奇趣餅家

营业中

休息中

燒豆 ~ 以前行街個陣媽咪成日都會買比我食 , 不過細細個又點會識得分好唔好食 , 宜家大左先發覺原來咁出名 , 所以就去買返黎食懷舊一下啦 , 味道依然十年如一日冇變過 , 熱辣辣皮又軟身 , 豆沙餡分佈平均而且唔會太甜 , 面頭仲有d芝麻多左一股香味 , 真係好好食。 笑口棗 ~ 我本身係好鐘意食 , 每次去喜宴最後一道甜點有笑口棗既話我都會食大半碟 , 今次第一次試呢度既笑口棗 , 口感好鬆脆 , 入口又香芝麻味 , 令人想食完一粒又接著一粒呀。 合桃酥 ~ 雖然同其他買地方既味道差不多 , 不過呢度贓在價錢平又大塊 , 食左一半已經覺得有少少飽呀。 皮蛋酥 ~ 脹卜卜外皮鬆香而且又係新鮮出爐 , 入面既皮蛋又好食wor。其實仲有好多野想買黎試 , 例如: 米通，老婆餅，鹹蛋散，牛耳仔等,,,好彩地點方便就腳 , 隨時想再去買黎食都無問題。

個日行過 見到好多蛋撻仔 好得意~所以就買左2個 $3 暖身既 一咬落去-口- 唔好食 skin好厚 d蛋漿 好硬 1d都唔滑下次唔會買

次次經過 ..我總會買個燒餅吃 ...一個只要2元我較喜歡原味的 ...沒餡..大多數買時是暖的是很舒服的感覺...而且有咬口.......上面有點點芝麻香 ..是令人高興的便宜小吃..

買了3個豆沙燒餅, 3個淨燒餅+4個鮑魚酥試試. 熱哄哄的燒餅 quite good, I like 淨燒餅 more than 豆沙燒餅. 鮑魚酥 ok la !

哩度D豆沙燒餅簡直no.1 >3<煙韌又不太甜就算冇餡ge都甘好食!!!wow wow wow``史迪妻買了香蕉糕for外父佢話都好好味但光酥餅就not good la食完有種回梘味 ( that mean 回噃d梘水味 )D雞仔餅太油la牛耳餅好common,不值e個價但都可以試試ge都好脆好香南乳味但所有野用左好多豬伷So fat`` =~=

以前返學放學都會經過呢度，之前都唔知佢原來咁出名！最鐘意食佢既燒餅。燒到微微金黃色，餅身幾乾身，唔會油淋淋，上面有芝麻，好香口，紅豆餡甜度適中，連無紅豆餡既燒餅都好好味架！煙煙韌韌，最緊要時時都新鮮出爐！

一直都只是光顧旺角嘅明華, 因為地方較為方便 但今天機緣巧合下, 要乘火車返大學, 所以就來到了太子奇趣 買了馳名的豆沙煎餅($3 each), 之後再用左十蚊買左合桃酥,鮑魚酥,嚤囉酥,老婆餅 熱哄哄的豆沙煎餅, 一買完就即刻試食, 所以都忘記拍照, 太美味喇!!! 比明華做的好得多, 口感飽滿, 而且煙, 豆沙餡分配得很平均 我和親愛的兩三口就幹掉了!!突然有人拍了一拍我的膊頭, 原來是米高 ~~我倆就非常慷慨的讓他一嘗豆沙煎餅,同行去下一站 (順帶一提 這裡老婆餅的多層酥皮, 口感鬆化 )

今天剛經過....記得老公都鍾意食呢度既光酥餅, 於是連明天早餐, 買了一中一小, 共 $13! 剛巧包裝緊....好多....好新鮮呀! 返到屋企開了袋細既食咗一粒, 水準保持, 又無怪味! 由於要控制食量....無買其他好食既如雞仔餅, 乜酥物酥都唔錯! 係椰撻仔我唔 BUY!

五月廿四日(六)因要整電話出左太子，第一站係奇趣餅家，因為通常整電話都要排隊等，所以係度買番d野食等既時候唔使咁悶～　買左以下幾樣：豆沙燒餅($3)本來無o念住買佢，但見佢新鮮出爐又忍唔住手買番個。今次尼個真係熱到辣手，仲好食過上次，皮更加軟術，豆沙饀依然分怖均勻，下次要買番幾個係屋企慢慢食先得！雞仔餅($14/半磅)尼度雞仔餅皮係軟身，個人其實喜歡皮微硬雞仔餅多d，因為個皮會香d配合起個饀會更有香味。饀黎講就真係非常好，食落唔會有肥膩或者多油感覺，而雞仔餅南乳香味非常夠～　和澳門晃記硬雞仔是兩種截然不同風格～　唯一相同的是同樣美味！光酥餅($8)上次買唔到，今次終於買番喇。老婆攞左返去食，暫時未試到～買左三樣野裝埋成袋都係$25，d餅食幾日都未食晒，又好食又抵食～

今日一得閒就出左旺角,突登走去奇趣餅家試野食(之前聽日講好食),,搵左好耐間店最後都係搵到.哈真係第1次試,3蚊就有1個豆沙燒餅,我買左13蚊@5,又買左合桃酥,10@4,真係好正,好平,第1啖食豆沙燒餅,好味味,比足料唔係講笑不過我都係鍾意食合桃酥多d,,又脆又大件,^^可惜買完光酥餅,下次我1定要再去再試光酥餅,皮蛋酥,香蕉糕,...

每次行花園街都會去奇趣買燒餅以前鍾意食淨燒餅因為我唔鍾意食紅豆但上星期六買左 2 個淨燒餅 3 個紅豆燒餅第二朝拎左一個紅豆燒餅去叮 30 秒，試過一啖後簡直就係正 !唔會太甜又冇我唔鍾意既紅豆，係得一堆紅豆餡原來紅豆燒餅都好好食架 !

我係奇趣買野食不下三十次.."通常我買既都係鮑魚酥,合桃酥,豆沙餅,椰撻我個人鐘意鮑魚酥多d~ 十次去有九次都有買xd好平...5蚊兩件... 而且我覺得第到真係搵唔到..我之前去過某d bakery買d鮑魚酥試下..真係難食到嘔... 至此我都只係會食呢到出既"今日買左鮑魚酥合桃酥各兩件..10蚊咋"夜晚睇波睇戲當零食都可以.""仲有.,. 依家乜都貴左.. 就算d料都貴左...但佢都冇加價.. 就算加左都會照買~~

五月一日（四）食完lunch本來o念住去荷里活既泰昌度買沙翁黎試，但去到又賣晒~行左陣o念起可以趕到去平時放工已關門既奇趣餅家，於是就立刻過去~老婆target係光酥餅，但去到時唔見光酥餅緃影，只見豆沙煎餅出爐，不小人排隊購買本人對豆沙煎餅亦非常喜愛，但真係唔餓，所以我們只買一個黎試，老婆順便問問原來光酥餅已售馨，來遲了一步！豆沙煎餅（$3)外皮乾身，微熱，紅豆饀不算特別多，但勝在均勻，差不多每個位都有饀，每啖都可以吃到紅豆味紅豆饀配合煎餅很夾，不算很甜但很好味~本來都想買雞仔餅，但半磅又好似太多，都係餓d先買黎試下次一次要買到光酥餅先得！

去到奇趣,當然要買豆沙燒餅, 熱辣辣新鮮出爐,見到很難得的迷你光酥,當然要試試, 還有出名的雞仔餅,買了半磅考敬爸爸,爸爸說雞仔餅超讚!!!放了幾天都仲好新鮮, 仲有大大個合桃酥, 個人認為焗得太脆了,見香蕉糕好抵, 5蚊有3舊,又買了考敬媽媽......結果執下執下成四十蚊..............不過好滿足!!!!

我住係旺角，所以次次行完花園街一定會去奇趣買燒餅返屋企食，我較鍾意冇豆沙既燒餅($10/6個$2/1個),我覺得唔係好甜,好煙韌有時候仲會買包迷你光酥餅做消夜