好旺角麵家 (已搬遷) 新店位置

唔係睇"飲食男X",都唔為意喱度有間雲吞麵鋪.星期六雁晝,大排長龍.就叫雲吞麵,雲吞有五粒,細細粒,材料為豬肉同蝦肉,但應缺小大地魚成份,味鮮,一口一粒,爽快.自家打麵條頗爽口,冇水味.湯底頗油膩,因為加左豬油成分,令其更香口,注重健康者不宜多吃.服務欠佳,繁忙時間簡直打仗咁.

10feb06收工已是2am，落旺角吃個宵夜醫醫肚。旺角愈夜愈精彩，西洋菜街MK人嘻笑聲不絕；凌晨時分，雖有食肆，但選擇不多，見舖仔細細，人客不絕，二話不說，坐在角落吃個飽再諗聽日的事。雖說有生滾粥，但吃粥的話還是留到妹記好了，就要個蝦籽麵，麵份量夠大，算唔上爽口，尤幸非韌而鹼水味非重，蝦籽份量足，食落鹹味重，卻嫌不夠香，但25蚊貨仔，加上已是2am，作為宵夜，已是交足功課！

本來對這間食店已經領教過，好感不多，因其地方不潔，服務欠佳．不過舍妹極力推薦,一再要求之下,卒之又去了,一入門口,只見情況依舊,紙巾與垃圾滿地,枱面肥膩,奉上兩杯污水，連掂也無胆掂，不要說飲落肚．叫了兩碗水餃麵，一碟芥蘭全走．水餃淥過熟，或放了太久，皮都爆開，部份料子都走了出來，食落虾是霉的，竹筍絲有酸宿味，甚差．芥蘭稍好，不過份量太少．因為地方實在太差，未吃完便匆匆埋單走人．

我好鍾意0係度食生滾粥，因為實在太好味﹗試過艇仔粥，好足料，而家食得出用料好新鮮，如果唔係啖粥唔會咁鮮味。而家最鍾意食0既就係牛肉魚片粥，0的魚片鮮甜到不得了，試過食完一晚食兩碗。個粥底好棉，比起中環羅富記、灣仔李景都要好。0的麵都唔錯，但係腩汁麻麻，油菜就唔係咁靚喇。

由於去到車品品未開,又仲未係時候取翡翠螺,就想起離lee 到試0下d粥啦!叫了豬潤魚腩粥,先試下個粥底,係幾綿,d味精味都無mud 0野,咬開舊豬潤,滾得剛熟,好滑好爽,不過就無mud 豬潤味,再試件魚腩都係滾得剛剛好,而且都幾新鮮,可惜都係無mud魚味!但唔知關唔關無左孔雀石碌事呢，因為我而家買返屋企果ｄ鯇魚，質感同食味都同以前有ｄ分別，下次再試第二間粥店，先比答案大家！

這間店巳吃了多年,水準不变,雲吞麵比佐敦麥文記更好,牛腩河也是夠晒味道,豬潤豬腰粥也是必吃,其他粥品也極佳,在旺角區屬有水準之食店.

佢地既生滾粥煮得好味和好綿, 尤其係腰膶, 魚腩和牛肉片, 但係太細碗啦, 好似唔夠喉咁!! @_@雲吞湯麵和牛根腩撈麵都好食, 但係有時d撈麵落多左豬油...有陣豬油味=( , 呢間粥麵店經常都好多人, 而且d位唔係好寬, 但係佢地開到好夜的, 不愁深夜無好粥麵食!!

如果講食粥，朋友總會推介妹記，但時間太早，對於我呢類夜遊人揀直是一大損失。幸好現在有好旺角，可以作為補償。我試過這裡的狀元及第粥和炸醬麵。粥底可說是我在旺角夜遊生活中最好的了，粥煮得很綿而且味精不是太重。至少我仍可以見到有米在粥上，而且食完唔口乾。加上老師傅對生滾粥的熟練煮法。豬潤爽到簡直唔停得口。與平日食開o既海景漿糊粥相比，乜野叫做粥，立見高下啦！至於炸醬麵，平時很少食開，點至為正宗，其實真係見人見志。有些鋪頭的炸醬就好似肉醬意粉果種肉醬，有些就只係酸甜醬，這裡的炸醬就像樓下某位食家咁講，係有幾種味，先是海鮮甜醬味，再來酸，然後辣，配合條肉絲，加上非常彈牙o既闊麵，嘩，正到喔！可惜份量實在少了點，價錢又貴了點...如果要挑剔，我諗會是時間同清潔問題，雖然鋪面寫住到凌晨三點收工，但次次兩點半去到就已經唔做生意，而且可能是老鋪關係，都幾污糟，不過可以用咁o既格局生存在每日都急劇變化中o既旺角，其實真係異數。

腩汁好味，有別於出面食開個d好好味麵都ok不過d腩肉過瘦但都唔錯

唱完K後本來諗去屋企o個邊間黃明記食野cuz唔想洗野突然想起旺角有間'好旺角', 去食過雲吞noodle, ,覺得不錯, 去食個炸醬麵加一碟油菜, 炸醬有唔同層次o既味道,先有辣, 後有酸, 再有甜, 內的肉無肥肉香味不足, noodles 比上我去食細蓉好, 真正的彈牙. 油菜不錯, 我叫芥lan, 煮老左少少但d豉油是不錯,不是只有saltiness,有小小香, 冇咩甜, 不太好, 但是比很多其他好好多雖然醬有層次但炸醬甜得過了火, 實不太好而且可能有味精令我要飲多少水....下次試下牛筋撈

兩個人去食, 叫左一碟豬手麵, 一碗炸醬麵, 淨雲吞, 豬手麵豬手三大件都幾好味, 炸醬麵d炸醬凍冰冰,得甜醬味, 麻麻地, 雲吞細細粒,一啖一個都ok, 講完食物就要講下有個綁馬尾胖胖既阿姐,當我地落完單見有枱卡位走,而當時又無人等位, 咁就同個阿姐講話轉過去, 個阿姐勁無禮貌咁話轉啦轉啦,轉飽佢啦! 真係打個突,咁既態度都有既, 態度勁惡劣。但其他d伙計都ok架wor, 得o個個阿姐唔掂, 個ok係比d野食, 個阿姐俾個負分佢!

yesterday經過好旺角, 好想食碗細蓉, 眼見這麵家十分古老的樣子, 入去食碗吧碗麵來到之後一見, 與一般湯大有不同, 但冇匙冇去試, 可惜. 麵很有彈性, 但好像有多少too hard...如果食細蓉不得不談雲吞, 雲吞有多少驚喜, 老法一隻蝦同豬肉, 但雲吞有一絲絲的東西不知是什麼應該是其中smell的因數, 也smell到smokiness, 應該係蝦子末conclusion, 雲吞,湯有驚喜但是仲未最好如果大家有古老雲吞麵家而且好的話請說出來!p.s 我會下一次試下京都炸醬麵十分好奇, 牛筋雲吞撈都要試=)$18碗expensive or not就睇自己啦=)對我來說, the quality 唔worth $18

水餃麵($18): d 味好淡, 一食毫無驚喜.介蘭($11): 我覺得貴左d, d菜6得太淋, 而且有苦味!!我唸都係唔會再去食lu ~

唔知點解佢o地o的粥好似越做越縮水，但豬就出晒血水，食落都好驚，粥底雖綿滑，卻總覺得稍，欠了一點實在感。

26/05/2005 21:30今日諗住去旺角買電話，點知行黎行去都買唔到，一係賣緊炒價一係就冇貨，攪完一輪都係得個吉，唔理咁多一於走人去醫肚。記得有間好旺角o既炸醬麵標榜"正宗"，一於去試試佢。呢間麵舖經過就多，幫趁都係第一次。格局係完完全全一間老麵店，門口一邊淥麵一邊滾粥，伙記個個都有番咁上下年紀，不過有個後生仔坐鎮收銀，可能係接班人。講番食物，同女友兩個人叫左：淨雲吞($18)、白粥($5)、一碟油菜($11)同唔少得o既炸醬麵($18)。先來淨雲吞，一碗七隻，不過當然係細隻size。湯不俗，相信係大地魚熬成的，但雲吞就唔係好掂，如果係出面十蚊碗o既我會毫不猶豫地收貨，但係呢度收$18一碗，而且又係咁多年老字號，我就覺得失望。蝦肉少而且唔彈牙，豬肉又腍pat pat咁，調味又淡茂茂，我諗隔離樂園都做得好過佢。炸醬麵，又係令我失望o既.........麵細碗唔再講，就當係一般老牌麵店o既特色，但炸醬醬多肉少而且好碎，食落冇口感，肉碎又冇肥肉完全唔甘香，仲有好似冇走過油，而個醬味道太甜唔辣，好似食緊甜醬咁。麵身都唔錯o既，少少彈牙而且冇鹼水味。白粥都唔錯，幾綿，$5一碗抵食。油菜都幾