奇趣餅家

营业中

休息中

經常光顧此店....最愛那囗感煙煙韌韌的燒餅。今天便買了一個豆沙燒餅( $ 3 )....而且買了一包迷你光酥餅( $ 8 )嘗嘗它的味道。豆沙燒餅是熱熱的( 應該是新鮮出爐吧)趁熱便立即把燒餅消滅了....豆沙依然很多、而且吃起來不會太甜....很合我口味!!迷你光酥餅很軟熟，有淡淡的蛋香、不會太乾而且不會糊著喉嚨....很快便被我消滅了大半包,,,,味道確實不錯。值得再買^^

每次經過呢間怀旧小吃都俾佢吸引,雖然成日大排長龍,不过見到熱辣出爐的豆沙餅,都會乖乖排隊.呢度的豆沙餅好軟,又不会太甜. 老婆餅就普通,嗰皮有時會厚咗啲.合桃餅也不錯,好大個,好香脆.

本來只想買光酥餅.排吓排吓, 見咁多人買燒餅.. 好啦, 買兩件.件皮蛋酥又幾靚仔噃. 再來一件.香蕉糕.... 哎呀, 乜成日俾事頭婆當墊用. 不過好啦~ 又來一件. 我們在附近的餅鋪又買了一件大一號的光酥餅.我先吃奇趣的... 再吃另一家的...另一家的相形見拙.奇趣的... 比較實, 也比較香. 我愛光酥餅. 回家用焗爐翻熱皮蛋酥.切下去的時候, belee balaa, 很脆.忘記皮蛋酥是有蓮蓉的.皮蛋很有皮蛋味.不過不失啦~ 香蕉糕, 不錯.不大嗜甜的我. 一啖就夠了! 燒餅吃不出它的魅力.不懂欣賞. 還是最愛光酥餅.

小比每次黎到花園街都要食豆沙燒餅~今日都唔例外~第一站就黎到呢度~諗住買埋大光酥餅~~點知.......就係右下角白色帽ge可惡人~~~一次過買晒十個~無晒!!~~可惡可惡~~~呢度樣樣野都好好食~~間唔中都要買d返屋企比為食妹所以今次除左燒餅~仲買左$10牛耳同$10蛋散仲有一包....細...光酥餅~~最搞笑係隔黎對夫婦係度數~話一袋有15個~有d得14~哈哈跟住我又數~~~hahah~要多d個袋啦梗係~~好低b企係路邊就忍唔住又即刻食個燒餅!不過最衰今次只係微溫~不是新鮮出爐超熱辣~不過都唔緊要~~都好好味!!!我愛我愛我愛~面頭ge芝麻粒令到淋bibi ge燒餅有d咬口~小比最鍾意豆沙餡又唔會過甜~very nice~~~不過燒餅就唔會外賣返屋企了~因為自已叮返始終都無即食咁好味~有機會一齊去食咪得囉!!!haha小光酥餅2啖一個~又唔會太乾爭爭~不像坊間有d''乾到脆'' ~好滋味~!

大清早，主人與奴隸獸就途經『奇趣』，見到兩名員工正勤奮地，將一盆盆的迷你光酥餅（HK$8.0）包裝入袋，即時激起我們的食慾，買了一袋，邊行邊食。餅夠鬆軟，又不會太『粉』，食後不會感到黏口。雖然是迷你光酥餅，但仍然不能一口一件，如果可以將Size改細一些就更好了。

前天中午路過, 無得賣豆沙燒餅....差不多4-5pm再去碰運氣, 哈...好多人圍住呀...$3一個, $13五個, 買了五個呢...因為太熱了, 沒有即刻試食...回家後才吃, 暖暖的也很好吃,層皮軟軟的, 非常煙韌, 甜度亦適中, 但略嫌豆沙餡分佈不夠平均, 變得層皮時厚時薄.昨天早上還把豆沙燒餅放入電飯煲整熱, 仍然好吃呢!

老媽子去花園街買,順便去"奇趣" 買我最鍾愛豆沙燒餅同香蕉糕.個燒餅買返屋企前後都有半個鍾,我食時候都仲有點微熱,不過唔知係咪近排d物價升,d紅豆好似冇以前咁多,塊餅皮都簿d,哈哈....不過個餅都仍然咁好食,反而皮簿重覺得冇咁"un"香蕉糕軟硬適中,食多幾條都唔怕滯.

一心去金華買幾個菠蘿包, 點知佢內部裝修無開門, 行行0下見到呢度d 燒餅0岩0岩出爐, 買了兩隻豆沙($3 each) 試試, 加一包好似幾靚的光酥餅($8 per pack).燒餅拎上係勁熱, 買完行了5 分鐘路再搭了15 分鐘巴士仍然好熱(!!!), 果然係新鮮出爐! 層皮幾薄, 軟軟的, 好煙韌, 食落帶點芝麻香, 好食! 豆沙餡夠香, 甜度剛好, 食完唔「也母」喉, 而且夠晒熱, 比上次0係九龍城鳳香園買0個幾舊「石頭」好食得多, 非常唔錯!光酥餅(好耐無食喇!) 係迷你size, 一隻可以兩啖食晒... 味道少少甜, 帶點蛋香, 質地乾身, 食落幾黏口, 不過光酥餅梗係咁0架啦, 加上唔會成口粉, 唔錯! 一直覺得中式光酥餅同西式scones 好似, 唔知自行加d cream 或jam 上去效果又會係點? =P上0黎Openrice 先知原來呢度有過百個笑面, 不過對今次呢兩款餅幾滿意, 抵佢咁人氣. 下次0黎開旺角, 會再0黎買其他餅試試.

中式餅真是了不起的食物，款式多，味道好，真是百吃不厭。今次，除了吃囉酥外，還買了蛋撻仔、合挑酥和老婆餅。囉酥保持水準，但甜了少少、蛋撻仔不太甜，不過整體幾好味、合桃酥一般，而老婆餅，本人就覺得好過榮x和恆x，因為此店的餅，層與層的酥脆脆的，有層的口感，不像其他的好像粉粉的感覺，而個餡又不太甜，唔錯，又一新選擇。下次要試他們的蛋糕仔和雞仔餅。

假期去花園街行了一圈, 好多人, 經過奇趣, 見有豆沙燒餅出鑪, 即刻買了個一路行一路食, 真係新鮮熱辣, 不太甜, 皮好煙"un", 好好食, $3一個抵食呀.

試左棋子餅,蛋撻, 香蕉糕同燒餅..棋子餅, 香蕉糕, 燒餅,幾好味啦, 但唔係超級,只可以講中上蛋撻仔反而估唔到會咁好,個皮勁鬆化..不過比平常蛋撻細舊，因為好好味，太快食完有d唔滿足, 哈哈!

** 此食肆的第二十個OK **尋日(4-3-2008 Tue)放工同女友人CKo黎旺角睇Openrice送贈o既’誘心唔怕遲’電影.見有時間,於是o黎買豆沙燒餅畀CK.本來都想買棋子餅,但冇.見有牛耳,蛋散呢啲CK鍾意食o既零食,不如順便買埋啦,又見有香蕉糕,於是……真係收穫豐富啊,用$51.00買o左半磅牛耳,半磅蛋散,兩件豆沙燒餅同三件香蕉糕.(原本要兩件,亞姐話要三件啦,$5.00)豆沙燒餅仍熱,於是急急腳行去朗豪坊麥當勞匯合CK.去到,CK去買o野食,我等佢o既時候就食o左一件豆沙燒餅,豆沙仍有好多,而已依然唔太甜.食完,等呀等,等呀等,CK咁耐o既?於是又忍唔住,試吓蛋散先,咬落,好實好脆,個人應該唔多鍾意實脆o既口感,鍾意鬆脆多啲.而味道唔算太濃,不過食到油味.CK重未返o黎,咁又試食牛耳,每件牛耳都唔係好大件,都係實實地同脆,但比蛋散惹味同唔油,估唔到我食完一件又一件,唔係因要食麥當勞我都唔停口啊.CK終於返o黎喇,我可以食’正餐’同同佢分贓喇.至於香蕉呢,到今(5-3-2008 Wed)朝早試啦,呢o度比津津o既大件,面到o既粉亦一樣’鞋’,味道….冇乜香蕉味喎,而且

今日行過呢度終於買左呢個豆沙燒餅都幾好味，唔太甜，皮煙un唔太油不過好似係唔記得邊度都食過相當質素的豆沙燒餅下次會試埋其他

成日經過呢度都會見到好多人買,中式餅店已經越來越少,希望大家喜歡試新野之餘都唔好忘記D舊野今日試吓個豆沙燒餅(HKD3),新鮮出爐,重有D熱騰騰既感覺,煙煙韌韌,又唔會好甜,不過如果可以再減多少少甜會重好D

每次經過這食店都想試他們的摩囉酥，可是每次都是吃不到，以免白行一趟，我每次都會試他們的其他食物，例如，光酥餅、燒餅、香蕉糕、老婆餅等，基本上全試了，惟獨是摩囉酥怎樣也吃不到。今次路經，本已很飽，但讓我看見期待多時的摩囉酥，怎能放過呢，買了兩個，仍然是暖的，一口咬下，是我想像中的口感，甜甜的又"un""un" 的，好味，不過甜了少許，不過比旺角的另一出名中式餅鋪的好味很多，那間的摩囉酥竟是豆沙的，好怪。我會給他們的摩囉酥-笑，因為有特色和味道不錯。