好旺角麵家 (已搬遷) 新店位置

夠竟金融海嘯威力有幾大？以下情況，可見一班。中午路經旺角沿通菜街一路行，成條街都係食肆，真係多到數唔晒，但係滿座嘅幾乎無，有D更惨情全店都只得幾檯客，間間鋪派人響門口招徠都無用，根本無乜人行過，睇嚟唔使幾耐好多都會做唔住。但係又唔使咁悲觀，好嘢始終有人欣賞，好似呢度真係一位難求，好彩一個人左攝右攝終於揾到個位，未坐定阿姐已經問你食乜，諗都無諗就叫咗炸醬麵($22)。D炸醬好深色同一般好唔同，但係好好味，甜中帶少少辣，好正。麵質爽口彈牙又無鹼水味，而碗湯好香大地魚味，雖然咸咗D但都飲晒。見呢度咁好生意仲以為個市好好景。

女朋友牙痛, 要食面-------------------------------------------------------------------------叫左牛腩面同雲吞粗D牛腩0岩0岩好, 唔太硬又唔太諗, 無筋, 腩肉好似肉絲咁, 一條一條咁絲落0黎, 好好食, 試左雲吞, 比想像中差WO, 太細粒, 蝦同肉比例唔係咁得, 可以一試. 至於面底, 粗同幼都幾好食, 湯就普普通通, 都幾頸渴0架. ----------------------------------------------------------------------總結, 可以一食今日245 天

兩個人又選擇困難。忍唔住 行行下就事但黎呢間吧。第一次黎覺得好似cwb某間麵鋪傳統呀嗎叫左個好似幾招牌既炸醬撈同及弟粥麵份量好少 炸醬過甜*唔覺碟同碗既份量有分別粥就唔錯 料多 新鮮幾棉但沒有下次再黎既理由。係自己懶有要求還是不合口味?

(⊙⊙?)點解咁多油黐住喺上面嘅呢？！？！好得人驚！不過匙更就冇事！今日同女朋友去旺角，專登去好旺角吃嘅！見到隔離有 樂園， 心入面諗，都系試下好旺角喇！於是就入去喇！叫咗凈雲吞、牛丸湯麵南乳豬手湯麵凈雲吞D蝦好大粒，味道還算可以！牛丸湯麵，牛丸喺灰色的，比較奇怪，食落去有小販檔煮牛丸嘅味道！南乳豬手湯麵，豬手紅紅地，切得好大舊，食唔到，得兩舊，喺屋企媽媽可以煮得出嘅味道！至於面，就唔系好彈牙喇！價錢都唔系平囖！出黎之後又見到樂園，唉·····後悔冇去！

嚟好旺角,當然要食雲吞麵,雖然唔大碗,但係麵都唔會好重皂水味,當然雲吞有五粒,皮簿蝦大粒,很有典型雲吞味道.另外睇完電視話菜心係最有抗氧化功能,就叫咗碟菜心嚟食,呢到啲菜心都算ok.中午時段,濟得水洩不通,敬請各食客,兩位盡量坐埋一邊,正所謂{人人為我,我為人人}.

今日放工後突然好想一個人返屋企啤一啤.....一心就即刻諗到去好旺角買個白灼腰膶送啤酒。其實買完之後返到屋企....沖埋涼，攪呢攪路都成大半個鐘之後先開動，依然美味非常.....腰膶兩者生熟度十分之適中，爽口到不得之了，再加上大量蔥絲同美味醬油......真係好好味............都算滿足，不過小女子始終覺得銅鑼灣利苑先係the best of the world....!!好旺角係排第二........都係非常好!

好旺角麵家,舊舊的老麵店,價錢都唔平.環境細細,倒水既筒仲放左係大Monkey身邊,想轉枱又等唔到...第一次去,試左最出名既牛腩炸醬麵,雲呑麵同肉丸粥.埋單差唔多一百蚊.一上枱發覺所有野都好細碟,炸醬麵叫左加大,先得一人份量..炸醬味道似少少辣既义燒醬,肉絲都幾多,牛腩亦幾諗同香滑.可惜份量少左d,加大$38先夠一個人食.麵無鹼水味,但唔算彈牙.肉丸粥,新鮮既手打肉丸加蝦.粥幾綿,不過唔夠杰.肉丸都幾彈牙,但咸左少少..配埋無味既白粥,都ok~雲吞麵,餡全部都係蝦.有四五隻.但較咸同有d油..整體黎講,食物味道唔錯,但價錢偏貴,環境亦唔多好..

我其實係旺中返工, 所以日日都可以過對面馬路食到 "好旺角"不過當然唔係日日都食啦!! 因為佢其實都幾貴~但係每次去, 我都一定食 "牛筋河", 仲要多 "九王"哇!! 好食到飛起!! 因為佢d湯其實係濃濃既牛腩汁, 真係非常好味~~同埋佢既 "蝦子撈粗" 都好正!個湯都好好味~~

到好旺角吃夜宵，亦已多年沒來了．嚐了牛腩炸醬撈麵，炸醬出名美味，吃到也是不錯，不過肉就瘦了點，雖不是最好，也值得一嘗；牛腩就不俗，有口感又幾淋，而且味又濃．麵方面就感覺一般，雖有彈牙之感，但未是我首選，湯底也是一般．朋友就告知水餃料也夠，也是可以一試！舊舊的老麵店，麵香味也十足，然而麵的比較，真是各有各不同．

下午吃得太多，有點飽滯，所以晚上來了好旺角吃粥.要了一碗皮蛋豬肉丸粥. 粥很綿但不會過 "杰" ，皮蛋夠多，肉丸也有五六粒 (不是很大粒，肉丸外層有點點雪藏味，但肉丸竟內藏蝦米). 整體而言是相當好了.男友的牛筋腩麪也很好吃. 他只吃腩不吃筋，我只吃筋不吃腩 (我覺得d腩好硬好 "鞋"呀),各取所需. 牛筋腩的味道很濃，牛筋質感很好，不會硬得咬不開，也不會軟得像綿花，相當不錯.

今日去叫咗個炸醬粗麵,麵質旦牙無梘水味,炸醬都係咁好味,古法濃郁嘅麵醬豬肉,足料嘅大地魚蝦殼清湯.只此一間.冇得頂!

早兩日去開旺角，又忍唔住付三十多元食蝦子撈麵。這裡的蝦子撈麵真是好吃得無話可說，麵是爽口彈牙，湯是正宗淳厚，最重要是蝦子再加上平平無奇的豉油熟油，竟香氣撲鼻，成為這個麵的靈魂，我夠膽講這裡的蝦子撈麵比深水埗的更好吃(但如果你是想吃蝦子的話，那去深水埗好了，那裡的實在多得很過份)

周五晚去十大進修, 一心諗住去樂園食個牛丸麵, 但又見好耐無試好旺角呢類舊式粥麵店, 即管一試. 原來係自己有眼不識泰山...店入便都寫明最出名係炸醬麵, 周圍亦見個個都食緊, 麵檔處玻璃柜仲有一盤二十幾小碟炸醬擺定左係度, 心諗應該係呢樣. 但係見對面個阿叔啜豬手啜得咁開心, 加之隔離枱又有兩位阿姐咬緊豬手. 心念一轉, 隨口就up豬手麵一碗.店仔細細, 坐到爆哂. 人多真係要等一陣. 十分鐘度, 肥阿姐終於送貨. 先試口湯, 味道好平實, 但唔覺係師傅出品. 麵無鹼水味, 唔算彈牙. 呢兩樣絕對唔會值廿二蚊碗. 咬啖豬手先知道不得了, 呢度既豬手唔會瘦到豬仔腳咁, 得層皮, 皮下有少少一層脂肪, 所以D皮食落覺得淋淋地. 但好食唔止在於淋, 更重要夠膠. 肥既豬手好肉又易淋, 但係無乜膠質. 豬手夠膠基本上唔便有咩肉, 食到啜埋骨頭就好過癮. 炆得夠既豬手連骨頭都好軟, 夠牙力就咬碎埋D骨去吸髓中精華. 好旺角既確係正貨. 廿二蚊三件正斗既豬手, 抵到無野講. 想買服務同地方, 可以去隔離香港仔/樂園, 但係佢地既豬手都唔合格.

知道"好旺角"麵店在旺角歷史悠久,但日前再去,望住收銀處的牌坊,原來早在1971年已經在旺角,屈指一算,也有三十七年歷史.想起京都炸醬麵,又來好旺角,胃口不大的下午,要一小碗剛好.炸醬,湯,麵三者另上.想點吃就點吃.炸醬顏色如黑色午夜,深不見底.味道濃厚帶點甜,亦有點點辣.個人認為那些腩汁,豬油等稀汁,用來伴幼麵為佳,如果好像炸醬的又濃又杰的,當然要配上味力強,質感亦要較實在的粗麵.事後嗒一口濃且清鮮的大地魚湯底.對這間旺角老字號,不及蓮香樓愛多八十年,也愛多起碼四十年.

得閒就會上OR睇下有咩食, 幾次睇到有人介紹呢間好字號既炸醬麵, 是日特登拉埋老公黎一試傳說中的好好味的炸醬麵~先係門口確認店舖, 一般的粥麵門面, 入到去搵張枱坐底, 祇覺得地下黏黏地又唔干, 枱面有一陣油光, 無所謂, 我注重的是佢的食物~即刻叫了一碟炸醬麵及一碗雲吞麵, 二樣食物不用等太耐即刻上枱, 講真, 望一望碟炸醬麵有的失望, 麵份量不多, 女仔就差唔多, 但好似我老公食就會覺得太少, 炸醬又太少, 有的麵都撈唔到汁, 食落好淡味, 我真懷疑這就是大家所講的好好味既炸醬麵? 抑或是我要求太高?