天 · 悠蔬食 (已結業)

臨近新年 想同呀媽食下素 清清腸胃荃新天地最近就開左間裝修幾靚既素食店平日竟然都有好多人等位 好彩唔算等得耐晚市套餐都有好多選擇 中式西式都有 仲有甜品送加$30有湯+前菜茶樹菇燉湯/四喜烤夫燉湯味道非常濃 一啲味精都冇 裏面湯料十足撈起見到茶樹菇 竹笙 木耳 簡直係養生之選四喜烤夫味道偏甜十分開胃作為前菜不錯主食方面 我地叫左一中一西中式主菜- 日本花菇淮山栗子炆猴頭菇煲花菇炆得好林 易咬又入味 成煲都食到栗子的甜味 送飯一流 西式主菜- 菠菜野菌忌廉燴扁意粉 意粉汁方面菠菜味較淡 但勝在雜菌夠多 而特別要提意粉上的芝士烤茄子 芝士燒到微焦 配上多汁的茄子 恰到好處 甜品方面 我地揀左 紫薯千層椰汁糕同榛子焦糖芝士蛋糕身為甜品控既我 實在要大贊甜品紫薯椰汁糕唔會太甜但仍然有番薯嘅香味 芝士蛋糕雖然冇落忌廉咁滑身 但芝士味仍然香濃 最後呢一餐素食 令我忘記咗自己食緊素 只係食緊好好食既蔬菜 都唔會覺得冇食肉差咁啲所以我諗 咁就係成功既素食店

過完聖誕新年，同朋友食得太多heavy野，所以聚會都會想輕食啲。見到呢間餐廳，裝潢都幾童話感覺，少女味濃，又係素食。我地叫左一個set，再難叫一啲野。🍴和風照燒汁素鰻魚手作薄餅素鰻魚感覺有趣，一早知係素食，但係食到似肉嘅質感。墊底有瓜類，比較濕，所以就不脆了。薄餅芝士味濃。🍴擔擔麵（不辣）唔辣嘅擔擔麵帶一點微酸，有濃濃嘅花生醬鋪上面，食落都有粒粒花生，麵質都尚算煙靭。🍴百合杞子豆乳浸溫室皇帝苗皇帝苗好嫩，唔怕有衣。百合杞子豆乳的配搭好健康。🍴泰式魚餅雖然係齋，但係口感一啲都唔似，呢個係覺得神奇嘅地方。香脆而且食落熱辣辣。🍴四喜烤夫&燉湯呢個前菜拌飯一流，燉湯都好養生嘅感覺。🍴椰汁千層糕椰味不太重，比較不推。

第一次試從訂定到落單，接住前菜比較喜歡紅菜頭沙律的調味，好啱自己口味， 上海烤夫味道比較淡咗啲，餐湯(中/西)兩款都有嘗過，還是喜歡西湯，長輩就愛茶樹菇湯喇，到主菜都無令人失望跟甜品都很滿意😋👍❤，特別推介比朋友的咖喱飯超正，又香又唔太辣。擔擔麵下次要嘗試大辣，到甜品 太好味連名字都忘記咗。

知道悠蔬食荃灣新開分店,身為素食Fans既我即刻去潮聖下.裝修係少女風既粉紅色做主調,有種好fancy既感覺,一貫服務態度好,好親切咁介紹餐Set.我叫左菠菜桃膠忌廉濃湯,配柚香紅菜頭蘋果伴合桃,主菜係紅咖喱野菜猴頭菇配印度薄餅&飯,甜品:宇治抺茶千層班戟, 凍西柚冰茶.柚香紅菜頭蘋果伴合桃,好清甜.菠菜桃膠忌廉濃湯,菠菜味濃郁,口感好Creamy,仲有粒粒桃膠,軟軟滑滑,又好飲,又養顏.紅咖喱野菜猴頭菇配印度薄餅&飯,材料好豐富,有猴頭菇,青椒,紅椒,青瓜,西蘭花,芋頭,猴頭菇既質感做到有D似雞肉,個咖喱汁香香辣辣,有椰奶香,加上青檸,香草,令咖喱汁更有層次. 印度薄餅鬆脆,唔油膩,浸落咖喱汁度仲正, 素食都可以咁好味,又一大驚喜.宇治抺茶千層班戟, 班戟皮夾住抺茶cream,層層分明,加上班戟皮夠薄,抺茶味突出,甜度適中,抺茶控一定要食.凍西柚冰茶比檸檬茶更清新好飲,大滿足.食完仲可以去行新開既Donki掃貨,好美滿既一天.

今日帶媽咪食素❤️裝修得好靚呀 天花既熱氣球好可愛呀仲有窗邊卡位 坐得好舒服午市套餐選擇好多我選擇左加前菜同湯 10蚊咁抵梗係要加啦甘荀薯仔椰菜花薑湯及法包湯打得好幼滑 好清甜仲有陣陣薑香味 媽咪話好暖胃😂法包蒜香陣陣好香脆！我既主食韓式五色牛蒡伴飯配微辣炸菇材料好足呀 牛蒡係好健康既食材黎架撈勻哂黎食 啖啖都有配料 好惹味份量都好大份😂呢個就媽咪既蒲燒玉子准山蓉素鰻魚配珍珠米玉子好甜 同樣份量好足鰻魚既賣相 味道同口感幾可亂真媽咪都輕鬆清哂呀！另外跟餐加左腰果露磨到滑一滑 甜甜地 停唔到口！餐飲有西柚冰茶同熱檸檬蜂蜜生薑茶滿足既一餐❤️

荃灣荃新天地新開了間齋舖「天·悠蔬食」，餐廳光猛開揚，座椅闊落，天花掛門熱氣球做裝飾，不單小朋友喜歡，大人看了都頓感心花怒放，煩惱盡消。晚市套餐有8款，有前菜、湯、主菜和甜品，我和朋友各叫了一款share 食。前菜：《 四喜烤夫》~ 像麵根，煙煙靭靭的《 紅菜頭蘋果》~ 酸酸甜甜的，很開胃湯：《 菠菜桃膠忌廉湯》綠綠的菠菜湯很Creamy ，入口香濃，沒有菜青味，有些桃膠在湯內，夠養顏。《 茶樹菇竹笙蓮子紅棗黃耳燉湯》個人較喜歡中湯，因材料十足，黃耳爽口。《 白松露蘆筍南瓜紫薯豆包焗千層闊麵》$158這個闊條麵賣相吸引，上枱時香氣撲鼻，見到都令人垂涎欲滴，麵內加入蘆筍、南瓜、紫薯、豆包，口感豐富，絕對是又睇得，又食得。《 栗子芋頭野菌啫啫配飯》$168各式各樣的香菇混合一起，夠惹味，配白飯一流。甜品：《 椰香紫薯千層糕》清甜不甜膩，讚《 榛子焦糖乳酪蛋糕》《西柚冰茶》《鮮榨果汁》

有時心血來潮會好想食素，感覺上會健康D😂😂😂今日中午去荃灣發現到一間新的素食店，環境非常舒適和開揚，以粉紅色和粉綠色為主題，有熱氣球在天花板上裝飾，有一種夢幻的感覺。🧡蒲燒玉子淮山蓉配素鰻魚$88雖然價錢與「真」的鰻魚飯差不多，但味道有驚喜。素鰻魚與「真」鰻魚的口感不一樣，但蒲燒鰻魚汁做得非常惹味，鍾意食鰻魚的朋友不妨一試。🧡韓式五色牛蒡拌飯 $88韓式招牌辣醬要整個拌飯的精髓，上碟時熱辣辣，五色蔬菜🥬🥕配上像咕嚕肉味道的素肉點綴，健康之如又開胃。有時真係忘記咗自己食緊素😂😂😂主餐+$10🧡天山雪蓮椰子花生雪耳湯和迷你滷水拼盤我好鍾意飲呢個湯，竟然係不加肉的情況下都禁濃味，養生必飲。滷水拼盤有蓮藕花生🥜和麵筋。

Lunch黎到呢間新開素食店🥗🥬🥒🥦🥕中午12:00已有不少人。店內環境幾靚幾舒服👍🏻😌午餐價錢唔算平💰💰💰只包一杯飲品，其他都要再加錢。叫左個F餐👇🏻大啡菇有機豆腐南瓜墨西哥卷餅🌯上碟個陣，卷餅睇落包得幾好，但反轉其中一件，根本冇包好😥而且入面3款主要的餡料係成舊放入去，原本預期會切條、切片先放入去，咁樣可以夾埋一齊食，味道應該都會均勻d😟依家食落似分開食緊豆腐、菇🍄、南瓜🎃，味道普通。紅菜頭蘋果藜麥沙律🥗成碗係紅菜頭粒、蘋果粒、藜麥，好健康的感覺💪🏻😂蘋果爽脆，染滿紅菜頭汁，但個人覺得蘋果同紅菜頭唔夾，所以唔太喜歡😢加左藜麥令整體口感不錯👄香脆薯角名不符實😢一d都唔脆，有幾塊仲好淋呢個質素，不值呢個價錢😥加埋一，要$97💸💸可能咁岩呢個餐麻麻地🤷🏻‍♀️？見12:45左右餐廳已經坐滿人，可能其他食物唔差，餐牌上其實有幾個餐都想試，附近其他枱都有叫，賣相唔錯，應該都會再試下🤔

同男朋友去食素食，作為一個素食新手，其實只會一星期食2-3日嘅素食，希望作為好嘅開始，可以持續自己嘅理念。而男朋友原本對素食完全無興趣，都比我夾咗黎食。擔擔麵充滿芝麻醬香～佢居然都話呢間素食超乎佢意料之外，因為男朋友本身好鍾意食肉，特別係雞翼，咁但係叫咗個土匪腐皮比佢試食之後，佢竟然一試就愛上，最後居然只係淨返一舊比我跟住我地又叫咗個「滷肉飯」，咁當然就唔會真係有滷肉啦，啲滷肉一定係用豆腐扮嘅，但係豆腐就令到原本好肥膩嘅滷肉飯變得非常易入口。下次會帶埋我媽咪嚟試。

節日過後，我同老公都想食得健康D ，所以book 左素菜。餐廳環境好可愛，坐得幾舒服，餐牌亦有好多選擇，中西式都有蘆筍素香鬆苜宿芽手卷：口感特別，苜宿芽代替白飯，味道好清新酥脆腐皮卷：食落好似食緊雞脾，外皮香脆，啖啖”肉”，中間仲有雪條棍模擬雞骨泰式香煎如餅：質感和味道跟泰式魚餅好相似，好惹味，如果厚一點更好和風素鰻魚炒飯：珍珠米炒得不錯，粒粒分明，醬油偏甜，素鰻魚真係好鰻魚椰香冬陰公野菌扁意粉：好creamy，小小辣味，炸魷魚(蒟蒻)有驚喜椰香班蘭千層糕：好重班蘭味，甜味適中，食完都唔會覺得太罪惡

Book咗6:30去食，所以唔需要等位，不過最後比其他遲來的人更遲食完走，點解呢？因為一開頭只係上咗一半前菜(湯唔見咗沙律)，就突然斷纜咗半粒鐘無嘢再上，如果唔係我問waiter跟單，都唔知原來廚房係會炒炒下菜炒唔見咗成張單的...加上成4個侍應都係行行企企夢遊緊，所以我地只可以呆等...野食方面，味道一般，比較現時各大唔同fusion素菜餐廳有待加強，價錢偏貴、份量偏少、菜單選擇少，如果唔係荃灣區無嘜素菜餐廳選擇，其實可以唔洗黎。試過一次已經好夠，唔會再幫襯。

呢日同朋友去咗間喺荃新天地2期嘅素食餐廳，平時都甚少食素食，見朋友介紹到就試試佢餐廳位置比較遠因為二期多數都係餐廳唔係行街商場，應該食嘢先會過個頭，入到餐廳個環境係好闊落，顏色同佈置都幾舒服望下個餐牌啦果然係素食餐廳，好有心咁標左邊啲係有包含蛋或者牛奶，最後我哋揀咗個all day set，前菜揀咗紫薯紅菜頭雪球、涼拌杞子百合黑木耳、同埋麻醬沙薑豆絲粉皮三樣，湯就揀咗牛肝菌桃膠忌廉濃湯，煮食就揀咗菠菜合桃野菌忌廉燴意大利飯伴椒鹽天貝猴頭菇，甜品就係野什莓乳酪蛋糕，仲加咗$18一個香芒牛油果苜蓿手卷先尼個桃膠菌湯，桃膠整已經好麻煩，食上無乜味但似燕窩既口感，加上佢個菌非常之濃郁，值得一試而三個小食之中我就鍾意紫薯雪球多啲，因為雞絲皮個啲都係正常味，紫薯雪球仲有紅菜頭係入邊，味道唔錯，有得揀三種一定要揀呢個至於個燴飯嘅飯粒粒都好肥，好好咬，伴嘅椒鹽天貝猴頭菇係最好食嘅，又大粒有啲似食肉嘅感覺，但要留意分量一碟飯未必夠兩個人食加咗個芒果牛油果手卷，兩樣都大舊嘅，而第一次食苜蓿尼樣嘢，味道不過不失，最後食咗一個乳酪蛋糕，都係正常味道素食你講呢間餐廳算整得好食同吸引，加上款式都好多環境又舒服，可

今日係荃灣做野 揀左附近一間素食嘅餐廳裝修風格好少女🤣🤣Lunch 有分普通份量同light set 我太餓 所以要多野食嘅🤣首先可以揀兩款前菜我揀左涼拌杞子百合黑木耳 同 胡麻藜麥羅馬蕃茄兩樣都好食 而且開胃😋餐湯就揀左印度椰子腰果雪耳湯好足料 又夠清甜😍main就揀左田園南瓜野菌忌廉薈扁意粉配流心蛋菌嘅份量多 而且有唔同種類嘅菌 流心蛋好出色食到最後都唔會覺得膩👍🏻餐飲要左鹹柑桔蜜 而家天氣咁凍 飲番杯熱嘅最後我仲加左個黑芝麻豆腐千層pancake真係好正 個cream夠滑而且黑芝麻同豆腐個味好夾❤️❤️

好日唔黎一次荃灣，黎一黎發現多左兩間素食餐廳，好有驚喜。依間係悠蔬食既第三間分店，相比尖沙咀同銅鑼灣店，荃灣店既裝修以粉紅色為主，少女心大爆發。另外仲留意到荃灣店不設最低消費，唔洗睇住價錢食。土匪腐皮卷外脆內軟，不過「土匪」味唔算突出，一試無妨。一般食肆既伊麵都有蛋，難得見到有純素既伊麵，緊係要試下啦！賣相好得呀成碟意粉咁，味道亦都好夠，菇都好大方咁落左幾多，抵讚。因為想試下啲湯同前菜，所以叫左個dinner set係和風鮮煮一品豆乳鍋配日本珍珠米，不過唔記得影相。個湯好清甜，飲得出冇落味精，原全係材料既味道。個一品鍋都好正，將成個飯倒入個鍋撈混黎食，好似食泡飯咁，啖啖都有濃郁豆香。最後叫左個魯肉飯，份量有啲少，一個人食都未必夠飽。啲魯肉係用「新豬肉」整，像真度好高，少少地當過下口癮都唔錯。甜品方面大部分都係有蛋奶既，如果可以研發多啲純素甜品就好喇！

注重個人健康食齋就最好可以清下腸胃，🥳食肉獸有時都要改變一下食下素食餐廳，之前食過尖沙咀店嘅分店主要紫色為主今日就試吓荃灣新開嘅主要以粉紅色同綠色為主呢間啲素食真係名不虛傳真係食完可以再返食6:00剛剛開門,暫時不太多人,但一到6:30之後餐廳已經坐滿姫松茸竹笙黃耳百合燉湯由於呢個係素菜湯完全不油膩非常清澈好味濃郁，菇味非常濃厚，熱辣辣🤪黃耳仲非常大粒，可以比美於肉湯露筍素香鬆苜蓿芽手卷，跟餐加$18就可以食到平時叫一件要$38手卷已苜蓿芽代替左壽司飯青菜味非常重入面配合左芒果牛油果同埋沙律醬中和左靑菜嘅味道😍紫菜非常脆，全部野一齊食非常入口，味道非常夾椰香味非常十足，帶有輕微嘅咖喱味裏面有好多不同嘅配菜作為材料有芋頭，洋蔥，黃椒，紅椒同花菜類😌每一款嘅口感都做得相當好❤️入邊嘅猴頭菇吸晒啲汁嘅味道真係好好食印度薄餅又夠鬆脆，熱辣辣晚餐送咗一件乳酪蛋糕充滿着芝士濃厚嘅味道甜甜酸酸好好味又夠凍夠硬晚餐加$30就可以食到呢個雪糕多士, 卜卜脆，再加上濃厚嘅朱古力， 上面仲有cream 同雪糕，非常正既甜品，食晒應該肥咗2 磅😂