好旺角麵家 (已搬遷) 新店位置

上星期一同男友去旺角行街,所以去左朋友介紹話OK既好旺角,我叫左牛腩撈面,我男友叫左生菜(靚)魚球面,一碟介蘭.牛腩撈都OK,正常. 我男友个面D生菜得生菜絲..重要得幾條,最離譜係D面,1啖可以食得晒,湯底冇味,唔好食,又唔飽,重收$26,好食呀貴D都抵呀...一定冇下次...

多年前誤打誤撞在這裡吃了一碗炸醬面,感覺驚為天人,同平日吃慣的肉醉怪味醬完全不同,作為一個小朋友,這種驚為天人的感覺一直收藏心底,多年來不知何故過門而不入...長大了的今日,突然興起到這裡來,炸醬面的味道與小時記憶裡的都一模一樣...附上的湯深色得很,是少見的,大地魚味濃,又是兒時的感覺,在這裡,食物可以帶我回到小時候,下次試試雲吞面,看能否再帶我穿越時空

又無聽收音機都唔知打風, 約左人3時取件早d出去旺角行吓街食個飯先...行行吓見到有粥食..又去食碗粥先...一入去見到menu都覺得貴吓..普通一碗粥都要20多元...叫左我至愛皮蛋瘦肉粥($21)...都幾多料應該都有半隻皮蛋..不過食後就知唔多值啦...好多味精呀..仲要一食完就話掛8號風球...即係唔係取文件...激死白走

琴日星期六同Gor Gor 約左0的朋友燒野食~ 先去旺仔醫下肚先~ 正值放工後, 旺角人特別多, Gor Gor 提議帶我0黎呢度食豬手麵, 一入到舖, 人好多, 位與位之間好窄~ 見佢咁落力推介所以叫左豬手撈, 佢就要左皮旦牛粥豬手有三大舊, 好入味, 麵亦無鹼水味, 真係唔錯, 索價$27 感覺也可以吧~ 見Gor Gor 大啖大啖咁食佢碗粥, 應該都唔差~見同枱0的人都食雲吞, 下次都要試下, 不過正如其他人講, 佢地份量唔大, 價錢比其他地方貴, 不過如果好味0既話, 比多少少亦覺得問題不大0既~

上星期六攞咗假，起身都十一點咁滯，見早早哋同Jo去幫襯好耐冇去過嘅好旺角，因為平時乜時間行過都係咁多人。老實講我諗好多人都係貪佢冇裝修過，如果裝修咗可能仲冇咁多人嚟食，最後落得同危湛記同一下場…食咗一碗出名炸醬麵，一碗蠔豉瘦肉粥同一碗淨雲吞。個炸醬個人覺得過甜，不過啲麵好正。粥普通，雲吞細細隻，餡料比例均勻，好食過大埔平記九十幾條街。不過其實價錢都幾貴，碗粥都要廿七蚊，喺茶餐廳成個餐都食到。

我5 月1 號下晝喺依間無良食肆食完一碗雲吞麵...先講食物嘅質素先...個湯底~~~莫講話鹼水味...直情係乜味都無咁嘅...啲麵~~~好( 林)...一啲都唔似一般雲吞麵果種麵嘅口感嘅...似公仔麵多啲...講到雲吞~~~就仲離譜...有兩、三粒裡面係未熟得晒嘅...卒之...我就係『品賞』完依碗雲吞麵之後...肚疴咗兩日...各位朋友...當然您未必會信我講嘅嘢...但如果您係都要去依間無良食肆嘅話...我提醒大家...食定止疴藥先去...穩陣啲...

宵夜常客，以為日光之下無新事，只求一飽，來碟豉油王撈麵加蝦籽。拋拋麵餅，一開就是三分，三分分量是否平均姑且不理，單是一拋一鬆，長筷子輕撥下分開一撈、兩湯已令人注目。四大撈麵，大概只有豉油王撈麵會在淋油後「上色」，忽發奇想，坊間一般撈麵若有「上色」的話，餐牌上豈非見不著豉油撈的足跡？店家自稱的竹昇麵，麵質較粗獷，幸好夠濕夠熱，油香十足。熱力下豬油混以豉油愈吃愈香，滿嘴是油，少有的清碟，今日方知自己原來也吃得膩的。喝啖大地魚湯，味道依舊的鮮而霸道，又是稱心滿足的簡餐。check1：麵煮好，上碟後再加豬油，熱著吃，油香更勝蔡瀾、佳記撈麵。check2：懷疑竹昇麵麵身較一般幼麵粗糙而厚，故熱度持續性較強，油香散失率相對地慢。check3：小店時有見報，瞄瞄四璧，卻看不到半張宣傳報導，真有意思。

買了炸醬麵和雲舌麵外賣...奇怪係,伙計會問:要唔要湯?我答:梗要啦!..可能以為我買撈麵..打開碗麵食..嘩!得三份一碗..好少..倒埋湯落去..三份二!不過或者真係少食多滋味啦!都好食,但..肚仔餓就唔好買一碗俾自己!

22/4家姐話呢間野幾好食,行到累一於去食.首先服務真係唔好有期望,但都唔好差到係掉落街俾人食咁,真係好鬼死激氣.服務有負分我都一定俾囉!仲有衛生真係老鋪果種差,仲要杯水有飛蚊,點飲呀!三個人點了炸醬麵.我就覺得麻麻柱候牛腩麵:牛腩無渣,麵又唔差.都不錯海鮮艇仔粥:雖然粥底唔算好綿,但用了蠔士去煲,所以都幾香.枓又粥,不錯3個人食了59元

估唔到今次會係咁...食完Mos後唔多夠飽，想食番碗麵。對呢度有D信心，唔嚟呢度去邊度?今次唔食招牌炸醬麵，轉食豉油皇撈粗...一咲鹼味，點食呢?仲有一pat豉油响碟底，証明撈得唔勻...D豉油仲一D味都冇，乜嚟gar ?越食越掹...希望老鋪只係偶然失準la..都係第一次覺得用豬油撈嘅麵而又覺得唔掂...

很多年無去好旺角吃麵了. 一個人的晚餐, 原本心想吃上海麵, 但跟食友研究後, 也同意先達附近又好像沒有特別出色的上海麵食, 最後還是不自覺地跟了食友的建議, 去好旺角吃廣東麵.先來個牛腩麵, 另外因為當晚亦解決了拖了一段時間的事情, 特別來多一個淨雲吞來慶祝. (藉口吧...說穿了只是貪吃)柱候湯汁夠濃厚, 喝出不輕不重的陳皮香, 薑及其它香料帶出的微辛, 牛腩有瘦有肥, 煮得入味亦夠酥軟, 並沒有坊間一般柱候牛腩咬不開的問題, 雖未至於入口即化那樣誇張, 但已是相當不錯的水準. 不過可能是因為湯汁頗濃厚的關係, 麵條算不上很彈牙爽口, 但吃不出鹼水味, 我已收貨.雲吞一碗有八粒, 全是一口大小及有少少散尾的, 賣相對辦, 但吃下去味道就不甚突出, 個人而言還是喜歡大光燈的雲吞多一點. 兩者皆賣十九, 以地區計, 並不算貴. 當街頭巷尾都改賣清湯腩的時候, 吃一碗好味的柱候牛腩, 感覺彷似回家. 不信? 自己試試.

呢度一定會叫碗炸醬麵. 一個炸醬麵有3個碗: 一個碗係粗麵, 伙計話粗麵係傳統同埋好食d. 粗幼我都試過, 的確係粗麵好d wo! 口感重d, 餐牌寫係竹昇麵, 係唔係就唔知, 但幾彈牙. 一個碗, 其實係碟先, 大過豉油碟炸醬, 帶深紅色炸醬, 加埋d肉絲, 味道甜甜地, 似甜醬但又有d南乳味, 一d都唔辣. 我通常都係一次過將成碟炸醬撈晒落碗麵度, 夾埋味道好, 唔會太甜, 好正ga! 最後碗仔係湯底, 未試過, 因為碗麵有炸醬唔會覺得乾, 同埋怕d湯會沖淡d炸醬味其實一碗炸醬麵, 唔算大碗, 唔多夠飽. 可以再叫d粥食, 呢度d粥都唔錯ga, 幾綿幾靚.

去買跑鞋，五時許有點餓，鑽了進來吃碟撈麵。這裡還是老樣子，左麵檔右粥檔的，加上牆上手寫的餐牌，其實這個樣子的老舖也真的買少見少~尤其開在這個當街當巷又人來人往的靚舖位而言。試想想，將這裡租給CSL或豐澤，可以收番幾多租？牆上的「四大撈麵」，仍是「炸醬撈麵」、「薑蔥撈麵」、「蠔油撈麵」及「醬油撈麵」，想也不想，就叫了「四大撈麵」之首的「京都炸醬麵」，扣底。炸醬和麵是分開捧客的，上湯又是另一碗。這裡的炸醬是廣東炸醬，下了肉絲，吃落帶甜味，一點辣味也沒有的，亦不算油膩。只是豆瓣醬加海鮮醬的這個版本，我也喜歡，總好過坊間遇到一些有色無味的炸醬；麵聲稱是竹壓的，如果單叫淨麵，是特別比淨米粉式淨河粉貴幾多的。麵身爽口彈牙，用少許熟油撈過，沒有多大的鹼水味，比永華的鹼水麵好多了，起碼吃完不會令胃部受罪。埋單26蚊，吃得滿足又不過飽，時間又剛好，再赴下局。

經過呢度。心諗有一排冇嚟，肚仔又有D餓，就入嚟...今次唔叫炸醬，食碗粥，清清哋...粥底普通，唔算好綿...肉絲反而醃得相當入味，係真正鹹瘦肉絲，味入晒D粥度，好...蠔豉有點兒大而無當，仲有些少澀味。跟大埔陳漢記相去甚遠...下次都係食番炸醬la...

在香港仔魚蛋粉隔離ｏ既好旺角粥麵專家創立於是１９７１年，佢馳名既京都炸醬麵更加係無咩人ｏ吾知．．．ｗｅｌｌ，但我偏偏ｏ吾知．．．今日一於ｏ黎試ｏ下！我要碟ｏ既，同埋配粗麵碟麵比我想像中細　（我想碗ｏ既份量會ｏ岩小朋友食），但撈埋ｄ醬食落又夠飽喎麵條係ｈｏｍｅｍａｄｅ　ｏ既全蛋麵，偏向乾身．．．炸醬重南乳味，十分香甜，重有微微既辣　（對ｏ吾住，ｏ吾知當中ｏ既係咩肉）