好旺角麵家 (已搬遷) 新店位置

作為旺角其一老牌麵家，對小弟呢類經常性响旺角出沒的朋友，隔一段時侯就會來幫襯一下...差不多每次來都會叫炸醬粗麵。今次改一改，就簡簡單單地叫個雲吞牛根麵...湯底沒有太多師傅，換來是很實在的味道；雲吞size不大不小，還是以蝦肉為主，不對個人口味；牛根頗膠口且夠淰，合格...麵沒有太重鹼味，又頗夠彈牙，是不俗的...最近在吃麵方面真感到頗有食神 --- 先吃到荃灣的彬記，再吃到這裏，麵的水準也是令人頗愜意的....聽說現在灣仔永華的麵的鹼味已沒有從前那樣重，看來是時候回去試試了...

炸醬粗，好好味，保持到水準，沒有因為通脹而縮皮；今次再加上個豬心粥，嘩～　高享受，不過略嫌豬心少左ｄ，唔知係咪心理作用，好似比之前少左好多咁．．．　唔通，唔單止豬貴左，連豬心都炒貴晒？？

又到了好旺角吃東西,今次吃了雲吞麵嘩!使唔使咁細碗..麵身爽,不過兩啖已經食哂,蝦子味湯底加了韮黃粒,正宗廣東風味,雲吞味道幾好,豬肉比重夠,唔係只係一味得個"蝦"字!或者店主真的認為小食多滋味吧,我就不敢苟同了!sorry!

一入去呢就有個待應比個位我坐不過呢,就馬上問我吃mut野....我第一次來,就話我林下先但個待應好似當我無講過野,仲站在我前面,好似死都要我在5秒内講出要吃d mut野甘....我就快快地看到有牛腩撈面,就叫左啦,點知無留意價銭, 要$33..我覺得不算平牛腩撈都幾好吃啊~ 不過真係分量少左d law味道OK環境,服務算麻麻最后不太飽地走了(順帶一提我,吃吃下見到有個人入來吃野, 問價銭, 最后覺得太貴, 走左....)

今次食既係一碟炸醬撈麵幾好食架,麵身靭得嚟爽,唔會成pet野咁,佢個炸醬甜甜地做得幾好,碗上湯"口答"落好重蝦子味,好野嚟個播不過呢度真係坐得好迫,答枱答到九彩!仲有好多怪野,例如我叫碟油菜蠔油要另收我錢,吹脹!

細細個食,次次都嗌"豬瞤肉丸粥":大個之後,最鐘意嗌既都係"豬瞤肉丸粥",仲鐘意以下食法:先用鼔油碟落少少鼔油,然後再落胡椒粉,跟住再醮豬瞤食...嘩...真係一流呀!!!諗起都流口水呀!!!我鐘意佢地d粥,夠晒綿,夠晒味,個粥唔會太稀亦唔會太杰;有時又會嗌"牛筋米" 或 "鮮牛米"<--我試過好多樣餸,呢兩樣最好味,再加碟芥蘭...唔知點解,好旺角d芥蘭,最嫩最新鮮最好味!!!(係邊度入貨既呢吓?)基乎每次幫襯都會嗌!!!

服務態度好差!! 一行入去冇人理我, 之後又迫我坐污糟卡位可樂一枝要7蚊, 好貴!! 叫左雲吞河, 幾ok, 但份量好細, 食完唔飽..

2008年6月16日 8:00pm 同沙牛男友行過又記得佢有幾多好評, 咪試下囉!1) 古法炸醬麵 – D麵好油, 炸醬好甜, 我年紀細, 唔知古法係咪噤2) 雲吞麵 – 都OK架!不過個碗係飯碗噤大, 要收22蚊, 我O禁男仔要食3碗先得.無下次, 試過就算!

我本身好鍾意食炸醬撈面之前聽過話呢度既炸醬撈面好出名所以拉左男友黎試一入到去　真係好多人啊侍應叫我地坐卡位但係地下有一大堆紙巾ｏ係地下我叫侍應幫手掃走ｄ垃圾佢竟然話坐就坐　　唔坐就唔坐呆左．．．但係一心諗住食好野冇所謂ｌａ我地點了炸醬撈面同豬手面佢ｏ既份量比一般既細碗ｄ炸醬甜既　好似甜醬既味道　豬內乾左ｄ反而豬手夠林夠入味面質都彈牙唔知係咪坐得近後行　　食食下聞到臭味既～～ｏｖｅｒａｌｌ　以咁既價錢環境同服務　真係唔值～～

上網 bid 左野下午晌旺角交收，之前匆匆食個麵加白粥先。白粥X2 - 老婆次次黎都叫的，細細碗，夠綿夠熱。雲吞麵X2 - 蝦新鮮，麵質好，算彈牙。油菜 - 揀左菜心，不過不失。黎食預左要叫兩碗先夠

一個人食,叫左水餃米同一碟菜心水餃米比較細碗,老實講真係唔夠食,問題係米粉得兩啖,點飽?廿二蚊碗真係唔抵,味道方面,湯ok,水餃大隻,不過其中一粒d蝦有少少異味菜心就係一般,用豉油而無油,怪三十三蚊,唔係好難食,但係唔夠食

以為出名會好味成廿幾蚊一碗[[[[雲吞米點知一食好失望冇下次呀服務態度又唔好喎

近來吃得實在很瘋，竟然遺漏了食評沒發出來，實在是罪過罪過~ 在上星期五加班後在旺角跟女友會合，想了一會決定到好旺角"醫肚"。這粥麵店在旺角有一定的歷史，除了雲吞、水餃地道外，這裡的炸醬和粥底也做得很好。不過當我坐下來時胃口突然變差了，只點了一個淨雲吞，女友要了個炸醬撈粗(麵)。雖然味道仍然地道，但是蝦的比例佔多了，在商言商，始終也得配合大部份食客的口味才能繼續經營下去，這也是無可奈何。這店標榜採用傳統方法烹調南京炸醬，何為傳統味道我倆真的不太清楚，但是炸醬味濃，肉絲入味是不爭的事實，跟粗麵混合一起絕比用上幼麵的美味得多。順帶一提，這店的南乳豬手都煮得非常入味和淋，豬手愛好者不要錯過啊~

獨自一人來吃,有點寂寞衫又買唔到,結果今次出街唯一目的變成食,選擇係食粥,清清腸胃都係一件好事皮旦豬腰粥係我今次既選擇,另外再加多碟豉油芥蘭,坦白講,味道算ok,有好的有不好的!好的是個粥煲得幾香,粥底靚,自己已經加分,不好的是皮旦比較靭,而且味道唔太夠,但可能是煲得太耐吧豉油芥蘭芥蘭好嫩,好食,但食到尾可能豉油放多了,感覺好咸,豬腰份量多,而且煮得美味整體來說,ok!

今天是專誠跑到旺角試試這家巳開了三十多年老店的炸醬麵。炸醬麵源自西安, 傳說是清朝光绪年間，八國聯軍入侵中華，打到北京後，使清宫慈禧太后，光绪皇帝等隨從，從北京逃西安城内南大街，在飢渴交加時嚐到的, 因實在太好吃, 太后吩咐總管李蓮英把做炸醬麵的人帶回北京，帶到宫裏做炸醬麵, 從此後素炸醬麵在北京落户。道地北京的炸醬麵有雞蛋、葱花、大蒜、半肥瘦肉末、黄瓜絲和煮過的綠豆芽。關鍵和精華就是黃醬, 它絕對是炸醬麵靈魂之所在！好旺角標榜自己做的是正宗炸醬麵。我想正確一點是- 正宗廣東炸醬麵。普通廣東炸醬麵的炸醬甜不甜、酸不酸，油膩得緊。這裏的是改良版。用的是甜黃醬，比較像北方味道。伴麵的清湯應該是用大地魚再加上少許比目魚粉燉出來的，比一般的廣東雲吞麵湯甜。麵完全沒有鹼水味，值得一讚。與一般廣東式的炸醬麵相比, 好旺角的炸醬麵不油不膩, 清新可人。唯一不足之處是甜了一點。每次到北京我都吃一、兩頓道地的炸醬麵。據說最好的醬是北京六必居的干黃醬。下次到北京時必定買點回來, 看看可否做出比好旺角更道地、更美味的炸醬麵.......