天 · 悠蔬食 (已結業)

呢日來到一齋舖，同以前去過的好不同。以前去嘅都係舊式裝修居多，今次呢間就好光猛，似新式清新cafe居多，又位於荃灣大型商場裡邊，因此吸引了好多附近返工的靚仔靚女們來幫襯。我揀咗Light lunch set 的擔擔麵餐，朋友就揀咗Lunch set 的 芋頭栗子什菌燜豆腐煲配珍珠糙米飯，两個餐都有前菜跟，咁就揀咗涼伴杞子百合黑木耳和照燒杏鮑菇。午餐有湯跟，揀咗印度椰子腰果雪耳湯。擔擔麵口感同平時吃嘅没咩分别，同樣哋好吃，口感好，個樣也似，啲『肉碎』係雪菜來㗎。嗰煲味道極佳，完全改變了我對素菜嘅睇法，色，香，味俱全，栗子也很多。素湯也好飲，除咗椰子，腰果，雪耳外，仲有紅蘿卜，栗米同好多唔多的豆類，足够多料令到個湯口感丰富，真心唔錯。甜品係鲜磨香滑腰果露和班蘭椰汁干層糕，亦係good good。紅石榴蘋果汁，功效保護心血管，減脂肪積聚和降血壓。韓風蘆薈柚子蜜，真係吃到蘆薈令我覺驚喜，好满足的一餐。