女人街食飯公司

营业中

休息中

香港人愛懷舊，舊時嘅擺設，裝潢，用具，都時不時會被翻出黎，最近上網見倒旺角有間女人街食飯公司，光看名字都好搞笑，唔深究個名，睇下佢嘅裝修，紙皮石階磚，門口左右一對龍鳳大禮堂，店內廣告招牌，圓枱，鋪頭捲閘，揮春對聯等等，都行懷舊風，再睇下餐牌，唔止有懷舊菜式，仲有一d fushion 菜tim。最近飲得少湯水，點左個淮山杞子燉螺頭湯，餐牌講少左，應該加埋雞腳先岩，因為除左螺頭多，雞腳都有五六隻架，充滿骨膠原！點左個女人街鮑魚拼盤，來頭唔細，冷盤有一隻鋪滿蟹籽嘅鮑魚，仲有魷魚，豆角同泡椒雞腳，鮑魚滷過好入味又保持彈牙，雞腳辣辣爽口彈牙好惹味，豆角都略調味，正！士多啤梨三度腩排，名字夠特別，味道都好新鮮，生果入贊用橙用檸檬見得多，士多啤梨第一次，醬汁酸酸甜甜，腩排其實就唔知咩位置，不過骨位略多，如果啖啖肉，對我呢d懶人就適合不過喇。食環境食氣氛仲有食味道都好高分，下次同多d朋友黎，可以試多幾個送！

懷舊大排擋裝修非常精緻有味道淨係影相都唔得閒食野喇食物種類繁多，高質素味道好，份量適中非常合適一大班人聚會食飯暢飲特別鐘意佢個豬肺湯夠火喉，真係好好味另外一個係黑松露蝦多士入口鬆脆，一試難忘

餐廳裝修別出心裁, 充滿住舊式酒樓同埋大排檔既味道既味道🏚 而餐桌同座椅就用左大排擋式既圓枱同埋酒樓既座椅, 感覺好似回到過去咁🌪 餐廳都幾旺場, 座無虛席, 夾雜客人既傾計聲就好似真係身處大排擋咁😂 我地大約7點鐘去到已經見到好多人係門口等緊位, 所以想食就記得提前卜位呀✔️ 菜式方面既選擇都算多, 我地就揀左幾個最signature 既菜式👍🏿屋村三鮮🦑($78)豬生腸, 鴨腎, 墨魚, 呢三樣都係香港既地道街邊小食, 為食妹都好耐冇食喇😌 三樣食落都感覺新鮮, 爽口彈牙, 絕無腥臭味, 再點埋甜醬同埋黃芥末醬簡直係一流, 絕對係必點既小食🤤家鄉鯪魚球🐟(9粒)($68)呢個其實係屬於餐前小吃, 開頭以為份量會偏細, 黎到見到有9粒都覺得幾抵丫💁🏾‍♀️ 所謂既家鄉鯪魚球其實係炸鯪魚球, 外皮小小脆, 包住滿滿既鯪魚肉再點埋個蜆芥汁簡直係一絕呀🤤士多啤梨三度腩排🍓🐷($108)相比其他菜之下呢個略為失色, 始終生果煮既菜都係比較難出味🤔 不過都有甜甜既醬包住D豬腩骨啖啖肉冇咩骨, 都幾有趣😌鮮魚湯杞子浸菜芯🥬($88)菜芯夠嫩所以食落口感爽脆, 掛曬有淡淡魚香既魚湯同埋大大粒杞子,感覺

今日路經女人街， 朋友充滿佬味， 選擇的也是的茶餐廳 和大排檔。店舖的名稱沒有太多誠意， 令我有點汗顏。 不過內裏的裝橫， 的確有老香港的味道， 但整體來說不算美觀。食物方面，以大排檔的標準來說，是欠缺鑊氣🤦‍♂️ 味道不夠惹味， 反而顯得有點死鹹。而我點的是海鮮， 這裏的海鮮性價比不算高， 一隻蒜蓉蒸扇貝也差不多上一百元正， 味道太鹹 方面真的令人感到非常失望。另外點了 蟶子， 不說味道， 口感也不說了，但他竟然沒有把沙石去掉， 我一口呀擺沙石咬下， 琺瑯質也磨蝕了不少， 誰想到吃一餐飯會賠償了牙齒。 這一次的經歷 只有以恐怖來形容， 我決定這間餐廳永不錄用了。

|香港風情| 裝修特別| 兒時回憶🍴🥢.黎過女人街食飯公司都五六次啦。次次食完都想Encore，因為除左裝修，呢度既食物質素都比一搬大排擋高。首先講下個名，其實老闆都好有心思，我約親朋友黎食，佢哋都會問我，係係女人街，係食飯定係公司黎😂 果然，佢係有曬甘多種元素係入面，另客人好容易就記得呢個餐廳名。呢度擁有六七十年代茶餐廳氣息，每個角落都好悉心去佈置。一入到黎感覺好有特別情懷。食物方面，今次介紹一下呢三樣💫屋村三鮮.呢味每次我都會叫，由墨魚/生腸/ 鴨腎組成，三樣我都鍾意食，材料本身好鮮味，加上醬汁味道唔會過濃而蓋過三鮮既味道。💫黃金海中蝦.蛋黃味好足多既黃金蝦，食一隻唔夠，要食多幾隻。💫椒鹽鮑魚.呢一味我個人認為可以試下，因為呢度鮑魚整法比較唔同，平時係屋企好少會甘樣煮，D椒鹽味冇蓋過飽魚既鮮味，食落仲好夠淋，剛剛好。最後就係要提提員工既服務，唔好以為大排擋形式Service 會差，呢度剛好相反，男待應較多，大家都好有禮貌同熱情甘招呼。回應速度都好快。

地點位於旺角市中心，方便就腳，七時多開始食客幾乎滿座，而且食客普偏是年輕人。餐廳裝潢復古，牆上掛有很多懷舊港式霓虹招牌，非常吸睛，蠻適合打卡人士。特價套餐$3481️⃣女人街鮑魚拼盤凍盤有鮑魚、鳳爪、魷魚和芥辣豆，面層更鋪上飛魚子，作涼菜及餐前小食一流。2️⃣黃金海中蝦海中蝦大大隻，外層炸到非常脆，咸蛋味香濃，𧎚數目大約有十隻。3️⃣招牌瑤柱走地雞（半隻）雞上佈滿瑤柱和炸蒜，半隻雞份量非常多，肉質鮮嫩，不錯！

今晚響旺角搵食，多番選擇之後決定來到女人街食飯公司，最大原因係想飲佢個螺頭湯，之前飲過一試難忘😋但可惜，今日比較遲去到，所有湯已經賣晒。。😢唔緊要，呢間餐廳啲菜式好特別，我地都仲有好多選擇！今次叫左個黑松露醬配蝦多士，鐵板牛仔骨，啫啫通菜煲，一如以往，上菜係好快既😎黑松露醬配蝦多士好正，香脆鬆軟，配黑松露醬好特別，出面食唔到！鐵板牛仔骨肉質鬆軟，但味道較淡，重味啲會更好。啫啫原本係芥蘭煲，芥蘭賣晒就唯有轉通菜，但都意外地好夾，通菜有鑊氣，但唔會淋晒，爽脆有咬口，所以都不斷爬飯👍🏻👍🏻呢間餐廳都幾多人來食，似乎大家都開始意識到呢間餐廳既可取之處💪🏽順帶一提，餐廳只收現金，大家要帶夠現金啊！

女朋友接放工，非常幸福，重搵埋餐廳食飯，非常細心😘佢帶左我去旺角女人街入面，一間餐廳，叫做女人街食飯公司。一入到去餐廳，好似坐咗時光機一樣，回到七八十年代的香港。如果大家有去過當時嘅大排檔，呢一間女人街食飯公司會將當時嘅情景完全呈現係你面前。見到咁嘅環境，果種而是回憶，懷舊的情懷完全出晒嚟。講番啲食物先，我地叫左農村粉絲中蝦煲 同埋馬拉盞通菜牛肉煲。佢哋都係即叫即整，而且鑊氣十足。兩個菜上菜嘅時候都係有個蓋擒住，一打開個蓋啲香味沖曬出嚟，煲裏面嘅汁都係熱辣辣，非常非常吸引。個馬拉盞牛肉煲，啲通菜一啲都唔老，非常爽口，牛肉亦都唔會太硬，非常美味，單係一個餸都已經夠我食兩碗飯😂😂個大蝦煲同樣都係咁出色，佢哋每一隻蝦啲蝦殼都處理過，令到我哋好容易剝到啲肉出黎食。而且每一隻蝦都非常之大隻，真係啖啖肉。入邊仲有啲粉絲，粉絲吸收左海蝦嘅鮮味非常非常好食。真係好耐冇食過咁好味嘅小菜，如果大家都想食到咁好味嘅小菜，又想懷緬下舊香港嘅情懷，真係可以去呢間女人街食飯中心試吓。推介指數⭐️⭐️⭐️⭐️⭐️

餐廳：女人街食飯公司 (旺角)地址：旺角通菜街1A-1L威達商業大廈1樓B室近年香港越黎越多樓上餐廳，而樓上茶餐廳亦都慢慢成為左一股熱潮，旺角通菜街威達大廈1樓有一間叫女人街食飯公司嘅餐廳，以傳統懷舊嘅風味包裝左成間茶餐廳，營造左六七十年代茶餐廳嘅氣息係餐廳門口就已經見到一對龍同鳳，活力十足，餐廳內裡嘅牆壁專登佈置成車仔麵店、理髮店等嘅模樣，令人妨如置身係幾十年前嘅香港咁，而地板嘅磚同每一張枱同櫈都有類似風格，別具特色一場黎到，餐廳職員推介佢地最近新出嘅餐牌，而招牌菜亦有唔少，我就試左佢地其中一款熱賣同推薦嘅女人街鮑魚拼盤($88)，本身以為係唔同品種鮑魚嘅拼盤，不過原來係一隻鮮鮑魚加上蟹籽，仲有泡椒鳳爪、滷水墨魚同豆角，鮑魚炆得好腍，同時帶有爽口彈牙嘅感覺，墨魚同豆角配上自家製嘅滷水汁色香味俱全，泡椒鳳爪辣味十足，配上另外叫嘅細濃湯鱈魚肉醉泡飯($58)，一啖辣一啖熱，真係好過癮，鍾意食鳳爪又食得辣嘅包你會鍾意。湯飯有滿滿嘅鱈魚粒同肉醉，鱈魚入口即溶，亦不失鱈魚香嘅味道，好耐無食過湯飯，今餐絕對係大滿足

今晚真係不得了，無意間發現到呢間咁特別嘅大排檔，由個名睇已經覺得佢好搞笑，仲要係樓上舖嚟，一開𨋢已經充滿驚喜，因為佢喺門口嘅係一對好80年代酒樓嘅經典龍鳳，入到去有好多唔同嘅招牌同舖位都係80年代街景咁，而播嘅音樂都一樣係80年代尾，耳熟能詳嘅流行歌曲，佢仲要細心到一首中文一首英文咁夾雜住，最唔少得係哥哥張國榮（我偶像），梅姐，Michael Jackson 等等，真係未埋位，我已經愛上呢度。而最驚喜嘅係一班侍應哥哥仔姐仔都著返白色茶記大排檔果種制服，好好笑容咁上前招呼你問你有冇訂位又安排位置咁，真心一讚係佢地個個都好好笑容又好有禮貌。睇一睇個餐牌，食嘅嘢就唔係普通大牌檔咁簡單啦，價錢都唔平。揀嚟揀去，樣樣都想試，但荷包厚度有限，所以嗌左個晚餐必食三寶，另外再加個韮菜豬紅同家鄉藕餅。未講食物，先講下個飲品先，因為我見到隔離檯個個都有隻戰鬥碗，覺得好過癮，所以都同男朋友嗌左支青島裝裝b🤣好啦，第一樣嚟到係三寶之一嘅招牌瑤柱走地雞，佢啲瑤柱品係啲bb瑤柱，而係真係大大粒果種，一舊舊審左喺面。而隻雞都好滑，冇乜皮下肥膏，好嫩滑，啖啖肉，另外仲有兩個唔同嘅醬俾你點，分別係泰式辣醬同薑蔥蓉。但我

🔹在女人街的小巷子里的某栋楼里，可是非常的不好找了，但是店里面极其宽敞通透，都是圆桌，很复古的香港装修，喜欢🔸黑松露鲜虾多士：推荐，不腻，虾肉扎实，沾着搭配的酱料，口感非常厚实🔸辣炒蟹：按市价算的，蟹很新鲜，炒的入味，但是里面的肉末更好吃，最后把肉末清盘了🔸烤乳鸽：外焦里嫩，把乳鸽的油都靠出来了，看起来就很美味。乳鸽还挺丰满的，三个人吃两只妥妥的够了🔸椒盐鱿鱼、粉丝煲：正常发挥水平，粉丝煲清淡，鱿鱼火候刚刚好🔹人均250-400，口味9/10，服务8/10，环境9/10

呢間樓上大排檔裝修好有80年代既感覺，啲廣告牌同枱椅同碗碟都有一貫既style~~黎到大排檔就想食返啲鑊氣小炒，order左個豉椒炒大蜆，大蜆果然夠大隻，蜆肉飽滿，炒得均勻有鑊氣，食到Lam Lam 脷！黑松露蝦仁炒蛋，黑松露撈埋雞蛋去炒好香，入面既蛋仲係鮮嫩有蛋汁，大蝦好彈牙，份量都唔少，抵食！鐵板京蔥黑椒牛仔骨，鐵板上枱，熱氣仲燒得咋咋聲，牛仔骨啲肉夠林唔會韌，有質感又有口感～叫左兩碗白飯，埋單計埋加一，total$460！

第一次幫襯試左7餸1湯 非常滿足俾分如下~胡麻鮮淮山 2.5/5 冷盤前菜 無乜特別 不過不失屋村三鮮 3.5/5冷盤 乾淨新鮮 好似街邊檔的感覺鐵板尖椒醬爆大腸 4.5/5 好惹味 啱送飯杏汁豬肺湯4/5足料 夠味 夠熱 分到大約8碗馬拉盞芥蘭煲 4.5/5 惹味農村粉絲海中蝦 4.5/5比想像中多蝦同大隻 粉絲吸晒d汁 好正牛油蒜茸炒野菌 4/5不是太特別 不過不失紅燒乳鴿 5/5 乳鴿算大隻 燒得啱啱好 外脆內juicy 好好味！整體: 大排檔形式黎講有點貴 但算乾淨企理 食物都唔錯！

成日search openrice都見女人街食飯公司長期人氣爆登 小妹都忍唔住要黎試下唔單止個名過癮 一出已經見到門口好70 80年代風 完全係當時酒樓最標誌性既大龍鳳入面既裝修就更加好似時光倒流四十年摺枱 摺櫈 所有野都好懷舊對於我地d 80 90後黎 成件事就變成好有新鮮感同玩味十足除左環境佈置同餐牌old school 所有碗碟都好似返左以前咁點左菠蘿咕嚕肉 肉炸得乾身得黎唔厚粉 咕嚕汁剛好夠掛係肉上 好食馬拉盞通菜牛肉煲本身聽個名已經知係無得輸 用煲仔上熱辣辣 惹味感level up未食已經聞到勁香 牛肉有𡁻頭無鬆肉粉味諗住叫一口臭豆腐食 點算賣晒 改叫左呢個百味脆豆腐細細粒 但都炸都幾脆 加埋d炸蒜一齊食 送飯一流

好耐之前見朋友post相，有間裝修好懷舊，好舊式香港嘅鋪頭，而今次終於有機會嚟食「女人街食飯公司」。黑椒蜜餞茨仔牛柳粒一上枱就心諗「咪又喺薯仔牛柳粒」，點知食落又真喺有特色。牛柳咬落去以為食緊牛扒咁，居然食到外層有小小肉嘅焦香，內層就仍然嫩滑，食落無鞋口同埋乾身感覺，成件事喺好「嫩」。不過因為落咗蜜餞所以薯仔食落會無咁乾身，我個人就比較鍾意食超乾身嘅薯仔。風沙九肚魚呢碟九肚魚都超有驚喜👍👍。整法好似炸豆腐咁，外層有層好豆腐皮包住咁。平時出面食開喺酥炸或者椒鹽咁，內層得返好小肉，而呢道喺內層有好厚同好大舊嘅肉。感覺上愛上咗食九肚魚🤤🤤。呢道嘅裝修真喺好懷舊，以前細個嘅回憶返晒嚟，裝修好同埋味道又好。一路食一路通返兒時趣事，睇怕個個上咗年紀嘅都會喺咁😂😂。