奇趣餅家

营业中

休息中

樣樣都好食，走過都按奈不住。老舖搞創新──公仔餅，造形如舖名~~唔好：比其它餅貴($10 x 3個)，無餡，好似淨食麵粉 / 餅皮咁，好齋、好寡、單調乏味，根本就係嚤囉酥既皮，總之食摩囉酥好過~~廚師是阻止浪費食物的第一人囉，淨係諗住賺第一筆既話，好無志氣囉~~建議：令人唔會番頭食既野唔好整~~有di 絕，唔好介意~~

細細個就已經幫襯奇趣餅家，多數食光酥餅同合桃酥，間中又會食下蛋撻同椰撻。全部都做得好好味。至於佢好受歡迎的燒餅，我竟然係今日至第一次食！雖然我食既時候個餅已經凍左，不過口感依然係非常煙韌；燒餅上面既芝麻令到個燒餅更香。豆沙餡亦唔會太甜，的確不錯。另外買多左一個老婆餅，不過質素普通。做到「餡靚」，不過做唔到「皮薄」。所以都係留肚食燒餅好d！

紅豆燒餅真係唔錯 料又足 口感又唔會太un 呢^0^" 正!合桃酥 夠味 而且熱熱地 又大件 , 令我好快飽左-.-"香蕉糕 甜得滯-____-"摩囉酥 我覺得d椰茸好好味呢^0^" 可能因為熱熱地掛^^"鮑魚酥 同合桃酥冇得比-.-" 差好多wo!

行過花園街must buy的紅豆燒餅1pm行過, 唔係新鮮出爐, 但都微暖~ 好煙韌~~但唔"痴"牙~~ 紅豆蓉唔太甜~~ 好好味啦~~香蕉糕, 都几甜下~光酥餅(細), 買左包返home, 几香奶味~~

屋企人不嬲都愛吃皮蛋酥，通常經過奇趣都只買皮蛋酥回家。夜晚把皮蛋酥放入焗爐烤，熱辣辣的可有不好吃之理？皮蛋酥內有半隻皮蛋，而餡料實在很足，最重要是不太甜，起碼一口吃下，還是分得出在吃甚麼！吃完真的很飽，是為滿足的一晚了。

好得閒路過旺角買左個豆沙燒餅食喂,真係十級正wo夠晒口感煙煙韌韌至於豆沙涵亦整得好好,唔會太甜或者係無味買既時候仲係熱,入口時真係剛剛好難怪網上會咁好評如潮好既傳統餅家而家係香港真係唔係得番好多間相信大家會好支持呢一間做落去

睇戲前經過奇趣，看看有沒有我喜愛的嚤囉酥~~無，今天沒做。於是看看有什麼沒吃過，看見棋子餅，細細粒，幾得意，就買了3件棋子餅和2件老婆餅。棋子餅：口感像鬆餅，像嚤囉酥的外皮，但甜一些，中間有點蓮蓉，整體偏甜，一試無妨；老婆餅：因為不熱，令中間的餡口感差了，椰絲的味道明確了，比上次熱食時甜多了。中式餅的毛病是要熱才好吃，但此店可吃做到做法較傳統的中式餅，價錢又不貴，雖然未必能捕捉到他們最新鮮的一刻，但他們的中式餅仍是值得吃的。5件餅只需10元，抵。

到奇趣已經成為我同親愛的來旺角必經的一站為的就是豆沙燒餅 =] 今天下午買了豆沙燒餅(每個$3)、光酥餅(每包$7)及雞仔餅(每磅$28) 豆沙燒餅: 熱辣辣的燒餅皮與豆沙餡比例適中好食~ 光酥餅: 細細粒一啖一個入口很鬆軟, 不會有“漿口”的感覺 雞仔餅: 食時還暖暖的脆脆地很香南乳味, 可惜晚上再食雞仔餅已經變“林”了, 還有點油膩

和親愛的經過當然少不免買豆沙燒餅啦熱烘烘的即場幹掉了一個, 仍然煙韌, 甜度適中!又買了一磅雞仔餅, 小小的, 較出面的軟熟, 幾香不過買了回家後再變得太軟啦, 黏在一起 幸好帶回家的燒餅翻訂一陣又變番煙韌好味, 即刻和家人一人一啖ko左~5分 是給燒餅的!

03.07.2008買左個豆沙燒餅,,暖暖地,,但食落..好小豆沙..有d失望..可能或者係呢件咁岩小左d na..下次會再試下既..嚤囉酥,,買左4個,,呢個反而比第到食開既多餡wor

花生餅：就唔多好…都無咩花生味既…奇趣始終都係豆沙燒餅最好啦！

豆沙燒餅：我最愛！！！食不厭…必食！夠煙韌，熱辣辣，新鮮好味道！$3@，$5,2個,$10.6個不過我唔鐘意熱食…唔知點解喎，可能凍左個皮會煙韌掛~ha (我鐘意食糯米製品嘛)香蕉糕：以前都好鐘意架，但依家就覺得甜左d…摩囉酥：ok蛋撻、椰撻：一口細細個，新鮮出爐…老婆餅：當然唔夠恆香好啦雞仔餅：香口合桃酥、鮑魚酥：好酥、鬆化…幾好味啊淨燒餅：無餡，唔食太甜的人岩晒 $2光酥餅：夠傳統米通：甜度適中、脆

試了豆沙燒餅,10蚊有4個.口感軟糯,甜度適中,味道ok,買的人很多,試過有次8點去店鋪已關門,看來生意非常好

冇錯,最好味既係: 豆沙燒餅 / 合桃酥 / 花生餅 / 月餅!!!我曾經買過一次月餅,盒月餅還要是微暖的!!!保證新鮮呀!!!豆沙燒餅,幫襯過咁多次,水準依然不變,依然係咁好味!!!好野!!!食1個飽半日,正宗又平又飽肚!!!未試過的,一定一定要試下...又可順道逛下花園街呢...

很享受獨自在街上閒逛的時候...非常的自在是日經過花園街,想來到這裡拍些照片見到這店,又來一個"豆沙燒餅"新鮮出爐,拿上手真的很熱,真的想一手飛落地下,哈哈熱的東西難食也有一個地步燒餅皮煙韌,豆沙不會過甜,非常好本想買雞仔餅,光酥餅回家,留下次吧