好旺角麵家 (已搬遷) 新店位置

哩間鋪可以做到而家係一個謎!!!我地見佢個樣“咁”，以為唔方貴，個樣咁舊，咁多人，又以為一定係老字號，味道一定又好又平，點知…我們叫了一碗炸醬麵、一碗皮蛋瘦肉粥、一碟油菜，首先個阿姐問要一碗定一碟炸醬麵，原來一碗係$22，一碟係$30，嘩唔平wor，咪叫一碗lor，點知碗麵男仔兩啖可以食晒，女仔3-4啖都可以食完，一d都無誇張，個碗好細，d麵仲要唔滿!!!成$22…有無攪錯呀?!碗粥$23，係我食過第二貴的皮蛋瘦肉粥(第一貴係糖朝)size及料都ok…叫佢走青，仲無走到，不過都肯換過俾我，算係好卦?!…碟菜$12，數得出，應該係8條幼幼地的菜心…食物味道都ok啦，好一般，但物“非”所值，是旺角的鋪租好貴？是物價上漲成咁？無論點我一定一定一定不會再幫襯!!! 幫襯完只覺得自己好stupid!

今次第2次去食,同男朋友都有相逢恨晚gei感覺,因為真係好好食今次食左:薑蔥撈面, 牛肉congee, 水餃2次食撈面都覺得好味, d面好爽

感冒菌橫行,對於捱更抵夜既我風險都高左,成日都覺得攰,又無得訓,個人都覺得心火盛...今餐食得清淡,放棄左炸雞肯德基,行左去對面馬路幫襯好旺角,食既係一碗好下火既皮旦牛肉粥,粥底煲得稀爛,易入口,蔥花夾雜薑絲,味道傳統,皮旦好食,牛肉片唔靭,唔駛趙,成碗粥都好好食,食完個人都舒服好多,如果覺得熱氣,有時清清地食碗粥調節一吓都係好事!

食完佢地既炸醬,好想介紹俾大家!我叫左一碟炸醬撈麵,佢地個炸醬真係做得唔錯,香口!麵本身都好,因為夠彈牙!個上湯又好味,味覺享受一流,加多枝可樂,風味十足!

佢地既雲吞麵的確係幾好食,今次我就試左一碗,不過個份量實在太少,一碗根本唔夠食,但係碗麵好有蝦子味,上湯真係好上湯!叫左碟油菜,但係蠔油居然要收多我一蚊,雖然係一蚊,但係點解要我打多一次回頭?

公司恩賜我一件好差事, 就係做跑腿下晝出左去旺角book酒店完事後都就黎放工, 就索性唔返去啦咁岩又有少少肚餓誤打誤撞下就走左入黎間舖點知原來最平既雲吞麵都要22蚊!!算啦, 都入左黎, 咪食囉等左5分鐘就一得食不過....真係好細豌我食左三啖就食晒碗麵問心果句, 佢d麵真係好彈牙, 冇鹼水味, 因為佢係標榜手打麵.唔係佢既錯, 只係我眼大睇過龍走左入去食...呢個食評...OK啦

聽說此店出名的係炸醬麵,今日終於有緣一試!湯好好味,有濃郁蝦子味道,係古舊麵店的風味!炸醬都好野味,撈埋麵係一絕!不過比較細碟,如果大碟一點會更佳!

星期六食lunch時間, 兩個女仔坐卡位. 因為上枱客剛剛走, 成枱都係野, 我地叫左起碼四次先有人執枱. 兩個人叫左一碗炸醬麵, 一個豬潤撈麵. 坐低無耐, 已經覺得地方超污糟, 可能坐中間圓枱既人未必會咁覺得, 但當坐卡位時, 可以見到地下牆邊有好多小生物, 蟻不在話下啦, 仲比我見到一隻有成寸長既曱甴, 真係嚇到死死下, 但係無人幫到手既情況下, 唯有自己攪掂佢.之後即刻好快咁食埋d野. 急步走人......而味道方面, 朋友話個炸醬麵好味, 而我個豬潤撈麵都唔錯, 但係要$38好似貴左丁丁. 再加上呢到既環生情況咁差, 真係幾難會再有下次囉

我諗好旺角係我食咁多炸醬麵中係最好食..........不過係細碗D囉,好難搵到位,不過我知佢有蝦子撈麵,不過我就未食過啦............

四年幾冇幫襯過，同女朋友叫咗一碗炸醬撈麵、一碗豬手麵。味道係冇變，但係啲麵少得可憐(一隻酒樓用嘅飯碗裝得晒啲麵)。食到到喉唔到肺，局住叫多碗水餃麵。俾足錢，但係好似試食咁！

上次1個人出旺kok~諗住食越興苑，點知未開~跟住行過lee間野見無咩人就入去~入到去先知d野噤貴~叫左牛腩+炸醬面份量少得驚人同價錢唔成正比味道ok 但唔會再黎個無wear 3既男人係我面前刨fish ~好噁心而且服務好差

エ作壓力太大了,今天十一點才放工,想死!小妹今天胃痛,放左工清清地到這裡吃一碗皮旦牛肉粥加一碟油芥籣,味道幾好架,皮旦下火,牛肉都係乸過粉嗰種,再放些葱花,薑絲等煲來吃,如果薑絲可以再多點就完美了,坐位比較迫,不過唔知點解,食完碗粥個胃好番好多了!

同阿媽一齊去食炸醬麵，一人叫左一碟，仲要加多一碟牛腩炸醬麵先夠飽，份量少得可憐。炸醬麵要左粗麵，麵身彈牙兼用油煮過，唔錯，炸醬味道甜甜地，幾開胃，牛腩整得好淋，不過得３舊度，好少，唔太抵食。服務亦一般，冇咩招呼，叫左３次先有人黎落單。

早前經過，見唔算太餓，就只食碗麵當晚飯。我們叫了一碗雲吞麵、水餃麵和一碟油菜。雲吞麵- 很喜歡這裡的雲吞麵，細細粒一口一粒剛剛好，麵也很爽口彈牙，雖然份量真的幾細碗，但物有所值，貴一點還是會繼續幫襯的。水餃麵- 水餃明顯比雲吞給比下去，還是喜歡雲吞多一點。油菜- 很新鮮又有菜味，看相都知有幾靚。味精當然會有，但唔算太嚴重、最少不會一食完便立刻好口喝。

$20細細碗，食幾啖就無喇。早知就叫一碟，不過$30略貴. 間舖得一個姐姐做落單，等左10mins先有人理. 我零願去佐敦食麥文記好過