好旺角麵家 (已搬遷) 新店位置

好耐好耐無幫襯,舊地重遊次次來都係點豬潤粥粥依然好味,豬潤不老,粥底亦算綿當晚所見,好多人點撈麵下次要試下

今日返下午兩點,又是星期三,所以特登黎好旺角食佢Ke 灼魚皮,因為好耐都無食.而每次食完都好回味.今次食其實細碟左,但個水準都能保持住,好爽又入味,而且其他地方好難食到架,真係值得推介.提提大家,灼魚皮只在星期三及星期日才供應,賣晒就冇架LA.

上次幫襯，吃了炸醬麵和豬腰粥。那豬腰粥，一試難忘。嫩滑的豬腰，一點「壓」味也没有，正。今次再去，再要了豬腰粥。但吃到最後兩舊，卻有點點異味，有點失望。但吃了朋友仔碗內的豬潤，正的感覺又回來了，豬潤切得很厚，但吃下去卻一點也不老，中間部份還有些微的粉紅色~~~粥底很香，是因為那些燒豬油吧，我也不知道，只見碗內有一層黃色的油浮著~~~在旺角，這是一間不錯的選擇

在旺角這個日日鮮的地方內,茶記上樓Cafe星羅其怖,反觀老字號麵店,已經近乎殆沒,好旺角,應該係碩果僅存的一間吧.年前也經常光顧,最愛其鯇魚片麵,灼得岩岩好,魚片過老會爛.灼後仍然保持其質感.可惜現今無食店敢賣生鯇魚片,否則來個生魚片撈麵,落薑荵豉油去撈.肯定正到極點.除魚片麵外,粥品亦是其主打,蠔豉粥係另一樣招牌貨.日前約銀行界靚女朋友在旺角午膳,友人未有耐放,路過好旺角,入去叫碗粥,"Dum"下波鐘.蠔豉當然要整碎,才能入味,否則兩者水溝油,各自為政.好旺角的蠔豉粥,粥底加上瑤柱去煲,更加清甜,蠔豉的香味,完全滲入粥底內.很有水準.見到大多食客,也點牛腩河,呢味未試過,下次路過再試埋.

第一次黎食, 與朋友叫左蝦子撈麵,雲吞麵同牛腩河share. 蝦子撈麵鋪滿蝦子,幾香蝦味, 唔錯. 雲吞幾鮮味, 不過d 蝦唔夠爽口, 唔算好特別. 牛腩河就好正, 個湯有好濃既牛肉味,加埋d滑滑而且有河粉味既河粉(唔係道道既河粉都有河粉味架!),一流! 牛腩又"淋"又入味,食到津津有味.份量偏少, 不過在旺角用呢個價錢食牛腩河同雲吞麵, 都算係咁口羅!

相約朋友行夜街, 當然就順帶食埋晚餐, 心裡頭想飲水餃好耐, 一直冇機會, 本來今晚決定非食不可。但係誤打誤撞先係俾我發現呢度標榜手打竹昇麵, 後再發現有蝦子撈麵, 冇理由唔試, 最後水餃都係要等下一餐。蝦子撈麵份量唔多, 小妹細食, 所以已經好足夠。一試, 味道唔錯, 蝦子幾香, 麵好爽口彈牙, 而且冇咩鹼水味, 加左少少醋, 更加開胃。朋友點左炸醬雲吞撈麵, 炸醬幾有肉o既鮮味, 但唔夠辣; 雲吞正常size, 朋友咬開, 見到係原隻蝦仔, 不過朋友話一般新鮮, 冇試到不得而知, 麵係粗麵, 我果碟撈左一條粗麵, 食埋, 同樣爽口彈牙。阿姐都幾識做, 埋黎問左幾次食咩都未落到單, 冇黑面冇唔耐煩, 而且等左一陣見我地冇反應識自己走開, 唔會係咁煩你。蝦子撈麵$27, 炸醬雲吞撈麵$32, 就份量黎睇唔抵, 但係計埋水準又唔太貴, 而且呢度始終係旺鋪, 唔貴d又點交租呢?!

次次經過都好多人, 宵夜時份終於有機會試下.d豬粥,正, 又爽又滑, 必食!麵爽口彈牙!!

由細食到大~成日出親MK都心思思想食架~面我淨係食呢一間~因為真係冇鹼水味!!~簡簡單單薑蔥撈面已經好正!!另外佢既豬手/炸醬都值得一試架~份量女仔黎講就岩岩好~男仔黎食可以嗌個生水滾粥SHARE~鯪魚球都好味!!其實以咁既QUALITY~我覺得都算抵~同$10邊有得比!!~

入去叫左個牛腩雲水餃麵，麵一o黎，我就試試過湯先…無乜味精，有大地魚、蝦殼味…好腩係炆腩，夠林、都好入味，水餃材料都好新鮮，夠彈牙！麵身爽口彈牙之餘仲要無鹼水味…總括o黎講味道算是一流水準！不過略嫌份量不夠…

(20/5/06)間野都幾多人,舊式食店當然係dirty。唔理喇,野食好味咪得o羅。炸醬粗麵,特色就係炸醬一小碟分開上,同埋味道有面鼓/南乳醬味,辣辣o地,好正!完全唔同平時食的味道。可惜肉絲拉油過火,變左柴枝。男友吃,蠔鼓鯪魚球粥,粥好綿,食完無十分"確"喉。蠔鼓大大的切粒,好出色,唯獨鯪魚球太"林"。

今日出完field，夠哂體力勞動，但就只係食咗兩個Little Mermaid嘅麵包，梗係唔夠喉la，於是決定去呢度食碗炸醬麵。諗起都有好耐無嚟呢度食麵嘞，之前睇飲食男女介紹呢間老鋪，睇到流口水，於是返嚟試吓...乜都唔使諗，淨係叫碗炸醬粗麵。一如以往炸醬係另碟上，麵算係大size，一嗅之下，嗅到有少許豬油味，感覺已經唔錯。先喝一口湯，普普通通；再食一啖麵，沒有很重鹼味，可惜淥得太淰，無晒口感；跟着成碟炸醬倒落去撈勻，炸醬依舊好甜，落咗頗多海鮮醬，若果就咁食就太甜，但撈埋落D麵到食就不錯。老鋪屹立幾十年，梗有原因嘅...

上月睇完雜誌介紹這麵店,已想來試,但一直未有機會.星期二剛好姐姐們過來旺角,放工後就同她們到來.六時半不算是晚飯時間,但有七八成滿,都幾犀利.蝦子麵----其實是第一次食,都不知算不算好.但本人覺得蝦子不算多,味道咸咸地,幾香口的.麵就幾出色,不淋有咬口,是不錯的.炸醬麵(大)---其實又唔太大碟,炸醬有很香的海鮮醬味,比平時食的不一樣.辣辣地.好味.但不算平.牛腩撈麵---覺得最抵食的一味,很多舊牛腩,顏色深深.相當吸引.不太韌.可以的每個麵都附送蝦子上湯,蝦子味濃,幾香,但偏咸了些小總括:味道幾特別.粥品聽說幾出色.都會試試.但是舊式服務,沒甚禮貌可言.是要忍受一下.

又係睇到"飲x食x"ge介紹先去,食評如下:炸醬麵- 好味,真係好多人食,但係辣咗啲(細就預咗喇).淨雲吞- 我本人就唔係好食有豬肉ge雲吞,但見雜誌推介就試吓.好食,但唔似出面其他雲吞面鋪勁多豬肉.蠔油撈麵- 好貴,但好普通(係男朋友要試).

呢間麵家大大話都幫襯左十多年, 水準都係依舊, 通常隔一, 兩個星期都會黎幫襯, 次次都係我食云吞麵, 老婆食炸醬麵, 再加碗粥, 今次一於試下佢d 蝦子撈麵, 阿伙計放低碟蝦子撈麵黎, 有一陣蝦子香味, 但d 麵好似滾耐左少少, 有d 淋, 但我最鍾意佢d 麵冇一大陣"皂" 味! 同埋佢d 上湯真係好味, 老實講我好少會係出面d 粥麵店飲哂成碗上湯!呢間野地方就真係唔多整潔, 不過都算可接受, 同埋通常我都唔會係繁忙時間黎, 否則真係又要等位, d 阿哥阿姐伙計都冇乜招呼你!不過呢間野有樣野可能大家冇乜留意, 可能一d 熟客仔先知, 就係d 油菜冇蠔油, 另加要俾一元, 以前係餐牌上寫住"蠔油一碟, 一元", 而家餐牌上又冇寫到!

其實呢道環境又差, 野食又貴又細碟, 而且服務態度又差, 但係眼見佢隔離d舖頭轉左好多手, 佢依然咁多年, 相信佢既食物係有一定既水準。我都好耐無幫襯啦, 之前每次都係食主打炸醬撈粗麵, 今次試左個水餃撈粗麵加碟油菜；粗麵仍然彈牙但水餃好普通, 而油菜得兩種選擇(菜心&芥蘭), 今次叫菜心, 佢係用上湯煮熟, 好淋好好味。P.S. 坐落發覺好多人叫豬手撈麵, 唔知係唔係好好味呢, 下次要試下…