天 · 悠蔬食 (已結業)

知道荃灣新開咗間天·悠蔬食，聽啲街坊講到好好食咁，於是平時唔食齋既我就去試下。一入到間餐廳就覺得個裝修好夢幻，粉紅粉綠既格局令我少女心大爆發呀！揀左一陣，最後叫左個一人set dinner。前菜有粉皮，杏鮑菇，紅菜頭蘋果沙律呢三樣，三樣都幾fresh，特別係個沙律，甜甜酸酸幾開胃。湯就叫左牛肝菌桃膠忌廉湯同竹笙燉湯，竹笙個味道好清新同感覺好健康， 個忌廉湯就濃濃既牛肝菌味，好香好吸引！至於主食方面，就叫左牛油果紫薯栗子藜麥焗千層麪 & 菠菜合桃野菌忌廉燴意大利飯。講講個千層麪先，牛油果味道偏淡，不過同個飯幾夾; 意大利飯味道偏濃郁，另外有椒鹽猴頭菇點綴下，有點惹味。甜品同飲品方面，分別係藍莓芝士蛋糕同埋鮮榨奇異果汁。個蛋糕真心幾好食，不過就略略細舊左d。總括黎講，餐廳裝修好靚，食物質素唔錯，岩哂想試想試下非傳統素食既你！

今日開始放大假 ，咁約埋家姐，就去荃灣西鐵沿線 ，行街兼食嘢， 就去咗荃新天地二期，食新派素菜。整間餐廳都以童話式設計， 粉藍色系列清新優雅☺咁我哋叫咗Light Lunch Set 前菜 係 紫薯 紅菜頭 雪球， 涼拌記子百合黑木耳 照燒杏鮑菇 胡麻藜麥羅馬蕃茄湯係蘋果南瓜甘筍忌廉濃湯， 同埋印度椰子 腰果雪耳湯， 兩款 湯 全無味精👍🏾主食係點心拼盤 加 雪菜毛豆 菇綠紫淮山湯麵， 湯麵十分之好味另外一個主食係， 蒲燒玊子淮山 蓉鰻魚 配日本珍珠米， 都十分好味😋飲品叫咗藍蝶花雪梨汁 同埋青檸白香果梳打最後甜品野休莓 乳果芝士蛋糕 。十分 滿足

之前喺尖沙嘴都已經試過悠蔬食 ，今日行開荃灣，喺荃新天地都見到另外一間天悠蔬食，我估都係佢同集團啦~於是就入去試下啦😅一睇個menu果然真係👍嘩。。。真係好啦荃灣都開埋咁就唔使下下都出到尖沙咀先有得食啦😅荃灣呢間新裝修嘅，所以樣樣都好新淨，仲好優雅添👍醒目識食嘅我梗係嗌呢度嘅set啦～因為呢度嘅set真係抵食個散叫好多㗎😅我哋兩個人叫咗兩個set，所以六款唔同嘅前菜小食，都可以試齊😍牛肝菌桃膠忌廉湯，呢個湯好香好滑，又香又濃，飲落去好滋味😍姬松茸椰子黃耳竹笙燉湯，呢個湯同忌廉湯截然不同，好清香，姬松茸同埋椰子嘅味好夾，散發到出陣陣香味👍牛油果紫薯栗子藜麥焗千層闊麵， 一般食開嘅意式焗千層闊麵，好香芝士味，不過有啲'漏'，但係呢個因為係素食，夾住嘅都係牛油果，栗子 同埋薯仔，所以口感差唔多，但係唔會咁滯👍和風鮮蔬一品豆乳鍋，啖湯好正，啲肉丸好爽，份量不少，配碗珍珠米飯，好滿足🤩芝麻豆腐班戟，層層班戟夾住 黑芝麻雪糕，好香滑，唔會太甜😋班蘭椰汁千層糕，煙煙靭靭， 既香且甜， 食埋就真係sweet ending~

今日同朋友響荃灣行街，喺荃新天地發現一間新開嘅素食餐廳，裝修好少女風，超靚，即刻入咗試！呢度座位寬敞，坐得好舒服，又唔會有時間限制，適合同朋友傾計～天花板掛滿色彩繽紛嘅熱氣球裝飾，勁靚，用黎打卡一流！我哋每人叫咗一份晚市套餐～每份套餐都包括三樣自選前菜、餐湯、主菜同埋甜品，雖然價錢唔平，大約$200 ，但係套餐好豐富，水準極高，完全冇令我失望～前菜包括紫薯紅菜頭雪球、照燒杏鮑菇、紅菜頭蘋果合桃沙律、麻醬蕃茄、手拍青瓜、同麻醬雞絲粉皮等～牛肝菌桃膠忌廉濃湯，牛肝菌味道超濃郁，但又唔會搶左桃膠既味，質感十分Creamy，非常好飲！姬松茸黃耳竹笙燉湯，呢個湯一打開蓋香味四散，而且用左多種食材，非常健康同補身，飲完個人好舒服！和風白松露蘆筍淮山燴扁意粉配香脆腐皮卷，白松露味好出，意粉軟硬度啱啱好，唔會過稔，好食到停唔到口，絕對推薦！牛油果芋頭栗子焗千層麵，上層好多芝士同牛油果，撈埋所有食材一齊食，比平時食嘅肉醬焗千層麵，多咗一份蔬菜嘅鮮甜！椰汁斑蘭糕，好重班蘭味，質感好煙韌，冇諗到甜品亦咁出色！野莓乳酪蛋糕，乳酪蛋糕質感柔滑，藍莓比平時食嘅更大粒，因為係野生藍莓！

呢日來到一齋舖，同以前去過的好不同。以前去嘅都係舊式裝修居多，今次呢間就好光猛，似新式清新cafe居多，又位於荃灣大型商場裡邊，因此吸引了好多附近返工的靚仔靚女們來幫襯。我揀咗Light lunch set 的擔擔麵餐，朋友就揀咗Lunch set 的 芋頭栗子什菌燜豆腐煲配珍珠糙米飯，两個餐都有前菜跟，咁就揀咗涼伴杞子百合黑木耳和照燒杏鮑菇。午餐有湯跟，揀咗印度椰子腰果雪耳湯。擔擔麵口感同平時吃嘅没咩分别，同樣哋好吃，口感好，個樣也似，啲『肉碎』係雪菜來㗎。嗰煲味道極佳，完全改變了我對素菜嘅睇法，色，香，味俱全，栗子也很多。素湯也好飲，除咗椰子，腰果，雪耳外，仲有紅蘿卜，栗米同好多唔多的豆類，足够多料令到個湯口感丰富，真心唔錯。甜品係鲜磨香滑腰果露和班蘭椰汁干層糕，亦係good good。紅石榴蘋果汁，功效保護心血管，減脂肪積聚和降血壓。韓風蘆薈柚子蜜，真係吃到蘆薈令我覺驚喜，好满足的一餐。

見有新餐廳裝修又不錯，就入去試試!叫了兩個lunch set:-忌廉湯夠味,唔稀!-前菜紅菜頭混入了萍果，特別又好味!-只不過前菜杏飽菇，得一塊仔，真係未見過份量咁少既前菜!-主菜豆腐煲，係迷你煲，碗飯亦都係迷你飯，細兜過酒樓碗飯，男仕食一定唔夠飽!-主菜野菜啡菇金邊粉，少菜少菇得可鄰，好似食緊冇餸麵!總括來說，D野食係好味既，但個別餐份量唔夠! 其實菜菇豆腐呢D都係好平既野，點解唔比番正常份量人呢? 雖然好食，但如果份量冇改善，就唔會再幫襯啦，畢竟在荃灣區來講，呢種lunch價錢唔係相宜!

行過荃新天地，見到間好fancy，好重童話少女心既鋪頭，我朋友見到佢咁間鋪咁靚，覺得好吸引，於是行左埋去睇下。依間鋪面咁可愛，我地以為係target女人既甜品鋪，但係原來依間係間素食鋪，真係估佢唔到wor!於是我地被吸引左入去食野。入面原來係做新派素食，入面有中西餐，日式、泰式，甚至連lady M款千層蛋糕都有。我地叫左個玉子滷肉飯、日式鰻魚炒飯同泰式魚卷。台式、日式去到泰式都有，好似聯合國咁。等野食既途中，店員幫我地斟水，好好服務態度！首先黎左碗滷肉飯，店員立即好好咁比左個碗仔我地share。依個飯既汁有啲素肉（omnipork），食落完全唔似，個味同口感仲好似真肉咁！幾正之後黎左鰻魚炒飯，炒飯炒得乾身，撈埋頂頭既紫菜，真係唔錯。另外佢既鰻魚都係好似真既一樣，做得唔錯。最後食埋個泰式魚卷，佢係即炸既，所以食落有啲辣口。入面既魚肉同平時食既感覺無異，幾唔錯。總結，依間餐廳環境唔錯，可以打卡，素食幾多元化又好食，店員服務態度好好。不過佢價錢偏貴，間唔中豪下都可以接受！

第一章:「天悠」的新居當天下午，同朋友講晚上去探「天悠」時，出現了以下對話：朋友：你晚上見到「天悠」的新居時，一定會有藍天白雲☁️陪住你我：下？😲不可能吧！晚上有藍天白雲⁉️P圖還是有甚麼古怪招數？你別FAKE我啦朋友：信我啦😎，我話有就有，到時你一定見到的 晚上，藍天已黑，白雲盡隱時，版主終於來到「天悠」新居了。坐下後，偶爾仰望一下，咦？果然是「舉頭三尺有白雲☁️」喎，而且更有熱氣球「懸掛」於「天空」之中，新居在裝飾方面的心思可見一斑。新居以粉紅和綠色為主調，而VIP房外的牆壁，配上了數道西式風格的「窗戶」，整體的感覺是頗舒適的。第二章:「天悠」的❤聲這晚，遇上了「天悠」的「監護人」CALVIN，說起為何會選擇這地方作為新居呢？CALVIN說，「天悠」的兩位姐姐，大家姐「悠」👩‍🦰和二家姐「雅悠」👧，居所都是位於商業大廈內，一直以來的客人，主要都是事前訂位的素食朋友。今次「天悠」鼓起勇氣💪，在商場地鋪定居，原來是為了接觸更多的非素食者，希望有些人會在逛商場時WALK IN光顧，讓更多的人有「多吃一餐素🥦」的機會。而新居一帶很多時也會有家長帶同小孩👨‍👩‍👦‍👦經過，CALVIN也希望能讓

今次第一次來這間天悠蔬食，其實之前已去過他們銅鑼灣及尖沙咀分店。 比起之前兩間分店，我最喜歡這間店的裝修。天花上掛著嘅熱氣球波波很可愛，打卡一流。講返食物先。他們的午市套餐有分兩種，一種是我吃開的full set。另一種是較相宜的light lunch set。我今日比較遲食飯，所以吃了較豐富的lunch set。 先從四個前菜選擇了兩個， 這個紫薯球很好吃，甜甜的軟糯糯。 其次這個照燒杏鮑菇的醬汁很香， 十分推介。每份前菜細細份，可以試多幾款，啱晒想試多D唔同食物嘅我！然後兩款餐湯，我選擇了這個中湯。因為印度椰子腰果雪耳湯，在這個乾燥的天下喝，感覺比較滋潤。結果也沒有令我失望，這個湯很甜很潤。也充滿了各款湯料，真材實料，有家的感覺！主食我選擇了素漢堡拼薯角和沙律。 這個漢堡很大，一口也不能把它吃掉，但是也很好吃。 沙律重本地用上了紅石瑠，很甜美啊!薯角很多，我都吃不下，可以再脆多一點點就更好了！雖然吃完已經覺得很飽，但是甜品是有另一個胃的。 我忍不住加了這個黑芝麻豆腐千層班戟。 哇哇!這個不得了，這個很好吃！香滑的千層班戟！完全不覺得在吃緊素食。最後，沒有影相的還有凍檸茶一杯，凍飲不

有次經過見到呢度新開咗間幾靚既素食，呢日同幾個鐘意素食既朋友特登去試下佢。 Lunch time 時間入去，入到去大概有座位一半坐滿。Lunch Menu 選擇都算多，最平連加一由64蚊起到百幾蚊。lunch黎講價錢唔算平，我地對食物有一定期望。 佢上前菜我地嚇咗嚇，呢度係六人份既份量，啫係每人一粒菇...😅呢粒菇味道方面都算正正常常...係味道帶酸呢個64蚊既雪菜麵還好無咩特別，但個腐皮卷同杯玄米茶就有進步空間。腐皮卷會expect 佢入面係有少少菇呀粉絲既餡，但佢既餡係一條木棍，淨係得腐皮😅，同玄米茶聞落幾香飲落無咩味同好細杯，係幾失望。☹️呢個擔擔麵辣辣地都唔錯，不過偏油。木耳青瓜同杯檸茶正常，但個飯怪怪地，味道酸味較重，同個玉子無咩蛋味。😅食物味道below average ，份量偏少，有部分用品較殘舊 (eg 水樽、轉枱.....)，而員工服務態度更是令人失望呢，有好大既改善空間，其實呢區好野食都幾多，呢個價錢有好多好選擇，希望會好好改善，今次真係太失望啦。😔