女人街食飯公司

营业中

休息中

可能是潮流興， 最近很多餐廳也以舊香港，老江湖的感覺作招來。 今次光顧的這間 餐廳， 感覺十足似 80年代 香港舊式大排檔， 不論店員， 裝修還有食物質素通通皆是。翻開menu，發現這裏很多海鮮供應， 因此我也毫不猶疑， 輕輕鬆鬆便點了數款菜式。今天化身大叔，來個鵝腸 配啤酒， 這個配搭就是一絕。有佐酒小菜， 當然就要有一碗白飯。 我個人特別欣賞這裏的白飯， 除了帶有濃烈飯香外， 食落粒粒分明， 回憶都返曬嚟， 這就是 舊式香港高質素白飯。食完餐飯， 心境老了十歲。

今晚由老公負責帶我搵食來到「女人街食飯公司」星期六的晚上，到達的時候都快要9pm，門外還有不少人在候位～～最後我倆都等了半小時才能入座！餐廳的裝潢走大懷舊大排檔路線連餐具都是大排檔款式唯一不同的是，表面清潔度比起大排檔好！老公說，一定要點屋村三鮮我們另外選了士多啤梨三度腩排雞蛋焗魚腸鮮魚湯杞子浸菜苗油飯+戰鬥碗青島啤屋村三鮮，有生腸﹑鴨腎和墨魚，配黃芥茉及甜醬生腸和墨魚好冰凍爽脆，鴨腎亦很爽口～～鴨腎的滷水香而不鹹～～三款的味道夠鮮味～～黃芥茉好香，甜醬的味道不會過濃，沾醬汁吃也不會蓋過三鮮的味道！鮮魚湯杞子浸菜苗雖然要$88，但菜的份量好多好多！不是平日小小的一碟！！菜夠嫩，不會老，不會起渣～～魚湯的魚鮮味雖不算很突出，但都夠清，不會重味精！士多啤梨三度腩排，此店的撚手小菜之一份量雖然不多，但味道很好！！好香的士多啤梨味，醬汁酸酸甜甜，加上少許士多啤梨碎，味道令人開胃！腩排的外層夠香脆，內層的肉有咬口，不會太乾身！油飯，飯粒分明，軟硬度剛好飯面灑上炸蒜，增添香氣！雞蛋焗魚腸，由於個人口味關係，不愛吃芫茜和果皮的味道所以覺得此道菜一般～～魚腸的份量算多，不會腥雞蛋焗得外脆內嫩滑老公就覺

之前同一班Fd揀咗呢度食嘢gathering小炒全部大排檔式嘢食食好多但價錢唔貴而且好就腳生菜包玩辣肉碎，肉碎好香口，清甜嘅生菜解咗油膩感食得太多油膩小炒嘢，食返菇菌類舒服好多脆皮乳鴿絕對係必食推介～皮脆肉嫩又唔太鹹好香口黑松露蝦多士都係推介之一！好香口，外層好脆，但裏面好軟熟蝦量亦都好夠蘸沙律醬無咁油膩咕嚕肉啲酸甜醬汁好開胃，啲肉炸得剛剛好啲蝦份量唔多，不過好爽口彈牙啲蜆有啲細碟，加埋得好少蜆肉，雖然每舊殼都有肉係好好多嘅

走懷舊路線的冷氣大排檔!! 菜式都是一般大排檔常見的菜式~ 就是坐得比較舒服 而且懷舊風的裝潢很有feel 適合拍照打卡😂生炸脆皮鴿皇.很久沒吃乳鴿 突然興起想食🤣 乳鴿炸至皮脆 內還還是熱辣辣冒著煙☺️ 肉嫩多汁! 沾上淮鹽更惹味😌馬拉盞通菜牛肉煲.用煲仔呈上 保持鑊氣～ 通菜抄的剛好 脆身又嫩口! 牛肉片亦不老 馬拉盞醬汁惹味 個人喜歡再辣一點會更好～風沙九肚魚.兩個人點不了太多餸 只能再點多一個小食🙈 每次到大排檔 最喜歡就是食九肚魚☺️ 這裏的九肚魚都好滑 但炸漿再做得脆一點會更好

本來想去食同一棟嘅另一間餐廳, 見到樓下有呢間餐廳嘅廣告, 覺得幾特別, 於是去𥄫下, 一出𨋢見到裝修幾特別, 好有懷舊風格, 價錢又合理👍🏻鳳梨懷舊咕嚕肉鑊氣夠! 咕嚕肉好香脆, 而且掛滿酸酸甜甜嘅醬汁, 菠蘿同三色椒都依舊爽脆👍🏻八味脆豆腐絕對係令人食唔停口嘅一碟! 鮮嫩嘅豆腐炸得好香脆! 配上面頭嘅五香粉同椒鹽, 再沾上類似喼汁嘅醬汁, 好香口😋金菇沙茶肥牛煲我嘅至愛😋通常叫小菜一定要叫肥牛煲或者漁香茄子, 貪佢好送飯😁呢個肥牛煲份量足, 汁又夠, 唯一係個人認為淡咗少少

同屋企人行過旺角行行吓街就肚餓，見到呢間叫女人街食飯公司都唔係開左好耐，所以就上嚟試吓一去到呢見佢都係舊式嘅裝修，行懷舊style，感覺好似去咗以前嘅大排檔睇落都唔錯食物方面，我就叫咗個黑松露蝦多士，咁都唔錯嘅都幾脆口同埋都幾重黑松露味，而且炸得夠香脆又唔會太多油之後就叫左一個先魚湯杞子白菜仔，呢個就普普通通啦又唔係話好好食，較為清淡，正常仲叫咗個炸鯪魚球我覺得麻麻地，因為佢炸得唔夠脆，外熱內暖，所以我覺得一般之後我覺得最好食嘅就係依個黑椒薯仔牛柳粒，佢嗰個薯仔係炸脆左，一咬落去就係好香既著蓉。而嗰個牛柳都好入味，辣辣地，幾惹味之後我再叫咗一隻乳鴿，份量正常但肉偏少我覺得比較貴，一隻要$98，性價比不高

女人街食飯公司，裝修好懷舊，但環境比起熟食市場，甚至乎大排檔都舒服。晚市都幾旺場，人多食飯聚會最好訂定位。餐牌一覽：家鄉鯪魚球（$68）：每粒都炸到脹卜卜圓轆轆，而且鯪魚肉幾彈牙，好香口。鳳梨懷舊咕嚕肉（$108）：好有鑊氣，每件咕嚕肉都沾上醬汁，係略嫌味道酸左少少。XO醬海鮮小炒王（$108）：三樣嘢食入面我最鍾意呢一樣，韭菜好香，亦炒得乾身有鑊氣。XO醬加海鮮例如魷魚、蝦肉、蝦乾，鹹鹹香香亦好送酒。呢度餸菜咁多選擇，非常適合多人聚會。

當大家畢業，去唔同嘅公司機構返工，要聚餐一點都唔容易，突別係要返shift嘅舊同學。難得今日可以齊人，當然要搵d叫餸食飯，又可以啤啤佢既地方啦。係最方便大家食完飯走人嘅旺角，揀咗依間女人街食飯公司。招牌杏汁燉豬肺 ：大家出咗黎做野、自己住，平時都無咩湯水飲，出到黎食飯，好自然會叫湯飲。依個招牌杏汁燉豬肺好香杏仁味，豬肺唔會有味、又大件又多，白果打碎咗落個湯度。大家都好滿意。裝哂出黎都有成十碗嫁。生炒和尚肉脆米飯：見個名幾得意，所以叫咗黎試下，原來係一個生炒牛肉飯，諗極都唔明點鮮叫和尚肉添🤔所以都唔理個名喇😂個炒飯好夠獲氣。牛肉好嫩，唔會因爲炒個飯而乾哂。炒飯加上脆米，好有咬口。豉汁蒸鱔：豉汁味濃，鱔碌新鮮之如又大又厚，索哂d豉汁，好香濃惹味。呢個餸配啤酒一流👍🏻馬拉盞通菜牛肉煲：通菜好嫩，牛肉大大塊，好嫩好滑。呢個出面食，好多時會覺得味太重、太咸，而舖頭係調味控制得好好，好平衡。乳香藕苗炒豬頸肉：起初以為乳香係腐乳，上到黎先知原來此乳乃南乳。藕苗起初都以為係細細舊既蓮藕，點知又錯咗，原來係蓮藕苗。成個餸三樣野估錯咗兩樣。頸肉就唔會錯喇😂雖然係估錯咗係咩黎，但依味乳香藕苗炒豬頸肉都唔錯，

朋友話出旺角食大排檔，我仲諗住天氣咁熱，又落雨、濕粒粒，唔好啦啩...朋友仲話：放心跟我黎！點知嚟到又幾驚喜喎😆門口一對龍鳳，好似以前啲舊式酒樓擺囍宴咁😂裏面嘅裝修，就好似舊式樓下大排檔咁😚招牌杏汁燉豬肺 $148個湯好靚、奶白色，白果味好濃。我發現原來除咗有煲爛咗嘅白果之外。仲有薏米🤭唔怪得知個湯可以煮得咁杰啦😁豬肺洗得好乾淨，白雪雪、無臭味，正👍🏻而且燉湯好大盅，夾夾埋埋可以分左成11碗呢😆馬拉盞通菜牛肉煲 $98呢煲菜上枱時啫啫聲、熱辣辣，勁有鑊氣😋而且牛肉大大片仲好滑👍🏻送酒一流👍🏻乳香藕苗炒豬頸肉 $98南乳味好香，蓮藕苗口感好得意，我以為會好似出面舖頭咁，切開細細粒煮，估唔到呢度時會係切成絲。廚師刀工一流，藕苗絲幼得黎好爽口😋😋豬頸肉爽口、醃得好入味生炒和尚肉脆米飯 $98生炒和尚肉呢個名好特別，所以叫左碟試下。原來和尚肉係牛肉...由來呢？🤷‍♀️后來我查了下，應該係指用和尚頭嘅肉黎炒飯。（和尚頭即係牛後腿內側）炒飯配埋少量炸米，口感好好豉汁蒸鱔 $168豉汁蒸鱔味道調得好好、好惹味，鱔好新鮮，一啲泥味都無。忍唔住又食多左飯🙈🙈🙈可能我地早食飯，所以上菜好快。食食下，發現舖

母親大人生日, 去女人街試下女人街! 4個人食左 $1,289! 朋友推介話好好食, 老實講, 我唔覺有幾好食! 上菜速度媲美光速, 落單無1分鐘碟雞已經到, 5分鐘內除左碟蠔其他餸已經到齊! 當時明明無乜客, 因乜要上得咁快呢? 我食唔出 d 餸熱唔熱, 因為未食得切就已經凍晒! 除左碟雞, 因為第一碟嚟到,一食就知係凍既! 杏汁豬肺湯 $148 ~ 唯一熱既, 濃郁足料! 晚餐三寶 $358 (黑松露醬蝦多士, 走地雞半隻, 椒鹽鮑魚4隻) ~ 鮑魚最好食! 八味脆鮮魷 $88 ~ 又淋又凍 (食唔切 ma) 士多啤梨腩排 $108 ~ 甜甜哋, 都幾入味! 凍凍哋都可接受黃金蝦 $158 ~ 東寶好食好多薑蔥珍寶蠔 4隻 $198 ~ 勁大隻不過有渣青檸梳打 $24 ~ 原罐梳打上Sapporo 啤 $42  ~ 唔係我飲….會會再去呢??…全枱人一致認為…不必喇! 

我鍾意食小菜❤️一時行到旺角就想搵到黎試下呢一間係朋友介紹我同男朋友兩個人黎試下嘩一入去就勁有香港懷舊味道但係冷氣版😘全部都係舊時香港既裝修 連燒味部門都做得好似 咁我地都有參考下隔離會點咩菜見到乳鴿新鮮我地就即管嗌黎試下😍另外就要咗個芥末京都骨😍黃金炸魚皮😍呢個餐前小食嘅泡椒鳳爪😍首先講吓個泡椒鳳爪份量極多哈哈好開心🤗雖然佢泡椒有好多唔同嘅調味料係入邊但係我覺得都唔算太辣🤭而且泡椒嘅風味都幾出用嚟送下汽水啤酒一路傾計食埋花生就真係好正💕黃金炸魚皮首先佢炸到好趣卜卜上面鋪滿晒碎咗嘅鹹蛋黃 好惹味啊好邪惡🤤之後就係芥末京都骨大大嚿新鮮整起嘅骨上面鋪滿左少少芥末味道嘅汁😛個感覺都幾新鮮好有香港懷舊嘅味道仲好有鑊氣❤️至於隻乳鴿真係極度推薦佢外皮炸得好脆入邊就反而好juicy🤪點左准鹽真係好咸香好好食男朋友要咗一個油飯我自己要做一個白飯油飯真係100000 分 細個聽得多大個先知原來真係好食到咁❤️

這夜約了阿伯工友到女人街食飯公司來一場懷舊夜，以懷舊街市大排檔作招來，跟我之前到過的灣仔某飯店很像樣！ 飯店真正位處女人街中，以舊式酒樓的龍鳳大禮堂作門面好有氣勢。 星期六的晚上高朋滿座不便多拍環境照，只能說很有七至九十年代華Dee的那種味道！ 三個女人仔點上餐前小食！可於五款中選三款收費＄158，如果合口味比散點便宜了＄36！ 我選了爽口滑溜的鮮淮山伴以香口的胡麻醬，吃下香口又清爽好合夏天享用。 工友分別選上家鄉鯪魚球和八味脆豆腐！家鄉鯪魚球炸得金黃，吃下冇腥味質感亦算彈牙，沾上蜆蚧醬提鮮更可愛！ 另一款是八味脆豆腐炸皮不算很香脆豆味亦不太濃！但內裡的豆腐尚算滑溜可以一吃！ 另點了青芥沙拉骨＄108，汁醬太稠很漿口而青芥味道又不太出，這個菜真的有點失望！ 最後還有我很喜歡的懷舊窩貼小棠菜，記得20多年前我最愛到太子X彩酒樓吃這味菜，這兒的出品好足料有厚身的墨魚膠，但我就略嫌小棠菜不夠多！！這店整體不算太突出但環境和服務也挺不錯試試無妨！

一早就聽講過呢間裝修得似懷舊大排擋 不過就有冷氣既特色餐廳 今晚終於去左試😊 不過提醒大家 一定要訂位 因為呢到就算你訂左位都係要等位🤷🏻‍♀️ 平日都好多人食架 所以唔訂位應該食唔到🙃等左大半個鐘終於到我地入座 一坐低即刻叫左3個小炒試下先😜 我地叫左黑松露鮮蝦多士 青芥沙拉骨同埋薑蔥頭抽魚雲煲😋估唔到大排擋都食到黑松露蝦多士上係原隻大蝦 炸得鬆脆可口 點沙律醬食真係好邪惡既小食👅 青芥沙拉骨亦夠惹味 wasabi 味濃 一食上腦好開胃😆 薑蔥頭抽魚雲煲穫氣十足 魚雲入味嫩滑👍🏻 呢到食物既味道同伙記既服務態度都好有大排擋既感覺 想感受下既一定要去下🌟😸

入到去個裝修好懷舊，地方夠大，坐得唔太迫，我地一行四個人坐近魚缸位置，有員工不斷由個缸拎d魚上黎，d水彈到我地成身都係，已經係幾次，又唔肯轉位，明明d台冇人坐。講下食物，野食味道ok, 但個份量極小，蜜椒炒牛柳粒，牛粒勁小，咕嚕肉夠味，叫左個走地雞，份量夠，個雞幾滑。未夠1.5個鐘，有員工已經开始趕我地走，態度極差，仲不斷咁推我地d櫈，其實趕人走咪出聲囉，仲有食食下發現有曱甴係窗邊行來行去，唔會再幫襯

大牌檔真的細細個就是同家人食的地方，可惜大個左，食的次數少左，是日因為同朋友煩惱緊在邊到食飯，朋友話想食小菜，所以在OP到搵到哩間女人街食飯公司，可以食返以前同屋企人一齊食的大牌檔小菜，一上到去，好彩立刻有二人枱，坐到時，見到大大個茶壺，果然做到大牌檔的味道， 我同朋友點左 彩椒黑醋脆豬柳，香煎蓮藕花枝餅， XO蝦乾芥蘭煲另外再點左青島啤酒同埋兩碗白飯，彩椒黑醋脆豬柳彩椒黑醋脆豬柳真的好特別，食落同甜酸肉差唔多，但有種黑醋的香氣，真的好特別 XO蝦乾芥蘭煲 XO蝦乾芥蘭煲真的送飯一流，芥蘭脆脆，加埋肉碎同蝦乾，真的好惹味，香煎蓮藕花枝餅香煎蓮藕花枝餅真的煎得好可口，加上甜酸汁，真的愈食愈想食大排檔少不得的啤酒，加埋戰鬥碗，不醉無歸(笑)店舖的環境真的打卡一流，又食又打卡，職員又搞笑熱情，真的值得一試。