2)和肉丸(2),配料算豐富,整體來說是一碗不錯的粥.埋單26蚊,ok啦.但真的很多人,好彩我早少少去,坐下差不多到1點時就已經沒位了.有時間有機會會再去食午飯的