女人街食飯公司

营业中

休息中

首先大排檔個名非常搞笑😂叫女人街食飯公司裝修都係玩懷舊風 不過我好鐘意仲裝修得好靚門口仲有一對龍鳳，好耐無見過啦！以前去酒樓飲茶見到多入面地方都幾大位與位之間仲唔迫，坐得好舒服😌地下仲好乾淨👍🏻👍🏻超讚入面既裝修好正滿有香港特色有無多少勾起你既回憶？仲有海鮮可以選擇👆🏻好正既屋村三鮮 必點有大墨魚、鴨腎、豬大腸仲有必配既甜同芥末醬墨魚好爽口鴨腎索哂濃濃既滷水汁豬大腸一點都無臭味👍🏻👍🏻黑松露鮮蝦多士有成隻蝦嫁，加左小小沙律醬同黑松露醬炸好香口呢！不過感覺有小小油膩唔夠既話仲可以點黑松露醬青芥沙拉骨排骨上面掛滿青芥醬一不小心嗆喉了叫番個白飯黎送大叔焗魚腸由於工序繁複，唔係咁多地方有，但吃起來的甘香滋味叫人難忘。一個砵既size 要等20分鐘左右加入蛋，油炸鬼、魚腸等等👍🏻👍🏻呢間大排檔都唔錯有冷氣又唔污糟食物水準不錯，會再黎試埋其他小菜

今晚同朋友一齊去到旺角食飯， 其實通常食飯都係食啲茶餐廳呀，或者西餐廳呀日本餐咁樣， 朋友突然提議想食番一啲港式嘅招牌菜。 咁佢就帶我去呢間女人街食飯公司。 一入到去裝修非常之懷舊好有香港特色。 之後我哋嗌咗以下：八味脆鮮魷 : 呢個鮮魷每一隻都幾大舊，同埋椒鹽味十足，同埋佢炸得非常之香脆， 可惜今日我要揸車，如果唔係一定嗌啲啤酒送一送呢個鮮魷，同埋幾有以前大排檔嘅特色，好有兒時食大排檔嗰種風味。鳳梨懷舊咕嚕肉: 首先呢個咕嚕肉甜味同酸度都十分之適中， 佢炸到豬肉個肉身亦都鬆脆可口， 菠蘿亦都香甜。 食落有別於現時食緊嘅咕嚕肉。瑤柱招牌蔥油雞: 本來我哋嗌咗呢個走地鷄蛋老闆話賣曬所以我哋改咗做蔥油雞， 講返隻蔥油雞製蔥油雞冇冰鮮味，食到係有雞味， 同埋隻雞啲雞肉都幾有口感同埋嫩滑。 所以如果係呢一間餐廳order咗雞嘅話啲雞嘅質素都有啲保證。總括而言，呢間餐廳其實我覺得都唔錯，因為起碼可以食到以前香港一啲啲懷舊嘅菜式，同埋啲裝修我覺得幾懷舊，可以緬懷返以前香港嘅時光。 可以一試唷！

朋友生日，唔想再咁悶去唱K，一於搞搞新意思，見朋友IG post咗啲相，個場好特別，即刻問吓係邊度黎，原來喺旺角叫女人街食飯公司，聽個名就知幾特別，女人街，食飯，公司，好鬼正！Book咗7:30 ，一上去都已經人山人海，食到九點幾原來仲多人，果然係旺角越夜越熱鬧，講真我都係第一次去呢啲扮懷舊餐廳。雖然係懷舊餐廳，但係我感覺好潮好正喎，一啲都唔覺得老土，我哋仲勁鍾意影相打卡，佢最抵死係每一個角落都有唔同嘅場景佈置，特別啱晒我哋呢啲朝仔條女去。講返食物質素先，我勁鍾意食佢嘅走地雞，有蔥油鋪晒上面，啲雞係好滑，仲好食過阿媽整嗰隻，必食推介。另外唔少得要點黑松露蝦多士，呢一個菜式唔係度度都有得食，蝦多士係傳統功夫菜，啲黑膠要得到起膠，再用多士煎炸半咋先至夠香口又唔會油膩，呢度做得好出色。好欣賞呢度簡簡單單一個炒菜都可以炒得咁有鑊氣，十足十大排檔，呢種風味真係好難搵，果然睇得又食得！　

屋企人話食慶生飯，老中青出黎食都係中菜酒樓，今年阿哥有諗頭，話帶我地去個特別嘅地方食中菜，一聽個名就知好正，叫女人街食飯公司，地點就正正在於旺角女人街即係西洋菜街嗰度，簡直係合晒題，地址好容易搵！一上到去見到左右一籠一封，嘩真係好懷舊，連我阿婆都話要影返幾張相先，果然係上一輩嘅特別覺得呢度好正，再行入啲其實佢每個位都有唔同嘅裝修曾設，我都記得我細個嗰陣時嘅酒樓係咁嘅樣，而且仲有啲係店舖、商店嘅裝修，對於我後生女來講呢種設計有幾新鮮，雖然挽救但係但我覺得好潮喎。睇返四周圍嘅客人，通常都係後生去極多，其實呢啲懷舊餐廳主打都係新潮嘅後生女，其實全部影相位都好靚啊，我阿爸阿媽婆婆勁鍾意啦，就算我哋呢啲後生女都覺得好正，特別係傾下講下婆婆會講俾我聽以前嘅大排檔係咁㗎，感覺好窩心！我下食乜先，呢度嘅菜式都係偏向手工菜，懷舊菜，我哋叫咗個招牌蔥油雞，或正到不得了，呢度嘅雞好嫩，斬開來仲有少少鮮紅色，而且加咗蔥油同埋秘製醬汁，一定要嗌！另外有豉油王鵝腸，呢個係少有嘅菜式，唔係度度都有得食，呢度嘅鵝腸好爽好滑，只有入味，就算係唔係好識內臟嘅我都覺得好味！我母親大人鍾意食咕嚕肉，呢度嘅咕嚕肉唔係用炸粉嚟炸

聽朋友講來過呢度食飯，因為個名好特別令我印象好深刻，叫食飯公司真係好特別，唔知係咪以前興叫食飯公司呢一入到店，聽既全部都係歷年最hit 既廣東歌，連哥哥既歌都有，裝修好懷舊，好似入左一間有冷氣既大排檔餐牌有既都係大排檔既主打菜，竟然有焗魚腸......焗魚腸呢個餸真係買少見少，無乜菜館肯做，心機太多，又唔可賣得太貴，所以係呢度食到真係勁開心😃魚湯浸菜苗個湯好鮮味，堅係魚湯，唔好睇係普通白菜仔，係好嫩既白菜仔，成個菜變得好正咕嚕肉呢個肉無骨，啖啖肉，菠蘿🍍仲係新鮮菠蘿🍍，好有誠意呀

日期：7月6日人數：2人話說都幾個月前，有同事嚟過呢間餐廳食晚飯覺得菜式都比較好食，所以就推介左呢間餐廳。咁岩行過旺角，就同屋企人嚟咗食午飯。上到來都唔多人，唔需要等位。一人點左一個午餐，一個食蝦仁炒蛋飯，第二個食涼瓜排骨炒河。喺食飯之前，先飲一碗例湯，例湯好熱，足料好飲，好想添飲但唔得。先講蝦仁炒蛋，蝦仁爽口但係唔算好有蝦味，炒蛋就炒得好滑，豉油汁亦都好香。涼瓜排骨炒河新鮮熱辣炒出，好多餸，豉汁亦都整得好夠味。裝修行懷舊香港風格，環境唔錯，乾淨衛生。順便都睇咗晚飯菜單，餸菜款式唔少，睇落都幾吸引，可以一試。午餐人均50幾蚊，價錢可以接受。

當日我們11個大人,叫左9個餸1個湯,當餸來到的時候,看見嘩咁大碟,咁都幾抵食喎,當然我地食唔曬啦! 結帳的時候,發現咁貴既..原來店員看見我們11個人,擅自幫我地餸菜x2 ..從來沒有問過我們..（湯我們是主動x2的) 直至結帳才發現餸菜被x2.. 心想11人吃9個餸再x2? 有沒有搞錯? 根本食唔哂的.. 太過份了..............................總結食物一般般 不會再來!環境差... 看到有曱甴! 不只一隻!

本地懷舊風一直大熱，餐廳都重構上世紀的情懷。從前只會在電影中看到大牌檔，如今活生生地踏足，感覺好奇妙。以前街邊大牌檔，無冷氣坐摺櫈。當然，經過改良，更加進步。現在冷氣開放，又有雅座。餐廳佔地面積大夠大，二至八人枱都有，走廊夠闊。四周裝飾，充滿本地情懷，都是兒時參觀博物館才看到的花牌與招牌。大牌檔，當然是吃煎炸的食物。前菜選三款有優惠，那便挑了三款。家鄉鯪魚球每粒大小平均，口感結實彈牙。台式黑醋茄子茄子切得公整，吸收了黑醋，咬下更濕潤。蓋面的木魚絲非常生動，栩栩如生。八味脆豆腐豆腐粒粒金黃，外脆內軟，把百福豆腐提昇至另一個層面。黑松露鮮蝦多士老少咸宜的茶式，不能抗拒。一上桌，幽香的黑松露醬直撲鼻子。原來每塊蝦多士上，均有一撮黑松露醬，再加上黑松露沙律醬，兩重黑松露味。多士金黃色很誘人，與蝦肉混合得宜。風沙九肚魚九肚魚也是較常點的，整體份量很足。炸過後，尚帶少許魚骨，得小心食用。完整的大牌檔風味，啤酒少不了。場內有穿哈爾濱啤酒的制服女郎，當然，是，捧場。拿起戰鬥碗暢飲了。

之前食過樓下火鍋飯店就好想食下佢間姊妹餐廳女人街食飯公司❤️今日同老公路過旺角諗都唔諗就走咗上去幫襯.💟菠蘿咕嚕肉菠蘿好新鮮唔係罐頭菠蘿咕嚕肉炸得脆卜卜炸粉好少 好少肥肉全部都係瘦肉個芡汁做得幾好酸酸甜甜勁開胃💟黑椒蜜餞薯仔牛柳粒薯仔炒過 都整到脆卜卜外層有一層糖衣甜甜地好好味唔會有粉嘅感覺 牛柳好鮮嫩完全唔覺有冇根 加埋少少黑椒味超好食 有水準！💟乾炒牛河勁大碟四個人食都夠牛肉好大塊冇炒到好鞋仲要冇油感覺炒得好乾身 性價比高.餐廳嘅裝修有6 70年代嘅感覺淨係打卡都夠曬餐具職員嘅衣著都跟足以前好有懷舊feel☺️.🎀女人街食飯公司🎀旺角通菜街1A-1L威達商業大廈1 字樓B

上旺角女人街食飯公司全因朋友推介, 話佢地比妹記好味, 於是同朋友占卜算命完一齊上去開餐!一步入餐廳, 八十年代香港獅子山下味道出哂黎, 所以, 係另一個外地朋友打咭好地方.點咗黑菘露鮮蝦多士, 泰式也話甩紅燒翅, 羅勒黃金軟殼蟹, 薄荷紅酒牛尾煲.優點 :1, 蝦多士炸得夠香脆, 淡淡鮮甜蝦味, 已經唔錯, 再加上味帶甜而且黑菘露味濃郁嘅醬, 滿分!2, 軟殼蟹黃金咸蛋醬足夠, 外脆內軟, 滿分x2!3, 紅酒牛尾煲單單紅酒汁已經可以配換兩碗白飯, 太好味鳥! 所以最後紅酒汁打包無浪費.牛尾肉質幼嫩, 推介!4, 環境令人超級懷念, 連紙皮石地磚, 窗花都係當年八十年代設計, 好感動呀！~~>_<~~5, 我坐近門口, 發現好多美女出出入入幫襯!缺點 :1, 凍飲選擇極極極少.2, 泰式也話甩紅燒翅完全唔掂!!! 自己已經係濃味獸, 湯底濃到頂喉! 落咗兩匙茶先至味道回覆正常!我未去過泰國食魚翅, 如果係百分百正宗泰國魚翅味, sorry 唔啱我口味.𠵱? 喂! 魚翅呢? 吓! 就係哩D! 咁少?3, 環境懷舊但菜式唔夠懷舊, 乾炒牛河, 陽州炒飯, 絲襪奶茶, 支裝

今日同成班朋友去左女人街食飯公司食飯~8個朋友仔，叫左兩個4人餐，再upgrade左兩個燉湯~燉湯黎講，淮山杞子燉螺頭，夠火候~黑松露蝦多士，唔太油又脆卜卜，淡淡黑松露味，正~瑤柱招牌走地雞勁滑，滑嘟嘟，好juice~魚的蒸得剛剛好，大家都食不停~椒鹽炸鮑魚，哩個堅起出面未食過，脆脆的咸香外層，配以原隻軟軟的鮑魚，一啖趙晒，勁爽~😍士多啤梨三度腩排，汁好味，但腩排稍肥同好大舊，較難咬😆😆整餐黎講，還是滿足的

香港人愛懷舊，舊時嘅擺設，裝潢，用具，都時不時會被翻出黎，最近上網見倒旺角有間女人街食飯公司，光看名字都好搞笑，唔深究個名，睇下佢嘅裝修，紙皮石階磚，門口左右一對龍鳳大禮堂，店內廣告招牌，圓枱，鋪頭捲閘，揮春對聯等等，都行懷舊風，再睇下餐牌，唔止有懷舊菜式，仲有一d fushion 菜tim。最近飲得少湯水，點左個淮山杞子燉螺頭湯，餐牌講少左，應該加埋雞腳先岩，因為除左螺頭多，雞腳都有五六隻架，充滿骨膠原！點左個女人街鮑魚拼盤，來頭唔細，冷盤有一隻鋪滿蟹籽嘅鮑魚，仲有魷魚，豆角同泡椒雞腳，鮑魚滷過好入味又保持彈牙，雞腳辣辣爽口彈牙好惹味，豆角都略調味，正！士多啤梨三度腩排，名字夠特別，味道都好新鮮，生果入贊用橙用檸檬見得多，士多啤梨第一次，醬汁酸酸甜甜，腩排其實就唔知咩位置，不過骨位略多，如果啖啖肉，對我呢d懶人就適合不過喇。食環境食氣氛仲有食味道都好高分，下次同多d朋友黎，可以試多幾個送！

懷舊大排擋裝修非常精緻有味道淨係影相都唔得閒食野喇食物種類繁多，高質素味道好，份量適中非常合適一大班人聚會食飯暢飲特別鐘意佢個豬肺湯夠火喉，真係好好味另外一個係黑松露蝦多士入口鬆脆，一試難忘

餐廳裝修別出心裁, 充滿住舊式酒樓同埋大排檔既味道既味道🏚 而餐桌同座椅就用左大排擋式既圓枱同埋酒樓既座椅, 感覺好似回到過去咁🌪 餐廳都幾旺場, 座無虛席, 夾雜客人既傾計聲就好似真係身處大排擋咁😂 我地大約7點鐘去到已經見到好多人係門口等緊位, 所以想食就記得提前卜位呀✔️ 菜式方面既選擇都算多, 我地就揀左幾個最signature 既菜式👍🏿屋村三鮮🦑($78)豬生腸, 鴨腎, 墨魚, 呢三樣都係香港既地道街邊小食, 為食妹都好耐冇食喇😌 三樣食落都感覺新鮮, 爽口彈牙, 絕無腥臭味, 再點埋甜醬同埋黃芥末醬簡直係一流, 絕對係必點既小食🤤家鄉鯪魚球🐟(9粒)($68)呢個其實係屬於餐前小吃, 開頭以為份量會偏細, 黎到見到有9粒都覺得幾抵丫💁🏾‍♀️ 所謂既家鄉鯪魚球其實係炸鯪魚球, 外皮小小脆, 包住滿滿既鯪魚肉再點埋個蜆芥汁簡直係一絕呀🤤士多啤梨三度腩排🍓🐷($108)相比其他菜之下呢個略為失色, 始終生果煮既菜都係比較難出味🤔 不過都有甜甜既醬包住D豬腩骨啖啖肉冇咩骨, 都幾有趣😌鮮魚湯杞子浸菜芯🥬($88)菜芯夠嫩所以食落口感爽脆, 掛曬有淡淡魚香既魚湯同埋大大粒杞子,感覺

今日路經女人街， 朋友充滿佬味， 選擇的也是的茶餐廳 和大排檔。店舖的名稱沒有太多誠意， 令我有點汗顏。 不過內裏的裝橫， 的確有老香港的味道， 但整體來說不算美觀。食物方面，以大排檔的標準來說，是欠缺鑊氣🤦‍♂️ 味道不夠惹味， 反而顯得有點死鹹。而我點的是海鮮， 這裏的海鮮性價比不算高， 一隻蒜蓉蒸扇貝也差不多上一百元正， 味道太鹹 方面真的令人感到非常失望。另外點了 蟶子， 不說味道， 口感也不說了，但他竟然沒有把沙石去掉， 我一口呀擺沙石咬下， 琺瑯質也磨蝕了不少， 誰想到吃一餐飯會賠償了牙齒。 這一次的經歷 只有以恐怖來形容， 我決定這間餐廳永不錄用了。