天 · 悠蔬食 (已結業)

同為食🐷行完荃灣新開嘅驚安之殿堂,去到city walk 二期揾食,今次黎到呢間少女粉紅主題嘅素食餐廳_天.悠蔬食店鋪裝修清新,同坊間好多嘅齋鋪古板嘅裝修唔同,呢度以少女粉紅作主題,配合一個淺藍色天花,環境相當宜人👍同埋,呢度嘅座位間隔好闊落,真係店如其名悠然舒坦嘅感覺🍃食物方面,呢度似係屬於新派嘅素食館,大玩fusion主義,我地今晚嗌左個dinner set同另外散嗌左一個菜😋黑松露野菜意粉 配松茸竹笙黃耳百合燉湯($188)_個燉湯清而不寡,由於湯料全部都係素,所以好清完全無油,但係又完全唔會係啖哞哞嘅味,因為呢碗燉湯真係好足料,用松茸搭補翻個肉味,同埋我覺得最有心思嘅點係呢間店對食材口感嘅配搭做得好細緻,用黃耳嘅口感去充當魚肚嘅口感(我自己覺得似😂)個湯真係不得不叫,dinner set+$30就配埋而個主角_黑松露野菜意粉都係高質,松露味好重,真係有西餐廳食嘅味道,同埋裡面嘅火腿肉真係可以假可亂真🤔鹹香茄子猴頭菇栗子豆腐煲 ($128)_味道稍微濃左少少,不過都係可以接受嘅水平,栗子燜都好淋好入味(我隻🐷大讚)😋👍同埋,呢度落料真係唔手軟,勁多菇菌類,值得一提,真心要讚多次呢

和家人在荃灣找素食，竟找到這黃店！即在openrice卜位。去到馬上有位，坐位闊落，還供應暖水！侍應會主動斟水，態度良好。叫了兩個set lunch, 加一甜品。因份量頗大，三個女子吃竟剛剛好。把兩個前菜都試了：分別是天山雪蓮椰子花生雪耳湯配迷你滷水拼盤、甘荀薯仔椰菜花薑湯配法包。中湯沒有味精，非常足料，啖啖都是湯料；滷水拼盤也非常入味，完全不覺自己在吃齋。西湯對比下較平淡，但味道也是非常豐富的（有甘荀薯仔椰菜花和薑！），蒜蓉法包香脆可口。主食在八個中選二：南乳猴菇枝竹香芋煲配珍珠糙米飯、大啡菇有機豆腐南瓜墨西哥卷餅配紅菜頭蘋果藜麥沙律及香脆薯角。猴頭菇在家煮頗費事，在外有得吃當然要試試。除了猴菇還有蘑菇、芋頭、青豆等配料，在南乳醬煮，非常入味又不會太濃或鹹，用來下飯甚好。飯也是珍珠糙米，轉眼便幹掉自己的一份。卷餅上桌時令人驚喜：從餐牌估不到這麼豐富！紅菜頭沙律新鮮清爽、薯角香脆、卷餅裏有大啡菇、南瓜、豆腐，有燒烤味和醬汁，卷餅也略烤，和饀料完美配合。甜品是宇治抹茶千層斑戟，絕不欺場，與其他以西餐廳或餅店的相比絕不遜色。每層的抹茶忌廉茶味濃郁，為這餐令人滿意的素食劃下完美句號。

今日和老婆荃灣行街，荃新天地原來開咗一間悠蔬食，尖沙咀店我去過，十分有質素一入到店舖，店員招呼我們坐低，環境都好舒服，好光猛，剛剛裝修好，好似西餐廳，完全唔覺得自己嚟食素細看一下餐牌，好難選擇，樣樣都想試吓這個茶樹菇竹笙蓮子紅棗黃耳燉湯，燉湯清甜，濃濃的原味，十分清新，素湯來講十分出色四喜烤夫十分入味，而不濃，好味最愛之一，香芒牛油果苜蓿芽手卷，吃一口不得了，紙菜脆身，而苜蓿芽爽甜清脆，真心好好食而這個牛肝菌栗子芋頭野菌啫啫煲，味道方面可以，比我預期之中好好多跟白飯一碗點了一柸熱O水，幫助消化這個榛子焦糖乳酪雪糕，人手做，也相當不錯

一入餐廳見到成間舖嘅顏色都係好夢幻嘅顏色。身為女仔嘅我，又點會唔影下相、打下卡🤪韓風蘆薈柚子蜜﹕蘆薈粒份量頗多，柚子蜜香甜四喜烤夫﹕餐廳整得勁入味😋好好食﹗茶樹菇竹笙蓮子紅棗黃耳燉湯﹕湯底清得黎好香濃﹗真材實料，茶樹菇、竹笙、蓮子、紅棗、黃耳全部都睇得見🤩勁足料！香芒牛油果苜蓿芽手卷 ：我第一次見到苜蓿芽，原來好似幼身綠荳芽，芒果香甜，配埋牛油果口感仍然好清爽白松露蘆筍南瓜紫薯豆包焗千層闊麵﹕一切開啲芝士有少少拉絲㗎！熱辣辣、好好味，成個闊麵好飽肚、好滿足！椰香紫薯千層糕﹕香噴噴嘅千層糕，軟糯好味﹗雖然今餐係素食，但一啲都唔悶，仲好鬼驚喜呢﹗

餐廳顏色都算簡潔，我相信女性應該會幾鐘意添。不過我個人就好鐘意天花嘅配搭：藍天白雲再配上立體造型嘅熱氣球，好有創意﹗餐廳雖然唔多選擇，但就咩國家嘅菜都有😆我今次就揀西式嘅湯+印度主食+日式甜品呢個菠菜桃膠忌廉湯口感好滑，桃膠好有咬口，好Q彈而前菜嘅柚子紅菜頭蘋果拌合桃，味道好fresh，蘋果爽口、紅菜頭軟甜，配埋合桃真係齊晒3種口感🤪除左主食，我仲加左個香芒牛油果苜蓿芽手卷。我都係第一次食全素手卷，成件手卷好脆同清新，而且都幾飽肚喎﹗主食﹕紅咖喱野菜猴頭菇，配印度薄餅&飯。我點嘅呢個組合應該都唔會咁易失手🙂但我估唔到食落比我預期中好味😋味道微微辣，配埋燕麥白飯啱晒﹗薄餅本身都好脆身，點埋咖喱仲邊有得輸﹗對於抹茶愛好者嘅我，甜品我揀左宇治抹茶千層蛋糕。茶味都好重，但我覺得偏甜左少少，因為我個人比較鐘意苦澀味嘅抹茶嘅產品😅鮮榨蘋果雪梨汁真係鮮榨架﹗味道好fresh、好甜、好好飲﹗

近日飯局太多，食肉多咗，今晚朋友又約食飯，我提議不如去食素，朋友舉腳贊成 ，我記得之前去過有間位於荃灣（天·悠蔬食新式素食西餐廳)味道不錯，坐位又闊落，環境舒適。食物方面我們叫套餐前菜：菠菜桃膠忌廉濃湯 配 柚香紅菜頭蘋果伴合桃 菠菜打到好滑 而且加左桃膠 令到口感更滑 仲可以養顏🥰 紅菜頭蘋果沙律用左柚子汁做dressing ，好味！主食：金瓜榆耳淮山意大利飯配香脆🍗腐皮卷意大利飯上面放咗隻雞髀造型嘅腐皮卷 好得意‘雞髀皮’咬落仲脆脆地㗎！ 甜品：巧克力蜜糖吐司遇上香草雪糕🍫🍯🍞🍦 呢個甜品真係好好食！蜜糖多士外脆內軟 再點埋雪糕黎食🤤🤤 其實已經食到好飽但對住呢個甜品...我同朋友都係K.O.咗佢！！另外我們還叫了香芒牛油果苜宿芽手卷 — 🥭芒果のfresh同🥑牛油果のcreamy配搭得岩岩好 仲用苜宿芽取代白飯 食多幾舊都唔怕肥啦 (一陣食埋甜品 個肚仲有位就叫多件黑松露薯蓉焗大啡姑🍄 — 厚厚嘅一層芝士中間係滑溜既薯蓉，但係唔會覺得太膩 因為薯蓉入面有啲粟米粒🌽 ～用刀叉食 好似鋸扒咁大啡姑好juicy呀！！！飲品~ 韓國柚子蜜整體來講今晚食嘅所有菜都好好味 今晚真係傾餐飽 又

新一年希望少食肉多食素🍽香港近年都愈黎愈多餐廳供應素菜，試完可以同大家分享下😉呢次介紹嘅係荃灣新開冇耐嘅天·悠蔬食，明明唔係樓盤但唔知點解個名要起成咁🤔佢喺銅鑼灣同尖沙咀都有分店。幾間裝修都唔同，但都係走少女、公主風格，見到網上好多人話靚，只可以話各花入各眼，對我黎講真心覺得娘同核突，正面少少係乾淨企理同有裝修。價錢方面佢都唔算平，晚市最低消費每位$200，但晚晚都爆場，想食最好預早訂位😉年三十訂位同我又娘又核突嘅屋企人食團年飯。新年menu同平日唔同，叫左個四人套餐：前菜：八彩撈起、四喜烤夫、大吉大利紅菜頭蘋果合桃沙律撈起有四款醬：醋、麻醬、花生醬、泰式辣醬，四隻都好好味，好想叫佢整份格仔餅俾我用埋啲花生醬添🧇烤夫吸哂啲滷水味，好味，沙律就有啲甜主食：紫薯金瓜白松露蘆筍焗千層麵、羊肚菌黑木耳炒小卷心菜配上湯百寶鴛鴦菜餃（冇影到）手卷：蘆筍素香鬆苜蓿芽、香芒牛油果苜蓿芽薄餅：和風照燒汁數鰻魚手製薄餅（散叫，套餐唔包）幾樣都好好食😋推介招牌菜：佛跳牆鮮蔬一品鍋、燜冬菇燴豆苗素翅幾有咬口，豆苗好味嘅但濃味左啲甜品：純素花開富貴蘋果撻、鮮磨腰果露配湯圓、椰香紫薯千層糕蘋果撻啲蘋果太甜，但係撻

今日大年初一 緊係要去食好野啦去左依間新嘅素食餐廳今日新年要加兩百蚊 價錢我覺得接受到我選擇左原個金瓜焗紅咖哩野菜猴頭菇一上黎就聞到好香 好足料 入面有菇 有芋頭 有椒 有菜 上面好多芝士拉絲南瓜十分香甜 煮得夠耐 夠粉湯品 我地選擇左甘荀南瓜椰菜花薑湯好香南瓜味 好夠薑味 高分之作黃金野菌忌廉燴扁意粉好有南瓜味 好香 意粉唔會太淋太硬主食我地選擇左鮮茄菠蘿炒飯酸酸甜甜 西炒飯味 不錯不錯甜品要左個純素花開富貴蘋果撻好香蘋果味 唔會太甜

我雖然係食肉獸，無肉不歡，但呢幾年間中都會自動自覺去食吓素。 最近知道悠蔬食新開咗荃灣店，有日我特登去八吓。原來餐廳喺商場地舖， 大玻璃門面，感覺好開揚。用咗一贯嘅粉色系列，呢間係粉紅襯粉綠，夾個藍天白雲做天花，再掛上七彩繽紛嘅迷利熱氣球，充滿活力。我揀咗窗邊卡位坐， 邊食邊睇街景，好舒服！午餐單叫主食$58起， 行fusion路線， 有中西台韓泰各類款式，包一杯飲品。我鍾意食得豐富啲，加$10要埋前菜同湯。 🔸️ 甘筍薯仔椰菜花薑湯個湯嘅質感好滑溜，唔會因為加咗薯仔搞到傑撻撻， 甘筍湯加薑更加提鮮。🔸️ 香脆法包脆到確確聲， 送湯一流！🔸️蒲燒玉子淮山蓉素鰻魚配日本珍珠米我好鍾意食呢個飯， 用料幾豐富吓，有蛋片(玉子)、毛豆、酸薑同醃蘿蔔。爭啲漏咗提主角， 就係用淮山蓉做嘅素鰻魚，調味做得好好，有鰻魚鮮香味道，外面仲包咗一浸紫菜， 食落好有鰻魚皮嘅感覺。煙韌嘅珍珠米，淋上日式照燒汁，非常滋味。😋😋雖然已經飽咗九成九，但係始終抗拒唔到甜品嘅誘惑。😘🔸️ 抹茶千層班戟 (另加$20)呢個甜品都算工多，因為要煎好多層嘅班戟， 然後再逐層抹上綠茶味嘅忌廉， 雖然係咁，但唔覺得油膩。 宇治抹茶，味道

開放時間 午市11：30-17：30晚市18：00-22：30開左2個月，已經有賣新年賀年糕，羊肚菇蘿蔔糕，松茸芋頭糕，黑糖椰汁合桃年糕。兩間分店一間喺尖沙咀中國保險大廈，之前食過1次，尖沙咀果間比較寬落，另一間係荃灣荃新天地二期。茶樹菇竹笙蓮子紅棗黃耳燉湯配四喜烤夫（熱）30hkd熱燙用蓋冚住上枱先打開， 溫度保存非常好，茶樹菇草菇百合等食材，黃耳似秋葵加強版，兩大個深黃色， 大腦形狀。配四喜烤夫（熱），是正宗上海菜四喜烤麩的做法，烤麩數塊、香菇適量，少量醬油調味。金瓜榆耳淮山意大利飯 配香脆腐皮卷主要用菇及耳，素食頂級推介之三姑六耳，香菇，草菇，蘑菇，六耳有，榆耳， 木耳，黃耳，桂花耳，雲耳筒，銀耳，今日差點就食齊哂full set黃色金瓜，淮山切粒，青瓜 ，草菇，蘑菇， 黏性高 意大利白汁飯，最有趣係香脆腐皮卷，有層次，增加食慾。新鮮雪梨蘋果汁，無加糖 15hkd

上次去過悠蔬食，試過之後已經愛上新式素菜…知道最近屋企附近開左間分店，第一時間撲左去食！成間餐廳坐到爆，一定有佢原因😁<<菠菜桃膠忌廉濃湯>>超濃的菠菜及忌廉味，桃膠食落去感覺似彈牙版啫喱…但除左呢幾隻味外，仲食到松露味！好特別<<柚香紅菜頭蘋果配合桃>>新派沙律，有d清新味道refresh番濃湯，兩者配搭得宜<<韓風蘆薈柚子蜜>>蘆薈口感滑'劣劣'，好正！唔會太甜，叫左熱飲健康d<<紅咖哩椰菜猴頭菇 配印度薄餅及飯>>你以為紅咖哩一定要配肉先好食？大錯特錯！關鍵係菜既種類！一定要多種新鮮菜食，豐富成個dish既味道，就甘食已經見到8-9種菜係入面，汁又夠thick，一d都唔寡<<宇治抹茶千層班戟>>好多層班戟疊起黎，加上宇治既抹茶做base，好似食緊升級版既綠茶蛋糕，但每一層口感都唔同<<香芒牛油果豆苗手捲>>我叫呢個既原因係…之前幾個dish我都唔覺得自己食左素食，叫番個睇落係有菜既滿足番先d

同朋友食飯每餐都係大魚大肉，今次自己一個人食返啲清淡既嘢食先😂雖然話係素食，其實都可以好豐富，加上如果係素肉，外形上都會跟返真肉，都好似架，真係要食落先知有唔同。我都比較鍾意餐廳會有時段套餐，因為有時有單點，反而唔知揀咩好，同埋套餐會價錢平啲😂今次食好豪少少，加埋前菜同特飲。前菜有兩款揀，我就揀左燉湯同滷水拼盤。個人覺得燉湯都幾好飲，都好足料，起碼肉眼都見到有新鮮椰子肉，雪耳，紅蘿蔔，南北杏，清清地唔油膩😆飲完都覺得自己好養生😂滷水拼盤，最鍾意係花生，因為真係好入味，好啱送飯。重點係就係呢個素鰻魚，唔講唔知原來係用淮山整，試落煙韌，有口感。外表都似鰻魚架，一啲都唔求其。同埋都幾有心絲，連玉子都整成心形，好靚😍今次升級左嘢飲，叫左紫貝天葵荔枝角梳打，味道感覺似平時食開荔枝啫喱，唔知點解一飲就諗起呢個😂

素食一直比我感覺好健康 但味道好淡冇咩好食 見荃灣新開呢間黄店就膽粗粗去試下 點知又覺得幾fresh同埋個menu比坊間嘅素食店有更多選擇😈.👉🏻茶樹菇竹笙蓮子紅棗湯個湯好足料 有好多竹笙 紅棗 冇落味精 飲完一啲都唔口渴😚.👉🏻意大利飯飯粒好濕潤 餸仲多過飯 相入面有個外形好似雞脾 但其實係香脆腐皮卷～有各式各樣嘅菇、菜同粒粒配料.👉🏻椰汁紫薯千層糕千層糕層次分明 紫薯味天然 椰汁加紫薯甜度係啱啱好😉————————————天‧悠蔬食荃灣楊屋道18號荃新天地2期地下G08-11號舖

-#小肥荃灣遊小肥最近俾人話漲左🥺🥺🥺🥺🙉🙇🏻‍♂️(雖然一向都漲漲地😂😂🙉)俾人話到驚驚地一於Fresh下食個健康素Lunch啦🥗😋先有奶香口感一流既甘荀薯仔椰菜花薑湯開開胃😋🥔🥦焗香既法包啖啖Crispy乃小肥至愛之餘🤤🥖貌似普通既鰻魚飯實質上內有乾坤😈🐟口感滑嫩Juicy甚為獨特既素鰻魚🐟一開始望真係同真蒲燒鰻魚好相似😂🐟以微微甜香既真玉子蛋同淮山蓉拌食😋再配合更為Q彈既日本珍珠米更帶出豐富口感與味覺😋多元化既素食都可以健康又好味😋🥗小肥素食之推薦🥗😋🙇🏻‍♂️🐷

知道荃新天地新開有間素食餐廳，要努力減肥健康的我當然要去試下。Dinner set大約$150左右，環境優美。.⭐️菠菜濃湯桃膠忌廉濃湯 配柚香紅菜頭蘋果拌合桃一看就知好健康，菠菜色濃濃，飲落creamy，沒有蔬菜的苦味桃膠一大塊，重手筆！這個湯還有紅菜頭蘋果沙律，爽脆清甜。.⭐️鮮榨蘋果雪梨汁有蘋果的渣浮在面，一看就知道是鮮榨。健康！不會太甜，有清香的蘋果及雪梨味。.⭐️黃金榆耳准山意大利飯 碗香脆腐皮卷Crossover 中式西式用料健康有南瓜蓉及准山，味道自然新鮮以西式方法調制，用上意大利飯加強口感要讚的是，飯keep到好熱上，冬天食正！腐皮卷無論形狀及口感都很似雞髀，一流的肉代替品.⭐️宇治抹茶千層班㦸非常香濃抹茶味，甘香清甜Creamy 得來又不會很油膩呢.素食不再只有傳統的選擇，悠蔬食就是嶄新迎合到年輕人的口味。