女人街食飯公司

营业中

休息中

今日去左旺角女人街食飯公司, 餐廳內佈置別樹一格, 滿有懷舊香港大排檔風味. 今晚叫了個二人餐, “招牌瑤柱走地雞”(半隻) 及 “老陳皮蒸龍躉頭腩”.先黎過“招牌瑤柱走地雞”, 雖然只是半隻, 但份量十分多, 雞肉不但鮮嫩, 而且脂肪比例恰到好處, 絕對適合女士們或減肥人士享用.再黎“老陳皮蒸龍躉頭腩”,龍躉數量剛好適合二人享用. 而且一試難忙, 龍躉生鮮, 夾雜陳皮的果香, 更令人有住家飯的感覺！

圖6️⃣個境有風味到呢叫左4碟野得一碟 金銀蛋浸娃娃菜係清嘅其他又炸又濃竟然無好鹹同味精嘅感覺😱👍🏿3️⃣羅勒葉黃金軟殻蟹咬落去似 鹹蛋味脹卜卜嘅威化餅！每一啖都係好鬆化羅勒葉又令到油膩感減低又香口又fresh D👍🏿2️⃣黑松露蝦多士佢呢個蝦多士同老鳳冰室嘅蝦多士做法唔同老鳳冰室係蝦膠佢呢個放隻蝦上去一齊炸黑松露剛好調到個蝦鮮味各有千秋！一樣咁好味👍🏿4️⃣紅酒燴牛尾煲好入味！紅蘿蔔🥕同牛尾索哂d汁牛尾好軟稔 d汁好味到感覺只有汁撈飯都ok😂我諗如果打包番去隔夜食仲入汁😨👍🏿5️⃣金銀蛋浸娃娃菜想讚個湯汁蒜頭爆到好香 加上娃娃菜好新鮮個湯汁就都好甜！如果多d金銀蛋就更好啦 純粹因爲我中意食😂😂😂目標下次叫勁多朋友來食叫到成枱都係餸😍😍

嗰日公司同事farewell，一大班人去咗呢度食飯，一出𨋢見到個大門口已經覺得好震撼!入到去好特色好懷舊,感覺好得意。十幾人食可以叫好多唔同嘅嘢食同小菜，樣樣都好好食好夠鑊氣!!啲嘢咋得好脆!!都唔算太油嘅。仲有用戰鬥碗嚟飲啤酒,成班人坐埋一齊大聲講大聲笑都唔會太嘈到人,因為側邊都有啲嘈。 lol 諗起都回味,嗰度啲嘢食分量都幾足! 唔會細細碟,每人都食到有幾舊,定唔知佢本身係按你人嘅份量泥上菜，食咗二百幾蚊。不過佢好閂門,十點幾就閂。 如果有得坐耐啲就好啦

黑椒蜜餞茨仔牛柳粒 💲168招牌炒米 💲98✅ 裝潢具特色🇭🇰 嘆住冷氣食大排檔小菜🌬✅ 蜜餞薯仔牛柳有蜜糖同少少黑椒味🍯 味道好夾🤝🏻 芡汁濃度適中🧐 值得一提係薯仔表皮係微脆而中間軟軟地 好食😋👅Taste：3.25/5💰CP值：3/5🙋🏻‍♀Service：3.5/5👁‍🗨Stylishness：3.5/5

香港大排擋數量開始愈來愈少，無他，舊一代大排擋老師傅退休、經營位置空間限制、人手問題都令到呢個傳統香港特色消失得無影無踪🧐🧐但最近友人介紹了呢間「女人街食飯公司」😎😎令我對港式大排檔既熱情同興趣大增。位於通菜街（即女人街）附近既女人街食飯有限公司，地點非常方便。一上到店前就被門前左右兩邊既「一龍一鳳」吸引，感覺80年代中式酒樓十分類近，酒樓式設計確實亦是香港不可劃缺既原素🥰🥰1. 招牌黑松露蝦多士🦐🦐🦐🦐經典順德菜，估唔到呢度都有，蝦多士好脆身，熱辣辣，而且蝦肉非常彈牙，沾上特製黑松露醬，超夾😘😘2. 青芥沙拉骨🍖友人解釋原來此款食物為70-80年代興起，wasabi味道不算很辣，只是嗆鼻一點，沙拉骨熱辣辣，意外地兩者味道非常夾，港式小菜必推薦🤘🤘3. 豉椒炒大蜆大排檔經典海鮮小炒，蜆肉大大件，絕對夠食，豉椒味相對重，伴白飯一流，份量夠哂2-3人。🤘🤘🤘埋單只係$345兩個人，絕對底食，要感受到香港地道大排擋海鮮風味，絕對會推薦呢個地方😝😝

今日去左旺角買野， 就試下呢間女人街食飯公司， 個名幾得意， 一睇就知係女人街， 之前黎過呢座大廈食其他野， 座樓都好新， 唔似女人街樓下個啲地鋪咁舊。上到去門口就有龍鳳迎接你。XO 醬馬拉戔芥菜煲好香， 有鑊氣， 味道好好， 好有大排檔風味， 但係有冷氣 而且坐得舒服。黑椒蜜餞薯仔牛柳粒都好香口， 薯仔炸得岩岩好， 好味。油飯都好味， 同平時食海南雞飯個啲飯一樣咁好味， 上面仲有啲炸蒜。入面啲裝修都好懷舊， 呢4個字，好耐冇見。除左一般小炒， 仲有啲平時小見既生腸，臭豆腐。

旺角不嬲都係約飯局既最理想地點 既方便又豐斂由人 今輪我地就搵到呢間算係幾新開同有特式既大排檔 望落去唔算貴又坐得舒服準時放工之後我就出發去拎位 出到旺角開google map黎搵都唔算難搵到既 同埋去到先知原來另一間好出名食小菜既舖頭都係係呢到 係樓上 唔怪之得個大堂咁熟面口 上到去 因為個間我都有係到幫襯過 我就覺得門面裝修兩者都非常類似架 不過我對個間既感覺都幾好 幫襯完呢間都覺得好岩一班人黎食下小菜吹下水呢間既野食就冇咁多鬼馬野 但係味道都認真唔錯架 真心推介焗魚腸 因為要等十幾分鐘到 新鮮滾熱辣上枱

上星期去了旅行，回到香港後，已迫不及待想食餐地道港式美食，朋友介紹旺角女人街有間食店，裝潢很有大排檔的風味，當然二話不說去試試～去到門口，彷彿回到上世紀九十年代的港式餐廳😍——————————🔸蟹子蛋白野菜脆米炒飯 $88這個炒飯很有水準，廚師炒到每粒飯都粒粒分明，聞起來好有鑊氣。脆脆的飯粒配上新鮮的蟹子，不知不覺就吃完一碗飯，令人抗拒不了🤤🔹士多啤梨三度腩排 $108這個腩排是廚師推薦菜式之一，就試下到底係咪咁正🤨果然好香士多啤梨味，酸酸甜甜的醬汁，配上香脆的腩排，是個不錯的配搭👍🏼但食慣蕃茄醬汁的咕嚕肉，這個相對會油膩一點😖食到後期會有點滯的感覺🔸薑蔥頭抽魚雲煲 $128一上菜，就聽到‘嗞嗞’聲👂🏼這個魚雲煲是熱辣辣煮起，聞起來好有薑蔥香氣🥰但份量有點小，而且沒有醬汁，就不能配飯一起食，整體味道還是不錯👍🏼

早排經過旺角已經留意到女人街食飯公司 ， 一路都心思思好想去試下，放工朋友約我食飯我就提議到這裏。 店內裝修以懷舊的大排檔風格為主， 充滿香港情懷。 我們點了的菜式有家鄉鯪魚球$68， 黑松露鮮蝦多士$78， 香菇油渣蝦子撈麵$48， 彩椒黑醋脆豬柳$98。黑松露鮮蝦多士～ 溫度剛好， 調味適中， 味道不會太鹹， 蝦肉爽口， 黑松露醬好香。 不得不讚的是碟底冇油， 廚師傅功力十足。家鄉鯪魚球～ 入口肉汁豐富， 配蜆蚧一起食， 非常惹味。香菇油渣蝦子撈麵～ 麵質爽口， 食落有蝦子， 玩上面白色的是豬油糕， 配埋香菇和豬油渣， 食落風味一絕！彩椒黑醋脆豬柳～ 味道溫和， 不太酸，肉質爽口，伴菜漂亮。整體而言這裏的食物質素很好， 最喜歡有懷舊式大排檔的風格， 絕對是影相打卡的熱門地點。

不得了的懷舊.🥡🤤好似返左老香港食飯 餐具、水壺、地磚、枱枱凳凳都充斥住大排檔風味🥘🍻🇭🇰80後90後既你同我應該滿是味兒😏😝即使千禧BB中意影下呃like相 你一定要去下呢間 因為裝潢真係令你驚喜而且有冷氣、樓上大排檔🥢🔥🌪真係唔係度度有一樣有鑊氣 一樣快靚正!! 唯一唔同就係乾淨唔污糟😂紅酒🍷煮牛尾 勁林勁人味 一咬就化 椒鹽九肚魚 乾身 一啲都唔油一定要叫多啲人一齊嚟食 先可以食多啲唔同菜

而家想食番舊日大排檔滋味，真係愈嚟愈難！而近日熱門的「女人街食飯公司」真係無得頂，環境仿照大排檔設計，但地方乾淨舒服有冷氣，係一眾良朋相聚的好地方！🍤黑松露鮮蝦多士好多人叫，我哋都唔執輸！蝦多士炸得金黃，好脆口亦唔油膩，大大隻蝦加埋黑松露醬放在多士上，伴埋黑松露沙律醬，好香！🦑客棧香煎蓮藕花枝餅蓮藕和菜乾切碎混入花枝餅內，咬落爽口，質感實在，配埋甜酸醬，是不錯的小食！🍓士多啤梨三度腩排一睇個名就好吸引！腩排肉質唔錯，沾著酸酸甜甜的士多啤梨醬，送飯一流！金銀蛋浸菜苗揀左菜心，菜心好甜好嫩綠，金銀蛋份量都好多，加埋高湯濕下口，都好好送飯！提提大家，記得要book位呀！今次平日嚟都坐無虛席，一枱人走就接一枱人嚟，好受歡迎！

呢間餐廳新開張嗰時已經吸引到我～因為佢嘅裝修同埋佈置設計好懷舊好復古🤤🤤🤤香港而家好多新餐廳嘅裝修風格都行呢種風，都幾令人回味🤤🤤今次終於有得黎試吓喇~ 入面既感覺真係幾懷舊，霓虹燈招牌、大排檔既枱、酒樓既凳、入面仲播住d完全唔識既懷舊歌😂😂😂呢度個feel似大排檔，因為大家都好大聲講野😂😂但就乾淨過大排檔好多👍🏻👍🏻👍🏻《羅勒黃金軟殼蟹》 $98黃金多到係隻蟹入面都仲食到！味道很好👍🏻軟殼蟹有鮮味 surprise🥰🥰《頭抽乾牛河》 $98超級有鑊氣既乾炒牛河~鑊氣分分鐘勁過大排擋呀👍🏻👍🏻👍🏻而且河粉滑嘟嘟～而且牛肉份量都幾多，但唯一缺點就係我當日食嗰啲河粉有啲碎濕濕🥺🥺《鮮魚湯杞子浸菜苗》 88魚湯好鮮甜～而且入面有啲胡椒粉辣辣地幾開胃🤭菜心大條且爽甜❤️

今日有外國朋友嚟香港緊係要帶佢嚟試下香港地道小菜啦！佢一嚟到已經俾呢到d佈置吸引住，話好有香港特色！我哋叫咗屋村三鮮，連唔食內臟嘅外國朋友都覺得好食！仲有臭豆腐，扇貝都好好味！當然唔少得飲返杯啦！外國朋友見到隻戰鬥碗都話想買返隻😂

見好耐冇食過大排檔，所以呢晚就同咗一個朋友去食~ 呢間女人街食飯公司其實都好出名，因為餐廳名夠晒特別，仲好易記！我哋兩個人叫咗三個餸，有小食有魚有菜有肉咁啦！😂😂😂屋村三鮮其實就係生腸、鴨腎同埋墨魚嘅滷味併盤，滷水味略嫌唔夠入味，不過生腸同埋墨魚夠晒冰凍，爽口！好鐘意呢種口感！個質感拍得住肥姐小食店！風沙九肚魚，味道相當唔錯，外層酥脆，內層魚肉勁嫩滑，不過略嫌唔夠多炸蒜，有啲位完全冇蒜！馬拉盞通菜牛肉煲，通菜同埋牛肉吸收咗馬拉盞的香辣，好惹味！送飯一流！另外叫咗個油飯，份量都幾多，我同朋友嘅食量唔算太大，兩個女仔share一碗都夠飽！呢餐食咗$345，略嫌貴咗少少，但整體食物係中上嘅，如果多啲人嚟食會較推介呢間餐廳！

今次試左女人街入面著名嘅食廈deli square入面嘅餐廳🤔如果有食開妹記就實知邊一棟，因為佢就係妹記樓下架咋！個名非常特別，絕對吸引到人想入去試！非常鐘意佢成間餐廳嘅裝修，非常用心，懷舊感覺一流！坐得都好闊落，岩哂一大班朋友黎食住小菜飲住戰鬥碗傾下計🍻呢個黑松露醬蝦多士$78有三大舊，差唔多廿蚊一舊😳食完我地一致認同係堅好食嘅！脆卜卜蝦膠亦好大舊，重點係佢個黑松露醬調得非常出色😱正呀！另外推薦比大家嘅就係佢嘅招牌瑤柱走地雞，我地以孖寶形式咁叫，所以都算抵返啲👍🏻半隻黎講佢算係好多肉，瑤柱數量好多！😋另外雞肉的確非常滑，啖啖肉之餘亦唔會痴牙👍🏻兩款醬汁都好出色，就算拎黎送飯都very good☺️另外孖寶就係叫左碟清蒸陳皮龍躉頭腩肉，陳皮味好香，魚腩同魚皮都幾滑嘅，如果可以多啲就好啦😂